52 மெய்திமிரும்நானப்பொடியோடு மஞ்சளும் *

செய்யதடங்கண்ணுக்கு அஞ்சனமும்சிந்துரமும் *

வெய்யகலைப்பாகி கொண்டுஉவளாய்நின்றாள் *

ஐயா! அழேல்அழேல்தாலேலோ அரங்கத்தணையானே! தாலேலோ.

183 கருவுடைமேகங்கள்கண்டால் உன்னைக்கண்டாலொக்கும் கண்கள் *

உருவுடையாய்! உலகேழும்உண்டாகவந்துபிறந்தாய்! *

திருவுடையாள்மணவாளா! திருவரங்கத்தேகிடந்தாய்! *

மருவிமணம்கமழ்கின்ற மல்லிகைப்பூச்சூட்டவாராய்.

189 சீமாலிகனவனோடு தோழமைகொள்ளவும்வல்லாய்! *

சாமாறுஅவனைநீயெண்ணிச் சக்கரத்தால்தலைகொண்டாய்! *

ஆமாறறியும்பிரானே! அணியரங்கத்தேகிடந்தாய்! *

ஏமாற்றம்என்னைத்தவிர்த்தாய்! இருவாட்சிப்பூச்சூட்டவாராய்.

205 கொண்டல்வண்ணா! இங்கேபோதராயே

கோயிற்பிள்ளாய்! இங்கேபோதராயே *

தெண்திரைசூழ்திருப்பேர்க்கிடந்த

திருநாரணா! இங்கேபோதராயே *

உண்டுவந்தேன்அம்மமென்றுசொல்லி

ஓடிஅகம்புகஆய்ச்சிதானும் *

கண்டெதிரேசென்றெடுத்துக்கொள்ளக்

கண்ணபிரான்கற்றகல்விதானே.

212 வண்டுகளித்திரைக்கும்பொழில்சூழ்

வருபுனல்காவிரித்தென்னரங்கன் *

பண்டவன்செய்தகிரீடையெல்லாம்

பட்டர்பிரான்விட்டுசித்தன்பாடல் *

கொண்டிவைபாடிக்குனிக்கவல்லார்

கோவிந்தன்தன்அடியார்களாகி *

எண்திசைக்கும்விளக்காகிநிற்பார்

இணையடிஎன்தலைமேலனவே. (2)

245 கன்னிநன்மாமதிள்சூழ்தரு பூம்பொழில்காவிரித்தென்னரங்கம் *

மன்னியசீர்மதுசூதனா! கேசவா! பாவியேன்வாழ்வுகந்து *

உன்னைஇளங்கன்றுமேய்க்கச் சிறுகாலேயூட்டிஒருப்படுத்தேன் *

என்னின்மனம்வலியாள்ஒருபெண்இல்லை என்குட்டனே! முத்தம்தா.

402 மாதவத்தோன்புத்திரன்போய் மறிகடல்வாய்மாண்டானை *

ஓதுவித்ததக்கணையா உருவுருவேகொடுத்தானூர் *

தோதவத்தித்தூய்மறையோர் துறைபடியத்துளும்பிஎங்கும் *

போதில்வைத்ததேன்சொரியும் புனலரங்கமென்பதுவே. (2)

403 பிறப்பகத்தேமாண்டொழிந்த பிள்ளைகளைநால்வரையும் *

இறைப்பொழுதில்கொணர்ந்து கொடுத்து ஒருப்படுத்தவுறைப்பனூர் *

மறைப்பெருந்தீவளர்த்திருப்பார் வருவிருந்தையளித்திருப்பார் *

சிறப்புடையமறையவர்வாழ் திருவரங்கமென்பதுவே.

404 மருமகன்தன்சந்ததியை உயிர்மீட்டு, மைத்துனன்மார் *

உருமகத்தேவீழாமே குருமுகமாய்க்காத்தானூர் *

திருமுகமாய்ச்செங்கமலம் திருநிறமாய்க்கருங்குவளை *

பொருமுகமாய்நின்றலரும் புனலரங்கமென்பதுவே.

405 கூன்தொழுத்தைசிதகுரைப்பக் கொடியவள்வாய்க்கடியசொல்கேட்டு *

ஈன்றெடுத்ததாயரையும் இராச்சியமும்ஆங்கொழிய *

கான்தொடுத்தநெறிபோகிக் கண்டகரைக்களைந்தானூர் *

தேன்தொடுத்தமலர்ச்சோலைத் திருவரங்கமென்பதுவே.

406 பெருவரங்களவைபற்றிப் பிழக்குடையஇராவணனை *

உருவரங்கப்பொருதழித்து இவ்வுலகினைக்கண்பெறுத்தானூர் *

குருவரும்பக்கோங்கலரக் குயில்கூவும்குளிர்பொழில்சூழ் *

திருவரங்கமென்பதுவே என்திருமால்சேர்விடமே.

407 கீழுலகில்அசுரர்களைக் கிழங்கிருந்துகிளராமே *

ஆழிவிடுத்துஅவருடைய கருவழித்தவழிப்பனூர் *

தாழைமடலூடுரிஞ்சித் தவளவண்ணப்பொடியணிந்து *

யாழினிசைவண்டினங்கள் ஆளம்வைக்கும்அரங்கமே.

408 கொழுப்புடையசெழுங்குருதி கொழித்திழிந்துகுமிழ்த்தெறிய *

பிழக்குடையஅசுரர்களைப் பிணம்படுத்தபெருமானூர் *

தழுப்பரியசந்தனங்கள் தடவரைவாய்ஈர்த்துக்கொண்டு *

தெழிப்புடையகாவிரிவந்து அடிதொழும்சீரரங்கமே.

409 வல்லெயிற்றுக்கேழலுமாய் வாளெயிற்றுச்சீயமுமாய் *

எல்லையில்லாத்தரணியையும் அவுணனையும்இடந்தானூர் *

எல்லியம்போதுஇருஞ்சிறைவண்டு எம்பெருமான்குணம்பாடி *

மல்லிகைவெண்சங்கூதும் மதிளரங்கமென்பதுவே.

410 குன்றாடுகொழுமுகில்போல் குவளைகள்போல்குரைகடல்போல் *

நின்றாடுகணமயில்போல் நிறமுடையநெடுமாலூர் *

குன்றூடுபொழில்நுழைந்து கொடியிடையார்முலையணவி *

மன்றூடுதென்றலுமாம் மதிளரங்கமென்பதுவே.

411 பருவரங்களவைபற்றிப் படையாலித்தெழுந்தானை *

செருவரங்கப்பொருதழித்த திருவாளன்திருப்பதிமேல் *

திருவரங்கத்தமிழ்மாலை விட்டுசித்தன்விரித்தனகொண்டு *

இருவரங்கமெரித்தானை ஏத்தவல்லாரடியோமே. (2)

412 மரவடியைத்தம்பிக்குவான்பணையம்

வைத்துப்போய்வானோர்வாழ *

செருவுடையதிசைக்கருமம்திருத்திவந்

துலகாண்டதிருமால்கோயில் *

திருவடிதன்திருவுருவும் திருமங்கை

மலர்கண்ணும்காட்டிநின்று *

உருவுடையமலர்நீலம் காற்றாட்ட

ஓசலிக்கும்ஒளியரங்கமே. (2)

413 தன்னடியார்திறத்தகத்துத் தாமரை

யாளாகிலும்சிதகுரைக்குமேல் *

என்னடியார்அதுசெய்யார் செய்தாரேல்

நன்றுசெய்தாரென்பர்போலும் *

மன்னுடையவிபீடணற்கா மதிளிலங்கைத்

திசைநோக்கிமலர்கண்வைத்த *

என்னுடையதிருவரங்கற்கன்றியும்

மற்றொருவர்க்குஆளாவரே (2)

414 கருளுடையபொழில்மருதும்

கதக்களிறும்பிலம்பனையும்கடியமாவும் *

உருளுடையசகடரையும்மல்லரையும்

உடையவிட்டுஓசைகேட்டான் *

இருளகற்றும்எறிகதிரோன்மண்டலத்தூடு

ஏற்றிவைத்துஏணிவாங்கி *

அருள்கொடுத்திட்டுஅடியவரை

ஆட்கொள்வானமருமூர்அணியரங்கமே.

415 பதினாறாமாயிரவர் தேவிமார்

பணிசெய்ய * துவரையென்னும்

அதில்நாயகராகிவீற்றிருந்த

மணவாளர்மன்னுகோயில் *

புதுநாண்மலர்க்கமலம் எம்பெருமான்

பொன்வயிற்றில்பூவேபோல்வான் *

பொதுநாயகம்பாவித்து இருமாந்து

பொன்சாய்க்கும்புனலரங்கமே.

416 ஆமையாய்க்கங்கையாய் ஆழ்கடலா

யவனியாய்அருவரைகளாய் *

நான்முகனாய்நான்மறையாய் வேள்வியாய்த்

தக்கணையாய்த்தானுமானான் *

சேமமுடைநாரதனார் சென்றுசென்று

துதித்திறைஞ்சக்கிடந்தான்கோயில் *

பூமருவிப்புள்ளினங்கள் புள்ளரையன்

புகழ்குழறும்புனலரங்கமே.

417 மைத்துனன்மார்காதலியைமயிர்முடிப்பித்து

அவர்களையேமன்னராக்கி *

உத்தரைதன்சிறுவனையும்உய்யக்கொண்ட

உயிராளன்உறையும்கோயில் *

பத்தர்களும்பகவர்களும் பழமொழிவாய்

முனிவர்களும்பரந்தநாடும் *

சித்தர்களும்தொழுதிறைஞ்சத்

திசைவிளக்காய்நிற்கின்றதிருவரங்கமே.

418 குறட்பிரமசாரியாய் மாவலியைக்

குறும்பதக்கிஅரசுவாங்கி *

இறைப்பொழிதில்பாதாளம்கலவிருக்கை

கொடுத்துகந்தஎம்மான்கோயில் *

எறிப்புடையமணிவரைமேல் இளஞாயி

றெழுந்தாற்போல்அரவணையின்வாய் *

சிறப்புடையபணங்கள்மிசைச்

செழுமணிகள்விட்டெறிக்கும்திருவரங்கமே.

419 உரம்பற்றிஇரணியனை

உகிர்நுதியால்ஒள்ளியமார்புறைக்கவூன்றி *

சிரம்பற்றிமுடியிடியக்கண்பிதுங்க

வாயலரத்தெழித்தான்கோயில் *

உரம்பெற்றமலர்க்கமலம்

உலகளந்தசேவடிபோல்உயர்ந்துகாட்ட *

வரம்புற்றகதிர்ச்செந்நெல்

தாள்சாய்த்துத்தலைவணக்கும்தண்ணரங்கமே.

420 தேவுடையமீனமாய்ஆமையாய்

ஏனமாய் அரியாய்க்குறளாய் *

மூவுருவிலிராமனாய்க் கண்ணனாய்க்

கற்கியாய்முடிப்பான்கோயில் *

சேவலொடுபெடையன்னம்

செங்கமலமலரேறிஊசலாடி *

பூவணைமேல்துதைந்தெழு செம்

பொடியாடிவிளையாடும்புனலரங்கமே.

421 செருவாளும்புள்ளாளன்மண்ணாளன்

செருச்செய்யும்நாந்தகமென்னும்

ஒருவாளன் * மறையாளன்ஓடாத

படையாளன் விழுக்கையாளன் *

இரவாளன்பகலாளன்என்னையாளன்

ஏழுலகப்பெரும்புரவாளன் *

திருவாளன்இனிதாகத் திருக்கண்கள்

வளர்கின்றதிருவரங்கமே. (2)

422 கைந்நாகத்திடர்கடிந்த கனலாழிப்

படையுடையான்கருதும்கோயில் *

தென்னாடும்வடநாடும்தொழநின்ற

திருவரங்கம்திருப்பதியின்மேல் *

மெய்ந்நாவன்மெய்யடியான் விட்டுசித்தன்

விரித்ததமிழுரைக்கவல்லார் *

எஞ்ஞான்றும்எம்பெருமானிணையடிக்கீழ்

இணைபிரியாதிருப்பர்தாமே. (2)

423 துப்புடையாரைஅடைவதெல்லாம்

சோர்விடத்துத்துணையாவரென்றே *

ஒப்பிலேனாகிலும்நின்னடைந்தேன்

ஆனைக்குநீஅருள்செய்தமையால் *

எய்ப்புஎன்னைவந்துநலியும்போது

அங்குஏதும்நானுன்னைநினைக்கமாட்டேன் *

அப்போதைக்குஇப்போதேசொல்லிவைத்தேன்

அரங்கத்தரவணைப்பள்ளியானே. (2)

424 சாமிடத்துஎன்னைக்குறிக்கொள்கண்டாய்

சங்கொடுசக்கரமேந்தினானே! *

நாமடித்துஎன்னைஅனேகதண்டம்

செய்வதாநிற்பர்நமன்தமர்கள் *

போமிடத்துஉன்திறத்துஎத்தனையும்

புகாவண்ணம்நிற்பதோர்மாயைவல்லை *

ஆமிடத்தேஉன்னைச்சொல்லிவைத்தேன்

அரங்கத்தரவணைப்பள்ளியானே.

425 எல்லையில்வாசல்குறுகச்சென்றால்

எற்றிநமன்தமர்பற்றும்போது *

நில்லுமினென்னும்உபாயமில்லை

நேமியும்சங்கமும்ஏந்தினானே! *

சொல்லலாம்போதேஉன்நாமமெல்லாம்

சொல்லினேன் என்னைக்குறிக்கொண்டுஎன்றும் *

அல்லல்படாவண்ணம்காக்கவேண்டும்

அரங்கத்தரவணைப்பள்ளியானே.

426 ஒற்றைவிடையனும்நான்முகனும்

உன்னையறியாப்பெருமையோனே! *

முற்றஉலகெல்லாம்நீயேயாகி

மூன்றெழுத்தாயமுதல்வனேயா! *

அற்றதுவாணாள்இவற்கென்றெண்ணி

அஞ்சநமன்தமர்பற்றலுற்ற *

அற்றைக்கு, நீஎன்னைக்காக்கவேண்டும்

அரங்கத்தரவணைப்பள்ளியானே.

