56 சுற்றும்ஒளிவட்டம் சூழ்ந்துசோதிபரந்தெங்கும் *

எத்தனைசெய்யினும் என்மகன்முகம்நேரொவ்வாய் *

வித்தகன்வேங்கடவாணன் உன்னைவிளிக்கின்ற *

கைத்தலம்நோவாமே அம்புலீ! கடிதோடிவா.

104 என்னிதுமாயம்? என்னப்பன்அறிந்திலன் *

முன்னையவண்ணமேகொண்டு அளவாயென்ன *

மன்னுநமுசியை வானில்சுழற்றிய *

மின்னுமுடியனே! அச்சோவச்சோ வேங்கடவாணனே! அச்சோவச்சோ.

180 தென்னிலங்கைமன்னன் சிரம்தோள்துணிசெய்து *

மின்னிலங்குபூண் விபீடணநம்பிக்கு *

என்னிலங்குநாமத்தளவும் அரசென்ற *

மின்னிலங்காரற்குஓர்கோல்கொண்டுவா

வேங்கடவாணற்குஓர்கோல்கொண்டுவா.

184 மச்சொடுமாளிகையேறி மாதர்கள்தம்மிடம்புக்கு *

கச்சொடுபட்டைக்கிழித்துக் காம்புதுகிலவைகீறி *

நிச்சலும்தீமைகள்செய்வாய்! நீள்திருவேங்கடத்துஎந்தாய்! *

பச்சைத்தமனகத்தோடு பாதிரிப்பூச்சூட்டவாராய்.

207 போதர்கண்டாய்இங்கேபோதர்கண்டாய்

போதரேனென்னாதேபோதர்கண்டாய் *

ஏதேனும்சொல்லிஅசலகத்தார்

ஏதேனும்பேசநான்கேட்கமட்டேன் *

கோதுகலமுடைக்குட்டனேயோ!

குன்றெடுத்தாய். குடமாடுகூத்தா! *

வேதப்பொருளே! என்வேங்கடவா!

வித்தகனே! இங்கேபோதராயே.

247 கடியார்பொழிலணிவேங்கடவா! கரும்போரேறே! * நீயுகக்கும்

குடையும்செருப்பும்குழலும்தருவிக்கக் கொள்ளாதேபோனாய்மாலே! *

கடியவெங்கானிடைக்கன்றின்பின்போன சிறுக்குட்டச்செங்கமல

அடியும்வெதும்பி * உன்கண்கள்சிவந்தாய்அசைந்திட்டாய் நீஎம்பிரான்.

463 சென்னியோங்கு தண்திருவேங்கடமுடையாய்! * உலகு

தன்னைவாழநின்றநம்பீ! தாமோதரா! சதிரா!

என்னையும்என்னுடைமையையும் உன்சக்கரப்பொறியொற்றிக்கொண்டு *

நின்னருளேபுரிந்திருந்தேன் இனிஎன்திருக்குறிப்பே? (2)

504 தையொரு திங்களும் தரைவிளக்கித்

தண்மண்டலமிட்டுமாசிமுன்னாள் **

ஐயநுண்மணற்கொண்டுதெருவணிந்து

அழகினுக்கலங்கரித்தனங்கதேவா! *

உய்யவுமாங்கொலோவென்றுசொல்லி

உன்னையுமும்பியையும்தொழுதேன் *

வெய்யதோர்தழலுமிழ்சக்கரக்கை

வேங்கடவற்கென்னைவிதிக்கிற்றியே. (2)

506 மத்தநன்னறுமலர்முருக்கமலர்

கொண்டுமுப்போதுமுன்னடிவணங்கி *

தத்துவமிலியென்றுநெஞ்செரிந்து

வாசகத்தழித்துன்னைவைதிடாமே *

கொத்தலர்பூங்கணைதொடுத்துக்கொண்டு

கோவிந்தனென்பதோர்பேரெழுதி *

வித்தகன்வேங்கடவாணனென்னும்

விளக்கினிற்புகவென்னைவிதிக்கிற்றியே.

535 காட்டில்வேங்கடம் கண்ணபுரநகர் *

வாட்டமின்றி மகிழ்ந்துறைவாமனன் *

ஓட்டராவந்து என்கைப்பற்றி * தன்னொடும்

கூட்டுமாகில் நீகூடிடுகூடலே. (2 )

546 வெள்ளைவிளிசங்கிடங்கையிற்கொண்ட

விமலனெனக்குருக்காட்டான் *

உள்ளம்புகுந்தென்னைநைவித்து

நாளும் உயிர்பெய்து கூத்தாட்டுக்காணும் *

கள்ளவிழ்செண்பகப்பூமலர்கோதிக்

களித்திசைபாடுங்குயிலே! *

மெள்ளவிருந்துமிழற்றிமிழற்றாது என்

வேங்கடவன்வரக்கூவாய்.

577 விண்ணீலமேலாப்பு விரித்தாற்போல்மேகங்காள்! *

தெண்ணீர்பாய்வேங்கடத்து என் திருமாலும்போந்தானே? *

கண்ணீர்கள்முலைக்குவட்டில் துளிசோரச்சோர்வேனை *

பெண்ணீர்மையீடழிக்கும் இது தமக்கோர்பெருமையே. (2)

578 மாமுத்தநிதிசொரியும் மாமுகில்காள்! * வேங்கடத்துச்

சாமத்தினிறங்கொண்ட தாளாளன்வார்த்தையென்னே *

காமத்தீயுள்புகுந்து கதுவப்பட்டிடைக்கங்குல் *

ஏமத்தோர்தென்றலுக்கு இங்கிலக்காய்நானிருப்பேனே.

579 ஒளிவண்ணம்வளைசிந்தை உறக்கத்தோடிவையெல்லாம் *

எளிமையாலிட்டென்னை ஈடழியப்போயினவால் *

குளிரருவிவேங்கடத்து என்கோவிந்தன்குணம்பாடி *

அளியத்தமேகங்காள்! ஆவிகாத்திருப்பேனே.

580 மின்னாகத்தெழுகின்ற மேகங்காள்! * வேங்கடத்துத்

தன்னாகத்திருமங்கை தங்கியசீர்மார்வற்கு *

என்னாகத்திளங்கொங்கை விரும்பித்தாம்நாள்தோறும் *

பொன்னாகம்புல்குதற்கு என்புரிவுடைமைசெப்புமினே.

581 வான்கொண்டுகிளர்ந்தெழுந்த மாமுகில்காள்! * வேங்கடத்துத்

தேன்கொண்டமலர்ச்சிதறத் திரண்டேறிப்பொழிவீர்காள்! *

ஊன்கொண்டவள்ளுகிரால் இரணியனையுடலிடந்தான் *

தான்கொண்டசரிவளைகள் தருமாகில்சாற்றுமினே.

582 சலங்கொண்டுகிளர்ந்தெழுந்த தண்முகில்காள்! * மாவலியை

நிலங்கொண்டான்வேங்கடத்தே நிரந்தேறிப்பொழிவீர்காள் *

உலங்குண்டவிளங்கனிபோல் உள்மெலியப்புகுந்து * என்னை

நலங்கொண்டநாரணற்கு என்நடலைநோய்செப்புமினே.

583 ## சங்கமாகடல்கடைந்தான் தண்முகில்காள்! * வேங்கடத்துச்

செங்கண்மால்சேவடிக்கீழ் அடிவீழ்ச்சிவிண்ணப்பம் *

கொங்கைமேல்குங்குமத்தின் குழம்பழியப்புகுந்து * ஒருநாள்

தங்குமேல் என்னாவிதங்குமென்றுஉரையீரே. (2)

584 கார்காலத்தெழுகின்ற கார்முகில்காள்! * வேங்கடத்துப்

போர்காலத்தெழுந்தருளிப் பொருதவனார்பேர்சொல்லி *

நீர்காலத் தெருக்கில் அம்பழவிலைபோல்வீழ்வேனை *

வார்காலத்தொருநாள் தம்வாசகம்தந்தருளாரே.

585 மதயானைபோலெழுந்த மாமுகில்காள் * வேங்கடத்தைப்

பதியாகவாழ்வீர்காள்! பாம்பணையான்வார்த்தையென்னே! *

கதியென்றும்தானாவான் கருதாது * ஓர்பெண்கொடியை

வதைசெய்தான்என்னும்சொல் வையகத்தார்மதியாரே. (2)

586 நாகத்தினணையானை நன்னுதலாள்நயந்துரைசெய் *

மேகத்தைவேங்கடக்கோன் விடுதூதில்விண்ணப்பம் *

போகத்தில்வழுவாத புதுவையர்கோன்கோதைதமிழ் *

ஆகத்துவைத்துரைப்பார் அவரடியாராகுவரே. (2)

601 பாடும்குயில்காள்! ஈதென்னபாடல்? * நல்வேங்கட

நாடர்நமக்கொருவாழ்வுதந்தால் வந்துபாடுமின் *

ஆடும்கருளக்கொடியுடையார் வந்தருள்செய்து *

கூடுவராயிடில் கூவிநும்பாட்டுகள்கேட்டுமே.

604 மழையே! மழையே! மண்புறம்பூசி உள்ளாய்நின்று *

மெழுகூற்றினாற்போல் ஊற்றுநல்வேங்கடத் துள்நின்ற *

அழகப்பிரானார் தம்மை என்நெஞ்சத்தகப்படத்

தழுவநின்று * என்னைத் ததைத்துக்கொண்டு ஊற்றவும்வல்லையே. (2)

677 ஊனேறுசெல்வத்து உடற்பிறவியான்வேண்டேன் *

ஆனேறேழ்வென்றான் அடிமைத்திறமல்லால் *

கூனேறுசங்கமிடத்தான்தன் வேங்கடத்து *

கோனேரிவாழும் குருகாய்ப்பிறப்பேனே. (2)

678 ஆனாதசெல்வத்து அரம்பையர்கள்தற்சூழ *

வானாளும்செல்வமும் மண்ணரசும்யான்வேண்டேன் *

தேனார்பூஞ்சோலைத் திருவேங்கடச்சுனையில் *

மீனாய்ப்பிறக்கும் விதியுடையேனாவேனே.

