1448 வண்டுணு நறுமலரிண்டைகொண்டு

பண்டைநம்வினைகெடவென்று * அடிமேல்

தொண்டரும்அமரரும்பணியநின்று அங்கு

அண்டமொடுஅகலிடம்அளந்தவனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே! (2)

1449 அண்ணல்செய்துஅலைகடல்கடைந்து அதனுள்

கண்ணுதல்நஞ்சுண்ணக்கண்டவனே! *

விண்ணவரமுதுண அமுதில்வரும்

பெண்ணமுதுண்டஎம்பெருமானே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1450 குழல்நிறவண்ண! நின்கூறுகொண்ட

தழல்நிறவண்ணன்நண்ணார்நகரம்

விழ * நனிமலைசிலைவளைவுசெய்து அங்கு

அழல்நிறஅம்பதுவானவனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1451 நிலவொடுவெயில்நிலவிருசுடரும்

உலகமும்உயிரும் உண்டுஒருகால் *

கலைதருகுழவியின்உருவினையாய்

அலைகடல்ஆலிலைவளர்ந்தவனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1452 பாரெழுகடலெழுமலையெழுமாய்ச்

சீர்கெழும்இவ்வுலகேழுமெல்லாம் *

ஆர்கெழுவயிற்றினில்அடக்கிநின்று அங்கு

ஒரெழுத்துஓருருவானவனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1453 கார்கெழுகடல்களும்மலைகளுமாய்

ஏர்கெழும்உலகமுமாகி *

முதலார்களும்அறிவருநிலையினையாய்ச்

சீர்கெழுநான்மறையானவனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1454 உருக்குறுநறுநெய்கொண்டுஆரழலில்

இறுக்குறும்அந்தணர்சந்தியின்வாய் *

பெருக்கமொடுஅமரர்களமரநல்கும்

இருக்கினில்இன்னிசையானவனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1455 காதல்செய்துஇளையவர்கலவிதரும்

வேதனைவினையதுவெருவுதலாம் *

ஆதலின்உனதடியணுகுவன்நான்.

போதலார்நெடுமுடிப்புண்ணியனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1456 சாதலும்பிறத்தலும்என்றிவற்றை

காதல்செய்யாதுஉனகழலடைந்தேன் *

ஓதல்செய்நான்மறையாகி உம்பர்

ஆதல்செய்மூவுருவானவனே! *

ஆண்டாய்! உனைக்காண்பதோர் அருளெனக்கருளுதியேல் *

வேண்டேன்மனைவாழ்க்கையை விண்ணகர்மேயவனே!

1457 பூமரு பொழிலணி விண்ணகர்மேல் *

காமருசீர்க் கலிகன்றிசொன்ன *

பாமருதமிழிவை பாடவல்லார் *

வாமனனடியிணை மருவுவரே. (2)

1458 பொறுத்தேன்புன்சொல்நெஞ்சில் பொருளின்பமெனஇரண்டும்

இறுத்தேன் * ஐம்புலன்கட்கடனாயின வாயிலொட்டி

அறுத்தேன் * ஆர்வச்செற்றமவை தன்மைமனத்தகற்றி

வெறுத்தேன் * நின்னடைந்தேன் திருவிண்ணகர் மேயவனே! (2)

1459 மறந்தேன்உன்னைமுன்னம் மறந்தமதியின்மனத்தால் *

இறந்தேன்எத்தனையும் அதனால்இடும்பைக்குழியில் *

பிறந்தேஎய்த்தொழிந்தேன் பெருமானே! திருமார்பா! *

சிறந்தேன்நின்னடிக்கே திருவிண்ணகர்மேயவனே!

1460 மானேய்நோக்கியர்தம் வயிற்றுக்குழியிலுழைக்கும் *

ஊனேயாக்கைதன்னை உதவாமைஉணர்ந்துணர்ந்து *

வானே! மாநிலமே! வந்துவந்துஎன்மனத்திருந்த

தேனே! * நின்னடைந்தேன் திருவிண்ண்ணகர்மேயவனே!