427 பையரவினணைப் பாற்கடலுள்

பள்ளிகொள்கின்றபரமமூர்த்தி! *

உய்யஉலகுபடைக்கவேண்டி

உந்தியில்தோற்றினாய்நான்முகனை *

வையமனிசரைப்பொய்யென்றெண்ணிக்

காலனையும்உடனேபடைத்தாய் *

ஐய! இனிஎன்னைக்காக்கவேண்டும்

அரங்கத்தரவணைப்பள்ளியானே.

428 தண்ணெனவில்லைநமன்தமர்கள்

சாலக்கொடுமைகள்செய்யாநிற்பர் *

மண்ணொடுநீரும்எரியும்காலும்

மற்றும்ஆகாசமுமாகிநின்றாய்! *

எண்ணலாம்போதேஉன்நாமமெல்லாம்

எண்ணினேன், என்னைக்குறிக்கொண்டுஎன்றும் *

அண்ணலே! நீஎன்னைக்காக்கவேண்டும்

அரங்கத்தரவணைப்பள்ளியானே.

429 செஞ்சொல்மறைப்பொருளாகிநின்ற

தேவர்கள்நாயகனே! எம்மானே! *

எஞ்சலிலென்னுடையின்னமுதே!

ஏழுலகுமுடையாய்! என்னப்பா! *

வஞ்சவுருவின்நமன்தமர்கள்

வலிந்துநலிந்துஎன்னைப்பற்றும்போது *

அஞ்சலமென்றுஎன்னைக்காக்கவேண்டும்

அரங்கத்தரவணைப்பள்ளியானே.

430 நான்ஏதும்உன்மாயமொன்றறியேன்

நமன்தமர்பற்றிநலிந்திட்டு * இந்த

ஊனேபுகேயென்றுமோதும்போது

அங்கேதும் நான்உன்னைநினைக்கமாட்டேன் *

வானேய்வானவர்தங்களீசா!

மதுரைப்பிறந்தமாமாயனே! * என்

ஆனாய்! நீஎன்னைக்காக்கவேண்டும்

அரங்கத்தரவணைப்பள்ளியானே.

431 குன்றெடுத்துஆநிரைகாத்தஆயா!

கோநிரைமேய்த்தவனே! எம்மானே! *

அன்றுமுதல் இன்றறுதியா

ஆதியஞ்சோதி! மறந்தறியேன் *

நன்றும்கொடியநமன்தமர்கள்

நலிந்துவலிந்துஎன்னைப்பற்றும்போது *

அன்றங்குநீஎன்னைக்காக்கவேண்டும்

அரங்கத்தரவணைப்பள்ளியானே.

432 மாயவனைமதுசூதனனை

மாதவனைமறையோர்களேத்தும் *

ஆயர்களேற்றினைஅச்சுதனை

அரங்கத்தரவணைப்பள்ளியானை *

வேயர்புகழ்வில்லிபுத்தூர்மன்

விட்டுசித்தன்சொன்னமாலைபத்தும் *

தூயமனத்தனராகிவல்லார்

தூமணிவண்ணனுக்காளர்தாமே. (2)

607 தாமுகக்கும்தம்கையில் சங்கமேபோலாவோ? *

யாமுகக்குமெங்கையில் சங்கமுமேந்திழையீர் *

தீமுகத்துநாகணைமேல் சேரும்திருவரங்கர் *

ஆ முகத்தைநோக்காரால் அம்மனே! அம்மனே! (2)

608 எழிலுடையஅம்மனைமீர்! என்னரங்கத்தின்னமுதர் *

குழலழகர்வாயழகர் கண்ணழகர் * கொப்பூழில்

எழுகமலப்பூவழக ரெம்மானார் * என்னுடைய

கழல்வளையைத் தாமும்கழல்வளையேயாக்கினரே.

609 பொங்கோதம்சூழ்ந்த புவனியும் விண்ணுலகும் *

அங்காதுஞ்சோராமே ஆள்கின்றவெம்பெருமான் *

செங்கோலுடைய திருவரங்கச்செல்வனார் *

எங்கோல்வளையால் இடர்தீர்வராகாதே? (2)

610 மச்சணிமாட மதிளரங்கர்வாமனனார் *

பச்சைப்பசுந்தேவர் தாம்பண்டுநீரேற்ற *

பிச்சைக்குறையாகி என்னுடையபெய்வளைமேல் *

இச்சை யுடையரேல் இத்தெருவேபோதாரே ?

611 பொல்லாக்குறளுருவாய்ப் பொற்கையில்நீரேற்று *

எல்லாவுலகும் அளந்துகொண்ட எம்பெருமான் *

நல்லார்கள் வாழும் நளிரரங்கநாகணையான் *

இல்லாதோம்கைப்பொருளும் எய்துவானொத்துளனே.

612 கைப்பொருள்கள்முன்னமே கைக்கொண்டார் * காவிரிநீர்

செய்ப்புரளவோடும் திருவரங்கச்செல்வனார் *

எப்பொருட்கும்நின்று ஆர்க்குமெய்தாது * நான்மறையின்

சொற்பொருளாய்நின்றார் என்மெய்ப்பொருளும்கொண்டாரே.

613 உண்ணாதுறங்காது ஒலிகடலையூடறுத்து *

பெண்ணாக்கையாப்புண்டு தாமுற்றபேதெல்லாம் *

திண்ணார்மதிள்சூழ் திருவரங்கச்செல்வனார் *

எண்ணாதே தம்முடைய நன்மைகளேயெண்ணுவரே.

614 பாசிதூர்த்துக்கிடந்த பார்மகட்கு * பண்டொருநாள்

மாசுடம்பில் நீர்வாரா மானமிலாப்பன்றியாம் *

தேசுடையதேவர் திருவரங்கச்செல்வனார் *

பேசியிருப்பனகள் பேர்க்கவும்பேராவே. (2)

615 கண்ணாலங் கோடித்துக் கன்னிதன்னைக்கைப்பிடிப்பான் *

திண்ணார்ந்திருந்த சிசுபாலன்தேசழிந்து *

அண்ணாந் திருக்கவே ஆங்கவளைக்கைப்பிடித்த *

பெண்ணாளன்பேணுமூர் பேருமரங்கமே.

616 செம்மையுடைய திருவரங்கர்தாம்பணித்த *

மெய்ம்மைப்பெருவார்த்தை விட்டுசித்தர்கேட்டிருப்பர் *

தம்மையுகப்பாரைத் தாமுகப்பரென்னும்சொல் *

தம்மிடையேபொய்யானால் சாதிப்பாராரினியே? (2)

647 இருளிரியச்சுடர்மணிகளிமைக்கும்நெற்றி

இனத்துத்தியணிபணமாயிரங்களார்ந்த *

அரவரசப்பெருஞ்சோதியனந்தனென்னும்

அணிவிளங்குமுயர்வெள்ளையணையைமேவி *

திருவரங்கப்பெருநகருள்தெண்ணீர்ப்பொன்னி

திரைக்கையாலடிவருடப்பள்ளிகொள்ளும் *

கருமணியைக்கோமளத்தைக்கண்டுகொண்டுஎன்

கண்ணிணைகளென்றுகொலோகளிக்கும்நாளே? (2)

648 வாயோரீரைஞ்ஞூறுதுதங்களார்ந்த

வளையுடம்பினழல்நாகம்உமிழ்ந்தசெந்தீ *

வீயாதமலர்ச்சென்னிவிதானமேபோல்

மேன்மேலும்மிகவெங்கும்பரந்ததன்கீழ் *

காயாம்பூமலர்ப்பிறங்கலன்னமாலைக்

கடியரங்கத்தரவணையில்பள்ளிகொள்ளும் *

மாயோனை மணத்தூணேபற்றிநின்று என்

வாயாரஎன்றுகொலோவாழ்த்தும்நாளே?

649 எம்மாண்பின்அயன்நான்குநாவினாலும்

எடுத்தேத்திஈரிரண்டுமுகமுங்கொண்டு *

எம்மாடுமெழிற்கண்களெட்டினோடும்

தொழுதேத்தி இனிதிறைஞ்சநின்ற * செம்பொன்

அம்மான்றன்மலர்க்கமலக்கொப்பூழ்தோன்ற

அணியரங்கத்தரவணையில்பள்ளிகொள்ளும் *

அம்மான்றனடியிணைக்கீழலர்களிட்டங்

கடியவரோடென்றுகொலோஅணுகும்நாளே?

650 மாவினைவாய்பிளந்துகந்தமாலைவேலை

வண்ணணைஎன்கண்ணணை * வன்குன்றமேந்தி

ஆவினையன்றுய்யக்கொண்டஆயரேற்றை

அமரர்கள் தந்தலைவனைஅந்தமிழினின்பப்

பாவினை * அவ்வடமொழியைப் பற்றற்றார்கள்

பயிலரங்கத்தரவணையில்பள்ளிகொள்ளும் *

கோவினை நாவுறவழுத்திஎன்றன்கைகள்

கொய்ம்மலர்தூய்என்றுகொலோகூப்பும்நாளே?

651 இணையில்லாவின்னிசையாழ்கெழுமியின்பத்

தும்புருவும்நாரதனுமிறைஞ்சியேத்த *

துணையில்லாத்தொன்மறைநூல்தோத்திரத்தால்

தொன்மலர்க்கணயன்வணங்கியோவாதேத்த *

மணிமாடமாளிகைகள்மல்குசெல்வ

மதிளரங்கத்தரவணையில்பள்ளிகொள்ளும் *

மணிவண்ணனம்மானைக்கண்டுகொண்டு என்

மலர்சென்னியென்றுகொலோவணங்கும்நாளே?

652 அளிமலர்மேலயனரனிந்திரனோடுஏனை

அமரர்கள்தம்குழுவுமரம்பையரும்மற்றும் *

தெளிமதிசேர்முனிவர்கள்தம்குழுவுமுந்தித்

திசைதிசையில்மலர்தூவிச்சென்றுசேரும் *

களிமலர்சேர்பொழிலரங்கத்துரகமேறிக்

கண்வளரும்கடல்வண்ணர்கமலக்கண்ணும் *

ஒளிமதிசேர்திருமுகமும்கண்டு கொண்டு என்

உள்ளமிகஎன்றுகொலோவுருகும்நாளே?

653 மறந்திகழுமனமொழித்துவஞ்சமாற்றி

ஐம்புலன்களடக்கியிடர்ப்பாரத்துன்பம்

துறந்து * இருமுப்பொழுதேத்தியெல்லையில்லாத்

தொன்னெறிக்கண்நிலைநின்றதொண்டரான *

அறம்திகழும்மனத்தவர்தம்கதியைப்பொன்னி

அணியரங்கத்தரவணையில்பள்ளிகொள்ளும் *

நிறம்திகழும்மாயோனைக் கண்டு என்கண்கள்

நீர்மல்கஎன்றுகொலோநிற்கும்நாளே?

654 கோலார்ந்தநெடுஞ்சார்ங்கம்கூனற்சங்கம்

கொலையாழிகொடுந்தண்டுகொற்றவொள்வாள் *

காலார்ந்தகதிக்கருடனென்னும் வென்றிக்

கடும்பறவையிவையனைத்தும்புறஞ்சூழ்காப்ப *

சேலார்ந்தநெடுங்கழனிசோலைசூழ்ந்த

திருவரங்கதரவணையில்பள்ளிகொள்ளும் *

மாலோனைக்கண்டின்பக்கலவியெய்தி

வல்வினையேனென்றுகொலோவாழும்நாளே?

655 தூராதமனக்காதல்தொண்டர்தங்கள்

குழாம்குழுமித்திருப்புகழ்கள்பலவும்பாடி *

ஆராதமனக்களிப்போடழுதகண்ணீர்

மழைசோரநினைந்துருகியேத்திநாளும் *

சீரார்ந்தமுழுவோசைபரவைகாட்டும்

திருவரங்கதரவணையில்பள்ளிகொள்ளும் *

போராழியம்மானைக்கண்டுதுள்ளிப்

பூதலத்திலென்றுகொலோபுரளும்நாளே?

656 வன்பெருவானகமுய்யஅமரருய்ய

மண்ணுய்யமண்ணுலகில்மனிசருய்ய *

துன்பமிகுதுயரகல அயர்வொன்றில்லாச்

சுகம்வளர அகமகிழுந்தொண்டர்வாழ *

அன்பொடுதென்திசைநோக்கிப்பள்ளிகொள்ளும்

அணியரங்கன்திருமுற்றத்து * அடியார்தங்கள்

இன்பமிகுபெருங்குழுவுகண்டு யானும்

இசைந்துடனேயென்றுகொலோவிருக்கு நாளே? (2)

657 திடர்விளங்குகரைப்பொன்னிநடுவுபாட்டுத்

திருவரங்கதரவணையில்பள்ளிகொள்ளும் *

கடல்விளங்குகருமேனியம்மான்றன்னைக்

கண்ணாரக்கண்டுகக்கும்காதல்தன்னால் *

குடைவிளங்குவிறல்தானைக்கொற்றவொள்வாள்

கூடலர்கோன்கொடைகுலசேகரன்சொற்செய்த *

நடைவிளங்குதமிழ்மாலைபத்தும்வல்லார்

நலந்திகழ்நாரணனடிக்கீழ்நண்ணுவாரே (2)

658 தேட்டரும்திறல்தேனினைத் தென்னரங்கனை * திருமாதுவாழ்

வாட்டமில்வனமாலைமார்வனைவாழ்த்தி மால்கொள்சிந்தையராய் *

ஆட்டமேவியலந்தழைத்து அயர்வெய்தும்மெய்யடியார்கள்தம் *

ஈட்டம்கண்டிடக்கூடுமேல் அதுகாணும்கண்பயனாவதே (2)

659 தோடுலாமலர்மங்கை தோளிணைதோய்ந்ததும் * சுடர் வாளியால்

நீடுமாமரம் செற்றதும்நிரைமேய்த்தும் இவையேநினைந்து *

ஆடிப்பாடி அரங்கவோ! என்றழைக்கும்தொண்ட ரடிப்பொடி

ஆடநாம்பெறில் * கங்கைநீர்குடைந்தாடும்வேட்கையென்னாவதே?

