1078 அன்றாயர்குலக்கொடியோடு

அணிமாமலர்மங்கையொடுஅன்பளவி * அவுணர்க்கு

என்தானும் இரக்கமிலாதவனுக்கு

உறையுமிடமாவது * இரும்பொழில்சூழ்

நன்றாயபுனல்நறையூர்திருவாலிகுடந்தை

தடந்திகழ் கோவல்நகர் *

நின்றான்இருந்தான்கிடந்தான்நடந்தாற்குஇடம்

மாமலையாவதுநீர்மலையே. (2)

1329 சிந்தைதன்னுள் நீங்காதிருந்ததிருவே மருவினிய

மைந்தா! * அந்தணாலிமாலே! சோலைமழகளிறே! *

நந்தாவிளக்கின்சுடரே! நறையூர்நின்றநம்பீ! * என்

எந்தாய்! இந்தளூராய்! அடியேற்குஇறையும் இரங்காயே. (2)

1470 மானேய்நோக்குநல்லார் மதிபோல்முகத்துஉலவும் *

ஊனேய்கண்வாளிக்கு உடைந்தோட்டந்துஉன்னடைந்தேன் *

கோனே! குறுங்குடியுள்குழகா! திருநறையூர்த்

தேனே! * வருபுனல்சூழ் திருவிண்ணகரானே!

1478 கண்ணும்சுழன்றுபீளையோடு ஈளைவந்தேங்கினால் *

பண்ணின்மொழியார் பையநடமினென்னாதமுன் *

விண்ணும்மலையும் வேதமும்வேள்வியுமாயினான் *

நண்ணுநறையூர் நாம்தொழுதும்எழுநெஞ்சமே! (2)

1479 கொங்குண்குழலார் கூடியிருந்துசிரித்து * நீர்

இங்கென்? இருமி எம்பால்வந்ததென்றிகழாதமுன் *

திங்களெரிகால் செஞ்சுடராயவன்தேசுடை *

நங்கள்நறையூர் நாம்தொழுதும்எழுநெஞ்சமே!

1480 கொங்கார்குழலார் கூடியிருந்துசிரித்து * எம்மை

எங்கோலம்ஐயா! என்? இனிக்காண்பதுஎன்னாதமுன் *

செங்கோல் வலவன்தான் பணிந்தேத்தித்திகழுமூர் *

நங்கோன்நறையூர் நாம்தொழுதும்எழுநெஞ்சமே!

1481 கொம்பும் அரவமும் வல்லியும்வென்றநுண்ணேரிடை *

வம்புண்குழலார் வாசலடைத்துஇகழாதமுன் *

செம்பொன்கமுகினம் தான்கனியும்செழுஞ்சோலைசூழ் *

நம்பன்நறையூர் நாம்தொழுதும்எழுநெஞ்சமே!

1482 விலங்கும்கயலும் வேலும்ஒண்காவியும்வென்றகண் *

சலம்கொண்டசொல்லார்தாங்கள் சிரித்துஇகழாதமுன் *

மலங்கும்வராலும் வாளையும்பாய்வயல்சூழ்தரு *

நலங்கொள்நறையூர் நாம்தொழுதும்எழுநெஞ்சமே!

1483 மின்னேரிடையார்வேட்கையைமாற்றியிருந்து *

என்நீர்இருமி எம்பால்வந்தது? என்றுஇகழாதமுன் *

தொன்னீரிலங்கைமலங்க விலங்கெரியூட்டினான் *

நன்னீர்நறையூர் நாம்தொழுதும்எழுநெஞ்சமே!

1484 வில்லேர்நுதலார் வேட்கையைமாற்றிச் சிரித்து * இவன்

பொல்லான்திரைந்தானென்னும் புறனுரை கேட்பதன்முன் *

சொல்லார்மறைநான்கோதி உலகில்நிலாயவர் *

நல்லார்நறையூர் நாம்தொழுதும்எழுநெஞ்சமே!

1485 வாளொண்கண்நல்லார்தாங்கள் மதனனென்றார்தம்மை *

கேளுமின்கள்ஈளையோடு ஏங்குகிழவனென்னாதமுன் *

வேள்வும்விழவும் வீதியில்என்றும்அறாதவூர் *

நாளுநறையூர் நாம்தொழுதும்எழுநெஞ்சமே!

1486 கனிசேர்ந்திலங்குநல்வாயவர் காதன்மைவிட்டிட *

குனிசேர்ந்துடலம் கோலில்தளர்ந்துஇளையாதமுன் *

பனிசேர்விசும்பில் பான்மதிகோள்விடுத்தானிடம் *

நனிசேர்நறையூர் நாம்தொழுதும்எழுநெஞ்சமே!

1487 பிறைசேர் நுதலார் பேணுதல்நம்மையிலாதமுன் *

நறைசேர்பொழில்சூழ் நறையூர் தொழுநெஞ்சமே! என்ற *

கறையார்நெடுவேல்மங்கையர்கோன் கலிகன்றிசொல் *

மறவாதுரைப்பவர் வானவர்க்குஇன்னரசாவரே. (2)

1488 கலங்கமுந்நீர்கடைந்து அமுதங்கொண்டு * இமையோர்

துலங்கல்தீரநல்கு சோதிச்சுடராய *

வலங்கையாழிஇடங்கைச்சங்கம் உடையானூர் *

நலங்கொள்வாய்மை அந்தணர்வாழும்நறையூரே. (2)

1489 முனையார்சீயமாகி அவுணன்முரண்மார்வம் *

புனைவாளுகிரால் போழ்படஈர்ந்தபுனிதனூர் *

சினையார்தேமாஞ்செந்தளிர்கோதிக் குயில்கூவும் *

நனையார்சோலைசூழ்ந்து அழகாயநறையூரே.