1461 பிறிந்தேன்பெற்றமக்கள்பெண்டிரென்றிவர் பின்னுதவாது

அறிந்தேன் * நீபணித்தஅருளென்னும் ஓள்வாளுருவி

எறிந்தேன் * ஐம்புலன்கள்இடர்தீரஎறிந்துவந்து

செறிந்தேன் * நின்னடிக்கே திருவிண்ணகர்மேயவனே!

1462 பாண்தேன்வண்டறையும்குழலார்கள் பல்லாண்டிசைப்ப *

ஆண்டார்வையமெல்லாம் அரசாகி * முன்னாண்டவரே

மாண்டாரென்றுவந்தார் அந்தோ மனைவாழ்க்கைதன்னை

வேண்டேன் * நின்னடைந்தேன் திருவிண்ணகர்மேயவனே!

1463 கல்லாஐம்புலன்களவை கண்டவாறுசெய்யகில்லேன் *

மல்லா! மல்லமருள்மல்லர்மாள மல்லடர்த்த

மல்லா! * மல்லலம்சீர் மதிள்நீரிலங்கையழித்த

வில்லா! * நின்னடைந்தேன் திருவிண்ணகர்மேயவனே!

1464 வேறாயானிரந்தேன் வெகுளாதுமனக்கொள்எந்தாய்! *

ஆறாவெந்நரகத்து அடியேனையிடக்கருதி *

கூறாஐவர்வந்து குமைக்கக்குடிவிட்டவரை *

தேறாதுஉன்னடைந்தேன் திருவிண்ணகர்மேயவனே!

1465 தீவாய்வல்வினையார் உடநின்று சிறந்தவர்போல் *

மேவாவெந்நரகத்து இடஉற்றுவிரைந்துவந்தார் *

மூவாவானவர்தம்முதல்வா! மதிகோள்விடுத்த

தேவா! * நின்னடைந்தேன் திருவிண்ணகர்மேயவனே!

1466 போதார்தாமரையாள் புலவிக்குலவானவர்தம்

கோதா! * கோதில்செங்கோல் குடைமன்னரிடைநடந்த

தூதா! * தூமொழியாய்! சுடர்போலென்மனத்திருந்த

வேதா! * நின்னடைந்தேன் திரு விண்ணகர்மேயவனே!

1467 தேனார்பூம்புறவில் திருவிண்ணகர்மேயவனை *

வானாரும்மதிள்சூழ் வயல்மங்கையர்கோன் * மருவார்

ஊனார்வேல்கலியன் ஒலிசெய்தமிழ்மாலைவல்லார் *

கோனாய். வானவர்தம் கொடிமாநகர்கூடுவரே. (2)

1468 துறப்பேனல்லேன் இன்பம், துறவாது * நின்னுருவம்

மறப்பேனல்லேன் என்றும்மறவாது * யான்உலகில்

பிறப்பேனாகஎண்ணேன் பிறவாமைபெற்றது * நின்

திறத்தேனாதன்மையால் திருவிண்ணகரானே! (2)

1469 துறந்தேன் ஆர்வச்செற்றச்சுற்றம் துறந்தமையால் *

சிறந்தேன்நின்னடிக்கே அடிமை திருமாலே! *

அறந்தானாய்த்திரிவாய்! உன்னைஎன்மனத்தகத்தே *

திறம்பாமல்கொண்டேன் திருவிண்ணகரானே!

1470 மானேய்நோக்குநல்லார் மதிபோல்முகத்துஉலவும் *

ஊனேய்கண்வாளிக்கு உடைந்தோட்டந்துஉன்னடைந்தேன் *

கோனே! குறுங்குடியுள்குழகா! திருநறையூர்த்

தேனே! * வருபுனல்சூழ் திருவிண்ணகரானே!

1471 சாந்தேந்துமென்முலையார் தடந்தோள்புணரின்பவெள்ளத்து

ஆழ்ந்தேன் * அருநகரத்தழுந்தும் பயன்படைத்தேன் *

போந்தேன்புண்ணியனே! உனையெய்தியென் தீவினைகள்

தீர்ந்தேன் * நின்னடைந்தேன் திருவிண்ணகரானே!