660 ஏறடர்த்ததும்ஏனமாய்நிலம்கீண்டதும் முன்னிராமனாய் *

மாறடர்த்ததும்மண்ணளந்ததும் சொல்லிப்பாடி * வண்பொன்னிப்பே

ராறுபோல்வரும் கண்ணநீர்கொண்டு அரங்கன்கோயில் திருமுற்றம் *

சேறுசெய்தொண்டர்சேவடிச்செழுஞ்சேறு என்சென்னிக்கணிவனே.

661 தோய்த்ததண்தயிர்வெண்ணெய்பாலுடன்உண்டலும் உடன் றாய்ச்சிகண்டு *

ஆர்த்ததோளுடையெம்பிரான் என்னரங்கனுக்கடியார்களாய் *

நாத்தழும்பெழநாரணாவென்றழைத்து மெய்தழும்பத்தொழு

தேத்தி * இன்புறும்தொண்டர்சேவடி ஏத்திவாழ்த்துமென்நெஞ்சமே.

662 பொய்சிலைக்குரலேற்றெருத்தமிறுத்துப் போரரவீர்த்தகோன் *

செய்சிலைச்சுடர்சூழொளித் திண்ணமாமதிள்தென்னரங்கனாம் *

மெய்சிலைக்கருமேகமொன்று தம்நெஞ்சில்நின்றுதிகழப்போய் *

மெய்சிலிர்ப்பவர்தம்மையேநினைந் தென்மனம்மெய்சிலிர்க்குமே.

663 ஆதியந்தமனந்தமற்புதமான வானவர்தம்பிரான் *

பாதமாமலர்சூடும்பத்தியிலாத பாவிகளுய்ந்திட *

தீதில்நன்னெறிகாட்டி எங்கும்திரிந்தரங்கனெம்மானுக்கே *

காதல்செய்தொண்டர்க்கெப்பிறப்பிலும் காதல்செய்யுமென்னெஞ்சமே.

664 காரினம்புரை மேனிநல்கதிர் முத்தவெண்ணகைச் செய்யவாய் *

ஆரமார்வனரங்கனென்னும் அரும்பெருஞ்சுடரொன்றினை *

சேரும்நெஞ்சினராகிச் சேர்ந்துகசிந்திழிந்தகண்ணீர்களால் *

வாரநிற்பவர்தாளிணைக்கு ஒருவாரமாகுமென்னெஞ்சமே.

665 மாலையுற்றகடல்கிடந்தவன் வண்டுகிண்டுநறுந்துழாய் *

மாலையுற்றவரைப்பெருந்திருமார்வனை மலர்க்கண்ணனை *

மாலையுற்றெழுந்தாடிப்பாடித் திரிந்தரங்கனெம்மானுக்கே *

மாலையுற்றிடும்தொண்டர்வாழ்வுக்கு மாலையுற்றதென்நெஞ்சமே.

666 மொய்த்துக்கண்பனிசோரமெய்கள்சிலிர்ப்ப ஏங்கி யிளைத்துநின்று *

எய்த்துக்கும்பிடுநட்டமிட்டெழுந்து ஆடிப்பாடியிறைஞ்சி * என்

அத்தனச்சனரங்கனுக்கு அடியார்களாகி * அவனுக்கே

பித்தராமவர்பித்தரல்லர்கள் மற்றையார்முற்றும்பித்தரே.

667 அல்லிமாமலர்மங்கைநாதன்அரங்கன்மெய்யடியார்கள்தம் *

எல்லையிலடிமைத்திறத்தினில்என்றுமேவுமனத்தனாம் *

கொல்லிகாவலன்கூடல்நாயகன் கோழிக்கோன்குலசேகரன் *

சொல்லினின்தமிழ்மாலைவல்லவர் தொண்டர்தொண்டர்களாவரே. (2)

668 மெய்யில்வாழ்க்கையை மெய்யெனக்கொள்ளும் * இவ்

வையந்தன்னொடும் கூடுவதில்லையான் *

ஐயனேஅரங்கா என்றழைக்கின்றேன் *

மையல்கொண்டொழிந்தேன் என்தன்மாலுக்கே. (2)

669 நூலினேரிடையார்திறத்தே நிற்கும் *

ஞாலந்தன்னொடும் கூடுவதில்லையான் *

ஆலியாஅழையா அரங்கா! என்று *

மாலெழுந்தொழிந்தேன் என்தன்மாலுக்கே.

670 மாரனார்வரிவெஞ்சிலைக் காட்செய்யும் *

பாரினாரொடும் கூடுவதில்லையான் *

ஆரமார்வன் அரங்கனனந்தன் * நல்

நாரணன் நரகாந்தகன்பித்தனே.

671 உண்டியேயுடையே யுகந்தோடும் * இம்

மண்டலத்தொடும் கூடுவதில்லையான் *

அண்டவாணன் அரங்கன் * வன்பேய்முலை

உண்டவாயன்தன் உன்மத்தன்காண்மினே.

672 தீதில்நன்னெறிநிற்கஅல்லாதுசெய் *

நீதியாரொடும் கூடுவதில்லையான் *

ஆதிஆயன் அரங்கன் * அந்தாமரைப்

பேதைமாமணவாளன்றன் பித்தனே.

673 எம்பரத்தரல்லாரொடும் கூடலன் *

உம்பர்வாழ்வை ஒன்றாகக்கருதிலன் *

தம்பிரானமரர்க்கு * அரங்கநகர்

எம்பிரானுக்கு எழுமையுமபித்தனே.

674 எத்திறத்திலும் யாரொடும்கூடும் * அச்

சித்தந்தன்னைத்தவிர்த்தனன் செங்கண்மால் *

அத்தனே! அரங்கா! என்றழைக்கின்றேன் *

பித்தனாயொழிந்தேன் எம்பிரானுக்கே.

675 பேயரே எனக்குயாவரும் * யானுமோர்

பேயனேஎவர்க்கும் இதுபேசியென்? *

ஆயனேஅரங்கா என்றழைக்கின்றேன் *

பேயனாயொழிந்தேன் எம்பிரானுக்கே.

676 அங்கையாழி அரங்கனடியிணை *

தங்குசிந்தைத் தனிப்பெரும்பித்தனாய் *

கொங்கர்கோன் குலசேகரன்சொன்னசொல் *

இங்குவல்லவர்க்கு ஏதமொன்றில்லையே. (2)

728 தேவரையுமசுரரையும் திசைகளையும்படைத்தவனே! *

யாவரும்வந்தடிவணங்க அரங்கநகர்த்துயின்றவனே! *

காவிரிநல்நதிபாயும் கணபுரத்தென்கருமணியே! *

ஏவரிவெஞ்சிலைவலவா! இராகவனே! தாலேலோ. (2)

772 அரங்கனே! தரங்கநீர் கலங்கவன்று, குன்றுசூழ் *

மரங்கள்தேயமாநிலம்குலுங்க மாசுணம்சுலாய் *

நெருங்க, நீகடைந்தபோது நின்றசூரரெஞ்செய்தார்? *

குரங்கையாளுகந்தவெந்தை! கூறுதேறவேறிதே.

800 கொண்டைகொண்டகோதைமீது தேனுலாவுகூனிகூன்

உண்டைகொண்டரங்கவோட்டி உள்மகிழ்ந்தநாதனூர் *

நண்டையுண்டுநாரைபேர வாளைபாய, நீலமே *

அண்டைகொண்டுகெண்டைமேயும் அந்தணீரரங்கமே. (2)

801 வெண்டிரைக்கருங்கடல் சிவந்துவேவ, முன்னோர்நாள் *

திண்டிறல்சிலைக்கைவாளி விட்டவீரர்சேருமூர் *

எண்டிசைக்கணங்களும் இறைஞ்சியாடுதீர்த்தநீர் *

வண்டிரைத்தசோலைவேலி மன்னுசீரரங்கமே.

802 சரங்களைத்துரந்து வில்வளைத்து, இலங்கைமன்னவன் *

சிரங்கள்பத்தறுத்துதிர்த்த செல்வர்மன்னுபொன்னிடம் *

பரந்துபொன்நிரந்துநுந்தி வந்தலைக்கும்வார்புனல் *

அரங்கமென்பர் நான்முகத்தயன்பணிந்தகோயிலே.

803 பொற்றையுற்றமுற்றல்யானை போரெதிர்ந்துவந்ததை *

பற்றியுற்றுமற்றதன் மருப்பொசித்தபாகனூர் *

சிற்றெயிற்றுமுற்றல்மூங்கில் மூன்றுதண்டரொன்றினர் *

அற்றபற்றர்சுற்றிவாழும் அந்தணீரரங்கமே.

804 மோடியோடிலச்சையாய சாபமெய்திமுக்கணான் *

கூடுசேனைமக்களோடு கொண்டுமண்டிவெஞ்சமத்து

ஒட * வாணனாயிரம் கரங்கழித்த ஆதிமால் *

பீடுகோயில்கூடுநீர் அரங்கமென்றபேரதே.

805 இலைத்தலைச்சரந்துரந்து இலங்கைகட்டழித்தவன் *

மலைத்தலைப்பிறந்திழிந்து வந்துநுந்துசந்தனம் *

குலைத்தலைத்திறுத்தெறிந்த குங்குமக்குழம்பினோடு *

அலைத்தொழுகுகாவிரி அரங்கமேய அண்ணலே!

806 மன்னுமாமலர்க்கிழத்தி வையமங்கைமைந்தனாய் *

பின்னுமாயர்பின்னைதோள் மணம்புணர்ந்ததன்றியும் *

உன்னபாதமென்னசிந்தை மன்னவைத்துநல்கினாய் *

பொன்னிசூழரங்கமேய புண்டரீகனல்லையே?

844 சுரும்பரங்குதண்டுழாய் துதைந்தலர்ந்தபாதமே *

விரும்பிநின்றிறைஞ்சுவேற்கு இரங்குஅரங்கவாணனே! *

கரும்பிருந்தகட்டியே! கடல்கிடந்தகண்ணனே! *

இரும்பரங்கவெஞ்சரந்துரந்த வில்லிராமனே!

870 பொன்னிசூழரங்கமேய பூவைவண்ண! மாய!கேள் *

என்னதாவியென்னும் வல்வினையினுள்கொழுந்தெழுந்து *

உன்னபாதமென்னநின்ற ஒண்சுடர்க்கொழுமலர் *

மன்னவந்துபூண்டு வாட்டமின்றியெங்கும்நின்றதே. (2)

872 காவலிற்புலனைவைத்துக் கலிதன்னைக்கடக்கப்பாய்ந்து *

நாவலிட்டுழிதருகின்றோம் நமன்தமர்தலைகள்மீதே *

மூவுலகுண்டுமிழ்ந்தமுதல்வ! நின்நாமம் கற்ற *

ஆவலிப்புடைமைகண்டாய் அரங்கமாநகருளானே! (2)

873 பச்சைமாமலைபோல்மேனி பவளவாய்கமலச்செங்கண்

அச்சுதா! அமரரேறே! ஆயர்தம்கொழுந்தே! என்னும் *

இச்சுவைதவிரயான்போய் இந்திரலோகமாளும் *

அச்சுவைபெறினும்வேண்டேன் அரங்கமாநகருளானே! (2)

874 வேதநூல்பிராயம்நூறு மனிசர்தாம்புகுவரேலும் *

பாதியுமுறங்கிப்போகும் நின்றப்பதினையாண்டு *

பேதைபாலகனதாகும் பிணிபசிமூப்புத்துன்பம் *

ஆதலால்பிறவிவேண்டேன் அரங்கமாநகருளானே!

875 மொய்த்தவல்வினையுள்நின்று மூன்றெழுத்துடையபேரால் *

கத்திரபந்துமன்றே பராங்கதிகண்டுகொண்டான் *

இத்தனையடியரானார்க்கு இரங்கும்நம்மரங்கனாய

பித்தனைப்பெற்றுமந்தோ! பிறவியுள்பிணங்குமாறே.

876 பெண்டிராற்சுகங்களுய்ப்பான் பெரியதோரிடும்பைபூண்டு *

உண்டிராக்கிடக்கும்போது உடலுக்கேகரைந்துநைந்து *

தண்டுழாய்மாலைமார்பன் தமர்களாய்ப்பாடியாடி *

தொண்டுபூண்டமுதமுண்ணாத் தொழும்பர் சோறுகக்குமாறே!

877 மறஞ்சுவர்மதிளெடுத்து மறுமைக்கேவெறுமைபூண்டு *

புறஞ்சுவரோட்டைமாடம் புரளும்போதறியமாட்டீர் *

அறஞ்சுவராகிநின்ற அரங்கனார்க்காட்செய்யாதே *

புறஞ்சுவர்கோலஞ்செய்து புள்கவ்வக்கிடக்கின்றீரே.

878 புலையறமாகிநின்ற புத்தொடுசமணமெல்லாம் *

கலையறக்கற்றமாந்தர் காண்பரோகேட்பரோதாம்? *

தலையறுப்புண்டும்சாவேன் சத்தியங்காண்மின்ஐயா *

சிலையினாலிலங்கைசெற்ற தேவனே தேவனாவான்.

879 வெறுப்பொடுசமணர்முண்டர் விதியில்சாக்கியர்கள் * நின்பால்

பொறுப்பரியனகள்பேசில் போவதேநோயதாகி *

குறிப்பெனக்கடையுமாகில் கூடுமேல்தலையைஆங்கே *

அறுப்பதேகருமங்கண்டாய் அரங்கமாநகருளானே!

880 மற்றுமோர்தெய்வமுண்டே? மதியிலாமானிடங்காள் *

உற்றபோதன்றிநீங்கள் ஒருவனென்றுணரமாட்டீர் *

அற்றமேலொன்றறீயீர் அவனல்லால்தெய்வமில்லை *

கற்றினம்மேய்த்தவெந்தை கழலிணைபணிமின்நீரே.