1490 ஆனைப்புரவி தேரொடுகாலாளணிகொண்ட *

சேனைத்தொகையைச்சாடி இலங்கைசெற்றானூர் *

மீனைத்தழுவிவீழ்ந்தெழும் மள்ளர்க்குஅலமந்து *

நானப்புதலில் ஆமையொளிக்கும்நறையூரே.

1491 உறியார்வெண்ணெயுண்டு உரலோடும்கட்டுண்டு *

வெறியார்கூந்தல்பின்னைபொருட்டு ஆன்வென்றானூர் *

பொறியார்மஞ்ஞை பூம்பொழில்தோறும்நடமாட *

நறுநாண்மலர்மேல் வண்டுஇசைபாடும்நறையூரே.

1492 விடையேழ்வென்று மென்தோளாய்ச்சிக்குஅன்பனாய் *

நடையால்நின்றமருதம்சாய்த்த நாதனூர் *

பெடையோடுஅன்னம் பெய்வளையார்தம்பின்சென்று *

நடையோடியலி நாணியொளிக்கும்நறையூரே.

1493 பகுவாய்வன்பேய்கொங்கைசுவைத்து ஆருயிருண்டு *

புகுவாய்நின்ற போதகம்வீழப்பொருதானூர் *

நெகுவாய்நெய்தற்பூமதுமாந்திக் கமலத்தின் *

நகுவாய்மலர்மேல் அன்னமுறங்கும்நறையூரே.

1494 முந்துநூலும்முப்புரிநூலும் முன்னீந்த *

அந்தணாளன்பிள்ளையை அஞ்ஞான்றுஅளித்தானூர் *

பொந்தில்வாழும் பிள்ளைக்காகிப் புள்ளோடி *

நந்துவாரும் பைம்புனல்வாவிநறையூரே.

1495 வெள்ளைப்புரவைத்தேர்விசயற்காய் விறல்வியூகம்

விள்ள * சிந்துக்கோன்விழஊர்ந்த விமலனூர் *

கொள்ளைக்கொழுமீ னுண்குருகுஓடிப்பெடையோடும் *

நள்ளக்கமலத்தேறலுகுக்கும் நறையூரே.

1496 பாரையூரும்பாரந்தீரப் பார்த்தன்தன்

தேரையூரும் * தேவதேவன்சேருமூர் *

தாரையூரும் தண்தளிர்வேலி புடைசூழ *

நாரையூரும் நல்வயல்சூழ்ந்தநறையூரே. (2)

1497 தாமத்துளப நீண்முடிமாயன்தான்நின்ற *

நாமத்திரள்மாமாளிகைசூழ்ந்த நறையூர்மேல் *

காமக்கதிர்வேல்வல்லான் கலியனொலிமாலை *

சேமத்துணையாம் செப்புமவர்க்குத்திருமாலே. (2)

1498 அம்பரமும் பெருநிலனும்திசைகளெட்டும்

அலைகடலும்குலவரையும்உண்டகண்டன் *

கொம்பமரும்வடமரத்தினிலைமேல்பள்ளி

கூடினான் திருவடியேகூடிகிற்பீர்! *

வம்பவிழும்செண்பகத்தின்வாசம்உண்டு

மணிவண்டுவகுளத்தின்மலர்மேல்வைகு *

செம்பியன்கோச்செங்கணான்சேர்ந்தகோயில்

திருநறையூர்மணிமாடம்சேர்மின்களே. (2)

1499 கொழுங்கயலாய்நெடுவெள்ளங்கொண்டகாலம்

குலவரையின்மீதோடி அண்டத்தப்பால் *

எழுந்துஇனிதுவிளையாடும்ஈசன்எந்தை

இணையடிக்கீழ்இனிதிருப்பீர்! இனவண்டாலும் *

உழும்செறுவில்மணிகொணர்ந்துகரைமேல்சிந்தி

உலகெல்லாம்சந்தனமும்அகிலும்கொள்ள *

செழும்பொன்னிவளங்கொடுக்கும்சோழன்சேர்ந்த

திருநறையூர்மணிமாடம்சேர்மின்களே.

1500 பவ்வநீருடையாடையாகச்சுற்றிப்

பாரகலம்திருவடியாப்பவனம்மெய்யா *

செவ்விமாதிரமெட்டும்தோளா அண்டம்

திருமுடியாநின்றான்பால்செல்லகிற்பீர் *

கவ்வைமாகளிறுந்திவிண்ணியேற்ற

கழல்மன்னர்மணிமுடிமேல்காகமேற *

தெய்வவாள்வலங்கொண்டசோழன்சேர்ந்த

திருநறையூர்மணிமாடம்சேர்மின்களே.

1501 பைங்கணாளரியுருவாய்வெருவநோக்கிப்

பருவரைத்தோளிரணியனைப்பற்றிவாங்கி *

அங்கைவாளுகிர்நுதியால்அவனதாகம்

அங்குருதிபொங்குவித்தானடிக்கீழ்நிற்பீர்! *

வெங்கண்மாகளிறுந்திவிண்ணியேற்ற

விறல்மன்னர்திறலழியவெம்மாவுய்த்த *

செங்கணான்கோச்சோழன்சேர்ந்தகோயில்

திருநறையூர்மணிமாடம்சேர்மின்களே.

1502 அன்றுலகமூன்றினையும்அளந்து வேறோர்

அரியுருவாய்இரணியனதாகம்கீண்டு *

வென்றவனைவிண்ணுலகில்செலவுய்த்தாற்கு

விருந்தாவீர்! மேலெழுந்து விலங்கல்பாய்ந்து *

பொன்சிதறிமணிகொணர்ந்துகரைமேல்சிந்திப்

புலம்பரந்துநிலம்பரக்கும்பொன்னிநாடன் *

தென்தமிழன்வடபுலக்கோன்சோழன்சேர்ந்த

திருநறையூர்மணிமாடம்சேர்மின்களே.