1472 மற்றோர்தெய்வம்எண்ணேன் உன்னைஎன்மனத்துவைத்துப்

பெற்றேன் * பெற்றதுவும்பிறவாமை எம்பெருமான்! *

வற்றாநீள்கடல்சூழ்இலங்கையிராவணனைச்

செற்றாய் * கொற்றவனே! திருவிண்ணகரானே!

1473 மையொண்கருங்கடலும் நிலனும்மணிவரையும் *

செய்யசுடரிரண்டும் இவையாயநின்னை * நெஞ்சில்

உய்யும்வகையுணர்ந்தேன் உண்மையால் இனி * யாதுமற்றோர்

தெய்வம்பிறிதறியேன் திருவிண்ணகரானே!

1474 வேறேகூறுவதுண்டு அடியேன்விரித்துரைக்கு

மாறே * நீபணியாதுஅடை நின்திருமனத்து *

கூறேன்நெஞ்சுதன்னால் குணங்கொண்டு * மற்றோர்தெய்வம்

தேறேன்உன்னையல்லால் திருவிண்ணகரானே!

1475 முளிந்தீந்தவெங்கடத்து மூரிப்பெருங்களிற்றால் *

விளிந்தீந்தமாமரம்போல் வீழ்ந்தாரைநினையாதே *

அளிந்தோர்ந்தசிந்தை நின்பால்அடியேற்கு * வானுலகம்

தெளிந்தேஎன்றுஎய்துவது? திருவிண்ணகரானே!

1476 சொல்லாய்திருமார்வா! உனக்காகித்தொண்டுபட்ட

நல்லேனை * வினைகள்நலியாமை நம்புநம்பீ *

மல்லா! குடமாடி! மதுசூதனே! * உலகில்

செல்லாநல்லிசையாய்! திருவிண்ணகரானே!

1477 தாரார்மலர்க்கமலத் தடம்சூழ்ந்ததண்புறவில் *

சீரார்நெடுமறுகில் திருவிண்ணகரானை *

காரார்புயல்தடக்கைக் கலியனொலிமாலை *

ஆரார்இவைவல்லார் அவர்க்குஅல்லல்நில்லாவே. (2)

1855 பத்தராவியைப் பால்மதியை * அணித்

தொத்தை மாலிருஞ்சோலைத்தொழுதுபோய் *

முத்தினைமணியை மணிமாணிக்க

வித்தினை * சென்று விண்ணகர்க்காண்டுமே. (2)

2080 அன்றாயர்குலமகளுக்கரையன்தன்னை

அலைகடலைக்கடைந்தடைத்தஅம்மான்தன்னை *

குன்றாதவலியரக்கர்கோனைமாளக்

கொடுஞ்சிலைவாய்ச்சரந்துரந்துகுலங்களைந்து

வென்றானை * குன்றெடுத்ததோளினானை

விரிதிரைநீர்விண்ணகரம்மருவிநாளும்

நின்றானை * தண்குடந்தைக்கிடந்தமாலை

நெடியானை அடிநாயேன்நினைந்திட்டேனே. (2)

2342 பண்டெல்லாம்வேங்கடம் பாற்கடல்வைகுந்தம் *

கொண்டங்குறைவார்க்குக்கோயில்போல் * - வண்டு

வளங்கிளரும்நீள்சோலை வண்பூங்கடிகை *

இளங்குமரன்தன்விண்ணகர். (2)

2343 விண்ணகரம்வெஃகா விரிதிரைநீர்வேங்கடம் *

மண்ணகரம்மாமாடவேளுக்கை * மண்ணகத்த

தென்குடந்தை தேனார்திருவரங்கம்தென்கோட்டி *

தன்குடங்கைநீரேற்றான்தாழ்வு.

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2772 தாமரைமேல்

மின்னிடையாள்நாயகனை விண்ணகருள்பொன்மலையை *

பொன்னிமணிகொழிக்கும் பூங்குடந்தைப்போர் விடையை *

தென்னன்குறுங்குடியுள் செம்பவளக்குன்றினை *

மன்னியதண் சேறை வள்ளலை * -

3365 நல்குரவும்செல்வும் நரகும்சுவர்க்கமுமாய் *

வெல்பகையும்நட்பும் விடமும்அமுதமுமாய் *

பல்வகையும்பரந்தபெரு மானென்னையாள்வானை *

செல்வம்மல்குகுடித் திருவிண்ணகர்க்கண்டேனே. (2)

3366 கண்டவின்பம்துன்பம் கலக்கங்களும்தேற்றமுமாய் *

தண்டமும்தண்மையும் தழலும்நிழலுமாய் *

கண்டுகோள்தற்கரிய பெருமானென்னையாள்வானூர் *

தெண்டிரைப்புனல்சூழ் திருவிண்ணகர்நன்னகரே.