881 நாட்டினான்தெய்வமெங்கும் நல்லதோரருள்தன்னாலே *

காட்டினான் திருவரங்கம் உய்பவர்க்கு உய்யும்வண்ணம் *

கேட்டிரேநம்பிமீர்காள்! கெருடவாகனனும்நிற்க *

சேட்டைதன்மடியகத்துச் செல்வம்பார்த்திருக்கின்றீரே.

882 ஒருவில்லாலோங்குமுந்நீரடைத்து உலகங்களுய்ய *

செருவிலேயரக்கர்கோனைச்செற்ற நம்சேவகனார் *

மருவியபெரியகோயில் மதிள்திருவரங்கமென்னா *

கருவிலேதிருவிலாதீர்! காலத்தைக்கழிக்கின்றீரே.

883 நமனும்முற்கலனும் பேச நரகில் நின்றார்கள் கேட்க *

நரகமேசுவர்க்கமாகும் நாமங்களுடைய நம்பி *

அவனதூரரங்கமென்னாது அயர்த்து வீழ்ந்தளியமாந்தர் *

கவலையுள்படுகின்றாரென்று அதனுக்கேகவல்கின்றேனே.

884 எறியுநீர்வெறி கொள்வேலை மாநிலத்துயிர்களெல்லாம் *

வெறிகொள்பூந்துளவமாலை விண்ணவர்கோனையேத்த *

அறிவிலாமனிசரெல்லாம் அரங்கமென்றழைப்பராகில் *

பொறியில்வாழ் நரகமெல்லாம் புல்லெழுந்தொழியுமன்றே.

885 வண்டினமுரலும்சோலை மயிலினமாலும்சோலை *

கொண்டல்மீதணவும்சோலை குயிலினம்கூவும்சோலை *

அண்டர்கோனமரும்சோலை அணிதிருவரங்கமென்னா *

மிண்டர்பாய்ந்துண்ணும் சோற்றை விலக்கி நாய்க்கிடுமினீரே. (2)

886 மெய்யர்க்கேமெய்யனாகும் விதியிலாவென்னைப்போல *

பொய்யர்க்கே பொய்யனாகும்புட்கொடியுடையகோமான் *

உய்யப்போமுணர்வினார்கட்கு ஒருவனென்றுணர்ந்தபின்னை *

ஐயப்பாடறுத்துத்தோன்றும் அழகனூரரங்கமன்றே.

887 சூதனாய்க்கள்வனாகித் தூர்த்தரோடிசைந்தகாலம் *

மாதரார்கயற்கணென்னும் வலையுள்பட்டழுந்துவேனை *

போதரேயென்றுசொல்லிப் புந்தியுள்புகுந்து * தன்பால்

ஆதரம்பெருகவைத்த அழகனூரரங்கமன்றே.

888 விரும்பிநின்றேத்த மாட்டேன் விதியிலேன்மதியொன்றில்லை *

இரும்புபோல்வலியநெஞ்சம் இறையிறையுருகும் வண்ணம் *

சுரும்பமர்சோலைசூழ்ந்த அரங்கமாகோயில் கொண்ட *

கரும்பினைக்கண்டுகொண்டு என்கண்ணிணை களிக்குமாறே!

889 இனிதிரைத்திவலைமோத எறியும் தண்பரவைமீதே *

தனிகிடந்தரசுசெய்யும் தாமரைக்கண்ணனெம்மான் *

கனியிருந்தனையசெவ்வாய்க் கண்ணணைக்கண்டகண்கள் *

பனியரும்புதிருமாலோ! என்செய்கேன்பாவியேனே?

890 குடதிசைமுடியைவைத்துக் குணதிசைபாதம் நீட்டி *

வடதிசைபின்புகாட்டித் தென்திசையிலங்கை நோக்கி *

கடல்நிறக்கடவுளெந்தை அரவணைத்துயிலுமாகண்டு *

உடலெனக்குருகுமாலோ? என்செய்கேன்? உலகத்தீரே! (2)

891 பாயுநீரரங்கந்தன்னுள் பாம்பணைப்பள்ளிகொண்ட *

மாயனார்திருநன்மார்பும் மரகதவுருவும்தோளும் *

தூய தாமரைக்கண்களும் துவரிதழ்பவளவாயும் *

ஆயசீர்முடியும்தேசும் அடியரோர்க்ககலலாமே?

892 பணிவினால்மனமதொன்றிப் பவளவாயரங்கனார்க்கு *

துணிவினால்வாழமாட்டாத் தொல்லைநெஞ்சே! நீ சொல்லாய் *

அணியனார்செம்பொனாய அருவரையனையகோயில் *

மணியனார்கிடந்தவாற்றை மனத்தினால்நினைக்கலாமே?

893 பேசிற்றேபேசலல்லால் பெருமையொன்றுணரலாகாது *

ஆசற்றார் தங்கட்கல்லால் அறியலாவானுமல்லன் *

மாசற்றார்மனத்துளானை வணங்கிநாமிருப்பதல்லால் *

பேசத்தானாவதுண்டோ? பேதைநெஞ்சே! நீ சொல்லாய்.

894 கங்கயிற்புனிதமாய காவிரிநடுவுபாட்டு *

பொங்கு நீர்பரந்துபாயும் பூம்பொழிலரங்கந்தன்னுள் *

எங்கள் மாலிறைவனீசன் கிடந்ததோர்கிடக்கைகண்டும் *

எங்ஙனம்மறந்துவாழ்கேன்? ஏழையேனேழையேனே.

895 வெள்ளநீர்பரந்துபாயும் விரிபொழிலரங்கந்தன்னுள் *

கள்வனார்கிடந்தவாறும் கமலநன்முகமும்கண்டும் *

உள்ளமே! வலியைபோலும் ஒருவனென்றுணரமாட்டாய் *

கள்ளமேகாதல்செய்து உன்கள்ளத்தேகழிக்கின் றாயே.

896 குளித்துமூன் றனலையோம்பும் குறிகொளந்தணமைதன்னை *

ஒளித்திட்டேன், என்கணில்லை நின்கணும்பத்தனல்லேன் *

களிப்பதென்கொண்டு? நம்பீ! கடல்வண்ணா! கதறுகின்றேன் *

அளித்தெனக்கருள்செய்கண்டாய் அரங்கமாநகருளானே!

897 போதெல்லாம்போதுகொண்டு உன்பொன்னடி புனையமாட்டேன் *

தீதிலாமொழிகள் கொண்டு உன்திருக்குணம்செப்பமாட்டேன் *

காதலால்நெஞ்சமன்பு கலந்திலேன், அதுதன்னாலே *

ஏதிலேனரங்கர்க்குஎல்லே! என்செய்வான் தோன்றினேனே.

898 குரங்குகள்மலையைநூக்கக் குளித்துத்தாம் புரண்டிட்டோடி *

தரங்கநீரடைக்க லுற்ற சலமிலாவணிலும்போலேன் *

மரங்கள்போல்வலியநெஞ்சம் வஞ்சனேன், நெஞ்சுதன்னால் *

அரங்கனார்க்காட்செய்யாதே அளியத்தேனயர்க்கின்றேனே.

899 உம்பராலறியலாகா ஒளியுளார், ஆனைக்காகி *

செம்புலாலுண்டுவாழும் முதலைமேல்சீறிவந்தார் *

நம்பரமாயதுண்டே? நாய்களோம் சிறுமையோரா *

எம்பிராற்காட்செய்யாதே என்செய்வான் தோன்றினேனே?

900 ஊரிலேன்காணியில்லை உறவுமற்றொருவரில்லை *

பாரில்நின் பாதமூலம் பற்றிலேன் பரமமூர்த்தி! *

காரொளிவண்ணனே! கண்ணனே! கதறுகின்றேன் *

ஆருளர்? களைகணம்மா! அரங்கமாநகருளானே!

901 மனத்திலோர்தூய்மையில்லை வாயிலோரின்சொலில்லை *

சினத்தினால் செற்றம் நோக்கித் தீவிளிவிளிவன்வாளா *

புனத்துழாய்மாலையானே! பொன்னிசூழ்திருவரங்கா *

எனக்கினிக்கதியென் சொல்லாய்? என்னையாளுடைய கோவே!

902 தவத்துளார்தம்மிலல்லேன் தனம்படத்தாரிலல்லேன் *

உவர்த்த நீர்போல என்றன்உற்றவர்க்கொன்றுமல்லேன் *

துவர்த்தசெவ்வாயினார்க்கே துவக்கறத்துரிசனானேன் *

அவத்தமே பிறவிதந்தாய் அரங்கமாநகருளானே!

903 ஆர்த்துவண்டலம்பும்சோலை அணிதிருவரங்கந்தன்னுள் *

கார்த்திரளனைய மேனிக் கண்ணனே! உன்னைக்காணும் *

மார்க்கமொன்றறியமாட்டா மனிசரில்துரிசனாய *

மூர்க்கனேன்வந்துநின்றேன் மூர்க்கனேன்மூர்க்கனேனே.

904 மெய்யெல்லாம் போகவிட்டு விரிகுழலாரில்பட்டு *

பொய்யெல்லாம் பொதிந்து கொண்ட போழ்க்கனேன்வந்துநின்றேன் *

ஐயனே! அரங்கனே! உன்னருளென்னுமாசை தன்னால் *

பொய்யனேன் வந்துநின்றேன் பொய்யனேன் பொய்யனேனே.

905 உள்ளத்தேயுறையும் மாலை உள்ளுவானுணர்வொன்றில்லா *

கள்ளத்தேன் நானும் தொண்டாய்த் தொண்டுக்கேகோலம்பூண்டு *

உள்ளுவாருள்ளிற்றெல்லாம் உடனிருந்தறிதியென்று *

வெள்கிப்போயென்னுள்ளே நான் விலவறச் சிரித்திட்டேனே.

906 தாவியன்றுலகமெல்லாம் தலைவிளாக்கொண்டவெந்தாய் *

சேவியேனுன்னையல்லால் சிக்கெனச்செங்கண்மாலே *

ஆவியே! அமுதே! என்தனாருயிரனையவெந்தாய் *

பாவியேனுன்னையல்லால் பாவியேன் பாவியேனே.

907 மழைக்கன்று வரைமுனேந்தும் மைந்தனே! மதுரவாறே! *

உழைக்கன்றே போல நோக்கம்முடையவர் வலையுள்பட்டு *

உழைக்கின்றேற்கு என்னை நோக்காதொழிவதே! * உன்னை யன்றே

அழைக்கின்றேன் ஆதிமூர்த்தி! அரங்கமாநகருளானே!

908 தெளிவிலாக்கலங்கல் நீர்சூழ் திருவரங்கங்கத்துள்ளோங்கும் *

ஒளியுளார்தாமேயன்றே தந்தையும்தாயுமாவார் *

எளியதோரருளுமன்றே எந்திறத்தெம்பிரானார் *

அளியன்நம்பையல் என்னார் அம்மவோ! கொடியவாறே!

909 மேம்பொருள் போகவிட்டு மெய்ம்மையை மிகவுணர்ந்து *

ஆம்பரிசறிந்து கொண்டு ஐம்புலனகத்தடக்கி *

காம்புறத்தலைசிரைத்து உன்கடைத்தலையிருந்து * வாழும்

சோம்பரை உகத்திபோலும் சூழ்புனலரங்கத்தானே! (2)

910 அடிமையில்குடிமையில்லா அயல்சதுப்பேதிமாரில் *

குடிமையில்கடைமைபட்ட குக்கரில்பிறப்பரேலும் *

முடியினில்துளபம்வைத்தாய்! மொய்கழற்கன்புசெய்யும் *

அடியரையுகத்திபோலும் அரங்கமாநகருளானே!

911 திருமறுமார்வ! நின்னைச்சிந்தையுள் திகழவைத்து *

மருவியமனத்தராகில் மாநிலத்துயிர்களெல்லாம் *

வெருவரக்கொன்று சுட்டிட்டு ஈட்டியவினையரேலும் *

அருவினைப்பயனதுய்யார் அரங்கமாநகருளானே!

912 வானுளாரறியலாகா வானவா என்பராகில் *

தேனுலாந்துளபமாலைச் சென்னியாய் என்பராகில் *

ஊனமாயினகள் செய்யும் ஊனகாரகர்களேலும் *

போனகம்செய்த சேடம் தருவரேல், புனிதமன்றே.

913 பழுதிலாவொழுகலாற்றுப் பலசதுப்பேதிமார்கள்! *

இழிகுலத்தவர்களேலும் எம்மடியார்களாகில் *

தொழுமினீர் கொடுமின்கொள்மின் என்று நின்னோடு மொக்க *

வழிபடஅருளினாய்போல் மதில் திருவரங்கத்தானே!

914 அமரவோரங்கமாறும் வேதமோர்நான்குமோதி *

தமர்களில் தலைவராய சாதியந்தணர்களேலும் *

நுமர்களைப்பழிப்பராகில் நொடிப்பதோரளவில் * ஆங்கே

அவர்கள்தாம் புலையர்போலும் அரங்கமாநகருளானே!

915 பெண்ணுலாம் சடையினானும் பிரமனுமுன்னைக் காண்பான் *

எண்ணிலாவூழியூழி தவஞ்செய்தார்வெள்கிநிற்ப *

விண்ணுளார்வியப்பவந்து ஆனைக்கன்றருளையீந்த

கண்ணறா * உன்னையென்னோ? களைகணாக்கருதுமாறே. (2)

916 வளவெழும் தவளமாட மதுரை மாநகரந்தன்னுள் *

கவளமால்யானை கொன்ற கண்ணனை அரங்கமாலை *

துவளத்தொண்டாயதொல்சீர்த் தொண்டரடிப்பொடிசொல் *

இளையபுன்கவிதையேலும் எம்பிறார்கினியவாறே. (2)

917 கதிரவன்குணதிசைக் சிகரம்வந்தணைந்தான்

கனவிருளகன்றது காலையம்பொழுதாய் *

மதுவிரிந்தொழுகினமாமலரெல்லாம்

வானவரரசர்கள் வந்துவந்தீண்டி *

எதிர்திசைநிறைந்தனரிவரொடும்புகுந்த

இருங்களிற்றீட்டமும்பிடியொடுமுரசும் *

அதிர்தலிலலைகடல்போன்றுளதெங்கும்

அரங்கத்தம்மா! பள்ளியெழுந்தருளாயே. (2)

918 கொழுங்கொடிமுல்லையின்கொழுமலரணவிக்

கூர்ந்ததுகுணதிசைமாருதமிதுவோ *

எழுந்தனமலரணைப் பள்ளிகொள்ளன்னம்

ஈன்பனிநனைந்ததமிருஞ்சிறகுதறி

விழுங்கியமுதலையின்பிலம்புரைபேழ்வாய்

வெள்ளெயிறுறவதன்விடத்தனுக்கனுங்கி *

அழுங்கியவானையினருந்துயர்கெடுத்த

அரங்கத்தம்மா! பள்ளியெழுந்தருளாயே.

