23 சீதக்கடலுள் அமுதன்ன தேவகி *

கோதைக்குழலாள் அசோதைக்குப்போத்தந்த *

பேதைக்குழவி பிடித்துச்சுவைத்துண்ணும் *

பாதக்கமலங்கள் காணீரே பவளவாயீர்! வந்துகாணீரே. (2)

84 அடைந்திட்டுஅமரர்கள் ஆழ்கடல்தன்னை *

மிடைந்திட்டு மந்தரம்மத்தாகநாட்டி *

வடம்சுற்றிவாசுகி வன்கயிறாக *

கடைந்திட்டகைகளால்சப்பாணி கார்முகில்வண்ணனே! சப்பாணி.

250 பன்றியும்ஆமையும்மீனமுமாகிய பாற்கடல்வண்ணா! * உன்மேல்

கன்றினுருவாகிமேய்புலத்தேவந்த கள்ளஅசுரர்தம்மை *

சென்றுபிடித்துச்சிறுக்கைகளாலே விளங்காயெறிந்தாய்போலும் *

என்றும்என்பிள்ளைக்குத்தீமைகள்செய்வார்கள் அங்கனமாவர்களே.

427 பையரவினணைப் பாற்கடலுள்

பள்ளிகொள்கின்றபரமமூர்த்தி! *

உய்யஉலகுபடைக்கவேண்டி

உந்தியில்தோற்றினாய்நான்முகனை *

வையமனிசரைப்பொய்யென்றெண்ணிக்

காலனையும்உடனேபடைத்தாய் *

ஐய! இனிஎன்னைக்காக்கவேண்டும்

அரங்கத்தரவணைப்பள்ளியானே.

441 நம்பனே! நவின்றேத்தவல்லார்கள்

நாதனே! நரசிங்கமதானாய்! *

உம்பர்கோனுலகேழும்அளந்தாய்

ஊழியாயினாய்! ஆழிமுன்னேந்தி *

கம்பமாகரிகோள்விடுத்தானே.

காரணா! கடலைக்கடைந்தானே! *

எம்பிரான். என்னையாளுடைத்தேனே!

ஏழையேனிடரைக்களையாயே.

452 அரவத்தமளியினோடும் அழகியபாற்கடலோடும் *

அரவிந்தப்பாவையும்தானும் அகம்படிவந்துபுகுந்து *

பரவைத்திரைபலமோதப் பள்ளிகொள்கின்றபிரானை *

பரவுகின்றான்விட்டுசித்தன் பட்டினம்காவற்பொருட்டே. (2)

475 வையத்துவாழ்வீர்காள்! நாமும்நம்பாவைக்கு *

செய்யும்கிரிசைகள் கேளீரோ * பாற்கடலுள்

பையத்துயின்ற பரமனடிபாடி *

நெய்யுண்ணோம்பாலுண்ணோம் நாட்காலேநீராடி *

மையிட்டெழுதோம் மலரிட்டுநாம்முடியோம் *

செய்யாதனசெய்யோம் தீக்குறளைசென்றோதோம் *

ஐயமும்பிச்சையும் ஆந்தனையும்கைகாட்டி *

உய்யுமாறெண்ணி உகந்தேலோரெம்பாவாய்.

516 குண்டுநீருறைகோளரீ! மதயானைகோள்விடுத்தாய்! * உன்னைக்

கண்டுமாலுறுவோங்களைக் கடைக்கண்களாலிட்டுவாதியேல் *

வண்டல்நுண்மணல்தெள்ளி யாம்வளைக்கைகளால்சிரமப்பட்டோம் *

தெண்டிரைக்கடற்பள்ளியாய்! எங்கள்சிற்றில்வந்துசிதையேலே.

551 பொங்கியபாற்கடல்பள்ளிகொள்வானைப்

புணர்வதோராசயினால் * என்

கொங்கைகிளர்ந்துகுமைத்துக்குதுகலித்

தாவியையாகுலஞ்செய்யும் *

அங்குயிலே! உனக்கென்னமறைந்துறைவு ?

ஆழியும்சங்குமொண்தண்டும் *

தங்கியகையவனைவரக்கூவில் நீ

சாலத்தருமம்பெறுதி.

583 ## சங்கமாகடல்கடைந்தான் தண்முகில்காள்! * வேங்கடத்துச்

செங்கண்மால்சேவடிக்கீழ் அடிவீழ்ச்சிவிண்ணப்பம் *

கொங்கைமேல்குங்குமத்தின் குழம்பழியப்புகுந்து * ஒருநாள்

தங்குமேல் என்னாவிதங்குமென்றுஉரையீரே. (2)

587 சிந்துரச்செம்பொடிப்போல் திருமாலிருஞ்சோலையெங்கும் *

இந்திரகோபங்களே எழுந்தும்பரந்திட்டனவால் *

மந்தரம்நாட்டியன்று மதுரக்கொழுஞ்சாறுகொண்ட

சுந்தரத்தோளுடையான் சுழலையில்நின்றுய்துங்கொலோ? (2)

605 கடலே! கடலே! உன்னைக்கடைந்துகலக்குறுத்து *

உடலுள்புகுந்து நின்றூறலறுத்தவற்கு * என்னையும்

உடலுள் புகுந்துநின்றூறலறுக்கின்றமாயற்கு * என்

நடலைகளெல்லாம் நாகணைக்கேசென்றுரைத்தியே.

665 மாலையுற்றகடல்கிடந்தவன் வண்டுகிண்டுநறுந்துழாய் *

மாலையுற்றவரைப்பெருந்திருமார்வனை மலர்க்கண்ணனை *

மாலையுற்றெழுந்தாடிப்பாடித் திரிந்தரங்கனெம்மானுக்கே *

மாலையுற்றிடும்தொண்டர்வாழ்வுக்கு மாலையுற்றதென்நெஞ்சமே.

680 ஒண்பவளவேலையுலவு தண்பாற்கடலுள் *

கண்துயிலும்மாயோன் கழலிணைகள்காண்பதற்கு *

பண்பகரும்வண்டினங்கள் பண்பாடும்வேங்கடத்து *

செண்பகமாய்நிற்கும் திருவுடையேனாவேனே.

726 மலையதனாலணைகட்டி மதிளிலங்கையழித்தவனே! *

அலைகடலைக்கடைந்து அமரர்க்கமுதருளிச்செய்தவனே! *

கலைவலவர்தாம்வாழும் கணபுரத்தென்கருமணியே! *

சிலைவலவா! சேவகனே! சீராம! தாலேலோ. (2)

768 ஏகமூர்த்திமூன்றுமூர்த்திநாலுமூர்த்தி நன்மைசேர் *

போகமூர்த்திபுண்ணியத்தின்மூர்த்தி எண்ணில்மூர்த்தியாய் *

நாகமூர்த்திசயனமாய் நலங்கடல்கிடந்து * மேல்

ஆகமூர்த்தியாயவண்ணம் என்கொல்? ஆதிதேவனே!

769 விடத்தவாயொராயிரம் இராயிரம்கண்வெந்தழல் *

விடத்துவீழ்விலாதபோகம் மிக்கசோதிதொக்கசீர் *

தொடுத்துமேல்விதானமாய பௌவநீரராவணை *

படுத்தபாயல்பள்ளிகொள்வது என்கொல்? வேலைவண்ணானே.

774 வானிறத்தொர் சீயமாய் வளைந்தவாளெயிற்றவன் *

ஊன்நிறத்துகிர்த்தலம் அழுத்தினாய்! உலாயசீர் *

நால்நிறத்தவேதநாவர் நல்லயோகினால்வணங்கு *

பால்நிறக்கடல்கிடந்த பற்பநாபனல்லையே?