3367 நகரமும்நாடுகளும் ஞானமும்மூடமுமாய் *

நிகரில்சூழ்சுடராயிருளாய் நிலனாய்விசும்பாய் *

சிகரமாடங்கள்சூழ் திருவிண்ணகர்ச்சேர்ந்தபிரான் *

புகர்கொள்கீர்த்தியல்லாலில்லை யாவர்க்கும்புண்ணியமே.

3368 புண்ணியம்பாவம் புணர்ச்சிபிரிவென்றிவையாய்

எண்ணமாய்மறப்பாய் உண்மையாயின்மயாயல்லனாய் *

திண்ணமாடங்கள்சூழ் திருவிண்ணகர்சேர்ந்தபிரான் *

கண்ணனின்னருளே கண்டுகொண்மின்கள்கைதவமே.

3369 கைதவம்செம்மை கருமைவெளுமையுமாய் *

மெய்பொய் இளமைமுதுமை புதுமைபழமையுமாய் *

செய்ததிண்மதிள்சூழ் திருவிண்ணகர்சேர்ந்தபிரான் *

பெய்தகாவுகண்டீர் பெருந்தேவுடைமூவுலகே.

3370 மூவுலகங்களுமாயல்லனாய் உகப்பாய்முனிவாய் *

பூவில்வாழ்மகளாய்த்தவ்வையாய்ப் புகழாய்ப்பழியாய் *

தேவர்மேவித்தொழும் திருவிண்ணகர்சேர்ந்தபிரான் *

பாவியேன்மனத்தே உறைகின்றபரஞ்சுடரே.

3371 பரஞ்சுடருடம்பாய் அழுக்குப்பதித்தவுடம்பாய் *

கரந்தும்தோன்றியும்நின்றும் கைதவங்கள்செய்தும் * விண்ணோர்

சிரங்களால்வணங்கும் திருவிண்ணகர்சேர்ந்தபிரான் *

வரங்கொள்பாதமல்லாலில்லை யாவர்க்கும்வன்சரணே.

3372 வன்சரண்சுரர்க்காய் அசுரர்க்குவெங்கூற்றமுமாய் *

தன்சரண்நிழற்கீழ் உலகம்வைத்தும்வையாதும் *

தென்சரண்திசைக்குத் திருவிண்ணகர்சேர்ந்தபிரான் *

என்சரணென்கண்ணன் என்னையாளுடையென்னப்பனே.

3373 என்னப்பனெனக்காயிகுளாய் என்னைப்பெற்றவளாய் *

பொன்னப்பன்மணியப்பன்முத்தப்பன் என்னப்பனுமாய் *

மின்னப்பொன்மதிள்சூழ் திருவிண்ணகர்சேர்ந்தவப்பன் *

தன்னொப்பாரில்லப்பன் தந்தனன்தனதாள்நிழலே.

3374 நிழல்வெய்யில்சிறுமைபெருமை குறுமைநெடுமையுமாய் *

சுழல்வனநிற்பன மற்றுமாயவையல்லனுமாய் *

மழலைவாய்வண்டுவாழ் திருவிண்ணகர்மன்னுபிரான் *

கழல்களன்றி மற்றோர்களைகணிலம்காண்மின்களே.

3375 காண்மின்களுலகீர்! என்று கண்முகப்பேநிமிர்ந்த *

தாளிணையன்தன்னைக் குருகூர்ச்சடகோபன்சொன்ன *

ஆணையாயிரத்துத் திருவிண்ணகர்ப்பத்தும்வல்லார் *

கோணையின்றிவிண்ணோர்க்கு என்றுமாவர்குரவர்களே. (2)