919 சுடரொளிபரந்தனசூழ்திசையெல்லாம்

துன்னியதாரகைமின்னொளிசுருங்கி *

படரொளிபசுத்தனன்பனிமதியிவனோ

பாயிருளகன்றது, பைம்பொழில்கமுகின் *

மடலிடைக்கீறிவண்பாளைகள்நாற

வைகறைகூர்ந்ததுமாருதமிதுவோ *

அடலொளிதிகழ்தருதிகிரியந்தடக்கை

அரங்கத்தம்மா! பள்ளியெழுந்தருளாயே.

920 மேட்டிளமேதிகள்தளைவிடுமாயர்கள்

வேய்ங்குழலோசையும்விடைமணிக்குரலும் *

ஈட்டியவிசைதிசைபரந்தனவயலுள்

இரிந்தினசுரும்பினம், இலங்கையர்குலத்தை *

வாட்டியவரிசிலைவானவரேறே!

மாமுனிவேள்வியைக்காத்து * அவபிரதம்

ஆட்டியவடுதிறல்அயோத்தியெம்மரசே!

அரங்கத்தம்மா! பள்ளியெழுந்தருளாயே.

921 புலம்பினபுட்களும்பூம்பொழில்களின்வாய்

போயிற்றுக்கங்குல்புகுந்ததுபுலரி *

கலந்ததுகுணதிசைகனைகடலரவம்

களிவண்டுமிழற்றியகலம்பகம்புனைந்த *

அலங்கலந்தொடையல்கொண்டடியிணைபணிவான்

அமரர்கள் புகுந்தனராதலிலம்மா! *

இலங்கையர்கோன்வழிபாடுசெய்கோயில்

எம்பெருமான்! பள்ளியெழுந்தருளாயே.

922 இரவியர்மணிநெடுந்தேரொடுமிவரோ!

இறையவர்பதினொருவிடையருமிவரோ *

மருவியமயிலினனறுமுகனிவனோ

மருதரும்வசுக்களும்வந்துவந்தீண்டி *

புரவியோடாடலும்பாடலும் தேரும்

குமரதண்டம்புகுந்தீண்டியவெள்ளம் *

அருவரையனையநின்கோயில்முன்னிவரோ

அரங்கத்தம்மா! பள்ளியெழுந்தருளாயே.

923 அந்தரத்தமரர்கள்கூட்டங்களிவையோ

அருந்தவமுனிவரும்மருதருமிவரோ *

இந்திரனானையும்தானும்வந்திவனோ

எம்பெருமானுன்கோயிலின்வாசல் *

சுந்தரர்நெருக்கவிச்சாதரர்நூக்க

இயக்கரும்மயங்கினர்திருவடிதொழுவான் *

அந்தரம்பாரிடமில்லைமற்றிதுவோ

அரங்கத்தம்மா! பள்ளியெழுந்தருளாயே.

924 வம்பவிழ்வானவர்வாயுறைவழங்க

மாநிதிகபிலையொண்கண்ணாடிமுதலா *

எம்பெருமான் படிமக்கலம்காண்டற்கு

ஏற்பனவாயினகொண்டுநன்முனிவர் *

தும்புருநாரதர்புகுந்தனரிவரோ

தோன்றினனிரவியும்துலங்கொளிபரப்பி *

அம்பரதலத்தில்நின்றகல்கின்றதிருள்போய்

அரங்கத்தம்மா! பள்ளியெழுந்தருளாயே.

925 ஏதமில்தண்ணுமையெக்கம்மத்தளி

யாழ்குழல்முழவமோடிசைதிசைகெழுமி *

கீதங்கள்பாடினர்கின்னரர்கெருடர்கள்

கந்தருவரவர்கங்குலுளெல்லாம் *

மாதவர்வானவர்சாரணரியக்கர்

சித்தரும்மயங்கினர்திருவடிதொழுவான் *

ஆதலிலவர்க்குநாளோலக்கமருள

அரங்கத்தம்மா! பள்ளியெழுந்தருளாயே. (2)

926 கடிமலர்க்கமலங்கள்மலர்ந்தனவிவையோ

கதிரவன்கனைகடல்முளைத்தனன்னிவனோ *

துடியிடையார்சுரிகுழல்பிழிந்துதறித்

துகிலுடுத்தேறினர்சூழ்புனலரங்கா! *

தொடையொத்ததுளவமும்கூடையும்பொலிந்து

தோன்றியதோள்தொண்டரடிப்பொடியென்னு

மடியனை * அளியனென்றருளியுன்னடியார்க்

காட்படுத்தாய்! பள்ளிஎழுந்தருளாயே. (2)

927 அமலனாதிபிரான் அடியார்க்கென்னையாட்படுத்த

விமலன் * விண்ணவர்கோன் விரையார்பொழில் வேங்கடவன் *

நிமலன் நின்மலன்நீதிவானவன் நீள்மதிளரங்கத்தம்மான் * திருக்

கமலபாதம்வந்து என்கண்ணினுள்ளனவொக்கின்றதே. (2)

928 உவந்தவுள்ளத்தனாய் உலகமளந்தண்டமுற *

நிவந்தநீள்முடியன் அன்றுநேர்ந்தநிசாசரரை *

கவர்ந்தவெங்கணைக்காகுத்தன் கடியார்பொழிலரங்கத்தம்மான் * அரைச்

சிவந்தஆடையின்மேல் சென்றதாமென்சிந்தனையே.

929 மந்திபாய் வடவேங்கடமாமலை * வானவர்கள்

சந்திசெய்யநின்றான் அரங்கத்தரவினணையான் *

அந்திபோல்நிறத்தாடையும் அதன்மேலயனைப் படைத்ததோரெழில் *

உந்திமேலதன்றோ அடியேனுள்ளத்தின்னுயிரே. (2)

930 சதுரமாமதிள்சூழ் இலங்கைக்கிறைவன்தலைபத்து

உதிரவோட்டி * ஓர்வெங்கணையுய்த்தவன் ஒதவண்ணன் *

மதுரமாவண்டுபாட மாமயிலாடரங்கத்தம்மான் * திருவயிற்று

உதரபந்தம் என்னுள்ளத்துள்நின்றுலாகின்றதே.

931 பாரமாய பழவினைபற்றறுத்து * என்னைத்தன்

வாரமாக்கிவைத்தான் வைத்ததன்றியென்னுள் புகுந்தான் *

கோரமாதவம்செய்தனன்கொல்லறியேன் * அரங்கத்தம்மான் * திரு

வாரமார்பதன்றோ அடியேனையாட்கொண்டதே.

932 துண்டவெண்பிறையன் துயர்தீர்த்தவன் * அஞ்சிறைய

வண்டுவாழ்பொழில்சூழ் அரங்கநகர்மேயஅப்பன் *

அண்டரண்டபகிரண்டத்து ஒருமாநிலமெழுமால்வரை * முற்றும்

உண்டகண்டங்கண்டீர் அடியேனையுய்யக்கொண்டதே.

933 கையினார் சுரிசங்கனலாழியர் * நீள்வரைபோல்

மெய்யனார் துளபவிரையார் கமழ்நீள்முடியெம்

ஐயனார் * அணியரங்கனார் அரவினணைமிசைமேயமாயனார் *

செய்யவாய் ஐயோ! என்னைச்சிந்தைகவர்ந்ததுவே.

934 பரியனாகிவந்த அவுணனுடல்கீண்ட * அமரர்க்கு

அரியஆதிப்பிரான் அரங்கத்தமலன்முகத்து *

கரியவாகிப்புடைபரந்து மிளிர்ந்துசெவ்வரியோடி * நீண்டஅப்

பெரியவாயகண்கள் என்னைப்பேதைமைசெய்தனவே.

935 ஆலமாமரத்தினிலைமேல் ஒருபாலகனாய் *

ஞாலமேழுமுண்டான் அரங்கத்தரவினணையான் *

கோலமாமணியாரமும் முத்துத்தாமமும் முடிவில்லதோரெழில் *

நீலமேனி ஐயோ! நிறைகொண்டதென்நெஞ்சினையே. (2)

936 கொண்டல்வண்ணனைக் கோவலனாய்வெண்ணெ

யுண்டவாயன் * என்னுள்ளம்கவர்ந்தானை *

அண்டர்கோன்அணியரங்கன் என்னமுதினைக்

கண்டகண்கள் * மற்றொன்றினைக் காணாவே. (2)

1019 பள்ளியாவதுபாற்கடலரங்கம் இரங்கவன்பேய்முலை *

பிள்ளையாய்உயிருண்டஎந்தை பிரானவன்பெருகுமிடம் *

வெள்ளியான்கரியான் மணிநிறவண்ணனென்றெண்ணி * நாள்தொறும்

தெள்ளியார்வணங்கும்மலைத் திருவேங்கடம் அடைநெஞ்சமே! (2)

1213 எந்துணையென்றுஎடுத்தேற்கு இறையேனும் இரங்கிற்றிலள் *

தன்துணையாய என்தன் தனிமைக்கும் இரங்கிற்றிலள் *

வன்துணைவானவர்க்காய் வரம்செற்று * அரங்கத்து உறையும்

இன்துணைவன்னொடும்போய் எழிலாலி புகுவர்கொலோ?. (2)

1378 உந்திமேல்நான்முகனைப்படைத்தான் உலகுண்டவன்

எந்தைபெம்மான் * இமையோர்கள்தாதைக்கு இடமென்பரால் *

சந்தினோடுமணியும்கொழிக்கும் புனல்காவிரி *

அந்திபோலும்நிறத்தார்வயல்சூழ் தென்னரங்கமே. (2)

1379 வையமுண்டுஆலிலைமேவுமாயன், மணிநீண்முடி *

பைகொள்நாகத்தணையான் பயிலும்இடமென்பரால் *

தையல்நல்லார்குழல்மாலையும் மற்றவர்தடமுலை *

செய்யசாந்தும்கலந்திழிபுனல்சூழ் தென்னரங்கமே.

1380 பண்டுஇவ்வையமளப்பான் சென்று மாவலிகையில்நீர்

கொண்ட * ஆழித்தடக்கைக் குறளனிடமென்பரால் *

வண்டுபாடும்மதுவார்புனல் வந்திழிகாவிரி *

அண்டநாறும்பொழில்சூழ்ந்து அழகார்தென்னரங்கமே.

1381 விளைத்தவெம்போர் விறல்வாளரக்கன்நகர்பாழ்பட *

வளைத்தவல்வில்தடக்கையவனுக்கு இடமென்பரால் *

துளைக்கையானைமருப்பும் அகிலும்கொணர்ந்துந்தி * முன்

திளைக்கும்செல்வப்புனல்காவிரிசூழ் தென்னரங்கமே.

1382 வம்புலாம்கூந்தல்மண்டோதரிகாதலன் வான்புக *

அம்புதன்னால்முனிந்த அழகனிடமென்பரால் *

உம்பர்கோனும்உலகேழும் வந்தீண்டிவணங்கும் * நல்

செம்பொனாரும்மதிள்சூழ்ந்து அழகார்தென்னரங்கமே.

1383 கலையுடுத்தஅகலல்குல் வன்பேய்மகள்தாயென *

முலைகொடுத்தாளுயிருண்டவன் வாழுமிடமென்பரால் *

குலையெடுத்தகதலிப் பொழிலூடும்வந்துஉந்தி * முன்

அலையெடுக்கும்புனல்காவிரிசூழ் தென்னரங்கமே.

1384 கஞ்சன்நெஞ்சும்கடுமல்லரும் சகடமுங்காலினால் *

துஞ்சவென்றசுடராழியான் வாழிடமென்பரால் *

மஞ்சுசேர்மாளிகை நீடகில்புகையும் * மறையோர்

செஞ்சொல்வேள்விப்புகையும்கமழும் தென்னரங்கமே.

1385 ஏனமீனாமையோடு அரியும்சிறுகுறளுமாய் *

தானுமாய தரணித்தலைவனிடமென்பரால் *

வானும்மண்ணும்நிறையப் புகுந்துஈண்டிவணங்கும் * நல்

தேனும்பாலும்கலந்தன்னவர்சேர் தென்னரங்கமே.

1386 சேயன்என்றும்மிகப்பெரியன் நுண்நேர்மையினாய * இம்

மாயையையாரும்அறியாவகையான் இடமென்பரால் *

வேயின்முத்தும்மணியும்கொணர்ந்து ஆர்ப்புனல்காவிரி *

ஆயபொன்மாமதிள்சூழ்ந்த அழகார்தென்னரங்கமே.

1387 அல்லிமாதரமரும் திருமார்வனரங்கத்தை *

கல்லின்மன்னுமதிள் மங்கையர்கோன்கலிகன்றிசொல் *

நல்லிசைமாலைகள் நாலிரண்டுமிரண்டும் * உடன்

வல்லவர்தாம்உலகாண்டு பின்வானுலகாள்வரே. (2)

1388 வெருவாதாள் வாய்வெருவி

வேங்கடமே! வேங்கடமே! எங்கின்றாளால் *

மருவாளால்என்குடங்கால் வாள்நெடுங்கண்

துயில்மறந்தாள் * வண்டார்கொண்ட

லுருவாளன்வானவர்தமுயிராளன்

ஒலிதிரைநீர்ப்பௌவளம்கொண்ட

திருவாளன் * என்மகளைச் செய்தனகள்

எங்ஙனம்நான்சிந்திக்கேனே? (2)

1389 கலையாளாஅகலல்குல் கனவளையும்கையாளா

என்செய்கேன்நான்? *

விலையாளா அடியேனை வேண்டுதியோ?