779 படைத்தபாரிடந்தளந்து அதுண்டுமிழ்ந்து பௌவநீர் *

படைத்தடைத்ததிற்கிடந்து முன்கடைந்தபெற்றியோய்! *

மிடைத்தமாலிமாலிமான் விலங்குகாலனூர்புக *

படைக்கலம்விடுத்த பல்படைத்தடக்கைமாயனே!

780 பரத்திலும்பரத்தையாதி பௌவநீரணைக்கிடந்து *

உரத்திலும்மொருத்திதன்னை வைத்துகந்து அதன்றியும் *

நரத்திலும்பிறத்திநாத ஞானமூர்த்தியாயினாய்! *

ஒருத்தரும்நினாதுதன்மை இன்னதென்னவல்லரே.

790 வெற்பெடுத்துவேலைநீர் கலக்கினாய், அதன்றியும் *

வெற்பெடுத்துவேலைநீர் வரம்புகட்டி வேலைசூழ் *

வெற்பெடுத்தஇஞ்சிசூழ் இலங்கைகட்டழித்தநீ *

வெற்பெடுத்துமாரிகாத்த மேகவண்ணனல்லையே?

796 மண்ணுளாய்கொல் விண்ணுளாய்கொல் மண்ணுளேமயங்கிநின்று *

எண்ணுமெண்ணகப்படாய்கொல் என்னமாயை * நின்தமர்

கண்ணுளாய்கொல் சேயைகொல் * அனந்தன்மேல்கிடந்தஎம்

புண்ணியா * புனந்துழாயலங்கலம்புனிதனே!

832 கடைந்துபாற்கடல்கிடந்து காலநேமியைக்கடிந்து *

உடைந்தவாலிதன்தனக்கு உதவவந்திராமனாய் *

மிடைந்தவேழ்மரங்களும் அடங்கவெய்து * வேங்கடம்

அடைந்தமாலபாதமே அடைந்துநாளுமுய்ம்மினோ.

839 வெள்ளைவேலைவெற்புநாட்டி வெள்ளெயிற்றராவளாய் *

அள்ளலாக்கடைந்தவன்று அருவரைக்கொராமையாய் *

உள்ளநோய்கள்தீர்மருந்து வானவர்க்களித்த * எம்

வள்ளலாரையன்றி மற்றொர் தெய்வம்நான்மதிப்பனே?

843 விடைக்குலங்களேழடர்த்துவென்றிவேற்கண்மாதரார் *

கடிக்கலந்ததோள்புணர்ந்த காலிஆய! வேலைநீர் *

படைத்தடைத்ததிற்கிடந்து முன்கடைந்து, நின்றனக்கு *

அடைக்கலம்புகுந்தவென்னையஞ்சலென்னவேண்டுமே. (2)

889 இனிதிரைத்திவலைமோத எறியும் தண்பரவைமீதே *

தனிகிடந்தரசுசெய்யும் தாமரைக்கண்ணனெம்மான் *

கனியிருந்தனையசெவ்வாய்க் கண்ணணைக்கண்டகண்கள் *

பனியரும்புதிருமாலோ! என்செய்கேன்பாவியேனே?

962 கரைசெய்மாக்கடல் கிடந்தவன் *

கனைகழல் அமரர்கள் தொழுதேத்த *

அரைசெய்மேகலை அலர்மகளவளொடும் *

அமர்ந்த நலிமயத்து **

வரைசெய்மாக்களிறு இளவெதிர் வளர்முளை*

அளைமிகுதேன் தோய்த்து *

பிரசவாரிதன்னிளம்பிடிக்கு அருள்செயும்*

பிரிதிசென்றடைநெஞ்சே!

973 எய்த்தசொல்லோடுஈளையேங்கி *

இருமியிளைத்து *

உடலம் பித்தர்போலச்சித்தம்வேறாய்ப் *

பேசியயராமுன் **

அத்தன்எந்தைஆதிமூர்த்தி *

ஆழ்கடலைக்கடைந்த *

மைத்தசோதியெம்பெருமான் *

வதரிவணங்குதுமே

984 வெந்திறல்களிறும்வேலைவாயமுதும்

விண்ணொடுவிண்ணவர்க்கரசும் *

இந்திரற்கருளியெமக்குமீந்தருளும்

எந்தைஎம்மடிகள்எம்பெருமான் *

அந்தரத்தமரரடியிணைவணங்க

ஆயிரமுகத்தினாலருளி *

மந்தரத்திழிந்தகங்கையின்கரைமேல்

வதரியாச்சிராமத்துள்ளானே.

1000 சூதினைப்பெருக்கிக்களவினைத்துணிந்து

சுரிகுழல்மடந்தையர்த்திறத்து *

காதலேமிகுத்துக்கண்டவாதிரிந்த

தொண்டனேன், நமன்தமர்செய்யும் *

வேதனைக்குஒடுங்கிநடுங்கினேன்

வேலைவெண்திரையலமரக்கடைந்த *

நாதனே! வந்துஉன்திருவடியடைந்தேன்

நைமிசாரணியத்துள்எந்தாய்!

1003 கோடியமனத்தால்சினத்தொழில்புரிந்து

திரிந்துநாயினத்தொடுந்திளைத்திட்டு *

ஓடியும்உழன்றும்உயிர்களேகொன்றேன்

உணர்விலேனாதலால் * நமனார்

பாடியைப்பெரிதும்பரிசழித்திட்டேன்

பரமனே! பாற்கடல்கிடந்தாய்! *

நாடிநான்வந்துஉன்திருவடியடைந்தேன்

நைமிசாரணியத்துள்எந்தாய்!

1006 ஊனிடைச்சுவர்வைத்துஎன்புதூண்நாட்டி

உரோமம்வேய்ந்துஒன்பதுவாசல் *

தானுடைக்குரம்பைப்பிரியும்போது உன்தன்

சரணமேசரணமென்றிருந்தேன் *

தேனுடைக்கமலத்திருவினுக்கரசே!

திரைகொள்மாநெடுங்கடல்கிடந்தாய்! *

நானுடைத்தவத்தால்திருவடியடைந்தேன்

நைமிசாரணியத்துள்எந்தாய்!

1019 பள்ளியாவதுபாற்கடலரங்கம் இரங்கவன்பேய்முலை *

பிள்ளையாய்உயிருண்டஎந்தை பிரானவன்பெருகுமிடம் *

வெள்ளியான்கரியான் மணிநிறவண்ணனென்றெண்ணி * நாள்தொறும்

தெள்ளியார்வணங்கும்மலைத் திருவேங்கடம் அடைநெஞ்சமே! (2)

1070 வஞ்சனைசெய்யத் தாயுருவாகி

வந்தபேய்அலறிமண்சேர *

நஞ்சமர்முலையூடு உயிர்செகவுண்ட

நாதனைத் தானவர்கூற்றை *

விஞ்சைவானவர் சாரணர்சித்தர்

வியந்துதுதிசெய்யப்பெண்ணுருவாகி *

அஞ்சுவையமுதம்அன்று அளித்தானைத்

திருவல்லிக்கேணிக்கண்டேனே.