1503 தன்னாலேதன்னுருவம்பயந்ததானாய்த்

தயங்கொளிசேர்மூவுலகும்தானாய்வானாய் *

தன்னாலேதானுருவில்மூர்த்திமூன்றாய்த்

தானாயனாயினான்சரணென்றுய்வீர்! *

மின்னாடுவேலேந்துவிளைந்தவேளை

விண்ணேறத்தனிவேலுய்த்துலகமாண்ட *

தென்னாடன்குடகொங்கன்சோழன்சேர்ந்த

திருநறையூர்மணிமாடம்சேர்மின்களே.

1504 முலைத்தடத்தநஞ்சுண்டுதுஞ்சப்பேய்ச்சி

முதுதுவரைக்குலபதியாக்காலிப்பின்னே *

இலைத்தடத்தகுழலூதி ஆயர்மாதர்

இனவளைகொண்டானடிக்கீழ்எய்தகிற்பீர்! *

மலைத்தடத்தமணிகொணர்ந்துவையம்உய்ய

வளங்கொடுக்கும்வருபுனலம்பொன்னிநாடன் *

சிலைத்தடக்கைக்குலச்சோழன்சேர்ந்தகோயில்

திருநறையூர்மணிமாடம்சேர்மின்களே.

1505 முருக்கிலங்குகனித்துவர்வாய்ப்பின்னைகேள்வன்

மன்னெல்லாம்முன்னவியச்சென்று * வென்றிச்

செருக்களத்துத்திறலழியச்செற்றவேந்தன்

சிரந்துணிந்தான்திருவடிநும்சென்னிவைப்பீர்! *

இருக்கிலங்குதிருமொழிவாயெண்தோளீசற்கு

எழில்மாடம்எழுபதுசெய்துஉலகமாண்ட *

திருக்குலத்துவளச்சோழன்சேர்ந்தகோயில்

திருநறையூர்மணிமாடம்சேர்மின்களே.

1506 தாராளன்தண்ணரங்கவாளன் பூமேல்

தனியாளன்முனியாளரேத்தநின்ற

பேராளன் * ஆயிரம்பேருடையவாளன்

பின்னைக்குமணவாளன்பெருமைகேட்பீர்! *

பாராளர்இவரிவரென்று அழுந்தையேற்ற

படைமன்னருடல்துணியப்பரிமாவுய்த்த *

தேராளன்கோச்சோழன்சேர்ந்தகோயில்

திருநறையூர்மணிமாடம்சேர்மின்களே.

1507 செம்மொழிவாய்நால்வேதவாணர்வாழும்

திருநறையூர்மணிமாடச்செங்கண்மாலை *

பொய்ம்மொழியொன்றில்லாதமெய்ம்மையாளன்

புலமங்கைக்குலவேந்தன், புலமையார்ந்த *

அம்மொழிவாய்க்கலிகன்றிஇன்பப்பாடல்

பாடுவார், வியனுலகில்நமனார்பாடி *

வெம்மொழிகேட்டுஅஞ்சாதேமெய்ம்மைசொல்லில்

விண்ணவர்க்குவிருந்தாகும்பெருந்தக்கோரே. (2)

1508 ஆளும்பணியும்அடியேனைக்கொண்டான் * விண்டநிசாசரரை

தோளும்தலையும்துணிவெய்தச் சுடுவெஞ்சிலைவாய்ச்சரந்துரந்தான் *

வேளும்சேயும்அனையாரும் வேற்கணாரும்பயில்வீதி *

நாளும்விழவினொலியோவா நறையூர்நின்றநம்பியே. (2)

1509 முனியாய்வந்துமூவெழுகால் முடிசேர்மன்னருடல்துணிய *

தனிவாய்மழுவின்படையாண்டதாரார்தோளான், வார்புறவில் *

பனிசேர்முல்லைபல்லரும்பப் பானல்ஒருபால்கண்காட்ட *

நனிசேர்கமலம்முகங்காட்டும் நறையூர்நின்றநம்பியே.

1510 தெள்ளார்கடல்வாய் விடவாயசினவாளரவில்துயிலமர்ந்து *

துள்ளாவருமான்விழ வாளிதுரந்தான், இரந்தான்மாவலிமண் *

புள்ளார்புறவில்பூங்காவி புலங்கொள்மாதர்கண்காட்ட *

நள்ளார்கமலம்முகங்காட்டும் நறையூர்நின்றநம்பியே.

1511 ஓளியாவெண்ணெயுண்டானென்று உரலோடாய்ச்சியொண்கயிற்றால் *

விளியாஆர்க்கஆப்புண்டு விம்மியழுதான், மென்மலர்மேல் *

களியாவண்டுகள்ளுண்ணக் காமர்தென்றல்அலர்தூற்ற *

நளிர்வாய்முல்லைமுறுவலிக்கும் நறையூர்நின்றநம்பியே.

1512 வில்லார்விழவில்வடமதுரைவிரும்பி விரும்பாமல்லடர்த்து *

கல்லார்திரள்தோள்கஞ்சனைக்காய்ந்தான் பாய்ந்தான்காளியன்மேல் *

சொல்லார்சுருதிமுறையோதிச் சோமுச்செய்யும்தொழிலினோர் *

நல்லார்மறையோர்பலர்வாழும்நறையூர்நின்றநம்பியே.

1513 வள்ளிகொழுநன்முதலாய மக்களோடுமுக்கணான்

வெள்கியோட * விறல்வாணன்வியன்தோள்வனத்தைத் துணித்துகந்தான் *

பள்ளிகமலத்திடைப்பட்ட பகுவாயலவன்முகம்நோக்கி *

நள்ளியூடும்வயல்சூழ்ந்த நறையூர்நின்றநம்பியே.