679 பின்னிட்டசடையானும் பிரமனும்இந்திரனும் *

துன்னிட்டுப்புகலரிய வைகுந்தநீள்வாசல் *

மின்வட்டச்சுடராழி வேங்கடக்கோன்தானுமிழும் *

பொன்வட்டில்பிடித்து உடனேபுகப்பெறுவேனாவேனே.

680 ஒண்பவளவேலையுலவு தண்பாற்கடலுள் *

கண்துயிலும்மாயோன் கழலிணைகள்காண்பதற்கு *

பண்பகரும்வண்டினங்கள் பண்பாடும்வேங்கடத்து *

செண்பகமாய்நிற்கும் திருவுடையேனாவேனே.

681 கம்பமதயானைக் கழுத்தகத்தின்மேலிருந்து *

இன்பமரும்செல்வமும் இவ்வரசும்யான்வேண்டேன் *

எம்பெருமானீசன் எழில்வேங்கடமலைமேல் *

தம்பகமாய்நிற்கும் தவமுடையேனாவேனே.

682 மின்னனையநுண்ணிடையார் உருப்பசியும்மேனகையும் *

அன்னவர்தம்பாடலொடும் ஆடலவையாதரியேன் *

தென்னவெனவண்டினங்கள் பண்பாடும்வேங்கடத்துள் *

அன்னனையபொற்குவடாம் அருந்தவத்தெனாவனே.

683 வானாளும்மாமதிபோல் வெண்குடைக்கீழ் * மன்னவர்தம்

கோனாகிவீற்றிருந்து கொண்டாடும் செல்வறியேன் *

தேனார்பூஞ்சோலைத் திருவேங்கடமலைமேல் *

கானாறாய்ப்பாயும் கருத்துடையேனாவேனே.

684 பிறையேறுசடையானும் பிரமனுமிந்திரனும் *

முறையாயபெருவேள்விக் குறைமுடிப்பான்மறையானான் *

வெறியார்தண்சோலைத் திருவேங்கடமலைமேல் *

நெறியாய்க்கிடக்கும் நிலையுடையேனாவேனே.

685 செடியாயவல்வினைகள் தீர்க்கும்திருமாலே! *

நெடியானே! வேங்கடவா! நின்கோயிலின்வாசல் *

அடியாரும்வானவரும் அரம்பையரும்கிடந்தியங்கும்

படியாய்க்கிடந்து உன்பவளவாய்காண்பேனே. (2)

686 உம்பருலகாண்டு ஒருகுடைக்கீழ் * உருப்பசிதன்

அம்பொற்கலையல்குல் பெற்றாலுமாதரியேன் *

செம்பவளவாயான் திருவேங்கடமென்னும் *

எம்பெருமான்பொன்மலைமேல் ஏதேனுமாவேனே.

687 மன்னியதண்சாரல் வடவேங்கடத்தான்தன் *

பொன்னியலும்சேவடிகள்காண்பான் புரிந்திறைஞ்சி *

கொன்னவிலும்கூர்வேல் குலசேகரன்சொன்ன *

பன்னியநூல்தமிழ்வல்லார் பாங்காயபத்தர்களே.

799 குன்றில்நின்றுவானிருந்து நீள்கடல்கிடந்து * மண்

ஒன்றுசென்றதொன்றையுண்டு அதொன்றிடந்துபன்றியாய் *

நன்றுசென்றநாளவற்றுள் நல்லுயிர்படைத்து, அவர்க்கு *

அன்றுதேவமைத்தளித்த ஆதிதேவனல்லயே?

811 செழுங்கொழும்பெரும்பனி பொழிந்திட * உ யர்ந்தவேய்

விழுந்துலர்ந்தெழுந்து விண்புடைக்கும்வேங்கடத்துள்நின்று *

எழுந்திருந்துதேன்பொருந்து பூம்பொழில்தழைக்கொழும் *

செழுந்தடங்குடந்தையுள் கிடந்தமாலுமல்லையே?

816 நிற்பதும்ஓர்வெற்பகத்து இருப்பும்விண், கிடப்பதும் *

நற்பெருந்திரைக்கடலுள் நானிலாதமுன்னெலாம் *

அற்புதனனந்தசயனன் ஆதிபூதன்மாதவன் *

நிற்பதும்மிருப்பதும் கிடப்பதும்என்நெஞ்சுளே.

832 கடைந்துபாற்கடல்கிடந்து காலநேமியைக்கடிந்து *

உடைந்தவாலிதன்தனக்கு உதவவந்திராமனாய் *

மிடைந்தவேழ்மரங்களும் அடங்கவெய்து * வேங்கடம்

அடைந்தமாலபாதமே அடைந்துநாளுமுய்ம்மினோ.

927 அமலனாதிபிரான் அடியார்க்கென்னையாட்படுத்த

விமலன் * விண்ணவர்கோன் விரையார்பொழில் வேங்கடவன் *

நிமலன் நின்மலன்நீதிவானவன் நீள்மதிளரங்கத்தம்மான் * திருக்

கமலபாதம்வந்து என்கண்ணினுள்ளனவொக்கின்றதே. (2)

929 மந்திபாய் வடவேங்கடமாமலை * வானவர்கள்

சந்திசெய்யநின்றான் அரங்கத்தரவினணையான் *

அந்திபோல்நிறத்தாடையும் அதன்மேலயனைப் படைத்ததோரெழில் *

உந்திமேலதன்றோ அடியேனுள்ளத்தின்னுயிரே. (2)

1018 கொங்கலர்ந்தமலர்க்குருந்தம்ஒசித்த கோவலன் எம்பிரான் *

சங்குதங்குதடங்கடல் துயில்கொண்டதாமரைக் கண்ணினன் *

பொங்குபுள்ளினைவாய்பிளந்த புராணர்தம்மிடம் * பொங்குநீர்ச்

செங்கயல்திளைக்கும்சுனைத் திருவேங்கடம் அடைநெஞ்சமே! (2)

1019 பள்ளியாவதுபாற்கடலரங்கம் இரங்கவன்பேய்முலை *

பிள்ளையாய்உயிருண்டஎந்தை பிரானவன்பெருகுமிடம் *

வெள்ளியான்கரியான் மணிநிறவண்ணனென்றெண்ணி * நாள்தொறும்

தெள்ளியார்வணங்கும்மலைத் திருவேங்கடம் அடைநெஞ்சமே! (2)

1020 நின்றமாமருதுஇற்றுவீழ நடந்தநின்மலன்நேமியான் *

என்றும்வானவர்கைதொழும் இணைத்தாமரையடியெம்பிரான் *

கன்றிமாரிபொழிந்திடக் கடிதாநிரைக்குஇடர் நீக்குவான் *

சென்றுகுன்றமெடுத்தவன் திருவேங்கடம் அடைநெஞ்சமே!

1021 பார்த்தற்காய்அன்றுபாரதம்கைசெய்திட்டுவென்ற பரஞ்சுடர் *

கோத்துஅங்குஆயர்தம்பாடியில் குரவைபிணைந்தஎங்கோவலன் *

ஏத்துவார்தம்மனத்துள்ளான் இடவெந்தைமேவிய எம்பிரான் *

தீர்த்தநீர்த்தடஞ்சோலைசூழ் திருவேங்கடம் அடைநெஞ்சமே! (2)

1022 வண்கையான் அவுணர்க்குநாயகன் வேள்வியில்சென்று, மாணியாய் *

மண்கையால்இரந்தான் மராமரமேழும்எய்தவலத்தினான் *

எண்கையான்இமயத்துள்ளான் இருஞ்சோலைமேவிய எம்பிரான் *

திண்கைம்மாதுயர்தீர்த்தவன் திருவேங்கடம் அடைநெஞ்சமே!

1023 எண்திசைகளும்ஏழுலகமும்வாங்கிப் பொன்வயிற்றில்பெய்து *

பண்டுஒராலிலைப்பள்ளிகொண்டவன் பான்மதிக்குஇடர் தீர்த்தவன் *

ஒண்திறலவுணனுரத்துகிர்வைத்தவன் ஒள்ளெயிற்றொடு *

திண்திறலரியாயவன் திருவேங்கடம் அடைநெஞ்சமே!

1024 பாரும்நீர்எரிகாற்றினோடு ஆகாசமும்இவையாயினான் *

பேரும்ஆயிரம்பேசநின்ற பிறப்பிலிபெருகுமிடம் *

காரும்வார்பனிநீள்விசும்பிடைச் சோருமாமுகில் தோய்தர *

சேரும்வார்பொழில்சூழ்எழில்திருவேங்கடம் அடைநெஞ்சமே!

1025 அம்பரம்அனல்கால்நிலம் சலமாகிநின்றஅமரர்கோன் *

வம்புலாமலர்மேல் மலிமடமங்கைதன்கொழுநனவன் *

கொம்பினன்னஇடைமடக்குறமாதர் நீளிதணந்தொறும் *

செம்புனமவைகாவல்கொள் திருவேங்கடம் அடைநெஞ்சமே!