1088 பாராயதுண்டுமிழ்ந்தபவளத்தூணைப்

பாடுகடலிலமுதத்தைப்பரிவாய்கீண்ட

சீரானை * எம்மானைத்தொண்டர்தங்கள்

சிந்தையுள்ளே முளைத்தெழுந்ததீங்கரும்பினை *

போரானைக்கொம்பொசித்த போரேற்றினைப்

புணர்மருதமிறநடந்தபொற்குன்றினை *

காரானையிடர்கடிந்தகற்பகத்தைக்

கண்டதுநான்கடல்மல்லைத் தலசயனத்தே. (2)

1095 பெண்ணாகிஇன்னமுதம் வஞ்சித்தானைப்

பிறையெயிற்றன்றடலரியாய்ப்பெருகினானை *

தண்ணார்ந்தவார்புனல்சூழ் மெய்யமென்னும்

தடவரைமேல்கிடந்தானை, பணங்கள்மேவி *

என்ணானைஎண்ணிறந்தபுகழினானை

இலங்கொளிசேர்அரவிந்தம்போன்றுநீண்ட

கண்ணானை * கண்ணாரக்கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1098 நண்ணாத வாளவுணரிடைப்புக்கு * வானவரைப்

பெண்ணாகிய அமுதூட்டும்பெருமானார் * மருவினிய

தண்ணார்ந்த கடல்மல்லைத் தலசயனத்துஉறைவாரை *

எண்ணாதேயிருப்பாரை இறைப்பொழுதும் எண்ணோமே. (2)

1108 திவளும்வெண்மதிபோல் திருமுகத்தரிவை

செழுங்கடலமுதினிற்பிறந்த

அவளும் * நின்னாகத் திருப்பதும்அறிந்தும்

ஆகிலும்ஆசைவிடாளால் *

குவளையங்கண்ணிகொல்லியம்பாவை

சொல்லுநின்தாள்நயந்திருந்த

இவளை * உன்மனத்தால்என்நினைந்திருந்தாய்?

இடவெந்தைஎந்தைபிரானே! (2)

1130 உரந்தருமெல்லணைப்பள்ளிகொண்டான்

ஒருகால்முன்னம்மாவுருவாய்க்கடலுள் *

வரந்தரும்மாமணிவண்ணனிடம்

மணிமாடங்கள்சூழ்ந்துஅழகாயகச்சி *

நிரந்தவர்மண்ணையில்புண்ணுகர்வேல்

நெடுவாயிலுகச்செருவில்முனநாள் *

பரந்தவன்பல்லவர்கோன்பணிந்த

பரமேச்சுரவிண்ணகரமதுவே. (2)

1164 மௌவல்குழலாய்ச்சிமென்தோள்நயந்து

மகரம்சுழலச்சுழல்நீர்பயந்த *

தெய்வத்திருமாமலர்மங்கைதங்கு

திருமார்பனைச்சிந்தையுள்வைத்துமென்பீர்! *

கௌவைக்களிற்றின்மருப்பும் பொருப்பில்

கமழ்சந்தும்உந்திநிவாவலங்கொள் *

தெய்வப்புனல்சூழ்ந்து அழகாய தில்லைத்

திருச்சித்ரகூடம்சென்றுசேர்மின்களே.

1228 சலங்கொண்டஇரணியனது அகல்மார்வம் கீண்டு

தடங்கடலைக்கடைந்த அமுதம்கொண்டுகந்தகாளை *

நலங்கொண்டகருமுகில்போல் திருமேனி அம்மான்

நாள்தோறும்மகிழ்ந்து இனிதுமருவியுறை கோயில் *

சலங்கொண்டுமலர்சொரியும் மல்லிகைஒண்செருந்தி

சண்பகங்கள்மணநாறும் வண்பொழிலினூடே *

வலங்கொண்டு கயலோடிவிளையாடு நாங்கூர்

வைகுந்தவிண்ணகரம் வணங்குமடநெஞ்சே! (2)

1239 வென்றிமிகுநரகனுரமது அழியவிசிறும்

விறலாழித்தடக்கையன், விண்ணவர்கட்கு * அன்று

குன்றுகொடுகுரைகடலைக்கடைந்துஅமுதமளிக்கும்

குருமணிஎன்னாரமுதம்குலவியுறைகோயில் *

என்றுமிகுபெருஞ்செல்வத்து எழில்விளங்கு மறையோர்

ஏழிசையும்கேள்விகளும்இயன்றபெருங் குணத்தோர் *

அன்றுஉலகம்படைத்தவனையனையவர்கள்நாங்கூர்

அரிமேயவிண்ணகரம்வணங்குமடநெஞ்சே!

1339 ஆநிரைமேய்த்துஅன்றுஅலைகடலடைத்திட்டு

அரக்கர்தம்சிரங்களையுருட்டி *

கார்நிறைமேகம்கலந்ததோருருவக்

கண்ணனார்கருதியகோயில் *

பூநிரைச்செருந்திபுன்னைமுத்தரும்பிப்

பொதும்பிடைவரிவண்டுமிண்டி *

தேனிரைத்துண்டுஅங்குஇன்னிசைமுரலும்

திருவெள்ளியங்குடியதுவே.

1341 கறவைமுன்காத்துக்கஞ்சனைக்காய்ந்த

காளமேகத்திருவுருவன் *

பறவைமுன்னுயர்த்துப்பாற்கடல்துயின்ற

பரமனார்பள்ளிகொள்கோயில் *

துறைதுறைதோறும்பொன்மணிசிதறும்

தொகுதிரைமண்ணியின்தென்பால் *

செறிமணிமாடக்கொடிகதிரணவும்

திருவெள்ளியங்குடியதுவே.

1347 பண்டுமுன்ஏனமாகி அன்றுஒருகால் *

பாரிடந்துஎயிற்றினில்கொண்டு *

தெண்திரைவருடப்பாற்கடல்துயின்ற

திருவெள்ளியங்குடியானை *

வண்டறைசோலைமங்கையர்தலைவன்

மானவேல்கலியன்வாயொலிகள் *

கொண்டிவைபாடும் தவமுடையார்கள்

ஆள்வர்இக்குரைகடலுலகே. (2)

1373 பொங்குநீள்முடிஅமரர்கள்தொழுதெழ அமுதினைக் கொடுத்தளிப்பான் *

அங்குஓராமையதாகிய ஆதி! நின்னடிமையை அருள் எனக்கு *

தங்குபேடையோடூடியமதுகரம் தையலார்குழலணைவான் *

திங்கள்தோய்சென்னிமாடம்சென்றணை திருவெள்ளறை நின்றானே!

1388 வெருவாதாள் வாய்வெருவி

வேங்கடமே! வேங்கடமே! எங்கின்றாளால் *

மருவாளால்என்குடங்கால் வாள்நெடுங்கண்

துயில்மறந்தாள் * வண்டார்கொண்ட

லுருவாளன்வானவர்தமுயிராளன்

ஒலிதிரைநீர்ப்பௌவளம்கொண்ட

திருவாளன் * என்மகளைச் செய்தனகள்

எங்ஙனம்நான்சிந்திக்கேனே? (2)

1398 கைம்மானமழகளிற்றைக் கடல்கிடந்தகருமணியை *

மைம்மானமரதகத்தை மறையுரைத்ததிருமாலை *

எம்மானைஎனக்குஎன்றும்இனியானைப் பனிகாத்த

அம்மானை * யான்கண்டது அணிநீர்த்தென்னரங்கத்தே. (2)

1411 மாயிருங்குன்றமொன்றுமத்தாக

மாசுணமதனொடும்அளவி *

பாயிரும்பௌவம்பகடுவிண்டலறப்

படுதிரைவிசும்பிடைப்படர *

சேயிருவிசும்பும்திங்களும்சுடரும்

தேவரும்தாமுடன்திசைப்ப *

ஆயிரந்தோளால்அலைகடல்கடைந்தான்

அரங்கமாநகரமர்ந்தானே.