வேண்டாயோ? என்னும் * மெய்ய

மலையாளன்வானவர்தம்தலையாளன்

மராமரமேழெய்தவென்றிச்

சிலையாளன் * என்மகளைச்செய்தனகள்

எங்ஙனம்நான்சிந்திக்கேனே?

1390 மானாயமென்னோக்கி வாள்நெடுங்கண்நீர்மல்கும்

வளையும்சோரும் *

தேனாயநறுந்துழாய் அலங்கலின்

திறம்பேசிஉறங்காள்காண்மின் *

கானாயன்கடிமனையில்தயிருண்டுநெய்பருக

நந்தன் பெற்ற

ஆனாயன் * என்மகளைச்செய்தனகள்

அம்மனைமீர்! அறிகிலேனே.

1391 தாய்வாயில்சொற்கேளாள் தன்னாயத்

தோடுஅணையாள் தடமென்கொங்கை

யே * ஆரச்சாந்தணியாள்

எம்பெருமான்திருவரங்கம்எங்கே? என்னும் *

பேய்மாயமுலையுண்டுஇவ்வுலகுண்ட

பெருவயிற்றன்பேசில்நங்காய்! *

மாமாயன்என்மகளைச்செய்தனகள்

மங்கைமீர்! மதிக்கிலேனே.

1392 பூண்முலைமேல்சாந்தணியாள்

பொருகயல்கண்மையெழுதாள்பூவைபேணாள் *

ஏணறியாள் எத்தனையும்

எம்பெருமான் திருவரங்கம்எங்கே? என்னும் *

நாண்மலராள்நாயகனாய்

நாமறிய ஆய்ப்பாடிவளர்ந்தநம்பி *

ஆண்மகனாய்என்மகளைச்செய்தனகள்

அம்மனைமீர்! அறிகிலேனே.

1393 தாதாடுவனமாலை தாரானோ?

என்றென்றேதளர்ந்தாள்காண்மின் *

யாதானுமொன்றுஉரைக்கில்

எம்பெருமான்திருவரங்கமென்னும் * பூமேல்

மாதாளன்குடமாடிமதுசூதன்

மன்னர்க்காய்முன்னம்சென்ற

தூதாளன் * என்மகளைச்செய்தனகள்

எங்ஙனம்நான்சொல்லுகேனே?

1394 வாராளும்இளங்கொங்கை வண்ணம்

வேறாயினவாறுஎண்ணாள் * எண்ணில்

பேராளன்பேரல்லால்பேசாள்

இப்பெண்பெற்றேன்என்செய்கேன்நான்? *

தாராளன்தண்குடந்தைநகராளன்

ஐவர்க்காய்அமரிலுய்த்த

தேராளன் * என்மகளைச்செய்தனகள்

எங்ஙனம்நான்செப்புகேனே?

1395 உறவாதுமிலளென்றென்று

ஒழியாதுபலரேசுமலராயிற்றால் *

மறவாதேஎப்பொழுதும்

மாயவனே! மாதவனே! என்கின்றளால் *

பிறவாதபேராளன்பெண்ணாளன்மண்ணாளன்

விண்ணோர்தங்கள்

அறவாளன் * என்மகளைச் செய்தனகள்

அம்மனைமீர் அறிகிலேனே.

1396 பந்தோடுகழல்மருவாள் பைங்கிளியும்

பாலூட்டாள்பாவைபேணாள் *

வந்தானோ! திருவரங்கன் வாரானோ!

என்றென்றேவளையும்சோரும் *

சந்தோகன்பௌழியன் ஐந்தழலோம்பு

தைத்திரியன்சாமவேதி *

அந்தோ! வந்துஎன்மகளைச்செய்தனகள்

அம்மனைமீர்! அறிகிலேனே.

1397 சேலுகளும்வயல்புடைசூழ்

திருவரங்கத்தம்மானைச்சிந்தைசெய்த *

நீலமலர்க்கண்மடவாள்நிறையழிவைத்

தாய்மொழிந்த அதனை * நேரார்

காலவேல்பரகாலன்கலிகன்றி

யொலிமாலைகற்றுவல்லார் *

மாலைசேர்வெண்குடைக்கீழ்மன்னவராய்ப்

பொன்னுலகில்வாழ்வர்தாமே (2)

1398 கைம்மானமழகளிற்றைக் கடல்கிடந்தகருமணியை *

மைம்மானமரதகத்தை மறையுரைத்ததிருமாலை *

எம்மானைஎனக்குஎன்றும்இனியானைப் பனிகாத்த

அம்மானை * யான்கண்டது அணிநீர்த்தென்னரங்கத்தே. (2)

1399 பேரானைக் குறுங்குடியெம்பெருமானை * திருதண்கா

லூரானைக் கரம்பனூருத்தமனை * முத்திலங்கு

காரார்திண்கடலேழும் மலையேழிவ்வுலகேழுண்டும் *

ஆராதென்றிருந்தானைக் கண்டதுதென்னரங்கத்தே. (2)

1400 ஏனாகிஉலகிடந்து அன்றிருநிலனும்பெருவிசும்பும் *

தானாயபெருமானைத் தன்னடியார்மனத்துஎன்றும் *

தேனாகியமுதாகித்திகழ்ந்தானை * மகிழ்ந்துஒருகால்

ஆனாயனானைக் கண்டதுதென்னரங்கத்தே.

1401 வளர்ந்தவனைத்தடங்கடலுள் வலியுருவில்திரிசகடம் *

தளர்ந்துதிரஉதைத்தவனைத் தரியாதுஅன்றுஇரணியனைப்

பிளந்தவனை * பெருநிலம்ஈரடிநீட்டிப் பண்டொருநாள்

அளந்தவனை * யான்கண்டது அணிநீர்த் தென்னரங்கத்தே.

1402 நீரழலாய் நெடுநிலனாய்நின்றானை * அன்று அரக்க

னூர் அழலாலுண்டானைக் கண்டார்பின்காணாமே *

பேரழலாய்ப்பெருவிசும்பாய்ப் பின்மறையோர் மந்திரத்தின் *

ஆரழலால்உண்டானைக் கண்டதுதென்னரங்கத்தே.

1403 தஞ்சினத்தைத்தவிர்த்தடைந்தார் தவநெறியை * தரியாது

கஞ்சனைக்கொன்று அன்றுஉலகமுண்டுஉமிழ்ந்த கற்பகத்தை *

வெஞ்சினத்தகொடுந்தொழிலோன் விசையுருவை அசைவித்த *

அஞ்சிறைப்புட்பாகனை யான்கண்டதுதென்னரங்கத்தே.

1404 சிந்தனையைத்தவநெறியைத் திருமாலை * பிரியாது

வந்துஎனதுமனத்துஇருந்த வடமலையை * வரிவண்டார்

கொந்தணைந்தபொழில்கோவல் உலகளப்பான் அடிநிமிர்த்த

அந்தணனை * யான்கண்டது அணிநீர்த்தென்னரங்கத்தே. (2)

1405 துவரித்தஉடையார்க்கும் தூய்மையில்லாச்சமணர்க்கும் *

அவர்கட்குஅங்குஅருளில்லா அருளானை * தன்னடைந்த

எமர்கட்கும்அடியேற்கும் எம்மாற்கும்எம்மனைக்கும் *

அமரர்க்கும்பிரானாரைக் கண்டதுதென்னரங்கத்தே.

1406 பொய்வண்ணம்மனத்தகற்றிப் புலனைந்தும்செலவைத்து *

மெய்வண்ணம்நினைந்தவர்க்கு மெய்ந்நின்றவித்தகனை *

மைவண்ணம்கருமுகில்போல் திகழ்வண்ணமரதகத்தின் *

அவ்வண்ணவண்ணனை யான்கண்டதுதென்னரங்கத்தே.

1407 ஆமருவிநிரைமேய்த்த அணியரங்கத்தம்மானை *

காமருசீர்க்கலிகன்றி ஒலிசெய்தமலிபுகழ்சேர் *

நாமருவுதமிழ்மாலை நாலிரண்டோடிரண்டினையும் *

தாமருவிவல்லார்மேல் சாரா தீவினைதானே. (2)

1408 பண்டைநான்மறையும்வேள்வியும்கேள்விப்

பதங்களும்பதங்களின்பொருளும் *

பிண்டமாய்விரித்தபிறங்கொளியனலும்

பெருகியபுனலொடுநிலனும் *

கொண்டல்மாருதமும்குரைகடலேழும்

ஏழுமாமலைகளும்விசும்பும் *

அண்டமும்தானாய்நின்றஎம்பெருமான்

அரங்கமாநகரமர்ந்தானே. (2)

1409 இந்திரன்பிரமன்ஈசனென்றிவர்கள்

எண்ணில்பல்குணங்களே இயற்ற *

தந்தையும்தாயும்மக்களும் மிக்க

சுற்றமும்சுற்றிநின்றகலாப்

பந்தமும் * பந்தமறுப்பதோர்மருந்தும்

பான்மையும் பல்லுயிர்க்கெல்லாம் *

அந்தமும்வாழ்வுமாய எம்பெருமான்

அரங்கமாநகரமர்ந்தானே.

1410 மன்னுமாநிலனும்மலைகளும்கடலும்

வானமும்தானவருலகும் *

துன்னுமாயிருளாய்த்துலங்கொளிசுருங்கித்

தொல்லைநான்மறைகளும்மறைய *

பின்னும்வானவர்க்கும்முனிவர்க்கும்நல்கிப்

பிறங்கிருள்நிறங்கெட * ஒருநாள்

அன்னமாய்ன்றங்கருமறைபயந்தான்

அரங்கமாநகரமர்ந்தானே.

1411 மாயிருங்குன்றமொன்றுமத்தாக

மாசுணமதனொடும்அளவி *

பாயிரும்பௌவம்பகடுவிண்டலறப்

படுதிரைவிசும்பிடைப்படர *

சேயிருவிசும்பும்திங்களும்சுடரும்

தேவரும்தாமுடன்திசைப்ப *

ஆயிரந்தோளால்அலைகடல்கடைந்தான்

அரங்கமாநகரமர்ந்தானே.

1412 எங்ஙானேயுய்வர்? தானவர்நினைந்தால்

இரணியனிலங்குபூணகலம் *

பொங்குவெங்குருதிபொன்மலைபிளந்து

பொழிதரும்அருவியொத்திழிய *

வெங்கண்வாளெயிற்றோர்வெள்ளிமாவிலங்கல்

விண்ணுறக்கனல்விழித்தெழுந்தது *

அங்ஙனேயொக்கஅரியுருவானான்

அரங்கமாநகரமர்ந்தானே.

1413 ஆயிரம்குன்றம்சென்றுதொக்கனைய

அடல்புரைஎழில்திகழ்திரள்தோள் *

ஆயிரந்துணியஅடல்மழுப்பற்றி

மற்றவனகல்விசும்பணைய *

ஆயிரம்பெயரால்அமரர்சென்றிறைஞ்ச

அறிதுயிலலைகடல்நடுவே *

ஆயிரம்சுடர்வாய்அரவணைத்துயின்றான்

அரங்கமாநகரமர்ந்தானே.

1414 சுரிகுழல்கனிவாய்த்திருவினைப்பிரித்த

கொடுமையிற்கடுவிசையரக்கன் *

எரிவிழித்திலங்குமணிமுடிபொடிசெய்து

இலங்கைபாழ்படுப்பதற்கெண்ணி *

வரிசிலைவளைய அடிசரம்துரந்து

மறிகடல்நெறிபட * மலையால்

அரிகுலம்பணிகொண்டுஅலைகடலடைத்தான்

அரங்கமாநகரமர்ந்தானே.

1415 ஊழியாய்ஓமத்துச்சியாய் ஒருகா

லுடையதேரொருவனாய் * உலகில்

சூழிமால்யானைத்துயர்கெடுத்து

இலங்கைமலங்கஅன்றுஅடுசரந்துரந்து *

பாழியால்மிக்கபார்த்தனுக்கருளிப்

பகலவனொளிகெட * பகலே

ஆழியால்அன்றங்குஆழியைமறைத்தான்

அரங்கமாநகரமர்ந்தானே.

1416 பேயினார்முலையூண்பிள்ளையாய் ஒருகால்

பெருநிலம்விழுங்கி * அதுமிழ்ந்த

வாயனாய்மாலாய்ஆலிலைவளர்ந்து

மணிமுடிவானவர்தமக்குச்

சேயனாய் * அடியேற்குஅணியனாய்வந்து

என்சிந்தையுள்வெந்துயரறுக்கும் *

ஆயனாய்அன்றுகுன்றமொன்றெடுத்தான்

அரங்கமாநகரமர்ந்தானே.

1417 பொன்னுமாமணியும்முத்தமும்சுமந்து

பொருதிரைமாநதிபுடைசூழ்ந்து *

அன்னமாடுலவும்அலைபுனல்சூழ்ந்த

அரங்கமாநகரமர்ந்தானை *

மன்னுமாமாடமங்கையர்தலைவன்

மானவேற்கலியன்வாயொலிகள் *

பன்னியபனுவல்பாடுவார் நாளும்

பழவினைபற்றறுப்பாரே. (2)

1418 ஏழைஏதலன்கீழ்மகனென்னாது

இரங்கி மற்றவற்குஇன்னருள்சுரந்து *

மாழைமான்மடநோக்கியுன்தோழி

உம்பிஎம்பியென்றொழிந்திலை * உகந்து

தோழன்நீஎனக்குஇங்கொழியென்ற

சொற்கள்வந்து அடியேன்மனத்திருந்திட *

ஆழிவண்ண! நின்னடியிணையடைந்தேன்

அணிபொழில்திருவரங்கத்தம்மானே. (2)

1419 வாதமாமகன்மர்க்கடம்விலங்கு

மற்றோர்சாதியென்றொழிந்திலை * உகந்து

காதலாதரம்கடலினும்பெருகச் செய்

தகவினுக்குஇல்லைகைம்மாறென்று *

கோதில்வாய்மையினாயொடும் உடனே

உண்பன்நானென்றஓண்பொருள் * எனக்கும்

ஆதல்வேண்டுமென்றுஅடியிணையடைந்தேன்

அணிபொழில்திருவரங்கத்தம்மானே!