1514 மிடையாவந்தவேல்மன்னர்வீய விசயன்தேர்கடவி *

குடையாவரையொன்றெடுத்துஆயர்கோவாய்நின்றான் கூராழிப்

படையான் * வேதம்நான்குஐந்துவேள்வி அங்கமாறு இசையேழ் *

நடையாவல்லஅந்தணர்வாழ் நறையூர்நின்றநம்பியே.

1515 பந்தார்விரலாள்பாஞ்சாலி கூந்தல்முடிக்கப், பாரதத்து *

கந்தார்களிற்றுக்கழல்மன்னர்கலங்கச் சங்கம்வாய்வைத்தான் *

செந்தாமரைமேலயனோடு சிவனும் அனையபெருமையோர் *

நந்தாவண்கைமறையோர்வாழ் நறையூர்நின்றநம்பியே.

1516 ஆறும்பிறையும்அரவமும்அடம்பும் சடைமேலணிந்து * உடலம்

நீறும்பூசியேறூரும்இறையோன் சென்றுகுறையிரப்ப *

மாறொன்றில்லாவாசநீர் வரைமார்வகலத்தளித்துகந்தான் *

நாறும்பொழில்சூழ்ந்தழகாய நறையூர்நின்றநம்பியே.

1517 நன்மையுடையமறையோர்வாழ் நறையூர்நின்றநம்பியை *

கன்னிமதில்சூழ்வயல்மங்கைக் கலியனொலிசெய்தமிழ்மாலை *

பன்னிஉலகில்பாடுவார் பாடுசாராபழவினைகள் *

மன்னிஉலகம்ஆண்டுபோய் வானோர்வணங்கவாழ்வாரே. (2)

1518 மான்கொண்டதோல்மார்வின் மாணியாய் * மாவலிமண்

தான்கொண்டு தாளாலளந்தபெருமானை *

தேன்கொண்டசாரல் திருவேங்கடத்தானை *

நான்சென்றுநாடி நறையூரில்கண்டேனே. (2)

1519 முந்நீரைமுன்னாள்கடைந்தானை * மூழ்த்தநாள்

அந்நீரைமீனாய் அமைத்தபெருமானை *

தென்னாலிமேய திருமாலைஎம்மானை *

நன்னீர்வயல்சூழ் நறையூரில்கண்டேனே.

1520 தூவாயபுள்ளூர்ந்துவந்து துறைவேழம் *

மூவாமைநல்கி முதலைதுணித்தானை *

தேவாதிதேவனைச் செங்கமலக்கண்ணானை *

நாவாயுளானை நறையூரில்கண்டேனே.

1521 ஓடாஅரியாய் இரணியனைஊனிடந்த *

சேடார்பொழில்சூழ் திருநீர்மலையானை *

வாடாமலர்த்துழாய் மாலைமுடியானை *

நாடோறும்நாடி நறையூரில்கண்டேனே.

1522 கல்லார்மதிள்சூழ் கடியிலங்கைக்காரரக்கன் *

வல்லாகங்கீள வரிவெஞ்சரம்துரந்த

வில்லானை * செல்வவிபீடணற்கு வேறாக *

நல்லானைநாடி நறையூரில்கண்டேனே.

1523 உம்பருலகோடு உயிரெல்லாம் * உந்தியில்

வம்புமலர்மேல் படைத்தானைமாயோனை *

அம்பன்னகண்ணாள் அசோதைதன்சிங்கத்தை *

நம்பனைநாடி நறையூரில்கண்டேனே.

1524 கட்டேறுநீள்சோலைக் காண்டவத்தைத்தீமூட்டி

விட்டானை * மெய்யம்அமர்ந்த பெருமானை *

மட்டேறுகற்பகத்தை மாதர்க்காய் * வண்துவரை

நட்டானைநாடி நறையூரில்கண்டேனே.

1525 மண்ணின்மீபாரங்கெடுப்பான் மறமன்னர் *

பண்ணின்மேல்வந்த படையெல்லாம்பாரதத்து *

விண்ணின்மீதேற விசயன்தேரூர்ந்தானை *

நண்ணிநான்நாடி நறையூரில்கண்டேனே.

1526 பொங்கேறுநீள்சோதிப் பொன்னாழிதன்னோடும் *

சங்கேறுகோலத் தடக்கைப்பெருமானை *

கொங்கேறுசோலைக் குடந்தைக்கிடந்தானை *

நங்கோனைநாடி நறையூரில்கண்டேனே. (2)

1527 மன்னுமதுரை வசுதேவர்வாழ்முதலை *

நன்னறையூர்நின்ற நம்பியை * வம்பவிழ்தார்க்

கன்னவிலும்தோளான் கலியனொலிவல்லார் *

பொன்னுலகில்வானவர்க்குப் புத்தேளிராகுவரே. (2)

1528 பெடையடர்த்தமடவன்னம் பிரியாது * மலர்க்கமலம்

மடலெடுத்துமதுநுகரும் வயலுடுத்ததிருநறையூர் *

முடையடர்த்தசிரமேந்தி மூவுலகும்பலிதிரிவோன் *

இடர்கெடுத்ததிருவாளன் இணையடியேஅடைநெஞ்சே! (2)

1529 கழியாரும்கனசங்கம் கலந்துஎங்கும்நிறைந்தேறி *

வழியாரமுத்தீன்று வளங்கொடுக்கும்திருநறையூர் *

பழியாரும்விறலரக்கன் பருமுடிகளவைசிதற *

அழலாறும்சரந்துரந்தான் அடியிணையேஅடைநெஞ்சே!