1449 அண்ணல்செய்துஅலைகடல்கடைந்து அதனுள்

கண்ணுதல்நஞ்சுண்ணக்கண்டவனே! *

விண்ணவரமுதுண அமுதில்வரும்

பெண்ணமுதுண்டஎம்பெருமானே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1488 கலங்கமுந்நீர்கடைந்து அமுதங்கொண்டு * இமையோர்

துலங்கல்தீரநல்கு சோதிச்சுடராய *

வலங்கையாழிஇடங்கைச்சங்கம் உடையானூர் *

நலங்கொள்வாய்மை அந்தணர்வாழும்நறையூரே. (2)

1510 தெள்ளார்கடல்வாய் விடவாயசினவாளரவில்துயிலமர்ந்து *

துள்ளாவருமான்விழ வாளிதுரந்தான், இரந்தான்மாவலிமண் *

புள்ளார்புறவில்பூங்காவி புலங்கொள்மாதர்கண்காட்ட *

நள்ளார்கமலம்முகங்காட்டும் நறையூர்நின்றநம்பியே.

1519 முந்நீரைமுன்னாள்கடைந்தானை * மூழ்த்தநாள்

அந்நீரைமீனாய் அமைத்தபெருமானை *

தென்னாலிமேய திருமாலைஎம்மானை *

நன்னீர்வயல்சூழ் நறையூரில்கண்டேனே.

1540 பூணாதனலும்தறுகண்வேழம்மறுக * வளைமருப்பை

பேணான்வாங்கி அமுதம்கொண்டபெருமான்திருமார்வன் *

பாணாவண்டுமுரலும்கூந்தல் ஆய்ச்சிதயிர்வெண்ணெய் *

நாணாதுஉண்டான்நாமம்சொல்லில் நமோநாராயணமே.

1573 எட்டனைப்பொழுதாகிலும் என்றும்

என்மனத்தகலாதிருக்கும்புகழ் *

தட்டலர்த்தபொன்னேயலர்கோங்கின்

தாழ்பொழில்திருமாலிருஞ்சோலையங்

கட்டியை * கரும்பீன்றஇன்சாற்றைக்

காதலால்மறைநான்குமுன்னோதிய

பட்டனை * பரவைத்துயிலேற்றை என்

பண்பனையன்றிப்பாடல்செய்யேனே.

1618 செங்கமலத்திருமகளும்புவியும்

செம்பொன்திருவடியினிணைவருடமுனிவரேத்த *

வங்கமலிதடங்கடலுள் அநந்தனென்னும்

வரியரவினணைத்துயின்றமாயோன்காண்மின் *

எங்குமலிநிறைபுகழ்நால்வேதம் ஐந்து

வேள்விகளும்கேள்விகளும்இயன்றதன்மை

அங்கமலத்தயனனையார்பயிலும்செல்வத்து

அணியழுந்தூர் நின்றுகந்தஅமரர்கோவே. (2)

1636 கருமாமுகிலுருவா! கனலுருவா! புனலுருவா! *

பெருமால்வரையுருவா! பிறவுருவா! நினதுருவா! *

திருமாமகள்மருவும் சிறுபுலியூர்ச்சலசயனத்து *

அருமாகடலமுதே! உனதுஅடியேசரணாமே. (2)

1719 மலங்குவிலங்குநெடுவெள்ளம்மறுக அங்கோர்வரைநட்டு *

இலங்குசோதியாரமுதம் எய்துமளவோர்ஆமையாய் *

விலங்கல்திரியத்தடங்கடலுள் சுமந்துகிடந்தவித்தகனை *

கலங்கல்முந்நீர்க்கண்ணபுரத்து அடியேன்கண்டுகொண்டேனே.

1744 வெள்ளைநீர்வெள்ளத்து அணைந்தஅரவணைமேல் *

துள்ளுநீர்மெள்ளத் துயின்றபெருமானே! *

வள்ளலே! உன்தமர்க்குஎன்றும்நமன்தமர்

கள்ளர்போல் * கண்ணபுரத்துறையம்மானே!

1816 வெள்ளியார்பிண்டியார் போதியாரென்றிவர்ஓதுகின்ற *

கள்ளநூல்தன்னையும் கருமமன்றென்றுயக்கருதினாயேல் *

தெள்ளியார்கைதொழும்தேவனார் மாமுநீர்அமுதுதந்த *

வள்ளலார்வல்லவாழ் சொல்லுமாவல்லையாய்மருவுநெஞ்சே!

1828 மூவரில்முன்முதல்வன் முழங்கார்கடலுள்கிடந்து *

பூவுலருந்திதன்னுள் புவனம்படைத்துண்டுமிழ்ந்த *

தேவர்கள்நாயகனைத் திருமாலிருஞ்சோலைநின்ற *

கோவலர்கோவிந்தனைக் கொடியேரிடைகூடுங்கொலோ? (2)

1899 குன்றொன்றுமத்தாஅரவமளவிக்

குரைமாகடலைக்கடைந்திட்டு * ஒருகால்

நின்றுஉண்டைகொண்டோட்டிவன்கூன்நிமிர

நினைத்தபெருமான், அதுவன்றியும்முன் *

நன்றுண்டதொல்சீர்மகரக்கடலேழ்

மலையேழ்உலகேழ்ஒழியாமைநம்பி *

அன்றுண்டவன்காண்மின்இன்றுஆய்ச்சியரால்

அளைவெண்ணெயுண்டுஆப்புண்டிருந்தவனே.

1940 நீரழல்வானாய்நெடுநிலம்காலாய்

நின்றநின்நீர்மையை நினைந்தோ? *

சீர்க்கெழுகோதைஎன்னதிலளென்று

அன்னதோர்தேற்றன்மைதானோ? *

பார்கெழுபவ்வத்தாரமுதனைய

பாவையைப்பாவம்செய்தேனுக்கு *

ஆரழலோம்பும்அந்தணன்தோட்டமாக

நின்மனத்துவைத்தாயே.

1983 செருமிகுவாளெயிற்றஅரவொன்றுசுற்றித்

திசைமண்ணும்விண்ணும்உடனே *

வெருவரவெள்ளைவெள்ளம்முழுதும்குழம்ப

இமையோர்கள்நின்றுகடைய *

பருவரையொன்றுநின்றுமுதுகில்பரந்து

சுழலக்கிடந்துதுயிலும் *

அருவரையன்னதன்மையடலாமையான

திருமால்நமக்குஓரரணே.

2012 நீள்நாகம்சுற்றி நெடுவரைநட்டு * ஆழ்கடலைப்

பேணான்கடைந்து அமுதம்கொண்டுஉகந்தபெம்மானை *

பூணாரமார்வனைப் புள்ளூரும்பொன்மலையை *

காணாதார்கண்என்றும் கண்ணல்லகண்டாமே. (2)

2034 பாயிரும்பரவைதன்னுள் பருவரைதிரித்து * வானோர்க்

காயிருந்துஅமுதம்கொண்ட அப்பனைஎம்பிரானை *

வேயிருஞ்சோலைசூழ்ந்து விரிகதிரிரியநின்ற *

மாயிருஞ்சோலைமேய மைந்தனைவணங்கினேனே.

2047 மாயமான்மாயச்செற்று மருதிறநடந்து * வையம்

தாயமாபரவைபொங்கத் தடவரைதிரித்து * வானோர்க்கு

ஈயுமால்எம்பிரானார்க்கு என்னுடைச்சொற்களென்னும் *

தூயமாமாலைகொண்டு சூட்டுவன்தொண்டனேனே.