1026 பேசுமின்திருநாமம்எட்டெழுத்தும் சொல்லிநின்று, பின்னரும் *

பேசுவார்த்தம்மைஉய்யவாங்கிப் பிறப்பறுக்கும்பிரானிடம் *

வாசமாமலர்நாறுவார்பொழில் சூழ்தரும்உலகுக்கெல்லாம் *

தேசமாய்த்திகழும்மலைத் திருவேங்கடம் அடைநெஞ்சமே!

1027 செங்கயல்திளைக்கும்சுனைத் திருவேங்கடத்துஉறைசெல்வனை *

மங்கையர்தலைவன்கலிகன்றி வண்தமிழ்ச்செஞ்சொல் மாலைகள் *

சங்கையின்றித்தரித்துஉரைக்கவல்லார்கள் தஞ்சமதாகவே *

வங்கமாகடல்வையம்காவலராகி வானுலகாள்வரே. (2)

1028 தாயேதந்தையென்றும் தாரமேகிளைமக்களென்றும் *

நோயேபட்டொழிந்தேன் நுன்னைக்காண்பதோராசையினால் *

வேயேய்பூம்பொழில்சூழ் விரையார் திருவேங்கடவா! *

நாயேன்வந்துஅடைந்தேன்நல்கி ஆளென்னைக் கொண்டருளே. (2)

1029 மானேய்கண்மடவார் மயக்கில்பட்டு * மாநிலத்து

நானேநானாவிதநரகம்புகும் பாவம்செய்தேன் *

தேனேய்பூம்பொழில்சூழ் திருவேங்கடமாமலை * என்

ஆனாய்! வந்தடைந்தேன் அடியேனை ஆட்கொண்டருளே.

1030 கொன்றேன்பல்லுயிரைக் குறிக்கோளொன்றி லாமையினால் *

என்றேனும்இரந்தார்க்கு இனிதாகஉரைத்தறியேன் *

குன்றேய்மேகமதிர் குளிர்மாமலைவேங்கடவா! *

அன்றேவந்தடைந்தேன் அடியேனை ஆட்கொண்டருளே.

1031 குலந்தானெத்தனையும் பிறந்தேயிறந்தெய்த் தொழிந்தேன் *

நலந்தானொன்றுமிலேன் நல்லதோரறம்செய்துமிலேன் *

நிலம்தோய்நீள்முகில்சேர் நெறியார்திருவேங்கடவா! *

அலந்தேன்வந்தடைந்தேன் அடியேனை ஆட்கொண்டருளே.

1032 எப்பாவம்பலவும் இவையேசெய்துஇளைத்தொழிந்தேன் *

துப்பா! நின்னடியே தொடர்ந்தேத்தவும்கிற்கின்றிலேன் *

செப்பார்திண்வரைசூழ் திருவேங்கடமாமலை * என்

அப்பா! வந்தடைந்தேன் அடியேனை ஆட்கொண்டருளே.

1033 மன்னாய்நீர்எரிகால் மஞ்சுலாவும்ஆகாசமுமாம் *

புண்ணாராக்கைதன்னுள் புலம்பித்தளர்ந்து எய்த்தொழிந்தேன் *

விண்ணார்நீள்சிகர விரையார்திருவேங்கடவா! *

அண்ணா! வந்தடைந்தேன் அடியேனை ஆட்கொண்டருளே.

1034 தெரியேன்பாலகனாய்ப் பலதீமைகள்செய்துமிட்டேன் *

பெரியேனாயினபின் பிறர்க்கேயுழைத்துஏழையானேன் *

கரிசேர்பூம்பொழில்சூழ் கனமாமலைவேங்கடவா! *

அரியே! வந்தடைந்தேன் அடியேனை ஆட்கொண்டருளே.

1035 நோற்றேன்பல்பிறவி நுன்னைக்காண்பதோராசையினால் *

ஏற்றேனிப்பிறப்பே இடருற்றனனெம்பெருமான்! *

கோல்தேன் பாய்ந்தொழுகும் குளிர்சோலைசூழ்வேங்கடவா! *

ஆற்றேன்வந்தடைந்தேன் அடியேனை ஆட்கொண்டருளே.

1036 பற்றேல்ஒன்றுமிலேன் பாவமேசெய்துபாவியானேன் *

மற்றேலொன்றறியேன் மாயனே! எங்கள்மாதவனே! *

கல்தேன்பாய்ந்தொழுகும் கமலச்சுனைவேங்கடவா! *

அற்றேன்வந்தடைந்தேன் அடியேனை ஆட்கொண்டருளே.

1037 கண்ணாய்ஏழுலகுக்குஉயிராய எங்கார்வண்ணனை *

விண்ணோர் தாம்பரவும் பொழில்வேங்கடவேதியனை *

திண்ணார்மாடங்கள்சூழ் திருமங்கையர்கோன்கலியன் *

பண்ணார்பாடல்பத்தும்பயில்வார்க்குஇல்லைபாவங்களே. (2)

1038 கண்ணார்கடல்சூழ் இலங்கைக்குஇறைவன்தன் *

திண்ணாகம்பிளக்கச் சரம்செலஉய்த்தாய்! *

விண்ணோர்தொழும் வேங்கடமாமலைமேய *

அண்ணா! அடியேனிடரைக் களையாயே. (2)

1039 இலங்கைப்பதிக்கு அன்றுஇறையாய * அரக்கர்

குலம்கெட்டுஅவர்மாளக் கொடிப்புள்திரித்தாய்! *

விலங்கல்குடுமித் திருவேங்கடம்மேய *

அலங்கல்துளபமுடியாய்! அருளாயே.

1040 நீரார்கடலும் நிலனும்முழுதுண்டு *

ஏராலமிளந்தளிர்மேல் துயில்எந்தாய்! *

சீரார்திருவேங்கடமாமலைமேய *

ஆராவமுதே! அடியேற்கு அருளாயே.

1041 உண்டாஉறிமேல் நறுநெய்அமுதாக *

கொண்டாய்குறளாய் நிலம்ஈரடியாலே *

விண்தோய்சிகரத் திருவேங்கடம்மேய *

அண்டா! அடியேனுக்கு அருள்புரியாயே.

1042 தூணாய்அதனூடு அரியாய்வந்துதோன்றி *

பேணாஅவுணனுடலம் பிளந்திட்டாய்! *

சேணார்திருவேங்கட மாமலைமேய *

கோணாகணையாய்! குறிக்கொள்எனைநீயே.

1043 மன்னா இம்மனிசப்பிறவியைநீக்கி *

தன்னாக்கித் தன்னின்னருள்செய்யும்தலைவன் *

மின்னார்முகில்சேர் திருவேங்கடம்மேய *

என்னானைஎன்னப்பன் என்நெஞ்சிலுளானே.

1044 மானேய்மடநோக்கிதிறத்து எதிர்வந்த *

ஆனேழ்விடைசெற்ற அணிவரைத்தோளா *

தேனே! திருவேங்கடமாமலைமேய *

கோனே! என்மனம் குடிகொண்டிருந்தாயே.

1045 சேயன்அணியன் எனசிந்தையுள்நின்ற

மாயன் * மணிவாளொளி வெண்தரளங்கள் *

வேய்விண்டுஉதிர் வேங்கடமாமலைமேய *

ஆயனடியல்லது மற்றறியேனே.

1046 வந்தாய்என்மனம்புகுந்தாய் மன்னிநின்றாய்! *

நந்தாதகொழுஞ்சுடரே எங்கள்நம்பீ! *

சிந்தாமணியே திருவேங்கடம்மேய

எந்தாய்! * இனியான்உன்னை என்றும்விடேனே.

1047 வில்லார்மலி வேங்கடமாமலைமேய *

மல்லார்திரள்தோள் மணிவண்ணனம்மானை *

கல்லார்திரள்தோள் கலியன்சொன்னமாலை *

வல்லாரவர் வானவராகுவர்தாமே. (2)

1048 வானவர்தங்கள்சிந்தைபோலே என் நெஞ்சமே! இனிதுவந்து * மாதவ

மானவர்தங்கள்சிந்தை அமர்ந்துறைகின்றஎந்தை *

கானவரிடுகாரகிற்புகை ஓங்குவேங்கடம்மேவி * மாண்குற

ளான அந்தணற்குஇன்றுஅடிமைத்தொழில்பூண்டாயே. (2)

1049 உறவுசுற்றமென்றொன்றிலா ஒருவன்உகந்தவர்தம்மை * மண்மிசைப்

பிறவியேகெடுப்பான் அதுகண்டு என்நெஞ்சமென்பாய்! *

குறவர்மாதர்களோடுவண்டுகுறிஞ்சிமருளிசைபாடும் வேங்கடத்து *

அறவனாயகற்கு இன்றுஅடிமைத்தொழில்பூண்டாயே.

1050 இண்டையாயினகொண்டு தொண்டர்களேத்துவாருறவோடும் * வானிடைக்

கொண்டுபோயிடவும் அதுகண்டுஎன்நெஞ்சமென்பாய்! *

வண்டுவாழ்வடவேங்கடமலை கோயில்கொண்டதனோடும் * மீமிசை

அண்டமாண்டிருப்பாற்கு அடிமைத்தொழில்பூண்டாயே.

1051 பாவியாதுசெய் தாயென் னெஞ்சமே! பண்டுதொண்டு செய்தாரை * மண்மிசை

மேவிஆட்கொண்டுபோய் விசும்பேறவைக்கும்எந்தை *

கோவிநாயகன்கொண்டலுந்துயர் வேங்கடமலையாண்டு * வானவர்

ஆவியாயிருப்பாற்கு அடிமைத்தொழில்பூண்டாயே.