1530 சுளைகொண்டபலங்கனிகள் தேன்பாய * கதலிகளின்

திளைகொண்டபழம்கெழுமு திகழ்சோலைத்திருநறையூர் *

வளைகொண்டவண்ணத்தன் பின்தோன்றல் * மூவுலகோடு

அளைவெண்ணெயுண்டான்தன் அடியிணையேஅடைநெஞ்சே!

1531 துன்றோளித்துகில்படலம் துன்னிஎங்கும்மாளிகைமேல் *

நின்றாரவான்மூடும் நீள்செல்வத்திருநறையூர் *

மன்றாரக்குடமாடி வரையெடுத்துமழைதடுத்த *

குன்றாரும்திரள்தோளன் குரைகழலேஅடைநெஞ்சே!

1532 அகிற்குறடும்சந்தனமும் அம்பொன்னும்அணிமுத்தும் *

மிகக்கொணர்ந்துதிரையுந்தும் வியன்பொன்னித்திருநறையூர் *

பகல்கரந்தசுடராழிப்படையான் இவ்வுலகேழும் *

புகக்கரந்ததிருவயிற்றன் பொன்னடியேஅடைநெஞ்சே!

1533 பொன்முத்தும்அரியுகிரும் புழைக்கைம்மாகரிக்கோடும் *

மின்னத்தண்திரையுந்தும் வியன்பொன்னித்திருநறையூர் *

மின்னொத்தநுண்மருங்குல் மெல்லியலை * திருமார்பில்

மன்னத்தான்வைத்துகந்தான் மலரடியேஅடைநெஞ்சே!

1534 சீர்தழைத்தகதிர்ச்செந்நெல் செங்கமலத்திடையிடையின் *

பார்தழைத்துக்கரும்போங்கிப் பயன்விளைக்கும்திருநறையூர் *

கார்தழைத்ததிருவுருவன் கண்ணபிரான்விண்ணவர்கோன் *

தார்தழைத்ததுழாய்முடியன் தளிரடியேஅடைநெஞ்சே!

1535 குலையார்ந்தபழுக்காயும் பசுங்காயும்பாளைமுத்தும் *

தலையார்ந்தஇளங்கமுகின் தடஞ்சோலைத்திருநறையூர் *

மலையார்ந்தகோலஞ்சேர் மணிமாடம்மிகமன்னி *

நிலையாரநின்றான்தன் நீள்கழலேஅடைநெஞ்சே! (2)

1536 மறையாரும்பெருவேள்விக் கொழும்புகைபோய்வளர்ந்து * எங்கும்

நிறையாரவான்மூடும் நீள்செல்வத்திருநறையூர் *

பிறையாரும்சடையானும் பிரமனுமுன்தொழுதேத்த *

இறையாகிநின்றான்தன் இணையடியேஅடைநெஞ்சே!

1537 திண்களகமதிள்புடைசூழ் திருநறையூர்நின்றானை *

வண்களகநிலவெறிக்கும் வயல்மங்கைநகராளன் *

பண்களகம்பயின்றசீர்ப் பாடலிவைபத்தும்வல்லார் *

விண்களகத்திமையவராய் வீற்றிருந்துவாழ்வாரே. (2)

1538 கிடந்தநம்பிகுடந்தைமேவிக் கேழலாயுலகை

இடந்தநம்பி * எங்கள்நம்பி எறிஞரரணழிய *

கடந்தநம்பிகடியாரிலங்கை உலகைஈரடியால் *

நடந்தநம்பிநாமம்சொல்லில் நமோநாராயணமே. (2)

1539 விடந்தானுடையஅரவம்வெருவச் செருவில்முனநாள் * முன்

தடந்தாமரைநீர்ப்பொய்கைபுக்கு மிக்கதாடாளன் *

இடந்தான்வையம்கேழலாகி உலகைஈரடியால் *

நடந்தானுடையநாமம்சொல்லில் நமோநாராயணமே.

1540 பூணாதனலும்தறுகண்வேழம்மறுக * வளைமருப்பை

பேணான்வாங்கி அமுதம்கொண்டபெருமான்திருமார்வன் *

பாணாவண்டுமுரலும்கூந்தல் ஆய்ச்சிதயிர்வெண்ணெய் *

நாணாதுஉண்டான்நாமம்சொல்லில் நமோநாராயணமே.

1541 கல்லார்மதிள்சூழ்கச்சிநகருள்நச்சிப், பாடகத்துள் *

எல்லாவுலகும்வணங்க இருந்தஅம்மான் * இலங்கைக்கோன்

வல்லாளாகம் வில்லால்முனிந்தஎந்தை * விபீடணற்கு

நல்லானுடையநாமம்சொல்லில் நமோநாராயணமே.

1542 குடையாவரையால் நிரைமுன்காத்தபெருமான் * மருவாத

விடைதானேழும்வென்றான் கோவல்நின்றான் * தென்னிலங்கை

அடையாஅரக்கர்வீயப்பொருது மேவிவெங்கூற்றம் *

நடையாவுண்ணக்கண்டான்நாமம் நமோநாராயணமே.

1543 கானஎண்கும்குரங்கும் முசுவும்படையா * அடலரக்கர்

மானமழித்துநின்ற வென்றியம்மான் * எனக்குஎன்றும்

தேனும்பாலும்அமுதுமாய திருமால்திருநாமம் *

நானும்சொன்னேன்நமரும்உரைமின் நமோநாராயணமே.

1544 நின்றவரையும்கிடந்தகடலும் திசையும்இருநிலனும் *

ஒன்றும்ஒழியாவண்ணம் எண்ணிநின்றஅம்மானார் *

குன்றுகுடையாஎடுத்த அடிகளுடையதிருநாமம் *

நன்றுகாண்மின்தொண்டீர்! சொன்னேன் நமோநாராயணமே.