2054 திருவடிவில்கருநெடுமால்சேயனென்றும்

திரேதைக்கண்வளையுருவாய்த்திகழ்ந்தானென்றும் *

பெருவடிவில்கடலமுதம்கொண்டகாலம்

பெருமானைக்கருநீலவண்ணன்தன்னை *

ஒருவடிவத்தோருருவென்றுஉணரலாகாது

ஊழிதோறூழிநின்றேத்தலல்லால் *

கருவடிவிற் செங்கண்ணவண்ணன்தன்னைக்

கட்டுரையேயாரொருவர் காண்கிற்பாரே?

2060 வங்கத்தால்மாமணிவந்துந்துமுந்நீர்

மல்லையாய்! மதிள்கச்சியூராய்! பேராய்! *

கொங்கத்தார்வளங்கொன்றையலங்கல்மார்வன்

குலவரையன்மடப்பாவைஇடப்பால்கொண்டான்

பங்கத்தாய்! * பாற்கடலாய்! பாரின்மேலாய்!

பனிவரையினுச்சியாய்! பவளவண்ணா! *

எங்குற்றாய்? எம்பெருமான்! உன்னைநாடி

ஏழையேன்இங்ஙனமேஉழிதருகேனே.

2066 கல்லுயர்ந்தநெடுமதிள்சூழ்கச்சிமேய

களிறு! என்றும் கடல்கிடந்தகனியே! என்றும் *

அல்லியம்பூமலர்ப்பொய்கைப்பழனவேலி

அணியழுந்தூர்நின்றுகந்தஅம்மான்! என்றும் *

சொல்லுயர்ந்தநெடுவீணைமுலைமேல்தாங்கித்

தூமுறுவல்நகைஇறையேதோன்றநக்கு *

மெல்விரல்கள்சிவப்பெய்தத்தடவிஆங்கே

மென்கிளிபோல்மிகமிழற்றும்என்பேதையே. (2)

2080 அன்றாயர்குலமகளுக்கரையன்தன்னை

அலைகடலைக்கடைந்தடைத்தஅம்மான்தன்னை *

குன்றாதவலியரக்கர்கோனைமாளக்

கொடுஞ்சிலைவாய்ச்சரந்துரந்துகுலங்களைந்து

வென்றானை * குன்றெடுத்ததோளினானை

விரிதிரைநீர்விண்ணகரம்மருவிநாளும்

நின்றானை * தண்குடந்தைக்கிடந்தமாலை

நெடியானை அடிநாயேன்நினைந்திட்டேனே. (2)

2083 என்றுகடல்கடைந்தது? எவ்வுலகம்நீரேற்றது? *

ஒன்றுமதனையுணரேன்நான் * - அன்றுஅது

அடைத்துடைத்துக் கண்படுத்தவாழி * இதுநீ

படைத்திடந்துஉண்டுமிழ்ந்தபார்.

2085 நெறிவாசல் தானேயாய்நின்றானை * ஐந்து

பொறிவாசல்போர்க்கதவம் சார்த்தி * - அறிவானாம்

ஆலமரநீழல் அறம்நால்வர்க்கன்றுரைத்த *

ஆலமமர்கண்டத்தரன்.

2086 அரன்நாரணன்நாமம் ஆன்விடைபுள்ளூர்தி *

உரைநூல்மறையுறையும்கோயில் * -வரைநீர்

கருமம்அழிப்பளிப்புக் கையதுவேல்நேமி *

உருவமெரிகார்மேனிஒன்று.

2106 உரைமேற்கொண்டு என்னுள்ளமோவாது * எப்போதும்

வரைமேல் மரதகமேபோல * - திரைமேல்

கிடந்தானைக் கீண்டானை * கேழலாய்ப்பூமி

யிடந்தானை யேத்தியெழும்.

2123 திருமகளும்மண்மகளும் ஆய்மகளும்சேர்ந்தால் *

திருமகட்கேதீர்ந்தவாறென்கொல்? * - திருமகள்மேல்

பாலோதம்சிந்தப் படநாகணைக்கிடந்த *

மாலோதவண்ணர்மனம்.

2149 உணர்வாரார்உன்பெருமை? ஊழிதோறூழி *

உணர்வாரார் உன்னுருவந்தன்னை? * உணர்வாரார்?

விண்ணகத்தாய்! மண்ணகத்தாய்! வேங்கடத்தாய்! நால்வேதப்

பண்ணகத்தாய்! நீகிடந்தபால்.

2162 ஆளமர்வென்றி அடுக்களத்துளஞ்ஞான்று *

வாளமர்வேண்டிவரைநட்டு * - நீளரவைச்

சுற்றிக்கடைந்தான் பெயரன்றே? * தொன்னரகைப்

பற்றிக்கடத்தும்படை.

2180 உளன்கண்டாய்நன்னெஞ்சே! உத்தமனென்றும்

உளன்கண்டாய் * உள்ளூவாருள்ளத்து-உளன்கண்டாய் *

வெள்ளத்தினுள்ளானும் வேங்கடத்துமேயானும் *

உள்ளத்தினுள்ளானென்றுஓர். (2)

2184 பரிசுநறுமலரால் பாற்கடலான்பாதம் *

புரிவார்புகழ்பெறுவர்போலாம் * - புரிவார்கள்

தொல்லமரர்கேள்வித் துலங்கொளிசேர்தோற்றத்து *

நல்லமரர்கோமான்நகர்.

2209 மனத்துள்ளான்வேங்கடத்தான் மாகடலான் * மற்றும்

நினைப்பரிய நீளரங்கத்துள்ளான் * - எனைப்பலரும்

தேவாதிதேவ னெனப்படுவான் * முன்னொருநாள்

மாவாய்பிளந்தமகன்.

2211 நீயன்றுலகளந்தாய் நீண்டதிருமாலே! *

நீயன்றுலகிடந்தாயென்பரால் * நீயன்று

காரோதம்முன்கடைந்து பின்னடைத்தாய்மாகடலை *

பேரோதமேனிப்பிரான்!

2232 மதிக்கண்டாய் நெஞ்சே! மணிவண்ணன்பாதம் *

மதிக்கண்டாய் மற்றவன்பேர்தன்னை * - மதிக்கண்டாய்

பேராழிநின்று பெயர்ந்துகடல்கடைந்த *

நீராழிவண்ணன்நிறம்.

2235 வெற்பென்றிருஞ்சோலை வேங்கடமென்றிவ்விரண்டும் *

நிற்பென்று நீமதிக்கும்நீர்மைபோல் * - நிற்பென்று

உளங்கோயில் உள்ளம்வைத்துள்ளினேன் * வெள்ளத்

திளங்கோயில் கைவிடேலென்று.

2249 வலிமிக்கவாளெயிற்று வாளவுணர்மாள *

வலிமிக்க வாள்வரைமத்தாக * -வலிமிக்க

வாள்நாகஞ்சுற்றி மறுகக்கடல்கடைந்தான் *

கோள்நாகங்கொம்பொசித்தகோ.

2251 தமருள்ளம்தஞ்சை தலையரங்கம்தண்கால் *

தமருள்ளும்தண்பொருப்புவேலை * - தமருள்ளும்

மாமல்லைகோவல் மதிட்குடந்தையென்பரே *

ஏவல்லவெந்தைக்கிடம்.