1052 பொங்குபோதியும்பிண்டியும்முடைப் புத்தர்நோன்பியர் பள்ளியுள்ளுறை *

தங்கள்தேவரும்தாங்களுமேயாக என்நெஞ்சமென்பாய்! *

எங்கும்வானவர்தானவர் நிறைந்தேத்தும்வேங்கடம்மேவி நின்றருள் *

அங்கணாயகற்கு இன்று அடிமைத்தொழில்பூண்டாயே.

1053 துவரியாடையர்மட்டையர் சமண்தொண்டர்கள் மண்டியுண்டுபின்னரும் *

தமரும் தாங்களுமேதடிக்க என்நெஞ்சமென்பாய்! *

கவரிமாக்கணம்சேரும்வேங்கடம்கோயில்கொண்ட கண்ணார்விசும்பிடை *

அமரநாயகற்கு இன்று அடிமைத்தொழில்பூண்டாயே.

1054 தருக்கினால்சமண்செய்து சோறுதண்தயிரினால்திரளை * மிடற்றிடை

நெருக்குவார்அலக்கணதுகண்டு என்நெஞ்சமென்பாய்! *

மருட்கள்வண்டுகள்பாடும் வேங்கடம்கோயில் கொண்டதனோடும் * வானிடை

அருக்கன்மேவிநிற்பாற்கு அடிமைத்தொழில்பூண்டாயே.

1055 சேயன்அணியன்சிறியன்பெரியனென்பது சிலர்பேசக்கேட்டிருந்தே *

என்நெஞ்சமென்பாய்! * எனக்குஒன்றுசொல்லாதே *

வேய்கள்நின்றுவெண்முத்தமேசொரி வேங்கடமலை கோயில்மேவிய *

ஆயர்நாயகற்குஇன்று அடிமைத்தொழில்பூண்டாயே.

1056 கூடியாடியுரைத்ததேஉரைத்தாய் என்நெஞ்சமென்பாய்! துணிந்துகேள் *

பாடியாடிப்பலரும் பணிந்தேத்திக் காண்கிலர் *

ஆடுதாமரையோனும்ஈசனும் அமரர்கோனும் நின்றேத்தும் * வேங்கடத்து

ஆடுகூத்தனுக்குஇன்று அடிமைத்தொழில்பூண்டாயே.

1057 மின்னுமாமுகில்மேவு தண்திருவேங்கடமலை கோயில்மேவிய *

அன்னமாய்நிகழ்ந்த அமரர்பெருமானை *

கன்னிமாமதிள்மங்கையர்கலிகன்றி இந்தமிழாலுரைத்த * இம்

மன்னுபாடல்வல்லார்க்கு இடமாகும்வானுலகே. (2)

1275 அன்றியவாணனாயிரம்தோளும்

துணிய அன்றுஆழிதொட்டானை *

மின்திகழ்குடுமிவேங்கடமலைமேல்

மேவியவேதநல்விளக்கை *

தென்திசைத்திலதமனையவர்நாங்கைச்

செம்பொன்செய்கோயிலினுள்ளே *

மன்றதுபொலியமகிழ்ந்துநின்றானை

வணங்கிநான்வாழ்ந்தொழிந்தேனே.

1312 வேடார்திருவேங்கடம் மேயவிளக்கே! *

நாடார்புகழ்வேதியர் மன்னியநாங்கூர் *

சேடார்பொழில்சூழ் திருவெள்ளக்குளத்தாய்! *

பாடாவருவேன் வினையாயினபாற்றே. (2)

1371 வாம்பரியுகமன்னர்தம்உயிர்செக ஐவர்க்கட்குஅரசளித்த *

காம்பினார்த்திருவேங்கடப்பொருப்ப! நின்காதலைஅருள் எனக்கு *

மாம்பொழில்தளிர்கோதியமடக்குயில் வாயது துவர்ப்பெய்த *

தீம்பலங்கனித்தேனது நுகர் திருவெள்ளறை நின்றானே!

1388 வெருவாதாள் வாய்வெருவி

வேங்கடமே! வேங்கடமே! எங்கின்றாளால் *

மருவாளால்என்குடங்கால் வாள்நெடுங்கண்

துயில்மறந்தாள் * வண்டார்கொண்ட

லுருவாளன்வானவர்தமுயிராளன்

ஒலிதிரைநீர்ப்பௌவளம்கொண்ட

திருவாளன் * என்மகளைச் செய்தனகள்

எங்ஙனம்நான்சிந்திக்கேனே? (2)

1389 கலையாளாஅகலல்குல் கனவளையும்கையாளா

என்செய்கேன்நான்? *

விலையாளா அடியேனை வேண்டுதியோ?

வேண்டாயோ? என்னும் * மெய்ய

மலையாளன்வானவர்தம்தலையாளன்

மராமரமேழெய்தவென்றிச்

சிலையாளன் * என்மகளைச்செய்தனகள்

எங்ஙனம்நான்சிந்திக்கேனே?

1404 சிந்தனையைத்தவநெறியைத் திருமாலை * பிரியாது

வந்துஎனதுமனத்துஇருந்த வடமலையை * வரிவண்டார்

கொந்தணைந்தபொழில்கோவல் உலகளப்பான் அடிநிமிர்த்த

அந்தணனை * யான்கண்டது அணிநீர்த்தென்னரங்கத்தே. (2)

1518 மான்கொண்டதோல்மார்வின் மாணியாய் * மாவலிமண்

தான்கொண்டு தாளாலளந்தபெருமானை *

தேன்கொண்டசாரல் திருவேங்கடத்தானை *

நான்சென்றுநாடி நறையூரில்கண்டேனே. (2)

1572 ஆங்குவெந்நரகத்துஅழுந்தும்போது

அஞ்சேலென்றுஅடியேனை அங்கேவந்து

தாங்கு * தாமரையன்னபொன்னாரடி

எம்பிரானை உம்பர்க்கணியாய்நின்ற *

வேங்கடத்தரியைப்பரிகீறியை

வெண்ணெயுண்டுஉரலினிடையாப்புண்ட

தீங்கரும்பினை * தேனைநன்பாலினையன்றி

என்மனம்சிந்தைசெய்யாதே.

1640 எங்களுக்குஅருள்செய்கின்றஈசனை

வாசவார்குழலாள்மலைமங்கைதன்

பங்கனை * பங்கில்வைத்துகந்தான்றன்னைப்

பான்மையைப்பனிமாமதியம்தவழ் *

மங்குலைச்சுடரைவடமாமலை

யுச்சியை நச்சிநாம்வணங்கப்படும்

கங்குலை * பகலைச்சென்றுநாடிக்

கண்ணமங்கையுள்கண்டுகொண்டேனே.

1660 அருவிசோர்வேங்கடம் நீர்மலையென்றுவாய்

வெருவினாள் * மெய்யம்வினவியிருக்கின்றாள் *

பெருகுசீர்க் கண்ணபுரமென்றுபேசினாள்

உருகினாள் * உள்மெலிந்தாள் இதுஎன்கொலோ? (2)

1811 பண்ணுலாம்மென்மொழிப்பாவைமார் பணைமுலையணைதும்நாமென்று *

எண்ணுவாரெண்ணமதொழித்து நீபிழைத்துயக்கருதினாயேல் *

விண்ணுளார்விண்ணின்மீதியன்றவேங்கடத்துளார்வளங்கொள்முந்நீர் *

வண்ணனார்வல்லவாழ் சொல்லுமாவல்லையாய்மருவுநெஞ்சே!

1836 வலம்புரியாழியனை வரையார்திரள்தோளன்தன்னை *

புலம்புரிநூலவனைப் பொழில்வேங்கடவேதியனை *

சிலம்பியலாறுடைய திருமாலிருஞ்சோலைநின்ற *

நலந்திகழ்நாரணனை நணுகுங்கொல்? என்நன்னுதலே. (2)

1849 பொன்னைமாமணியை அணியார்ந்ததோர்

மின்னை * வேங்கடத்துஉச்சியில் கண்டுபோய் *

என்னையாளுடைஈசனை எம்பிரான்

தன்னை * யாம்சென்றுகாண்டும் தண்காவிலே.

1946 சொல்லாய் பைங்கிளியே! *

சுடராழி வலனுயர்த்த *

மல்லார்தோள் வடவேங்கடவனைவர *

சொல்லாய் பைங்கிளியே! (2)

1978 கண்ணன் மனத்துள்ளேநிற்கவும் * கைவளைகள்

என்னோகழன்ற? இவையென்னமாயங்கள்? *

பெண்ணானோம் பெண்மையோம்நிற்க * அவன்மேய

அண்ணல்மலையும் அரங்கமும்பாடோமே.

2001 கள்ளத்தால்மாவலியை மூவடிமண்கொண்டளந்தான் *

வெள்ளத்தான்வேங்கடத்தான் என்பரால்காணேடீ! *

வெள்ளத்தான்வேங்கடத்தானேலும் * கலிகன்றி

உள்ளத்தினுள்ளே உளன்கண்டாய்சாழலே! (2)

2038 இம்மையைமறுமைதன்னை எமக்குவீடாகிநின்ற *

மெய்ம்மையைவிரிந்தசோலை வியந்திருவரங்கம்மேய *

செம்மையைக்கருமைதன்னைத் திருமலையொருமையானை *

தன்மையைநினைவார் என்தன்தலைமிசைமன்னுவாரே.

2059 நீரகத்தாய் நெடுவரையி னுச்சிமேலாய்!

நிலாத்திங்கள்துண்டகத்தாய்! நிறைந்தகச்சி

ஊரகத்தாய்! * ஒண்துரைநீர்வெஃகாவுள்ளாய்

உள்ளுவாருள்ளத்தாய்! * உலகமேத்தும்

காரகத்தாய்! கார்வானத்துள்ளாய்! கள்வா!