1545 கடுங்கால்மாரிகல்லேபொழிய அல்லேஎமக்கென்று

படுங்கால் * நீயேசரணென்று ஆயரஞ்ச, அஞ்சாமுன் *

நெடுங்காற்குன்றம்குடையொன்றேந்தி நிரையைச் சிரமத்தால் *

நடுங்காவண்ணம்காத்தான்நாமம் நமோநாராயணமே.

1546 பொங்குபுணரிக்கடல்சூழாடை நிலமாமகள்மலர்மா

மங்கை * பிரமன்சிவன்இந்திரன் வானவர்நாயகராய *

எங்களடிகள் இமையோர்தலைவருடையதிருநாமம் *

நங்கள்வினைகள்தவிரவுரைமின் நமோநாராயணமே.

1547 வாவித்தடம்சூழ்மணிமுத்தாற்று நறையூர்நெடுமாலை *

நாவில்பரவிநெஞ்சில்கொண்டு நம்பிநாமத்தை *

காவித்தடங்கண்மடவார்கேள்வன் கலியனொலிமாலை *

மேவிச்சொல்லவல்லார்பாவம் நில்லாவீயுமே. (2)

1548 கறவாமடநாகுதன் கன்றுஉள்ளினாற்போல் *

மறவாதுஅடியேன் உன்னையே அழைக்கின்றேன் *

நறவார்பொழில்சூழ் நறையூர்நின்றநம்பி! *

பிறவாமைஎனைப்பணி எந்தைபிரானே! (2)

1549 வற்றாமுதுநீரொடு மால்வரையேழும் *

துற்றாமுன்துற்றிய தொல்புகழோனே! *

அற்றேன்அடியேன் உன்னையேஅழைக்கின்றேன் *

பெற்றேன்அருள்தந்திடு என்எந்தைபிரானே!

1550 தாரேன்பிறர்க்கு உன்னருள்என்னிடைவைத்தாய் *

ஆரேன் அதுவேபருகிக்களிக்கின்றேன் *

காரேய்கடலேமலையே திருக்கோட்டி

யூரே * உகந்தாயை உகந்தடியேனே.

1551 புள்வாய்பிளந்த புனிதா! என்றுஅழைக்க *

உள்ளேநின்று என்னுள்ளம்குளிரும்ஒருவா! *

கள்வா! கடன்மல்லைக்கிடந்தகரும்பே! *

வள்ளால்! உன்னை எங்ஙனம்நான்மறக்கேனே?

1552 வில்லேர்நுதல் வேல்நெடுங்கண்ணியும்நீயும் *

கல்லார்கடுங்கானம் திரிந்தகளிறே! *

நல்லாய்! நரநாரணனே! எங்கள்நம்பி! *

சொல்லாய்உன்னை யான்வணங்கித்தொழுமாறே.

1553 பனியேய்பரங்குன்றின் பவளத்திரளே! *

முனியே! திருமூழிக்களத்துவிளக்கே! *

இனியாய்தொண்டரோம் பருகுஇன்னமுதாய

கனியே! * உன்னைக்கண்டுகொண்டு உய்ந்தொழிந்தேனே.

1554 கதியேலில்லை நின்னருளல்லதுஎனக்கு *

நிதியே! திருநீர்மலைநித்திலத்தொத்தே! *

பதியே! பரவித்தொழும் தொண்டர்தமக்குக்

கதியே! * உனைக்கண்டுகொண்டு உய்ந்தொழிந்தேனே.

1555 அத்தா! அரியே! என்று உன்னை அழைக்க *

பித்தாவென்றுபேசுகின்றார் பிறர்என்னை *

முத்தே! மணிமாணிக்கமே! முளைக்கின்ற

வித்தே! உன்னைஎங்ஙனம்நான்விடுகேனே!

1556 தூயாய்! சுடர்மாமதிபோல்உயிர்க்கெல்லாம் *

தாயாயளிக்கின்ற தண்தாமரைக்கண்ணா *

ஆயா! அலைநீருலகேழும் முன்னுண்ட

வாயா! * உனைஎங்ஙனம் நான்மறக்கேனே?

1557 வண்டார்பொழில்சூழ் நறையூர்நம்பிக்கு * என்றும்

தொண்டாய்கலியன் ஒலிசெய்தமிழ்மாலை *

தொண்டீர்! இவைபாடுமின் பாடிநின்றாட *

உண்டேவிசும்பு உந்தமக்கு இல்லைதுயரே (2)

1558 புள்ளாய்ஏனமுமாய்ப் புகுந்து * என்னையுள்ளங்கொண்ட

கள்வா! என்றலும் என்கண்கள்நீர்கள்சோர்தருமால் *

உள்ளேநின்றுருகி நெஞ்சம்உன்னையுள்ளியக்கால் *

நள்ளேன்உன்னையல்லால் நறையூர்நின்றநம்பீயோ! (2)

1559 ஓடாவாளரியின் உருவாய்மருவி * என்றன்

மாடேவந்து அடியேன்மனங்கொள்ளவல்லமைந்தா! *

பாடேன்தொண்டர்தம்மைக் கவிதைப்பனுவல்கொண்டு *

நாடேன்உன்னையல்லால் நறையூர்நின்றநம்பீயோ!

1560 எம்மானும்எம்மனையும் என்னைப்பெற்றொழிந்ததற்பின் *

அம்மானும்அம்மனையும் அடியேனுக்காகிநின்ற *

நன்மானவொண்சுடரே! நறையூர்நின்றநம்பீ! * உன்

மைம்மானவண்ணமல்லால் மகிழ்ந்துஏத்தமாட்டேனே.

1561 சிறியாய்ஓர்பிள்ளையுமாய் உலகுண்டுஓராலிலைமேல்

உறைவாய்! * என்நெஞ்சினுள்ளேஉறைவாய் உறைந்ததுதான் *

அறியாதிருந்துஅறியேன் அடியேன், அணிவண்டுகிண்டும் *

நறைவாரும்பொழில்சூழ் நறையூர்நின்றநம்பீயோ!