2266 அமுதென்றும்தேனென்றும் ஆழியானென்றும் *

அமுதன்றுகொண்டுகந்தானென்றும் * - அமுதன்ன

சொன்மாலையேத்தித் தொழுதேன்சொலப்பட்ட *

நன்மாலையேத்திநவின்று.

2277 அத்தியூரான் புள்ளையூர்வான் * அணிமணியின்

துத்திசேர் நாகத்தின்மேல்துயில்வான் * - மூத்தீ

மறையாவான் மாகடல்நஞ்சுண்டான்தனக்கும்

இறையாவான் எங்கள்பிரான்.

2283 இன்றேகழல்கண்டேன் ஏழ்பிறப்பும்யானறுத்தேன் *

பொன்தோய்வரைமார்வில்பூந்துழாய் * - அன்று

திருக்கண்டுகொண்ட திருமாலே! * உன்னை

மருக்கண்டுகொண்டென்மனம்.

2292 நன்கோதும் நால்வேதத்துள்ளான் * நறவிரியும்

பொங்கோதருவிப்புனல்வண்ணன் * - சங்கோதப்

பாற்கடலான் பாம்பணையின்மேலான் * பயின்றுரைப்பார்

நூற்கடலான் நுண்ணறிவினான்.

2308 ஆரேதுயருழந்தார்? துன்புற்றாராண்டையார் *

காரேமலிந்தகருங்கடலை * நேரே

கடைந்தானைக் காரணனை * நீரணைமேற்பள்ளி

அடைந்தானை நாளுமடைந்து.

2312 இவையவன்கோயில் இரணியனதாகம் *

அவைசெய்தரியுருவமானான் * - செவிதெரியா

நாகத்தான் நால்வேதத்துள்ளான் * நறவேற்றான்

பாகத்தான்பாற்கடலுளான்.

2313 பாற்கடலும்வேங்கடமும் பாம்பும்பனிவிசும்பும் *

நூற்கடலும்நுண்ணூலதாமரைமேல் * - பாற்பட்

டிருந்தார்மனமும் இடமாகக்கொண்டான் *

குருந்தொசித்தகோபாலகன்.

2314 பாலகனாய் ஆலிலைமேல்பைய * உலகெல்லாம்

மேலொருநாளுண்டவனே! மெய்ம்மையே * - மாலவனே!

மந்தரத்தால் மாநீர்க்கடல்கடைந்து * வானமுதம்

அந்தரத்தார்க்கீந்தாய்நீயன்று.

2327 மலைமுகடுமேல்வைத்து வாசுகியைச்சுற்றி *

தலைமுகடுதானொருகைபற்றி * அலைமுகட்டு

அண்டம்போய்நீர்தெறிப்ப அன்றுகடல்கடைந்தான் *

பிண்டமாய்நின்றபிரான்.

2342 பண்டெல்லாம்வேங்கடம் பாற்கடல்வைகுந்தம் *

கொண்டங்குறைவார்க்குக்கோயில்போல் * - வண்டு

வளங்கிளரும்நீள்சோலை வண்பூங்கடிகை *

இளங்குமரன்தன்விண்ணகர். (2)

2345 இசைந்தஅரவமும் வெற்பும்கடலும் *

பசைந்தங்கமுது படுப்ப * - அசைந்து

கடைந்தவருத்தமோ? கச்சிவெஃகாவில் *

கிடந்திருந்துநின்றதுவுமங்கு.

2350 வெற்பென்று வேங்கடம்பாடும் * வியன்துழாய்

கற்பென்றுசூடும் கருங்குழல்மேல் * மல்பொன்ற

நீண்டதோள்மால்கிடந்த நீள்கடல்நீராடுவான் *

பூண்டநாளெல்லாம்புகும்.

2384 பாலிற்கிடந்ததுவும் பண்டரங்கம்மேயதுவும் *

ஆலில்துயின்றதுவுமாரறிவார்? * - ஞாலத்

தொருபொருளை வானவர்தம்மெய்ப்பொருளை * அப்பில்

அருபொருளை யானறிந்தவாறு.

2417 நாகத்தணைக்குடந்தை வெஃகாதிருவெவ்வுள் *

நாகத்தணையரங்கம் பேரன்பில் * - நாகத்

தணைப்பாற்கடல்கிடக்கும் ஆதிநெடுமால் *

அணைப்பார்கருத்தனாவான்.

2430 மலையாமைமேல்வைத்து வாசுகியைச்சுற்றி *

தலையாமைதானொருகைபற்றி * - அலையாமல்

பீறக்கடைந்த பெருமான்திருநாமம் *

கூறுவதேயாவர்க்கும்கூற்று.

2470 பழுதாகாதொன்றறிந்தேன் பாற்கடலான்பாதம் *

வழுவாவகைநினைந்து வைகல் - தொழுவாரை *

கண்டிறைஞ்சிவாழ்வார் கலந்தவினைகெடுத்து *

விண்திறந்துவீற்றிருப்பார்மிக்கு.

2528 மலைகொண்டுமத்தாவரவால்சுழற்றிய மாயப்பிரான் *

அலைகண்டுகொண்டவமுதம்கொள்ளாதுகடல் * பரதர்

விலைகொண்டுதந்தசங்கம்இவைவேரித்துழாய்துணையாத்

துலைகொண்டுதாயம்கிளர்ந்து * கொள்வானொத்தழைக்கின்றதே.

2534 புலக்குண்டலப் புண்டரீகத்தபோர்க்கெண்டை * வல்லியொன்றால்

விலக்குண்டுலாகின்று வேல்விழிக்கின்றன * கண்ணன் கையால்

மலக்குண்டமுதஞ்சுரந்தமறிகடல்போன்றவற்றால்

கலக்குண்டநான்றுகண்டார் * எம்மையாரும்கழறலரே.

2551 தளர்ந்தும்முறிந்தும் வருதிரைப்பாயல் * திருநெடுங்கண்

வளர்ந்துமறிவுற்றும் வையம்விழுங்கியும் * மால்வரையைக்

கிளர்ந்துமறிதரக்கீண்டெடுத்தான் முடிசூடுதுழாய்

அளைந்துண் சிறுபசுந்தென்றல் * அந்தோ! வந்துலாகின்றதே.

2556 வேதனை வெண்புரி நூலனை * விண்ணோர்பரவநின்ற

நாதனை ஞாலம்விழுங்குமநாதனை * ஞாலம்தத்தும்

பாதனைப்பாற்கடல் பாம்பணை மேற்பள்ளிகொண்டருளும்

சீதனையேதொழுவார் * விண்ணுளாரிலுஞ்சீரியரே.

2580 குறிப்பில்கொண்டுநெறிப்பட * உலகம்

மூன்று உடன் வணங்குதோன்று புகழ் * ஆணை

மெய்பெறநடாய தெய்வம்மூவரில்

முதல்வனாகி * சுடர்விளங்ககலத்து *

வரைபுரைதிரை பொருபெருவரைவெருவர *

உருமுரலொலிமலி நளிர்கடற்படவர

வரசுடல் தடவரை சுழற்றிய * தனிமாத்

தெய்வத்தடியவர்க்கு இனிநாமாளாகவே

இசையுங்கொல்? * ஊழிதோறூழியோவாதே.

2661 உரைக்கிலோர்சுற்றத்தார் உற்றாரென்றுஆரே? *

இரைக்குங்கடற்கிடந்தவெந்தாய்! * - உரைப்பெல்லாம் *

நின்னன்றி மற்றிலேன்கண்டாய் * எனதுயிர்க்குஓர்

சொல்நன்றியாகும்துணை.