1420 கடிகொள்பூம்பொழில்காமருபொய்கை

வைகுதாமரைவாங்கியவேழம் *

முடியும்வண்ணம்ஓர்முழுவலிமுதலை

பற்ற மற்றதுநின்சரண்நினைப்ப *

கொடியவாய்விலங்கின்னுயிர்மலங்கக்

கொண்டசீற்றமொன்றுண்டுளதறிந்து * உன்

அடியனேனும்வந்துஅடியிணையடைந்தேன்

அணிபொழில்திருவரங்கத்தம்மானே!

1421 நஞ்சுசோர்வதோர்வெஞ்சினவரவம்

வெருவிவந்துநின்சரணெனச்சரணா *

நெஞ்சில்கொண்டுநின்னஞ்சிறைப்பறவைக்கு

அடைக்கலம்கொடுத்து அருள்செய்ததறிந்து *

வெஞ்சொலாளர்கள்நமன்றமர்கடியர்

கொடியசெய்வனவுள * அதற்குஅடியேன்

அஞ்சிவந்துநின்னடியிணையடைந்தேன்

அணிபொழில்திருவரங்கத்தம்மானே!

1422 மாகமாநிலம்முழுவதும்வந்திறைஞ்சும்

மலரடிகண்டமாமறையாளன் *

தோகைமாமயிலன்னவரின்பம்

துற்றிலாமையில் அத்த! இங்குஒழிந்து *

போகம்நீயெய்திப்பின்னும்நம்மிடைக்கே

போதுவாயென்றபொன்னருள் * எனக்கும்

ஆகவேண்டுமென்றுஅடியிணையடைந்தேன்

அணிபொழில்திருவரங்கத்தம்மானே!

1423 மன்னுநான்மறைமாமுனிபெற்ற

மைந்தனை மதியாதவெங்கூற்றந்

தன்னையஞ்சி * நின்சரணெனச்சரணாய்த்

தகவில்காலனையுகமுனிந்தொழியா *

பின்னைஎன்றும்நின்திருவடிபிரியாவண்ணம்

எண்ணியபேரருள் * எனக்கும்

அன்னதாகுமென்றுஅடியிணையடைந்தேன்

அணிபொழில்திருவரங்கத்தம்மானே!

1424 ஓதுவாய்மையும்உவனியப்பிறப்பும்

உனக்குமுன்தந்தஅந்தணனொருவன் *

காதலென்மகன்புகலிடம்காணேன் *

கண்டுநீதருவாயெனக்குஎன்று *

கோதில்வாய்மையினான்உனைவேண்டிய

குறைமுடித்துஅவன்சிறுவனைக்கொடுத்தாய் *

ஆதலால்வந்துஉன்னடியிணையடைந்தேன்

அணிபொழில்திருவரங்கத்தம்மானே!

1425 வேதவாய்மொழி அந்தணனொருவன்

எந்தை! நின்சரண், என்னுடைமனைவி *

காதல்மக்களைப்பயத்தலும்காணாள்

கடியதோர்தெய்வங்கொண்டொளிக்கு மென்றழைப்ப *

ஏதலார்முன்னேஇன்னருள் அவற்குச்செய்து

உன்மக்கள்மற்றிவரென்றுகொடுத்தாய் *

ஆதலால்வந்துஉன்னடியிணையடைந்தேன்

அணிபொழில்திருவரங்கத்தம்மானே!

1426 துளங்குநீண்முடியரசர்தங்குரிசில்

தொண்டைமன்னவன்திண்திறலொருவற்கு

உளங்கொளன்பினோடுஇன்னருள்சுரந்து

அங்கோடுநாழிகையேழுடனிருப்ப *

வளங்கொள்மந்திரம்மற்றவற்குஅருளிச்

செய்தவாறு அடியேனறிந்து * உலக

மளந்தபொன்னடியேயடைந்துய்ந்தேன்

அணிபொழில்திருவரங்கத்தம்மானே! (2)

1427 மாடமாளிகைசூழ்திருமங்கை

மன்னன் ஒன்னலர்தங்களைவெல்லும் *

ஆடல்மாவலவன்கலிகன்றி

அணிபொழில்திருவரங்கத்தம்மானை *

நீடுதொல்புகழாழிவல்லானை

எந்தையைநெடுமாலைநினைந்த *

பாடல்பத்திவைபாடுமின்தொண்டீர்!

பாட நும்மிடைப்பாவம்நில்லாவே. (2)

1506 தாராளன்தண்ணரங்கவாளன் பூமேல்

தனியாளன்முனியாளரேத்தநின்ற

பேராளன் * ஆயிரம்பேருடையவாளன்

பின்னைக்குமணவாளன்பெருமைகேட்பீர்! *

பாராளர்இவரிவரென்று அழுந்தையேற்ற

படைமன்னருடல்துணியப்பரிமாவுய்த்த *

தேராளன்கோச்சோழன்சேர்ந்தகோயில்

திருநறையூர்மணிமாடம்சேர்மின்களே.

1571 உரங்களால்இயன்றமன்னர்மாளப்

பாரதத்துஒருதேரைவர்க்காய்ச்சென்று *

இரங்கியூர்ந்துஅவர்க்குஇன்னருள்செய்யும்

எம்பிரானை வம்பார்புனல்காவிரி *

அரங்கமாளிஎன்னாளிவிண்ணாளி

ஆழிசூழிலங்கைமலங்கச்சென்று *

சரங்களாண்டதண்தாமரைக்கண்ணனுக்கன்றி

என்மனம்தாழ்ந்துநில்லாதே.

1664 தரங்கநீர்பேசினும் தண்மதிகாயினும் *

இரங்குமோ? எத்தனைநாளிருந்துஎள்கினாள்? *

துரங்கம்வாய்கீண்டுகந்தானது தொன்மையூர் *

அரங்கமே யென்பது இவள்தனக்குஆசையே. (2)

1829 புனைவளர்பூம்பொழிலார் பொன்னிசூழரங்கநகருள்

முனைவனை * மூவுலகும்படைத்த முதல்மூர்த்திதன்னை *

சினைவளர்பூம்பொழில்சூழ் திருமாலிருஞ்சோலைநின்றான் *

கனைகழல்காணுங்கொலோ? கயல்கண்ணியெம்காரிகையே. (2)

1978 கண்ணன் மனத்துள்ளேநிற்கவும் * கைவளைகள்

என்னோகழன்ற? இவையென்னமாயங்கள்? *

பெண்ணானோம் பெண்மையோம்நிற்க * அவன்மேய

அண்ணல்மலையும் அரங்கமும்பாடோமே.

2029 அணியார்பொழில்சூழ் அரங்கநகரப்பா *

துணியேன்இனி நின்னருளல்லதுஎனக்கு *

மணியே! மணிமாணிக்கமே! மதுசூதா! *

பணியாய்எனக்குஉய்யும்வகை * பரஞ்சோதீ! (2)

2038 இம்மையைமறுமைதன்னை எமக்குவீடாகிநின்ற *

மெய்ம்மையைவிரிந்தசோலை வியந்திருவரங்கம்மேய *

செம்மையைக்கருமைதன்னைத் திருமலையொருமையானை *

தன்மையைநினைவார் என்தன்தலைமிசைமன்னுவாரே.

2043 ஆவியைஅரங்கமாலை அழுக்குடம்பெச்சில்வாயால் *

தூய்மையில்தொண்டனேன்நான் சொல்லினேன்தொல்லைநாமம் *

பாவியேன்பிழைத்தவாறென்று அஞ்சினேற்குஅஞ்சலென்று *

காவிபோல்வண்ணர்வந்து என்கண்ணுளேதோன்றினாரே.

2044 இரும்பனன்றுண்டநீரும் போதரும்கொள்க * என்றன்

அரும்பிணிபாவமெல்லாம் அகன்றனஎன்னைவிட்டு *

சுரும்பமர்சோலைசூழ்ந்த அரங்கமாகோயில்கொண்ட *

கரும்பினைக்கண்டுகொண்டு என்கண்ணிணைகளிக்குமாறே.

2050 பிண்டியார்மண்டையேந்திப் பிறர்மனைதிரிதந்துண்ணும்

முண்டியான் * சாபம்தீர்த்த ஒருவனூர் * உலகமேத்தும்

கண்டியூர்அரங்கம்மெய்யம் கச்சிபேர்மல்லையென்று

மண்டினார் * உய்யலல்லால் மற்றையார்க்கு உய்யலாமே? (2)

2062 பட்டுடுக்கும் அயர்த்திரங்கும்பாவைபேணாள்

பனிநெடுங்கண்ணீர்ததும்பப்பள்ளிகொள்ளாள் *

எள்துணைப்போது என்குடங்காலிருக்ககில்லாள்

எம்பெருமான்திருவரங்கம்எங்கே? என்னும் *

மட்டுவிக்கிமணிவண்டுமுரலும்கூந்தல்

மடமானைஇதுசெய்தார் தம்மை * மெய்யே

கட்டுவிச்சிசொல்லென்னச்சொன்னாள் நங்காய்!

கடல்வண்ணர்இதுசெய்தார்காப்பாராரே?

2063 நெஞ்சுருகிக்கண்பனிப்பநிற்கும்சோரும்

நெடிதுயிர்க்கும்உண்டறியாள்உறக்கம்பேணாள் *

நஞ்சரவில்துயிலமர்ந்தநம்பீ! என்றும்

வம்பார்பூம்வயலாலிமைந்தா! என்றும் *

அஞ்சிறையபுட்கொடியேஆடும்பாடும்

அணியரங்கமாடுதுமோ? தோழீ! என்றும் *

எஞ்சிறகின்கீழடங்காப்பெண்ணைப்பெற்றேன்

இருநிலத்துஓர்பழிபடைத்தேன் ஏ! பாவமே.

2065 முளைக்கதிரைக்குறுங்குடியுள்முகிலை மூவா

மூவுலகும்கடந்துஅப்பால்முதலாய்நின்ற *

அளப்பரியஆரமுதை அரங்கம்மேய

அந்தணனை அந்தணர்தம்சிந்தையானை *

விளக்கொளியைமரதகத்தைத்திருத்தண்காவில்

வெஃகாவில்திருமாலைப்பாடக்கேட்டு *

வளர்த்ததனால்பயன்பெற்றேன்வருகவென்று

மடக்கிளியைக்கைகூப்பிவணங்கினாளே. (2)

2069 கார்வண்ணம்திருமேனிகண்ணும்வாயும்

கைத்தலமும்அடியிணையும்கமலவண்ணம் *

பார்வண்ணமடமங்கைபத்தர் பித்தர்

பனிமலர்மேற்பாவைக்குப்பாவம்செய்தேன் *

ஏர்வண்ணவென்பேதைஎன்சொல்கேளாள்

எம்பெருமான்திருவரங்கம்எங்கே? என்னும் *

நீர்வண்ணன்நீர்மலைக்கேபோவேனென்னும்

இதுவன்றோ நிறையழிந்தார்நிற்குமாறே!

2070 முற்றாராவனமுலையாள்பாவை மாயன்

மொய்யகலத்துள்ளிருப்பாள் அஃதும்கண்டும்

அற்றாள் * தன் நிறையழிந்தாள் ஆவிக்கின்றாள்

அணியரங்கமாடுதுமோ? தோழீ! என்னும் *

பெற்றேன்வாய்ச்சொல்இறையும்பேசக்கேளாள்

பேர்பாடித்தண்குடந்தைநகரும்பாடி *

பொற்றாமரைக்கயம்நீராடப்போனாள்

பொருவற்றாள்என்மகள்உம்பொன்னும்அஃதே.

2074 உள்ளூரும்சிந்தைநோய்எனக்கேதந்து என்

ஒளிவளையும்மாநிறமும்கொண்டார்இங்கே *

தெள்ளூரும்இளந்தெங்கின்தேறல்மாந்திச்

சேலுகளும்திருவரங்கம் நம்மூரென்ன

கள்ளூரும்பைந்துழாய்மாலையானைக்

கனவிடத்தில்யான்காண்பன் கண்டபோது *

புள்ளூரும்கள்வா! நீபோகேலென்பன்

என்றாலும்இதுநமக்கோர்புலவிதானே.

2075 இருகையில்சங்கிவைநில்லாஎல்லேபாவம்!

இலங்கொலிநீர்பெரும்பௌவம்மண்டியுண்ட *

பெருவயிற்றகருமுகிலேயொப்பர்வண்ணம்

பெருந்தவத்தர்அருந்தவத்துமுனிவர்சூழ *

ஒருகையில்சங்குஒருகைமற்றாழியேந்தி

உலகுண்டபெருவாயர்இங்கேவந்து * என்

பொருகயல்கண்நீரரும்பப்புலவிதந்து

புனலரங்கம்ஊரென்றுபோயினாரே.

2076 மின்னிலங்குதிருவுருவும்பெரியதோளும்

கரிமுனிந்தகைத்தலமும்கண்ணும்வாயும் *

தன்னலர்ந்தநறுந்துழாய்மலரின்கீழே

தாழ்ந்திலங்கும்மகரம்சேர்குழையும் காட்டி *

என்னலனும்என்நிறைவும்என்சிந்தையும்

என்வளையும்கொண்டு என்னையாளும்கொண்டு *

பொன்னலர்ந்தநறுஞ்செருந்திப்பொழிலினூடே

புனலரங்கமூரென்றுபோயினாரே.

2087 ஒன்றும்மறந்தறியேன் ஓதநீர்வண்ணனைநான் *

இன்றுமறப்பனோ? ஏழைகாள்! - அன்று

கருவரங்கத்துட்கிடந்து கைதொழுதேன்கண்டேன் *

திருவரங்கமேயான்திசை.

2209 மனத்துள்ளான்வேங்கடத்தான் மாகடலான் * மற்றும்

நினைப்பரிய நீளரங்கத்துள்ளான் * - எனைப்பலரும்

தேவாதிதேவ னெனப்படுவான் * முன்னொருநாள்

மாவாய்பிளந்தமகன்.