1562 நீண்டாயைவானவர்கள் நினைந்துஏத்திக்காண்பரிதால் *

ஆண்டாயென்றுஆதரிக்கப்படுவாய்க்கு நான்அடிமை *

பூண்டேன் * என் நெஞ்சினுள்ளே புகுந்தாயைப் போகலொட்டேன் *

நாண்தான்உனக்கொழிந்தேன் நறையூர்நின்றநம்பீயோ!

1563 எந்தாதைதாதை அப்பால்எழுவர்பழவடிமை

வந்தார் * என் நெஞ்சினுள்ளே வந்தாயைப் போகலொட்டேன் *

அந்தோ! என்னாருயிரே! அரசே!அருளெனக்கு *

நந்தாமல்தந்தஎந்தாய்! நறையூர்நின்றநம்பீயோ!

1564 மன்னஞ்ச ஆயிரந்தோள்மழுவில்துணித்தமைந்தா! *

என்னெஞ்சத்துள்ளிருந்து இங்குஇனிப்போய்ப்பிறரொருவர் *

வன்னெஞ்சம்புக்கிருக்கவொட்டேன் வளைத்துவைத்தேன் *

நன்னெஞ்சவன்னம்மன்னும் நறையூர்நின்றநம்பீயோ!

1565 எப்போதும்பொன்மலரிட்டு இமையோர்தொழுது * தங்கள்

கைப்போதுகொண்டுஇறைஞ்சிக் கழல்மேல்வணங்க நின்றாய் *

இப்போதுஎன்னெஞ்சினுள்ளே புகுந்தாயைப்போகலொட்டேன் *

நற்போதுவண்டுகிண்டும் நறையூர்நின்றநம்பீயோ!

1566 ஊனேராக்கைதன்னை உழந்தோம்பிவைத்தமையால் *

யானாய்என்தனக்காய் அடியேன்மனம்புகுந்த

தேனே! * தீங்கரும்பின்தெளிவே! என் சிந்தைதன்னால் *

நானேஎய்தப்பெற்றேன் நறையூர்நின்றநம்பீயோ!

1567 நன்னீர்வயல்புடைசூழ் நறையூர்நின்றநம்பியை *

கன்னீரமால்வரைத்தோள் கலிகன்றிமங்கையர்கோன் *

சொன்னீரசொல்மாலை சொல்லுவார்கள் * சூழ்விசும்பில்

நன்னீர்மையால்மகிழ்ந்து நெடுங்காலம்வாழ்வாரே (2)

1568 சினவில்செங்கண்அரக்கருயிர்மாளச்

செற்றவில்லியென்றுகற்றவர்தந்தம்

மனமுள்கொண்டு * என்றும்எப்போதும்நின்றேத்தும்

மாமுனியை மரமேழெய்தமைந்தனை *

நனவில்சென்றார்க்கும்நண்ணற்கரியானை

நான்அடியேன்நறையூர்நின்றநம்பியை *

கனவிற்கண்டேன்இன்றுகண்டமையால் என்

கண்ணிணைகள்களிப்பக்களித்தேனே. (2)

1569 தாய்நினைந்தகன்றேயொக்க என்னையும்

தன்னையேநினைக்கச்செய்து * தான்எனக்காய்

நினைந்தருள்செய்யும் அப்பனை

அன்றுஇவ்வையகமுண்டுமிழ்ந்திட்ட

வாயனை * மகரக்குழைக்காதனை

மைந்தனை மதிட்கோவலிடைகழி

யாயனை * அமரர்க்கரியேற்றை என்

அன்பனையன்றிஆதரியேனே.

1570 வந்தநாள்வந்துஎன்நெஞ்சிடம்கொண்டான்

மற்றோர்நெஞ்சறியான் * அடியேனுடைச்

சிந்தையாய்வந்துதென்புலர்க்குஎன்னைச்

சேர்கொடான் இதுசிக்கெனப்பெற்றேன் *

கொந்துலாம்பொழில்சூழ்குடந்தைத்தலைக்

கோவினைக் குடமாடியகூத்தனை *

எந்தையைஎந்தைதந்தைதம்மானை

எம்பிரானைஎத்தால்மறக்கேனே?

1571 உரங்களால்இயன்றமன்னர்மாளப்

பாரதத்துஒருதேரைவர்க்காய்ச்சென்று *

இரங்கியூர்ந்துஅவர்க்குஇன்னருள்செய்யும்

எம்பிரானை வம்பார்புனல்காவிரி *

அரங்கமாளிஎன்னாளிவிண்ணாளி

ஆழிசூழிலங்கைமலங்கச்சென்று *

சரங்களாண்டதண்தாமரைக்கண்ணனுக்கன்றி

என்மனம்தாழ்ந்துநில்லாதே.

1572 ஆங்குவெந்நரகத்துஅழுந்தும்போது

அஞ்சேலென்றுஅடியேனை அங்கேவந்து

தாங்கு * தாமரையன்னபொன்னாரடி

எம்பிரானை உம்பர்க்கணியாய்நின்ற *

வேங்கடத்தரியைப்பரிகீறியை

வெண்ணெயுண்டுஉரலினிடையாப்புண்ட

தீங்கரும்பினை * தேனைநன்பாலினையன்றி

என்மனம்சிந்தைசெய்யாதே.

1573 எட்டனைப்பொழுதாகிலும் என்றும்

என்மனத்தகலாதிருக்கும்புகழ் *

தட்டலர்த்தபொன்னேயலர்கோங்கின்

தாழ்பொழில்திருமாலிருஞ்சோலையங்

கட்டியை * கரும்பீன்றஇன்சாற்றைக்

காதலால்மறைநான்குமுன்னோதிய

பட்டனை * பரவைத்துயிலேற்றை என்

பண்பனையன்றிப்பாடல்செய்யேனே.