2669 தங்காமுயற்றியவாய்த் தாழ்விசும்பின் மீதுபாய்ந்து *

எங்கேபுக்கு எத்தவம்செய்திட்டனகொல்? * - பொங்கோதத்

தண்ணம்பால் வேலைவாய்க் கண்வளரும் * என்னுடைய

கண்ணன்பால் நல்நிறங்கொள்கார்.

2685 - ஆழிநீர்

ஆரால்கடைந்திடப்பட்டது? * - அவன்காண்மின்

ஊராநிரைமேய்த்து உலகெல்லாமுண்டுமிழ்ந்தும் *

ஆராததன்மையனாய் ஆங்கொருநாளாய்ப்பாடி *

சீரார்கலயல்குல் சீரடிசெந்துவர்வாய் *

வாரார்வனமுலையாள் மத்தாரப்பற்றிக்கொண்டு *

ஏராரிடைநோவ எத்தனையோர்போதுமாய் *

சீரார்தயிர்கடைந்து வெண்ணெய்திரண்டதனை *

வேரார்நுதல்மடவாள் வேறோர்கலத்திட்டு *

நாராருறியேற்றி நன்கமையவைத்ததனை *

போரார்வேற்கண்மடவாள் போந்தனையும்பொய்யுறக்கம் *

ஓராதவன்போல் உறங்கியறிவுற்று *

தாரார்தடந்தோள்கள் உள்ளளவும்கைநீட்டி *

ஆராதவெண்ணெய்விழுங்கி *

2694 ஆராதபோரில் அசுரர்களும்தானுமாய் *

காரார்வரைநட்டு நாகம்கயிறாக *

பேராமல்தாங்கிக்கடைந்தான் *

2767 மன்னும்வடமலையை மத்தாகமாசுணத்தால் *

மின்னுமிருசுடரும் விண்ணும்பிறங்கொளியும் *

தன்னினுடனே சுழலமலைதிரித்து * ஆங்கு

இன்னமுதம் வானவரையூட்டி *

அவருடைய மன்னும்துயர்கடிந்த வள்ளலை *

2823 அமரர்கள் தொழுதெழ அலைகடல்கடைந்தவன்தன்னை *

அமர்பொழில்வளங்குருகூர்ச் சடகோபன் குற்றேவல்கள் *

அமர்சுவையாயிரத்து அவற்றினுளிவைபத்தும்வல்லார் *

அமரரோடுயர்விற்சென்று அறுவர்தம்பிறவி யஞ்சிறையே. (2)

2940 உள்ளுளாவி உலர்ந்துலர்ந்து * என

வள்ளலே! கண்ணனே! என்னும் * பின்னும்

வெள்ளநீர்க் கிடந்தாய்! என்னும் * என

கள்விதான்பட்ட வஞ்சனையே!

2951 பாம்பணைமேல்பாற்கடலுள் பள்ளியமர்ந்ததுவும் *

காம்பணைதோள்பின்னைக்கா ஏறுடனேழ்செற்றதுவும் *

தேம்பணையசோலை மராமரமேழெய்ததுவும் *

பூம்பிணையதண்துழாய்ப் பொன்முடியம்போரேறே.

2960 உய்ந்துபோந்தென்னுலப்பிலாத வெந்தீவினைகளைநாசஞ்செய்து * உனது

அந்தமிலடிமைஅடைந்தேன்விடுவேனோ *

ஐந்துபைந்தலையாடரவணைமேவிப் பாற்கடல்யோக நித்திரை *

சிந்தைசெய்தவெந்தாய்? உன்னைச்சிந்தைசெய்துசெய்தே.

3050 அச்சுதனமலனென்கோ? அடியவர்வினைகெடுக்கும் *

நச்சுமாமருந்தமென்கோ? நலங்கடலமுதமென்கோ? *

அச்சுவைக்கட்டியென்கோ? அறுசுவையடிசிலென்கோ? *

நெய்ச்சுவைத்தேறலென்கோ? கனியென்கோ? பாலென்கேனோ.

3054 கண்ணனைமாயன்தன்னைக் கடல்கடைந்தமுதங்கொண்ட *

அண்ணலைஅச்சுதனை அனந்தனை அனந்தன்தன்மேல் *

நண்ணிநன்குறைகின்றானை ஞாலமுண்டுமிழ்ந்தமாலை *

எண்ணுமாறறியமாட்டேன்யாவையும்யவரும்தானே.

3079 பயிலுஞ்சுடரொளிமூர்த்தியைப் பங்கயக்கண்ணனை *

பயிலவினிய நம்பாற்கடல்சேர்ந்தபரமனை *

பயிலுந்திருவுடையார் யவரேலுமவர்கண்டீர் *

பயிலும்பிறப்பிடைதோறு எம்மையாளும்பரமரே. (2)

3090 முடியானே! மூவுலகும் தொழுதேத்தும்சீ

ரடியானே! * ஆழ்கடலைக்கடைந்தாய்! புள்ளூர்

கொடியானே! * கொண்டல்வண்ணா! அண்டத்துஉம்பரில்

நெடியானே! * என்றுகிடக்கும் என்நெஞ்சமே. (2)

3193 அப்பனே! அடலாழியானே! * ஆழ்கடலைக்கடைந்த

துப்பனே! * உன்தோள்கள்நான்கும் கண்டிடக்கூடுங்கொல்? என்று *

எப்பொழுதும்கண்ணநீர்கொண்டு ஆவிதுவர்ந்துதுவர்ந்து *

இப்போழுதேவந்திடாயென்று ஏழையேன்நோக்குவனே.

3211 நண்ணாதார்முறுவலிப்ப நல்லுற்றார்கரைந்தேங்க *

எண்ணாராத்துயர்விளைக்கும் இவையென்ன உலகியற்கை? *

கண்ணாளா! கடல்கடைந்தாய்! உனகழற்கேவரும்பரிசு *

தண்ணாவாதடியேனைப் பணிகண்டாய்சாமாறே. (2)

3276 உறங்குவான்போல் யோகுசெய்தபெருமானை *

சிறந்தபொழில்சூழ் குருகூர்ச்சடகோபன்சொல் *

நிறங்கிளர்ந்தவந்தாதி ஆயிரத்திப்பத்தால் *

இறந்துபோய்வைகுந்தம் சேராவாறெங்ஙனேயோ? (2)

3341 கூடிநீரைக்கடைந்தவாறும் அமுதம்தேவருண்ண * அசுரரை

வீடும்வண்ணங்களே செய்துபோனவித்தகமும் *

ஊடுபுக்கெனதாவியை உருக்கியுண்டிடுகின்ற * நின்தன்னை

நாடும்வண்ணஞ்சொல்லாய் நச்சுநாகணையானே!

3356 போயிருந்துநின்புள்ளுவம் அறியாதவர்க்குஉரைநம்பீ! * நின்செய்ய

வாயிருங்கனியுங்கண்களும் விபரீதமிந்நாள் *

வேயிருந்தடந்தோளினார் இத்திருவருள்பெறுவார் யவர்கொல்? *

மாயிருங்கடலைக்கடைந்த பெருமானாலே.

3389 கரைகொள்பைம்பொழில்தண்பணைத் தொலை

வில்லிமங்கலம்கொண்டுபுக்கு *

உரைகொளின்மொழியாளை

நீருமக்காசை யின்றியகற்றினீர் *

திரைகொள்பௌவத்துச்சேர்ந்ததும்

திசைஞாலம்தாவியளந்ததும் *

நிரைகள்மேய்த்ததுமேபிதற்றி

நெடுங்கண்நீர்மல்கநிற்குமே.