2227 பயின்றதுஅரங்கம் திருக்கோட்டி * பன்னாள்

பயின்றதுவும் வேங்கடமே * பன்னாள் -பயின்றது

அணிதிகழுஞ்சோலை அணிநீர்மலையே *

மணிதிகழும்வண்தடக்கைமால்.

2251 தமருள்ளம்தஞ்சை தலையரங்கம்தண்கால் *

தமருள்ளும்தண்பொருப்புவேலை * - தமருள்ளும்

மாமல்லைகோவல் மதிட்குடந்தையென்பரே *

ஏவல்லவெந்தைக்கிடம்.

2269 திறம்பிற்றினியறிந்தேன் தென்னரங்கத்தெந்தை *

திறம்பாவழிசென்றார்க்கல்லால் * - திறம்பாச்

செடிநரகைநீக்கித் தாம்செல்வதன்முன் * வானோர்

கடிநகரவாசற்கதவு.

2343 விண்ணகரம்வெஃகா விரிதிரைநீர்வேங்கடம் *

மண்ணகரம்மாமாடவேளுக்கை * மண்ணகத்த

தென்குடந்தை தேனார்திருவரங்கம்தென்கோட்டி *

தன்குடங்கைநீரேற்றான்தாழ்வு.

2384 பாலிற்கிடந்ததுவும் பண்டரங்கம்மேயதுவும் *

ஆலில்துயின்றதுவுமாரறிவார்? * - ஞாலத்

தொருபொருளை வானவர்தம்மெய்ப்பொருளை * அப்பில்

அருபொருளை யானறிந்தவாறு.

2411 அவனென்னையாளி அரங்கத்து * அரங்கில்

அவனென்னையெய்தாமல்காப்பான் * அவனென்ன

துள்ளத்து நின்றானிருந்தான்கிடக்குமே *

வெள்ளத்தரவணையின்மேல்.

2417 நாகத்தணைக்குடந்தை வெஃகாதிருவெவ்வுள் *

நாகத்தணையரங்கம் பேரன்பில் * - நாகத்

தணைப்பாற்கடல்கிடக்கும் ஆதிநெடுமால் *

அணைப்பார்கருத்தனாவான்.

2441 ஆட்பார்த்துழிதருவாய் கண்டுகொளென்றும் * நின்

தாட்பார்த் துழிதருவேன் தன்மையை * கேட்பார்க்கு

அரும்பொருளாய் நின்ற அரங்கனே! * உன்னை

விரும்புவதே விள்ளேன்மனம்.

2505 தண்ணந்துழாய் வளைகொள்வதுயாமிழப்போம் * நடுவே

வண்ணம்துழாவி ஓர்வாடையுலாவும் * வள்வாயலகால்

புள்நந்துழாமேபொருநீர்த்திருவரங்கா! அருளாய்

எண்ணந்துழாவுமிடத்து * உளவோபண்டு மின்னன்னவே?

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2773 மாமலர்மேல் அன்னம்துயிலும் அணிநீர்வயலாலி *

என்னுடையவின்னமுதை எவ்வுள் பெருமலையை *

கன்னிமதிள்சூழ் கணமங்கைக்கற்பகத்தை *

மின்னையிருசுடரை வெள்ளறையுள்கல்லறைமேற்

பொன்னை * மரதகத்தைப் புட்குழியெம்போரேற்றை *

மன்னுமரங்கத்துஎம்மாமணியை * -

3464 கங்குலும்பகலும்கண்துயிலறியாள்

கண்ணநீர்கைகளாலிறைக்கும் *

சங்குசக்கரங்களென்றுகைகூப்பும்

தாமரைக்கண்ணென்றேதளரும் *

எங்ஙனேதரிக்கேன்உன்னைவிட்டு? என்னும்

இருநிலம்கைதுழாவிருக்கும் *

செங்கயல்பாய்நீர்த்திருவரங்கத்தாய்!

இவள்திறத்தென்செய்கின்றாயே? (2)

3465 என்செய்கின்றாய்? என்தாமரைக் கண்ணா!

என்னும் கண்ணீர்மல்கவிருக்கும் *

என்செய்கேன்? எறிநீர்த்திருவரங்கத்தாய்

என்னும் வெவ்வுயிர்த்துயிர்த்துருகும் *

முன்செய்தவினையே! முகப்படாயென்னும்

முகில்வண்ணா! தகுவதோ? என்னும் *

முன்செய்திவ்வுலகமுண்டுமிழ்ந்தளந்தாய்

எங்கொலோமுடிகின்றதிவட்கே?

3466 வட்கிலளிறையும் மணிவண்ணா! என்னும்

வானமேநோக்கும்மையாக்கும் *

உட்குடையசுரருயிரெல்லாமுண்ட

ஒருவனே! என்னும்உள்ளுருகும் *

கட்கிலீ! உன்னைக்காணுமாறருளாய்

காகுத்தா! கண்ணனே! என்னும் *

திட்கொடிமதிள்சூழ்திருவரங்கத்தாய்?

இவள்திறத்தென்செய்திட்டாயே?

3467 இட்டகாலிட்டகையளாயிருக்கும்

எழுந்துலாய்மயங்கும்கைகூப்பும் *

கட்டமேகாதலென்றுமூர்ச்சிக்கும்

கடல்வண்ணா! கடியைகாணென்னும் *

வட்டவாய்நேமிவலங்கையா! என்னும்

வந்திடாயென்றென்றேமயங்கும் *

சிட்டனே! செழுநீர்த்திருவரங்கத்தாய்!

இவள்திறத்தென்சிந்தித்தாயே?

3468 சிந்திக்கும்திசைக்கும்தேறும்கை கூப்பும்

திருவரங்கத்துள்ளாய்! என்னும்

வந்திக்கும் * ஆங்கேமழைக்கண்ணீர்மல்க

வந்திடாயென்றென்றேமயங்கும் *

அந்திப்போதவுணனுடலிடந்தானே!

அலைகடல்கடைந்தவாரமுதே *

சந்தித்துன்சரணம்சார்வதேவலித்த

தையலைமையல்செய்தானே!

3469 மையல்செய்தென்னைமனம்கவர்ந்தானே!

என்னும் மாமாயனே! என்னும் *

செய்யவாய்மணியே! என்னும் தண்புனல்சூழ்

திருவரங்கத்துள்ளாய்! என்னும் *

வெய்யவாள்தண்டுசங்குசக்கரம்வில்லேந்தும்

விண்ணோர்முதல்! என்னும் *

பைகொள்பாம்பணையாய்! இவள்திறத்தருளாய்

பாவியேன்செயற்பாலதுவே.

3470 பாலதுன்பங்களின்பங்கள்படைத்தாய்!

பற்றிலார்பற்றநின்றானே! *

காலசக்கரத்தாய்! கடலிடங்கொண்ட

கடல்வண்ணா! கண்ணணே! என்னும் *

சேல்கொள்தண்புனல்சூழ்திருவரங்கத்தாய்!

என்னும் என்தீர்த்தனே! என்னும் *

கோலமாமழைக்கண்பனிமல்கவிருக்கும்

என்னுடைக்கோமளக்கொழுந்தே.

3471 கொழுந்துவானவர்கட்கு! என்னும் குன்றேந்திக்

கோநிரைகாத்தவன்! என்னும் *

அழுந்தொழும்ஆவியனலவெவ்வுயிர்க்கும்

அஞ்சனவண்ணனே! என்னும் *

எழுந்துமேல்நோக்கியிமைப்பிலளிருக்கும்

எங்ஙனேநோக்குகேன்? என்னும் *

செழுந்தடம்புனல்சூழ்திருவரங்கத்தாய்!

என்செய்கேன்என்திருமகட்கே?

3472 என்திருமகள்சேர்மார்வனே! என்னு

மென்னுடையாவியே! என்னும் *

நின்திருவெயிற்றாலிடந்துநீகொண்ட

நிலமகள்கேள்வனே! என்னும் *

அன்றுருவேழும்தழுவிநீகொண்ட

ஆய்மகளன்பனே! என்னும் *

தென்திருவரங்கம்கோயில்கொண்டானே!

தெளிகிலேன்முடிவிவள்தனக்கே. (2)

3473 முடிவிவள்தனக்கொன்றறிகிலேனென்னும்

மூவுலகாளியே! என்னும் *

கடிகமழ்கொன்றைச்சடையனே! என்னும்

நான்முகக்கடவுளே! என்னும் *

வடிவுடைவானோர்தலைவனே! என்னும்

வண்திருவரங்கனே! என்னும் *

அடியடையாதாள்போல்இவளணுகி

யடைந்தனள் முகில்வண்ணனடியே.

3474 முகில்வண்ணனடியையடைந்தருள்சூடி

உய்ந்தவன் மொய்புனல்பொருநல் *

துகில்வண்ணத்தூநீர்ச்சேர்ப்பன் வண்பொழில்சூழ்

வண்குருகூர்ச்சடகோபன் *

முகில்வண்ணனடிமேல்சொன்னசொல்மாலை

ஆயிரத்திப்பத்தும்வல்லார் *

முகில்வண்ணவானத்திமையவர்சூழ

விருப்பர் பேரின்பவெள்ளத்தே. (2)

3894 கள்ளார்பொழில்தென்னரங்கன் * கமலப்பதங்கள் நெஞ்சிற்

கொள்ளா மனிசரைநீங்கி * குறையல்பிரானடிக்கீழ்

விள்ளாதவன்பனிராமானுசன்மிக்கசீலமல்லால்

உள்ளாதுஎன்நெஞ்சு * ஒன்றறியேன்எனக்குற்றபேரியல்வே. (2)

3908 ## தாழ்வொன்றில்லாமறைதாழ்ந்து * தலமுழுதும்கலியே

ஆள்கின்றநாள்வந்து அளித்தவன்காண்மின் * அரங்கர்மௌலி

சூழ்கின்றமாலையைச்சூடிக்கொடுத்தவள்தொல்லருளால்

வாழ்கின்றவள்ளல் * இராமானுசனென்னும்மாமுனியே. (2)

3927 நயவேன்ஒருதெய்வம் நானிலத்தே * சிலமானிடத்தைப்

புயலேயெனக் கவிபோற்றிசெய்யேன் * பொன்னரங்க மென்னில்

மயலேபெருகுமிராமானுசன்மன்னுமாமலர்த்தாள் *

அயரேன் * அருவினையென்னையெவ்வாறின்றடர்ப்பதுவே?

3934 ஆயிழையார்கொங்கைதங்கும் * அக்காதலளற்றழுந்தி

மாயுமெனாவியை வந்தெடுத்தானின்று * மாமலராள்

நாயகனெல்லாவுயிர்கட்கும்நாத னரங்கனென்னும்

தூயவன் * தீதிலிராமானுசன்தொல்லருள்சுரந்தே.

3939 இறைஞ்சப்படும்பரன் ஈசனரங்கனென்று * இவ்வுலகத்து

அறஞ்செப்பு மண்ணலிராமானுசன் * என்னருவினையின்

திறஞ்செற்றிரவும்பகலும்விடாது என்தன்சிந்தையுள்ளே

நிறைந்தொப்பறவிருந்தான் * எனக்காரும்நிகரில்லையே.

3941 ஆனதுசெம்மையறநெறி * பொய்ம்மையறுசமயம்

போனதுபொன்றி இறந்ததுவெங்கலி * பூங்கமலத்

தேனதிபாய்வயல்தென்னரங்கன்கழல்சென்னிவைத்துத்

தானதில்மன்னும் * இராமானுசன்இத்தலத்துதித்தே.

3947 கண்டவர் சிந்தைகவரும் * கடிபொழில்தென்னரங்கன்

தொண்டர்குலாவு மிராமானுசனை * தொகையிறந்த

பண்தருவேதங்கள்பார்மேல்நிலவிடப்பார்த்தருளும்

கொண்டலைமேவித்தொழும் * குடியாம்எங்கள் கோக்குடியே.

3949 மற்றொருபேறுமதியாது * அரங்கன்மலரடிக்கு ஆள்

உற்றவரே தனக்குஉற்றவராக்கொள்ளும்உத்தமனை *

நற்றவர்போற்றுமிராமானுசனை இந்நானிலத்தே

பெற்றனன் * பெற்றபின் மற்றறியேன்ஒரு பேதைமையே.

3961 சிந்தையினோடு கரணங்கள் யாவும் சிதைந்து * முன்னாள்

அந்தமுற்றாழ்ந்ததுகண்டு * அவைஎன்றனக்கன்றருளால்

தந்தவரங்கனும் தன் சரண்தந்திலன் தானதுதந்து *

எந்தை யிராமானுசன்வந்தெடுத்தனனின்றென்னையே.

3967 செய்த்தலைச் சங்கம் செழுமுத்தமீனும் * திருவரங்கர்

கைத்தலத்தாழியும் சங்கமுமேந்தி * நங்கண்முகப்பே

மொய்த்தலைத் துன்னைவிடேனென்றிருக்கிலும் நின்புகழே

மொய்த்தலைக்கும்வந்து * இராமானுச! என்னை முற்றும் நின்றே.

3973 சோர்வின்றி உன்தன்துணையடிக்கீழ் * தொண்டுபட்டவர்பால்

சார்வின்றிநின்றவெனக்கு * அரங்கன்செய்யதாளிணைகள்

பேர்வின்றியின்றுபெறுத்தும்இராமானுச! இனியுன்

சீரொன்றியகருணைக்கு * இல்லைமாறுதெரிவுறிலே.

3983 மருள்சுரந்தாகமவாதியர்கூறும் * அவப்பொருளாம்

இருள்சுரந்தெய்த்த உலகிருள்நீங்க * தன்னீண்டியசீர்

அருள்சுரந்தெல்லாவுயிர்கட்கும்நாதனரங்கனென்னும்

பொருள்சுரந்தான் * எம்மிராமானுசன் மிக்கபுண்ணியனே.

4000 அங்கயல்பாய்வயல்தென்னரங்கன் * அணியாகமன்னும்

பங்கயமாமலர்ப்பாவையைப் போற்றுதும் * பத்தியெல்லாம்

தங்கியதென்னத்தழைத்துநெஞ்சே! நம்தலைமிசையே

பொங்கியகீர்த்தி * இராமானுசனடிப்பூ மன்னவே. (2)