காமருபூங்காவிரியின்தென்பால்மன்னு

பேரகத்தாய்! * பேராதுஎன்நெஞ்சினுள்ளாய்!

பெருமான்உன்திருவடியேபேணினேனே. (2)

2067 கன்றுமேய்த்துஇனிதுகந்தகாளாய்! என்றும் *

கடிபொழில்சூழ்கணபுரத்துஎன்கனியே! என்றும் *

மன்றமரக்கூத்தாடிமகிழ்ந்தாய்! என்றும் *

வடதிருவேங்கடம்மேயமைந்தா! என்றும் *

வென்றசுரர்குலங்களைந்தவேந்தே! என்றும் *

விரிபொழில்சூழ்திருநறையூர்நின்றாய்! என்றும் *

துன்றுகுழல்கருநிறத்தென்துணையே! என்றும்

துணைமுலைமேல்துளிசோரச்சோர்கின்றாளே. (2)

2107 எழுவார்விடைகொள்வார் ஈன்துழாயானை *

வழுவாவகைநினைந்து வைகல் - தொழுவார் *

வினைச்சுடரைநந்துவிக்கும் வேங்கடமே * வானோர்

மனச்சுடரைத் தூண்டும்மலை.

2118 வகையறுநுண்கேள்வி வாய்வார்கள் * நாளும்

புகைவிளக்கும் பூம்புனலுமேந்தி * - திசைதிசையின்

வேதியர்கள் சென்றிறைஞ்சும்வேங்கடமே * வெண்சங்கம்

ஊதியவாய் மாலுகந்தவூர்.

2119 ஊரும்வரியரவம் ஒண்குறவர்மால்யானை *

பேரவெறிந்த பெருமணியை * - காருடைய

மின்னென்று புற்றடையும்வேங்கடமே * மேலசுரர்

எம்மென்றமாலதிடம்.

2120 இடந்தது பூமி எடுத்ததுகுன்றம் *

கடந்ததுகஞ்சனைமுன்னஞ்ச * - கிடந்ததுவும்

நீரோதமாகடலே நின்றதுவும்வேங்கடமே *

பேரோதவண்ணர்பெரிது.

2121 பெருவில்பகழிக் குறவர்கைச்செந்தீ *

வெருவிப்புனம்துறந்தவேழம் * - இருவிசும்பில்

மீன்வீழக் கண்டஞ்சும்வேங்கடமே * மேலசுரர்

கோன்வீழக்கண்டுகந்தான்குன்று.

2149 உணர்வாரார்உன்பெருமை? ஊழிதோறூழி *

உணர்வாரார் உன்னுருவந்தன்னை? * உணர்வாரார்?

விண்ணகத்தாய்! மண்ணகத்தாய்! வேங்கடத்தாய்! நால்வேதப்

பண்ணகத்தாய்! நீகிடந்தபால்.

2157 வழிநின்று நின்னைத்தொழுவார் * வழுவா

மொழிநின்ற மூர்த்தியரேயாவர் * - பழுதொன்றும்

வாராதவண்ணமே விண்கொடுக்கும் * மண்ணளந்த

சீரான்திருவேங்கடம்.

2158 வேங்கடமும் விண்ணகரும்வெஃகாவும் * அஃகாத

பூங்கிடங்கின் நீள்கோவல்பொன்னகரும் * - நான்கிடத்தும்

நின்றான்இருந்தான் கிடந்தான்நடந்தானே *

என்றால்கெடுமாம் இடர்.

2163 படையாரும்வாட்கண்ணார் பாரசிநாள் * பைம்பூந்

தொடையலோடு ஏந்தியதூபம் * - இடையிடையில்

மீன்மாய மாசூணும்வேங்கடமே * மேலொருநாள்

மான்மாயவெய்தான்வரை.

2180 உளன்கண்டாய்நன்னெஞ்சே! உத்தமனென்றும்

உளன்கண்டாய் * உள்ளூவாருள்ளத்து-உளன்கண்டாய் *

வெள்ளத்தினுள்ளானும் வேங்கடத்துமேயானும் *

உள்ளத்தினுள்ளானென்றுஓர். (2)

2206 சென்றதிலங்கைமேல் செவ்வேதன்சீற்றத்தால் *

கொன்றதிராவணனைக்கூறுங்கால் * - நின்றதுவும்

வேயோங்குதண்சாரல் வேங்கடமே * விண்ணவர்தம்

வாயோங்குதொல்புகழான்வந்து.

2207 வந்தித்தவனை வழிநின்றவைம்பூதம் *

ஐந்துமகத்தடக்கி ஆர்வமாய் * - உந்திப்

படியமரர்வேலையான் பண்டமரர்க்கீந்த *

படியமரர்வாழும்பதி.

2208 பதியமைந்துநாடிப் பருத்தெழுந்தசிந்தை *

மதியுரிஞ்சிவான்முகடுநோக்கி - கதிமிகுத்துஅம்

கோல்தேடியோடும் கொழுந்ததேபோன்றதே *

மால்தேடியோடும்மனம்.

2209 மனத்துள்ளான்வேங்கடத்தான் மாகடலான் * மற்றும்

நினைப்பரிய நீளரங்கத்துள்ளான் * - எனைப்பலரும்

தேவாதிதேவ னெனப்படுவான் * முன்னொருநாள்

மாவாய்பிளந்தமகன்.

2214 துணிந்ததுசிந்தை துழாயலங்கல் * அங்கம்

அணிந்தவன்பேர் உள்ளத்துப்பல்கால் * - பணிந்ததுவும்

வேய்பிறங்குசாரல் விறல்வேங்கடவனையே *

வாய்திறங்கள்சொல்லும்வகை.

2226 உளதென்றிறுமாவார் உண்டில்லையென்று *

தளர்தலதனருகும்சாரார் * - அளவரிய

வேதத்தான்வேங்கடத்தான் விண்ணோர்முடிதோயும் *

பாதத்தான் பாதம்பயின்று.

2227 பயின்றதுஅரங்கம் திருக்கோட்டி * பன்னாள்

பயின்றதுவும் வேங்கடமே * பன்னாள் -பயின்றது

அணிதிகழுஞ்சோலை அணிநீர்மலையே *

மணிதிகழும்வண்தடக்கைமால்.

2234 நெறியார்குழற்கற்றை முன்னின்றுபின்தாழ்ந்து *

அறியாதிளங்கிரியென்றெண்ணி * - பிறியாது

பூங்கொடிக்கள்வைகும் பொருபுனல்குன்றென்றும் *

வேங்கடமே யாம்விரும்பும்வெற்பு.

2235 வெற்பென்றிருஞ்சோலை வேங்கடமென்றிவ்விரண்டும் *

நிற்பென்று நீமதிக்கும்நீர்மைபோல் * - நிற்பென்று

உளங்கோயில் உள்ளம்வைத்துள்ளினேன் * வெள்ளத்

திளங்கோயில் கைவிடேலென்று.

2253 போதறிந்துவானரங்கள் பூஞ்சுனைபுக்கு * ஆங்கலர்ந்த

போதரிந்துகொண்டேத்தும் போது * உள்ளம்! - போது

மணிவேங்கடவன் மலரடிக்கேசெல்ல *

அணிவேங்கடவன்பேராய்ந்து.

2256 பெருகுமதவேழம் மாப்பிடிக்கிமுன்னின்று *

இருகணிளமூங்கில்வாங்கி * - அருகிருந்த

தேன்கலந்துநீட்டும் திருவேங்கடம்கண்டீர் *

வான்கலந்தவண்ணன்வரை.

2295 மாற்பால்மனஞ்சுழிப்ப மங்கையர்தோள்கைவிட்டு *

நூற்பால்மனம்வைக்கநொய்விதாம் * -நாற்பால

வேதத்தான்வேங்கடத்தான் விண்ணோர்முடிதோயும் *

பாதத்தான்பாதம்பணிந்து.

2307 சிறந்தவென்சிந்தையும் செங்கணரவும் *

நிறைந்தசீர்நீள்கச்சியுள்ளும் * - உறைந்ததும்

வேங்கடமும்வெஃகாவும் வேளுக்கைப்பாடியுமே *

தாங்கடவார்தண்துழாயார்.

2311 சேர்ந்ததிருமால் கடல்குடந்தைவேங்கடம்

நேர்ந்தவென்சிந்தை நிறை விசும்பும் * - வாய்ந்த

மறைபாடகமனந்தன் வண்டுழாய்க்கண்ணி *

இறைபாடியாயவிவை.

2313 பாற்கடலும்வேங்கடமும் பாம்பும்பனிவிசும்பும் *

நூற்கடலும்நுண்ணூலதாமரைமேல் * - பாற்பட்

டிருந்தார்மனமும் இடமாகக்கொண்டான் *

குருந்தொசித்தகோபாலகன்.

2320 இறையாய்நிலனாகி எண்திசையும்தானாய் *

மறையாய்மறைப்பொருளாய்வானாய் * - பிறைவாய்ந்த

வெள்ளத்தருவி விளங்கொலிநீர்வேங்கடத்தான் *

உள்ளத்தினுள்ளேயுளன்.

2321 உளன்கண்டாய்நல்னெஞ்சே! உத்தமனென்றும்

உளன்கண்டாய் * உள்ளுவாருள்ளத்து உளன்கண்டாய் *

விண்ணொங்கக்கோடுயரும் வீங்கருவிவேங்கடத்தான் *

மண்ணொடுங்கத்தானளந்தமன்.

