71 உன்னையும்ஒக்கலையில்கொண்டுதமில்மருவி

உன்னொடுதங்கள் கருத்தாயினசெய்துவரும் *

கன்னியரும்மகிழக்கண்டவர்கண்குளிரக்

கற்றவர்தெற்றிவரப் பெற்றஎனக்குஅருளி *

மன்னுகுறுங்குடியாய்! வெள்ளறையாய்! மதிள்சூழ்

சோலைமலைக்கரசே! கண்ணபுரத்தமுதே! *

என்னவலம்களைவாய்! ஆடுகசெங்கீரை

ஏழுலகும்முடையாய்! ஆடுகஆடுகவே. (2)

535 காட்டில்வேங்கடம் கண்ணபுரநகர் *

வாட்டமின்றி மகிழ்ந்துறைவாமனன் *

ஓட்டராவந்து என்கைப்பற்றி * தன்னொடும்

கூட்டுமாகில் நீகூடிடுகூடலே. (2 )

719 மன்னுபுகழ்க்கௌசலைதன் மணிவயிறுவாய்த்தவனே! *

தென்னிலங்கைக்கோன்முடிகள் சிந்துவித்தாய்! * செம்பொன்சேர்

கன்னிநன்மாமதிள்புடைசூழ் கணபுரத்தென்கருமணியே! *

என்னுடையஇன்னமுதே! இராகவனே! தாலேலோ. (2)

720 புண்டரிகமலரதன்மேல் புவனியெல்லாம்படைத்தவனே! *

திண்டிறலாள்தாடகைதன் உரமுருவச்சிலைவளைத்தாய்! *

கண்டவர்தம்மனம்வழங்கும் கணபுரத்தென்கருமணியே! *

எண்டிசையுமாளுடையாய்! இராகவனே! தாலேலோ.

721 கொங்குமலிகருங்குழலாள் கோசலைதன்குலமதலாய்! *

தங்குபெரும்புகழ்ச்சனகன் திருமருகாதாசரதீ! *

கங்கையிலும்தீர்த்தமலி கணபுரத்தென்கருமணியே! *

எங்கள்குலதின்னமுதே! இராகவனே! தாலேலோ.

722 தாமரைமேலயனவனைப் படைத்தவனே! * தயரதன்தன்

மாமதலாய்! மைதிலிதன்மணவாளா! * வண்டினங்கள்

காமரங்களிசைபாடும் கணபுரத்தென்கருமணியே! *

ஏமருவும்சிலைவலவா! இராகவனே! தாலேலோ.

723 பாராளும் படர்செல்வம் பரதநம்பிக் கேயருளி

ஆராவன் பிளையவனோ டருங்கான மடைந்தவனே

சீராளும் வரைமார்பா திருக்கண்ண புரத்தரசே

தாராளும் நீண்முடியென் தாசரதீ தாலேலோ *

724 சுற்றமெல்லாம்பின்தொடரத்தொல்கானமடைந்தவனே! *

அற்றவர்கட்கருமருந்தே! அயோத்திநகர்க்கதிபதியே! *

கற்றவர்கள்தாம்வாழும் கணபுரத்தென்கருமணியே! *

சிற்றவைதன்சொல்கொண்ட சீராமா! தாலேலோ.

725 ஆலினிலைப்பாலகனாய் அன்றுலகமுண்டவனே! *

வாலியைக்கொன்று அரசுஇளையவானரத்துக்களித்தவனே! *

காலின்மணிகரையலைக்கும் கணபுரத்தென்கருமணியே! *

ஆலிநகர்க்கதிபதியே! அயோத்திமனே! தாலேலோ.

726 மலையதனாலணைகட்டி மதிளிலங்கையழித்தவனே! *

அலைகடலைக்கடைந்து அமரர்க்கமுதருளிச்செய்தவனே! *

கலைவலவர்தாம்வாழும் கணபுரத்தென்கருமணியே! *

சிலைவலவா! சேவகனே! சீராம! தாலேலோ. (2)

727 தளையவிழும் நறுங்குஞ்சித் தயரதன்றன்குலமதலாய்! *

வளையவொருசிலையதனால் மதிளிலங்கையழித்தவனே! *

களைகழுநீர்மருங்கலரும் கணபுரத்தென்கருமணியே! *

இளையவர்கட்கருளுடையாய்! இராகவனே! தாலேலோ.

728 தேவரையுமசுரரையும் திசைகளையும்படைத்தவனே! *

யாவரும்வந்தடிவணங்க அரங்கநகர்த்துயின்றவனே! *

காவிரிநல்நதிபாயும் கணபுரத்தென்கருமணியே! *

ஏவரிவெஞ்சிலைவலவா! இராகவனே! தாலேலோ. (2)

729 கன்னிநன்மாமதிள்புடைசூழ் கணபுரத்தென்காகுத்தன்! *

தன்னடிமேல் * தாலேலோஎன்றுரைத்த தமிழ்மாலை *

கொல்நவிலும்வேல்வலவன் குடைக்குலசேகரஞ்சொன்ன *

பன்னியநூல்பத்தும்வல்லார் பாங்காயபத்தர்களே (2)

1648 சிலையிலங்குபொன்னாழி

திண்படைதண்டொண்சங்கமென்கின்றாளால் *

மலையிலங்குதோள்நான்கே

மற்றவனுக்கெற்றேகாணென்கின்றாளால் *

முலையிலங்குபூம்பயலை

முன்போடஅன்போடியிருக்கின்றாளால் *

கலையிலங்குமொழியாளர்

கண்ணபுரத்தம்மானைக்கண்டாள்கொலோ? (2)

1649 செருவரைமுன்னாசறுத்த சிலையன்றோ?