3435 விண்மீதிருப்பாய்! மலைமேல் நிற்பாய்! கடல்சேர்ப்பாய்! *

மண்மீதுழல்வாய்! இவற்றுளெங்கும்மறைந்துறைவாய்! *

எண்மீதியன்றபுறவண்டத்தாய்! எனதாவி *

உள்மீதாடி உருக்காட்டாதேஒளிப்பாயோ?

3459 ஒன்றுசொல்லிஒருத்தினில்நிற்கிலாத ஒரைவர்வன்கயவரை *

என்றுயான்வெல்கிற்பன் உன்திருவருளில்லையேல்? *

அன்றுதேவரசுரர்வாங்க அலைகடலரவமளாவி * ஓர்

குன்றம்வைத்தஎந்தாய்! கொடியேன்பருகின்னமுதே.

3462 என்பரஞ்சுடரே! என்றுஉன்னையலற்றி உன்னிணைத் தாமரைகட்கு *

அன்புருகிநிற்குமதுநிற்கச் சுமடுதந்தாய் *

வன்பரங்களெடுத்து ஐவர்திசைதிசை வலித்தெற்றுகின்றனர்

முன்பரவைகடைந்து அமுதங்கொண்டமூர்த்தியோ!

3468 சிந்திக்கும்திசைக்கும்தேறும்கை கூப்பும்

திருவரங்கத்துள்ளாய்! என்னும்

வந்திக்கும் * ஆங்கேமழைக்கண்ணீர்மல்க

வந்திடாயென்றென்றேமயங்கும் *

அந்திப்போதவுணனுடலிடந்தானே!

அலைகடல்கடைந்தவாரமுதே *

சந்தித்துன்சரணம்சார்வதேவலித்த

தையலைமையல்செய்தானே!

3487 ஆறுமலைக்கு எதிர்ந்தோடுமொலி * அர

வூறுசுலாய் மலைதேய்க்குமொலி * கடல்

மாறுசுழன்று அழைக்கின்றவொலி * அப்பன்

சாறுபட அமுதங்கொண்டநான்றே.

3563 தேவிமாராவார்திருமகள்பூமி

ஏவமற்றமரராட்செய்வார் *

மேவியவுலகம்மூன்றவையாட்சி

வேண்டுவேண்டுருவம்நின்னுருவம் *

பாவியேன்தன்னையடுகின்ற

கமலக்கண்ணது ஓர்பவளவாய்மணியே! *

ஆவியே! அமுதே! அலைகடல்கடைந்த

அப்பனே! காணுமாறருளாய். (2)

3567 ஆருயிரேயோ! அகலிடமுழுதும்

படைத்திடந்துண்டுமிழ்ந்தளந்த *

பேருயிரேயோ! பெரியநீர்படைத்து அங்குறைந்தது

கடைந்தடைத்துடைத்த *

சீரியரேயோ! மனிசர்க்குத்தேவர்போலத்

தேவர்க்கும்தேவாவோ! *

ஒருயிரேயோ! உலகங்கட்கெல்லாம்

உன்னைநானெங்குவந்துறுகோ?

3570 மணந்தபேராயா! மாயத்தால்முழுதும்

வல்வினையேனையீர்கின்ற *

குணங்களையுடையாய்! அசுரர்வன்கையர்கூற்றமே!

கொடியபுள்ளுயர்த்தாய் *

பணங்களாயிரமுடையபைந்நாகப்பள்ளியாய்!

பாற்கடற்சேர்ப்பா! *

வணங்குமாறறியேன்மனமும்

வாசகமும் செய்கையும் யானும்நீதானே.

3581 இடையில்லையான்வளர்த்தகிளிகாள்!

பூவைகள்காள்! குயில்காள்! மயில்காள்! *

உடையநம்மாமையும்சங்கும்நெஞ்சும்

ஒன்றுமொழியவொட்டாதுகொண்டான் *

அடையும்வைகுந்தமும்பாற்கடலும்

அஞ்சனவெற்புமவைநணிய *

கடையறப்பாசங்கள்விட்டபின்னையன்றி

அவனவைகாண்கொடானே.

3599 பிறிதில்லையெனக்குப்பெரியமூவுலகும்

நிறையப் பேருருவமாய்நிமிர்ந்த *

குறியமாணெம்மான்குரைகடல்கடைந்த

கோலமாணிக்கம்என்னம்மான் *

செறிகுலைவாழைகமுகுதெங்கணிசூழ்

திருச்செங்குன்றூர்த்திருச்சிற்றாறு

அறிய * மெய்ம்மையேநின்ற எம்பெருமான்

அடியிணையல்லதோரரணே.

3601 எனக்குநல்லரணைஎனதாருயிரை

இமையவர்தந்தைதாய்தன்னை *

தனக்குன்தன்தன்மையறிவரியானைத்

தடங்கடற்பள்ளியம்மானை *

மனக்கொள்சீர்மூவாயிரவர்வண்சிவனும்

அயனும்தானுமொப்பார்வாழ் *

கனக்கொள்திண்மாடத்திருச்செங்குன்றூரில்

திருச்சிற்றாறதனுள்கண்டேனே.

3638 வைத்தேன்மதியால்எனதுள்ளத்தகத்தே *

எய்த்தேயொழிவேனல்லேன் என்றும்எப்போதும் *

மொய்த்தேய்திரைமோது தண்பாற்கடலுளால் *

பைத்தேய்சுடர்ப்பாம்பணை நம்பரனையே.

3694 கூவுதல்வருதல்செய்திடாயென்று

குரைகடல்கடைந்தவன்தன்னை *

மேவிநன்கமர்ந்தவியன்புனல்பொருநல்

வழுதிநாடன்சடகோபன் *

நாவியல்பாடலாயிரத்துள்ளும்

இவையுமோர்பத்தும்வல்லார்கள் *

ஓவுதலின்றியுலகம்மூன்றளந்தான்

அடியிணையுள்ளத்தோர்வாரே. (2)

3700 அடைவதும் அணியார்மலர்மங்கைதோள் *

மிடைவதும் அசுரர்க்குவெம்போர்களே *

கடைவதும் கடலுளமுதம் * என்மனம்

உடைவதும் அவற்கே ஒருங்காகவே.

3856 திருமாலிருஞ்சோலைமலையே திருப்பாற்கடலே என்தலையே *

திருமால்வைகுந்தமே தண்திருவேங்கடமேஎனதுடலே *

அருமாமாயத்தெனதுயிரே மனமேவாக்கேகருமமே *

ஒருமாநொடியும்பிரியான் என்ஊழிமுதல்வனொருவனே. (2)

3888 கோலமலர்ப்பாவைக்கன்பாகிய என்னன்பேயோ! *

நீலவரைஇரண்டுபிறைகவ்வி நிமிர்ந்ததொப்ப *

கோலவராகமொன்றாய் நிலங்கோட்டிடைக்கொண்ட எந்தாய்! *

நீலக்கடல்கடைந்தாய்! உன்னைப்பெற்றுஇனிப் போக்குவனோ? (2)

3997 செழுந்திரைப்பாற்கடல் கண்துயில்மாயன் * திருவடிக்கீழ்

விழுந்திருப்பார்நெஞ்சில் மேவுநன்ஞானி * நல்வேதியர்கள்

தொழுந்திருப்பாத னிராமானுசனைத் தொழும்பெரியோர்

எழுந்திரைத்தாடுமிடம் * அடியேனுக்கு இருப்பிடமே. (2)