2326 புரிந்துமதவேழம் மாப்பிடியோடூடி *

திரிந்துசினத்தால்பொருது * விரிந்தசீர்

வெண்கோட்டு முத்துதிர்க்கும்வேங்கடமே * மேலொருநாள்

மண்கோட்டுக்கொண்டான்மலை.

2339 தெளிந்தசிலாதலத்தின் மேலிருந்தமந்தி *

அளிந்தகடுவனையேநோக்கி * - விளங்கிய

வெண்மதியம் தாவென்னும்வேங்கடமே * மேலொருநாள்

மண்மதியில்கொண்டுகந்தான்வாழ்வு.

2342 பண்டெல்லாம்வேங்கடம் பாற்கடல்வைகுந்தம் *

கொண்டங்குறைவார்க்குக்கோயில்போல் * - வண்டு

வளங்கிளரும்நீள்சோலை வண்பூங்கடிகை *

இளங்குமரன்தன்விண்ணகர். (2)

2343 விண்ணகரம்வெஃகா விரிதிரைநீர்வேங்கடம் *

மண்ணகரம்மாமாடவேளுக்கை * மண்ணகத்த

தென்குடந்தை தேனார்திருவரங்கம்தென்கோட்டி *

தன்குடங்கைநீரேற்றான்தாழ்வு.

2349 பார்த்தகடுவன் சுனைநீர்நிழல்கண்டு *

பேர்த்தோர் கடுவனெனப்பேர்ந்து * - கார்த்த

களங்கனிக்குக் கைநீட்டும்வேங்கடமே * மேனாள்

விளங்கனிக்குக் கன்றெறிந்தான்வெற்பு.

2350 வெற்பென்று வேங்கடம்பாடும் * வியன்துழாய்

கற்பென்றுசூடும் கருங்குழல்மேல் * மல்பொன்ற

நீண்டதோள்மால்கிடந்த நீள்கடல்நீராடுவான் *

பூண்டநாளெல்லாம்புகும்.

2351 புகுமதத்தால் வாய்பூசிக்கீழ்தாழ்ந்து * அருவி

உகுமதத்தால் கால்கழுவிக், கையால் * மிகுமதத்தேன்

விண்டமலர்கொண்டு விறல்வேங்கடவனையே *

கண்டுவணங்கும்களிறு.

2352 களிறுமுகில்குத்தக் கையெடுத்தோடி *

ஒளிறுமருப்பொசிகையாளி * - பிளிறி

விழ * கொன்றுநின்றதிரும் வேங்கடமே * மேல்நாள்

குழக்கன்றுகொண்டெறிந்தான் குன்று.

2353 குன்றொன்றினாய குறமகளிர்கோல்வளைக்கை *

சென்றுவிளையாடும்தீங்கழைபோய் * - வென்று

விளங்குமதிகோள்விடுக்கும் வேங்கடமே * மேலை

இளங்குமரர்கோமானிடம்.

2354 இடம்வலமேழ்பூண்ட இரவித்தேரோட்டி *

வடமுகவேங்கடத்துமன்னும் * - குடம்நயந்த

கூத்தனாய்நின்றான் குரைகழலேகூறுவதே *

நாத்தன்னாலுள்ளநலம்.

2356 சார்ந்தகடுதேய்ப்பத் தடாவியகோட்டுச்சிவாய் *

ஊர்ந்தியங்கும்வெண்மதியினொண்முயலை * - சேர்ந்து

சினவேங்கைபார்க்கும் திருமலையே * ஆயன்

புனவேங்கைநாறும்பொருப்பு.

2370 முடிந்தபொழுதில் குறவாணர் * ஏனம்

படிந்துழுசால் பைந்தினைகள்வித்த * - தடிந்தெழுந்த

வேய்ங்கழைபோய் விண்திறக்கும்வேங்கடமே * மேலொருநாள்

தீங்குழல்வாய்வைத்தான்சிலம்பு.

2415 குறிப்பெனக்குக் கோட்டியூர்மேயானையேத்த *

குறிப்பெனக்கு நன்மைபயக்க * - வெறுப்பனோ?

வேங்கடத்துமேயானை மெய்வினைநோயெய்தாமல் *

தான்கடத்தும்தன்மையான்தாள்.

2420 அழைப்பன் திருவேங்கடத்தானைக்காண *

இழைப்பன் திருக்கூடல்கூட * - மழைப்பே

ரருவி மணி வரன்றிவந்திழிய * யானை

வெருவியரவொடுங்கும்வெற்பு.

2421 வெற்பென்று வேங்கடம்பாடினேன் * வீடாக்கி

நிற்கின்றேன் நின்றுநினைக்கின்றேன் * கற்கின்ற

நூல்வலையில்பட்டிருந்த நூலாட்டிகேள்வனார் *

கால்வலையில்பட்டிருந்தேன்காண்.

2422 காணலுறுகின்றேன் கல்லருவிமுத்துதிர *

ஓணவிழவிலொலியதிர * பேணி

வருவேங்கடவா! என்னுள்ளம்புகுந்தாய் *

திருவேங்கடமதனைச்சென்று.

2423 சென்றுவணங்குமினோ சேணுயர்வேங்கடத்தை *

நின்றுவினைகெடுக்கும் நீர்மையால் * -என்றும்

கடிக்கமலநான்முகனும் கண்மூன்றத்தானும் *

அடிக்கமலமிட்டேத்துமங்கு.

2424 மங்குல்தோய்சென்னி வடவேங்கடத்தானை *

கங்குல்புகுந்தார்கள் காப்பணிவான் * - திங்கள்

சடையேறவைத்தானும் தாமரைமேலானும் *

குடையேறத்தாம்குவித்துக்கொண்டு.

2425 கொண்டுகுடங்கால்மேல் வைத்தகுழவியாய் *

தண்டவரக்கன்தலைதாளால் - பண்டெண்ணி *

போம்குமரன் நிற்கும் பொழில்வேங்கடமலைக்கே *

போம்குமரருள்ளீர்! புரிந்து.

2426 புரிந்துமலரிட்டுப் புண்டரீகப்பாதம் *

பரிந்துபடுகாடுநிற்ப * - தெரிந்தெங்கும்

தானோங்கிநிற்கின்றான் தண்ணருவிவேங்கடமே *

வானோர்க்கும்மண்ணோர்க்கும்வைப்பு.

2427 வைப்பன்மணிவிளக்கா மாமதியை * மாலுக்கென்று

எப்பொழுதும் கைநீட்டும்யானையை * - எப்பாடும்

வேடுவளைக்கக் குறவர்வில்லெடுக்கும்வேங்கடமே *

நாடுவளைத் தாடுதுமேல்நன்று.

2428 நன்மணிவண்ணனூர் ஆளியும்கோளரியும் *

பொன்மணியும்முத்தமும் பூமரமும் * - பன்மணிநீ

ரோடுபொருதுருளும் கானமும்வானரமும் *

வேடுமுடைவேங்கடம்.

2429 வேங்கடமே விண்ணோர்தொழுவதுவும் * மெய்ம்மையால்

வேங்கடமே மெய்வினைநோய்தீர்ப்பதுவும் * - வேங்கடமே

தானவரைவீழத் தன்னாழிப்படைதொட்டு *

வானவரைக்காப்பான்மலை.

2471 வீற்றிருந்து விண்ணாளவேண்டுவார் * வேங்கடத்தான்

பால்திருந்தவைத்தாரே பல்மலர்கள் * - மேல்திருந்த

வாழ்வார் வருமதிபார்த்துஅன்பினராய் * மற்றவர்க்கே

தாழ்வாயிருப்பார்தமர்.

2485 காண்கின்றனகளும் கேட்கின்றனகளும்காணில் * இந்நாள்

பாண்குன்றநாடர்பயில்கின்றன * இதெல்லாமறிந்தோம்

மாண்குன்றமேந்திதண்மாமலைவேங்கடத்தும்பர்நம்பும்

சேண்குன்றஞ்சென்று * பொருள்படைப்பான்கற்ற திண்ணனவே.

2487 மாயோன் வடதிருவேங்கடநாட * வல்லிக்கொடிகாள்!

நோயோவுரைக்கிலும் கேட்கின்றிலீர்உரையீர் * நுமது

வாயோ? அதுவன்றிவல்வினையேனும்கிளியுமெள்கும்

ஆயோ? அடும்தொண்டையோ? * அறையோ! இதறிவரிதே.

2492 கயலோ? நுமகண்கள்என்று களிறுவினவிநிற்றீர் *

அயலோரறியிலும் ஈதென்னவார்த்தை? * கடல்கவர்ந்த

புயலோடுலாம்கொண்டல்வண்ணன்புனவேங்கடத் தெம்மொடும்

பயலோவிலீர் * கொல்லைக்காக்கின்றநாளும்பலபலவே.

2508 இசைமின்கள் தூதென்று இசைத்தாலிசையிலம் * என் தலைமேல்

அசைமின்களென்றால் அசையிங்கொலாம்? * அம் பொன்மாமணிகள்

திசைமின்மிளிரும்திருவேங்கடத்துவன்தாள் சிமய

மிசை * மின்மிளிரியபோவான்வழிக்கொண்ட மேகங்களே.

2527 ஒண்ணுதல் மாமையொளிபயவாமை * விரைந்துநந்தேர்

நண்ணுதல்வேண்டும் வலவ! கடாகின்று * தேன்நவின்ற

விண்முதல்நாயகன்நீள்முடிவெண்முத்தவாசிகைத்தாய்

மண்முதல்சேர்வுற்று * அருவிசெய்யாநிற்கும்மாமலைக்கே.