1574 பண்ணினின்மொழியாம்நரம்பில்பெற்ற

பாலையாகிஇங்கேபுகுந்து * என்

கண்ணும்நெஞ்சும்வாயும்இடங்கொண்டான்

கொண்டபின்மறையோர்மனம்தன்னுள் *

விண்ணுளார்பெருமானைஎம்மானை

வீங்குநீர்மகரம்திளைக்கும்கடல்

வண்ணன் * மாமணிவண்ணனெம்மண்ணல்

வண்ணமேயன்றிவாயுரையாதே.

1575 இனிஎப்பாவம்வந்தெய்தும்? சொல்லீர்

எமக்குஇம்மையேஅருள்பெற்றமையால் * அடும்

துனியைத்தீர்த்து இன்பமேதருகின்றதோர்

தோற்றத்தொன்னெறியை * வையம்தொழப்படும்

முனியைவானவரால்வணங்கப்படும்

முத்தினைப் பத்தர்தாம்நுகர்கின்றதுஓர்

கனியை * காதல்செய்துஎன்னுள்ளம்கொண்ட

கள்வனை இன்றுகண்டுகொண்டேனே.

1576 என்செய்கேன்அடியேன்? உரையீர்இதற்குஎன்றும்

என்மனத்தேஇருக்கும்புகழ் *

தஞ்சையாளியைப்பொன்பெயரோன்

நெஞ்சம்அன்றுஇடந்தவனைத்தழலேபுரை *

மிஞ்செய்வாளரக்கன்நகர்பாழ்படச்

சூழ்கடல்சிறைவைத்து, இமையோர்தொழும் *

பொன்செய்மால்வரையைமணிக்குன்றினை அன்றி

என்மனம்போற்றியென்னாதே.

1577 தோடுவிண்டலர்பூம்பொழில்மங்கையர்

தோன்றல் வாள்கலியன்திருவாலி

நாடன் * நன்னறையூர் நின்றநம்பிதன் *

நல்லமாமலர்ச்சேவடிசென்னியில்

சூடியும்தொழுதும்எழுந்தாடியும்

தொண்டர்கட்குஅவன்சொன்னசொல்மாலை *

பாடல்பத்திவைபாடுமின்தொண்டீர்!

பாடநும்மிடைப்பாவம்நில்லாவே. (2)

1611 பரனே! பஞ்சவன்பௌழியன்சோழன்

பார்மன்னர்மன்னர்தாம்பணிந்தேத்தும்

வரனே! * மாதவனே! மதுசூதா!

மற்றோர்நல்துணைநின்னலால்இலேன்காண் *

நரனே! நாரணனே! திருநறையூர்

நம்பீ!எம்பெருமான்! உம்பராளும்

அரனே! * ஆதிவராகம்முனானாய்!

அழுந்தூர்மேல்திசைநின்றஅம்மானே!

1659 நீணிலாமுற்றத்து நின்றுஇவள்நோக்கினாள் *

காணுமோ! கண்ணபுரமென்றுகாட்டினாள் *

பாணனார்திண்ணமிருக்க இனிஇவள்

நாணுமோ? * நன்றுநன்றுநறையூரர்க்கே.

1852 சுடலையில் சுடுநீறனமர்ந்தது * ஓர்

நடலைதீர்த்தவனை நறையூர்க்கண்டு * என்

உடலையுள்புகுந்துஉள்ளமுருக்கியுண் *

விடலையைச்சென்றுகாண்டும் மெய்யத்துள்ளே.

2067 கன்றுமேய்த்துஇனிதுகந்தகாளாய்! என்றும் *

கடிபொழில்சூழ்கணபுரத்துஎன்கனியே! என்றும் *

மன்றமரக்கூத்தாடிமகிழ்ந்தாய்! என்றும் *

வடதிருவேங்கடம்மேயமைந்தா! என்றும் *

வென்றசுரர்குலங்களைந்தவேந்தே! என்றும் *

விரிபொழில்சூழ்திருநறையூர்நின்றாய்! என்றும் *

துன்றுகுழல்கருநிறத்தென்துணையே! என்றும்

துணைமுலைமேல்துளிசோரச்சோர்கின்றாளே. (2)

2068 பொங்கார்மெல்லிளங்கொங்கைபொன்னேபூப்பப்

பொருகயல்கண்ணீரரும்பப்போந்துநின்று *

செங்காலமடப்புறவம்பெடைக்குப்பேசும்

சிறுகுரலுக்குஉடலுருகிச்சிந்தித்து * ஆங்கே

தண்காலும்தண்குடந்தைநகரும்பாடித்

தண்கோவலூர்பாடியாடக்கேட்டு *

நங்காய்! நங்குடிக்குஇதுவோநன்மை? என்ன

நறையூரும்பாடுவாள்நவில்கின்றாளே.

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2753 பாவியேற்கு என்னுறுநோய் யானுரைப்பக்கேண்மின் *

இரும்பொழில்சூழ் மன்னுமறையோர் திருநறையூர்மாமலைபோல் *

பொன்னியலுமாடக் கவாடம்கடந்துபுக்கு *

என்னுடையகண்களிப்ப நோக்கினேன் * -

2782 மன்னும்மறைநான்குமானானை * புல்லாணித்

தென்னன்தமிழை வடமொழியை *

நாங்கூரில் மன்னுமணிமாடக் கோயில்மணாளனை *

நல்நீர்த்தலைச்சங்கநாண்மதியை * - நான்வணங்கும்

கண்ணனைக் கண்ணபுரத்தானை * தென்னறையூர்

மன்னுமணிமாடக் கோயில்மணாளனை *