1578 கண்சோரவெங்குருதிவந்திழிய

வெந்தழல்போல்கூந்தலாளை *

மண்சேரமுலையுண்டமாமதலாய்!

வானவர்தம்கோவே! என்று *

விண்சேரும்இளந்திங்கள்அகடுரிஞ்சு

மணிமாடமல்கு * செல்வத்

தண்சேறையெம்பெருமான்தாள்தொழுவார் காண்மின்

என்தலைமேலாரே. (2)

1579 அம்புருவவரிநெடுங்கண் * அலர்மகளை

வரையகலத்தமர்ந்து * மல்லல்

கொம்புருவவிளங்கினமேல்

இளங்கன்றுகொண்டெறிந்தகூத்தர்போலாம் *

வம்பலரும்தண்சோலை வண்சேறை

வானுந்துகோயில்மேய *

எம்பெருமான்தாள்தொழுவார்

எப்பொழுதும்என்மனத்தேஇருக்கின்றாரே.

1580 மீதோடிவாளெயிறுமின்னிலக

முன்விலகும்உருவினாளை *

காதோடுகொடிமூக்கன்றுடனறுத்த

கைத்தலத்தா! என்றுநின்று *

தாதோடுவண்டலம்பும்

தண்சேறையெம்பெருமான்தாளையேத்தி *

போதோடுபுனல்தூவும்புண்ணியரே

விண்ணவரில்பொலிகின்றாரே.

1581 தேராளும்வாளரக்கன்

தென்னிலங்கைவெஞ்சமத்துப்பொன்றிவீழ *

போராளும்சிலையதனால்பொருகணைகள்

போக்குவித்தாயென்று * நாளும்

தாராளும்வரைமார்பன்

தண்சேறையெம்பெருமானும்,உம்பராளும் *

பேராளன்பேரோதும்பெரியோரை

ஒருகாலும்பிரிகிலேனே.

1582 வந்திக்கும்மற்றவர்க்கும் மாசுடம்பில்

வல்லமணர்தமக்கும்அல்லேன் *

முந்திசென்றரியுருவாய்இரணியனை

முரணழித்தமுதல்வர்க்கல்லால் *

சந்தப்பூமலர்ச்சோலைத்

தண்சேறையெம்பெருமான்தாளை * நாளும்

சிந்திப்பார்க்குஎன்னுள்ளம்

தேனூறிஎப்பொழுதும்தித்திக்குமே.

1583 பண்டுஏனமாய்உலகை அன்றிடந்த

பண்பாளாஎன்றுநின்று *

தொண்டானேன் திருவடியேதுணையல்லால்

துணையில்லேன்சொல்லுகின்றேன் *

வண்டேந்தும்மலர்ப்புறவில் வண்சேறை

எம்பெருமானடியார்தம்மை *

கண்டேனுக்குஇதுகாணீர்என்நெஞ்சம்

கண்ணிணையும்களிக்குமாறே.

1584 பைவிரியும்வரியரவில்படுகடலுள்

துயிலமர்ந்தபண்பா! என்றும் *

மைவிரியும்மணிவரைபோல்மாயவனே!

என்றென்றும், வண்டார் நீலம் *

செய்விரியும்தண்சேறையெம்பெருமான்

திருவடியைச்சிந்தித்தேற்கு * என்

ஐயறிவும்கொண்டானுக்குஆளானார்க்குஆளாம்

என் அன்புதானே.

1585 உண்ணாதுவெங்கூற்றம்

ஓவாதுபாவங்கள்சேரா * மேலை

விண்ணோரும்மண்ணோரும்வந்திறைஞ்சும்

மென்தளிர்போலடியினானை *

பண்ணாரவண்டியம்பும்

பைம்பொழில்சூழ்தண்சேறையம்மான்தன்னை *

கண்ணாரக் கண்டுருகிக்

கையாரத்தொழுவாரைக் கருதுங்காலே.

1586 கள்ளத்தேன்பொய்யகத்தேனாதலால்

போதொருகால்கவலையென்னும் *

வெள்ளத்தேற்குஎன்கொலோ?

விளைவயலுள்கருநீலம்களைஞர்தாளால்

தள்ள * தேன்மணநாறும்

தண்சேறையெம்பெருமான்தாளை * நாளும்

உள்ளத்தேவைப்பாருக்குஇதுகாணீர்

என்னுள்ளம்உருகுமாறே.

1587 பூமாண்சேர்கருங்குழலார்போல்நடந்து

வயல்நின்றபெடையோடு * அன்னம்

தேமாவினின்னிழலில்கண்துயிலும்

தண்சேறையம்மான்தன்னை *

வாமான்தேர்ப்பரகாலன்

கலிகன்றியொலிமாலைகொண்டுதொண்டீர்! *

தூமாண்சேர்பொன்னடிமேல்சூட்டுமின்

நும்துணைக்கையால்தொழுதுநின்றே. (2)

1853 வானை ஆரமுதம்தந்தவள்ளலை *

தேனைநீள்வயல் சேறையில்கண்டுபோய் *

ஆனைவாட்டியருளும் அமரர்தம்

கோனை * யாம்குடந்தைச்சென்றுகாண்டுமே.

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2772 தாமரைமேல்

மின்னிடையாள்நாயகனை விண்ணகருள்பொன்மலையை *

பொன்னிமணிகொழிக்கும் பூங்குடந்தைப்போர் விடையை *

தென்னன்குறுங்குடியுள் செம்பவளக்குன்றினை *

மன்னியதண் சேறை வள்ளலை * -