2537 முலையோமுழுமுற்றும்போந்தில * மொய்பூங்குழல்குறிய

கலையோஅரையில்லை நாவோகுழறும் * கடல்மண்ணெல்லாம்

விலையோவெனமிளிருங்கண் இவள்பரமே? பெருமான்

மலையோ * திருவேங்கடமென்று கற்கின்ற வாசகமே. (2)

2544 காவியும்நீலமும் வேலும்கயலும்பலபலவென்று *

ஆவியின் தன்மையளவல்லபாரிப்பு * அசுரரைச்செற்ற

மாவியம்புள்வல்லமாதவன் கோவிந்தன் வேங்கடஞ்சேர்

தூவியம்பேடையன்னாள் * கண்களாயதுணைமலரே.

2558 உருகின்றகன்மங்கள் மேலான ஓர்ப்பிலராய் * இவளைப்

பெருகின்றதாயர் மெய்ந்நொந்து பெறார்கொல்? * துழாய்குழல்வாய்த்

துறுகின்றிலர் தொல்லை வேங்கடமாட்டவும் சூழ்கின்றிலர்

இருகின்றதாலிவளாகம் * மெல்லாவியெரிகொள்ளவே.

2652 கல்லும் கனைகடலும் வைகுந்தவானாடும் *

புல்லென்றொழிந்தனகொல்? ஏபாவம்! * - வெல்ல

நெடியான் நிறங்கரியான் உள்புகுந்துநீங்கான் *

அடியேனதுள்ளத்தகம்.

2673 காரார்வரைக்கொங்கை கண்ணார்கடலுடுக்கை *

சீரார்சுடர்ச்சுட்டி செங்கலுழிப்பேராற்று * (2)

பேராரமார்பின் பெருமாமழைக்கூந்தல் *

நீராரவேலி நிலமங்கையென்னும் * - இப்

பாரோர்சொலப்பட்ட மூன்றன்றே *

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2716

தென்னனுயர்பொருப்பும் தெய்வவடமலையும் *

என்னுமிவையே முலையாவடிவமைந்த *

அன்னநடையவணங்கே * - அடியிணையைத்

தன்னுடையவங்கைகளால் தான்தடவத்தான்கிடந்து * ஓர்

உன்னியயோகத்து உறக்கந்தலைக்கொண்ட பின்னை *

2778 மின்னிமழைதவழும் வேங்கடத்துஎம்வித்தகனை * (2)

மன்னனை மாலிருஞ்சோலைமணாளனை *

கொல்நவிலும் ஆழிப்படையானை * -

2870 கண்ணாவானென்றும் *

மண்ணோர்விண்ணோர்க்கு *

தண்ணார்வேங்கட *

விண்ணோர்வெற்பனே. (2)

2964 எந்தாய்! தண்திருவேங்கடத்துள்நின்றாய்! இலங்கை செற்றாய்! * மராமரம்

பைந்தாளேழுருவ ஒருவாளிகோத்தவில்லா! *

கொந்தார்தண்ணந்துழாயினாய்! அமுதே! உன்னையென்னுள்ளேகுழைத்தவெம்

மைந்தா! * வானேறே! இனியெங்குப்போகின்றதே?

2965 போகின்றகாலங்கள்போயகாலங்கள் போகுகாலங்கள் * தாய்தந்தையுயி

ராகின்றாய்! உன்னைநானடைந்தேன்விடுவேனோ? *

பாகின்றதொல்புகழ்மூவுலகுக்கும் நாதனே! பரமா! * தண்வேங்கடம்

மேகின்றாய்! தண்துழாய்விரைநாறுகண்ணியனே!

2977 பற்பநாபன்உயர்வறவுயரும் பெருந்திறலோன் *

எற்பரன்என்னையாக்கிக்கொண்டு எனக்கேதன்னைத்தந்த

கற்பகம் * என்னமுதம்கார்முகில்போலும் வேங்கடநல்

வெற்பன் * விசும்போர்பிரான் எந்தைதாமோதரனே.

3035 ஒழிவில்காலமெல்லாம் உடனாய்மன்னி *

வழுவிலா அடிமைசெய்யவேண்டும்நாம் *

தெழிகுரலருவித் திருவேங்கடத்து *

எழில்கொள்சோதி எந்தைதந்தைதந்தைக்கே. (2)

3036 எந்தைதந்தைதந்தை தந்தைதந்தைக்கும்

முந்தை * வானவர் வானவர்கோனொடும் *

சிந்துபூமகிழும் திருவேங்கடத்து *

அந்தமில்புகழ்க் காரெழிலண்ணலே.

3037 அண்ணல்மாயன் அணிகொள்செந்தாமரைக்

கண்ணன் * செங்கனிவாய்க் கருமாணிக்கம் *

தெண்ணிறைச்சுனைநீர்த் திருவேங்கடத்து *

எண்ணில்தொல்புகழ் வானவரீசனே.

3038 ஈசன்வானவர்க்கென்பன் என்றால் * அது

தேசமோ திருவேங்கடத்தானுக்கு *

நீசனேன் நிறைவொன்றுமிலேன் * என்கண்

பாசம்வைத்த பரஞ்சுடர்ச்சோதிக்கே.

3039 சோதியாகி எல்லாவுலகும்தொழும் *

ஆதிமூர்த்தியென்றால் அளவாகுமோ? *

வேதியர் முழுவேதத்தமுதத்தை *

தீதில்சீர்த் திருவேங்கடத்தானையே.

3040 வேங்கடங்கள் மெய்ம்மேல்வினைமுற்றவும் *

தாங்கள் தங்கட்கு நல்லனவேசெய்வார் *

வேங்கடத்துறைவார்க்கு நமவென்ன

லாங்கடமை * அதுசுமந்தார்கட்கே. (2)

3041 சுமந்துமாமலர் நீர்சுடர்தூபம்கொண்டு *

அமர்ந்துவானவர் வானவர்கோனொடும் *

நமன்றெழும் திருவேங்கடம்நங்கட்கு *

சமன்கொள்வீடுதரும் தடங்குன்றமே.

3042 குன்றமேந்திக் குளிர்மழைகாத்தவன் *

அன்றுஞாலமளந்தபிரான் * பரன்

சென்றுசேர் திருவேங்கடமாமலை *

ஒன்றுமேதொழ நம்வினையோயுமே. (2)

3043 ஓயுமூப்புப் பிறப்பிறப்புப் * பிணி

வீயுமாறுசெய்வான் திருவேங்கடத்து

ஆயன் * நாள்மலராம் அடித்தாமரை *

வாயுள்ளும்மனத்துள்ளும் வைப்பார்கட்கே.

3044 வைத்தநாள்வரை எல்லைகுறுகிச்சென்று *

எய்த்திளைப்பதன்முன்னம் அடைமினோ *

பைத்தபாம்பணையான் திருவேங்கடம் *

மொய்த்தசோலை மொய்பூந்தடம்தாழ்வரே.

3045 தாள்பரப்பி மண்வதாவியவீசனை *

நீள்பொழில் குருகூர்ச்சடகோபன்சொல் *

கேழிலாயிரத்து இப்பத்தும்வல்லவர் *

வாழ்வர்வாழ்வெய்தி ஞாலம்புகழவே. (2)

3064 வார்புனலந்தணருவி வடதிருவேங்கடத்தெந்தை *

பேர்பலசொல்லிப்பிதற்றிப் பித்தரென்றேபிறர்கூற *

ஊர்பலபுக்கும்புகாதும் உலோகர்சிரிக்கநின்றாடி *

ஆர்வம்பெருகிக்குனிப்பார் அமரர்தொழப்படுவாரே.

3177 மாரிமாறாததண்ணம்மலை வேங்கடத்தண்ணலை *

வாரிமாறாதபைம்பூம்பொழில்சூழ் குருகூர்நகர் *

காரிமாறன்சடகோபன் சொல்லாயிரத்திப்பத்தால் *

வேரிமாறாதபூமேலிருப்பாள் வினைதீர்க்குமே. (2)

3398 மாலுக்கு வையமளந்தமணாளற்கு *

நீலக்கருநிற மேகநியாயற்கு *

கோலச்செந்தாமரைக்கண்ணற்கு * என்கொங்கல

ரேலக்குழலி இழந்ததுசங்கே. (2)

3399 சங்குவில்வாள்தண்டு சக்கரக்கையற்கு *

செங்கனிவாய்ச் செய்யதாமரைக்கண்ணற்கு *

கொங்கலர்தண்ணந்துழாய் முடியானுக்கு * என்

மங்கையிழந்தது மாமைநிறமே.

3400 நிறங்கரியானுக்கு நீடுலகுண்ட *

திறம்கிளர்வாய்ச் சிறுக்கள்வன வற்கு *

கறங்கியசக்கரக் கையவனுக்கு * என்

பிறங்கிருங்கூந்தல் இழந்ததுபீடே.

3401 பீடுடைநான்முகனைப் படைத்தானுக்கு *

மாடுடைவையம் அளந்தமணாளற்கு *

நாடுடைமன்னர்க்குத் தூதுசெல்நம்பிக்கு * என்

பாடுடையல்குல் இழந்ததுபண்பே.

3402 பண்புடைவேதம் பயந்தபரனுக்கு *

மண்புரைவையம் இடந்தவராகற்கு *

தெண்புனல்பள்ளி எந்தேவபிரானுக்கு * என்

கண்புனைகோதை இழந்ததுகற்பே.

3403 கற்பகக்காவன நற்பலதோளற்கு *

பொற்சுடர்க்குன்றன்ன பூந்தண்முடியற்கு *

நற்பலதாமரை நாண்மலர்க்கையற்கு * என்

விற்புருவக்கொடி தோற்றது மெய்யே.

3404 மெய்யமர்பல்கலன் நன்கணிந்தானுக்கு *

பையரவினணைப் பள்ளியினானுக்கு *

கையொடுகால்செய்ய கண்ணபிரானுக்கு * என்

தையலிழந்தது தன்னுடைச்சாயே.

3405 சாயக்குருந்தம் ஒசித்ததமியற்கு *

மாயச்சகடம் உதைத்தமணாளற்கு *

பேயைப்பிணம்படப் பாலுண்பிரானுக்கு * என்

வாசக்குழலி இழந்ததுமாண்பே.

3406 மாண்பமைகோலத்து எம்மாயக்குறளற்கு *

சேண்சுடர்க்குன்றன்ன செஞ்சுடர்மூர்த்திக்கு *

காண்பெருந்தோற்றத்து எங்காகுத்தநம்பிக்கு * என்

பூண்புனைமென்முலை தோற்றதுபொற்பே.

3407 பொற்பமைநீள்முடிப் பூந்தண்துழாயற்கு *

மற்பொருதோளுடை மாயப்பிரானுக்கு *

நிற்பனபல்லுருவாய் நிற்குமாயற்கு * என்

கற்புடையாட்டி இழந்ததுகட்டே.

3408 கட்டெழில்சோலை நல்வேங்கடவாணனை *

கட்டெழில்தென்குரு கூர்ச் சடகோபன்சொல் *

கட்டெழிலாயிரத்து இப்பத்தும்வல்லவர் *

கட்டெழில்வானவர் போகமுண்பாரே. (2)

3435 விண்மீதிருப்பாய்! மலைமேல் நிற்பாய்! கடல்சேர்ப்பாய்! *

மண்மீதுழல்வாய்! இவற்றுளெங்கும்மறைந்துறைவாய்! *

எண்மீதியன்றபுறவண்டத்தாய்! எனதாவி *

உள்மீதாடி உருக்காட்டாதேஒளிப்பாயோ?

3442 உலகமுண்டபெருவாயா! உலப்பில்கீர்த்தியம்மானே! *

நிலவுஞ்சுடர்சூழொளிமூர்த்தி! நெடியாய்! அடியேனாருயிரே! *

திலதமுலகுக்காய்நின்ற திருவேங்கடத்தெம் பெருமானே! *

குலதொல்லடியேன்உனபாதம் கூடுமாறுகூறாயே. (2)

3443 கூறாய்நீறாய்நிலனாகிக் கொடுவல்லசுரர்குலமெல்லாம் *

சீறாவெறியுந்திருநேமிவலவா! தெய்வக்கோமானே! *

சேறார்சுனைத்தாமரைசெந்தீமலரும் திருவேங்கடத்தானே! *

ஆறாவன்பிலடியேன் உன்னடிசேர்வண்ணம்அருளாயே.

3444 வண்ணமருள்கொளணிமேகவண்ணா! மாயவம்மானே! *

எண்ணம்புகுந்துதித்திக்குமமுதே! இமையோரதிபதியே! *

தெண்ணலருவிமணிபொன்முத்தலைக்கும் திருவேங்கடத்தானே! *

அண்ணலே! உன்னடிசேரஅடியேற்குஆவாவென்னாயே.

3445 ஆவா! என்னாதுஉலகத்தையலைக்கும் அசுரர்வாணாள்மேல் *

தீவாய்வாளிமழைபொழிந்தசிலையா! திருமாமகள்கேள்வா!

தேவா! * சுரர்கள்முனிக்கணங்கள்விரும்பும் திருவேங்கடத்தானே! *

பூவார்கழல்கள்அருவினையேன் பொருந்துமாறு புணராயே.

3446 புணராநின்றமரமேழ் அன்றெய்தஒருவில்வலவாவோ! *

புணரேய்நின்றமரமிரண்டின் நடுவேபோனமுதல்வாவோ! *

திணரார்மேகமெனக்களிறுசேரும் திருவேங்கடத்தானே! *

திணரார்சார்ங்கத்துஉனபாதம் சேர்வதடியேனெந் நாளே?

3447 எந்நாளே? நாம்மண்ணளந்த இணைத்தாமரைகள் காண்பதற்கென்று *

எந்நாளும்நின்றிமையோர்களேத்தி இறைஞ்சி யினமினமாய் *

மெய்ந்நாமனத்தால்வழிபாடுசெய்யும் திருவேங்கடத்தானே! *

மெய்ந்நானெய்தியெந்நாள் உன்னடிக்கணடியேன் மேவுவதே?

3448 அடியேன்மேவியமர்கின்றஅமுதே! இமையோரதிபதியே! *

கொடியாவடுபுள்ளுடையானே! கோலக்கனிவாய்ப் பெருமானே! *

செடியார்வினைகள்தீர்மருந்தே! திருவேங்கடத்தெம் பெருமானே! *

நொடியார்பொழுதும்உன்பாதம் காணநோலாதாற்றேனே.

3449 நோலாதாற்றேன்உனபாதம் காணவென்று நுண்ணுணர்வின் *

நீலார்கண்டத்தம்மானும் நிறைநான்முகனுமிந்திரனும் *

சேலேய்கண்ணார்பலர்சூழவிரும்பும் திருவேங்கடத்தானே! *

மாலாய்மயக்கிஅடியேன்பால் வந்தாய்போலவாராயே.

3450 வந்தாய்போலேவாராதாய் வாராதாய்போல்வருவானே! *

செந்தாமரைக்கண்செங்கனிவாய் நால்தோளமுதே! எனதுயிரே! *

சிந்தாமணிகள்பகரல்லைப்பகல்செய் திருவேங்கடத்தானே! *

அந்தோ! அடியேன்உனபாதம் அகலகில்லேனிறையுமே.

3451 அகலகில்லேனிறையுமென்று அலர்மேல்மங்கையுறைமார்பா! *

நிகரில்புகழாய்! உலகமூன்றுடையாய்! என்னையாள்வானே! *

நிகரிலமரர்முனிக்கணங்கள்விரும்பும் திருவேங்கடத்தானே! *

புகலொன்றில்லாஅடியேன் உன்னடிக்கீழமர்ந்துபுகுந்தேனே. (2)

3452 அடிக்கீழமர்ந்துபுகுந்து அடியீர்! வாழ்மினென்றென்றருள்கொடுக்கும் *

படிக்கேழில்லாப்பெருமானைப்பழனக்குருகூர்ச்சடகோபன் *

முடிப்பான்சொன்னவாயிரத்துத் திருவேங்கடத்துக்கிவைபத்தும் *

பிடித்தார்பிடித்தார்வீற்றிருந்து பெரியவானுள்நிலாவுவரே. (2)

3574 நங்கள்வரிவளையாயங்காளோ!

நம்முடையேதலர்முன்புநாணி *

நுங்கட்குயானொன்றுரைக்கும்மாற்றம்

நோக்குகின்றேன்எங்குங்காணமாட்டேன் *

சங்கம்சரிந்தனசாயிழந்தேன்

தடமுலைபொன்னிறமாய்த்தளர்ந்தேன் *

வெங்கண்பறவையின்பாகனெங்கோன்

வேங்கடவாணணைவேண்டிச்சென்றே. (2)

3581 இடையில்லையான்வளர்த்தகிளிகாள்!

பூவைகள்காள்! குயில்காள்! மயில்காள்! *

உடையநம்மாமையும்சங்கும்நெஞ்சும்

ஒன்றுமொழியவொட்டாதுகொண்டான் *

அடையும்வைகுந்தமும்பாற்கடலும்

அஞ்சனவெற்புமவைநணிய *

கடையறப்பாசங்கள்விட்டபின்னையன்றி

அவனவைகாண்கொடானே.

3702 இன்றிப்போக இருவினையும்கெடுத்து *

ஒன்றியாக்கைபுகாமை உய்யக்கொள்வான் *

நின்றவேங்கடம் நீள்நிலத்துள்ளது *

சென்றுதேவர்கள் கைதொழுவார்களே.

3819 தலைமேற்புனைந்தேன் சரணங்கள் * ஆலின்

இலைமேல்துயின்றான் இமையோர்வணங்க *

மலைமேல்தான் நின்று என்மனத்துளிருந்தானை *

நிலைபேர்க்கலாகாமை நிச்சித்திருந்தேனே.

3832 மேயான் வேங்கடம் *

காயாமலர்வண்ணன் *

பேயார்முலையுண்ட *

வாயான்மாதவனே. (2)

3856 திருமாலிருஞ்சோலைமலையே திருப்பாற்கடலே என்தலையே *

திருமால்வைகுந்தமே தண்திருவேங்கடமேஎனதுடலே *

அருமாமாயத்தெனதுயிரே மனமேவாக்கேகருமமே *

ஒருமாநொடியும்பிரியான் என்ஊழிமுதல்வனொருவனே. (2)

3968 நின்றவண்கீர்த்தியும் நீள்புனலும் * நிறைவேங்கடப் பொற்

குன்றமும் வைகுந்தநாடும் குலவியபாற்கடலும் *

உன்தனக்கெத்தனையின்பந்தரும் உன்னிணை மலர்த்தாள்

என்தனுக்கும் அது * இராமானுச! இவையீந்தருளே. (2)

3998 இருப்பிடம் வைகுந்தம்வேங்கடம் * மாலிருஞ் சோலையென்னும்

பொருப்பிடம் மாயனுக்கென்பர் நல்லோர் * அவை தம்மொடும்வந்து

இருப்பிடம்மாயன் இராமானுசன்மனத்து இன்று அவன் வந்து

இருப்பிடம் * என்தனிதயத்துள்ளேதனக்கின்புறவே. (2)