கைத்தலத்ததென்கின்றாளால் *

பொருவரைமுன்போர்தொலைத்த

பொன்னாழிமற்றொருகைஎன்கின்றாளால் *

ஒருவரையும்நின்னொப்பா

ரொப்பிலர்என்னப்பா! என்கின்றாளால் *

கருவரைபோல்நின்றானைக்

கண்ணபுரத்தம்மானைக்கண்டாள்கொலோ? (2)

1650 துன்னுமாமணிமுடிமேல்துழாயலங்கல்

தோன்றுமாலென்கின்றாளால் *

மின்னுமாமணிமகரகுண்டலங்கள்

வில்வீசுமென்கின்றாளால் *

பொன்னின்மாமணியாரம்

அணியாகத்திலங்குமாலென்கின் றாளால் *

கன்னிமா மதிள்புடைசூழ்

கண்ணபுரத்தம்மானைக்கண்டாள்கொலோ?

1651 தாராயதண்துளப

வண்டுழுதவரைமார்பனென்கின்றாளால் *

போரானைக்கொம்பொசித்த

புட்பாகன்என்னம்மானென்கின்றாளால் *

ஆரானும்காண்மின்கள்

அம்பவளம்வாயவனுக்கென்கின்றாளால் *

கார்வானம்நின்றதிரும்

கண்ணபுரத்தம்மானைக்கண்டாள்கொலோ?

1652 அடித்தலமும்தாமரையே

அங்கைகளும்பங்கயமேயென்கின்றாளால் *

முடித்தலமும்பொற்பூணும்

என்நெஞ்சத்துள் ளகலாதென்கின்றாளால் *

வடித்தடங்கண்மலரவளோ

வரையாகத்துள்ளிருப்பாளென்கின்றாளால் *

கடிக்கமலம்கள்ளுகுக்கும்

கண்ணபுரத்தம்மானைக்கண்டாள்கொலோ?

1653 பேராயிரமுடையபேராளன் பேராளனென்கின்றாளால் *

ஏரார்கனமகரகுண்டலத்தன் எண்தோளனென்கின்றாளால் *

நீரார்மழைமுகிலே நீள்வரையேஒக்குமாலென்கின்றாளால் *

காரார் வயலமரும் கண்ணபுரத்தம்மானைக்கண்டாள்கொலோ?

1654 செவ்வரத்தவுடையாடை

அதன்மேலோர்சிவளிகைக்கச்சென்கின்றாளால் *

அவ்வரத்தவடியிணையும்

அங்கைகளும்பங்கயமேயென்கின்றாளால் *

மைவளர்க்கும்மணியுருவம்

மரகதமோ! மழைமுகிலோ! என்கின்றாளால் *

கைவளர்க்குமழலாளர்

கண்ணபுரத்தம்மானைக்கண்டாள்கொலோ?

1655 கொற்றப்புள்ளொன்றேறி

மன்னூடேவருகின்றானென்கின்றாளால் *

வெற்றிப்போரிந்திரற்கும்

இந்திரனேயொக்குமாலென்கின் றாளால் *

பெற்றக்கால்அவனாகம்

பெண்பிறந்தோமுய்யோமோ! என்கின்றாளால் *

கற்றநூல்மறையாளர்

கண்ணபுரத்தம்மானைக்கண்டாள்கொலோ?

1656 வண்டமரும்வனமாலை

மணிமுடிமேல்மணநாறுமென்கின்றாளால் *

உண்டிவர்பாலன்பெனக்கென்று

ஒருகாலும்பிரிகிலேனென்கின்றாளால் *

பண்டிவரைக்கண்டறிவதுஎவ்வூரில்?

யாமென்றேபயில்கின்றாளால் *

கண்டவர்தம்மனம்வழங்கும்

கண்ணபுரத்தம்மானைக்கண்டாள்கொலோ?

1657 மாவளருமென்னோக்கி

மாதராள்மாயவனைக்கண்டாளென்று *

காவளரும்கடிபொழில்சூழ்

கண்ணபுரத்தம்மானைக்கலியன்சொன்ன *

பாவளரும்தமிழ்மாலை

பன்னியநூல்இவையைந்துமைந்தும்வல்லார் *

பூவளரும்கற்பகம்சேர்பொன்னுலகில்

மன்னவராய்ப்புகழ்தக்கோரே. (2)

1658 தெள்ளியீர்! தேவர்க்கும் தேவர் திருத்தக்கீர் *

வெள்ளியீர்! வெய்யவிழுநிதிவண்ணர் * ஓ!

துள்ளுநீர்க் கண்ணபுரம்தொழுதாளிவள்

கள்வியோ! * கைவளைகொள்வதுதக்கதே? (2)

1659 நீணிலாமுற்றத்து நின்றுஇவள்நோக்கினாள் *

காணுமோ! கண்ணபுரமென்றுகாட்டினாள் *

பாணனார்திண்ணமிருக்க இனிஇவள்

நாணுமோ? * நன்றுநன்றுநறையூரர்க்கே.

1660 அருவிசோர்வேங்கடம் நீர்மலையென்றுவாய்

வெருவினாள் * மெய்யம்வினவியிருக்கின்றாள் *

பெருகுசீர்க் கண்ணபுரமென்றுபேசினாள்

உருகினாள் * உள்மெலிந்தாள் இதுஎன்கொலோ? (2)

1661 உண்ணும்நாளில்லை உறக்கமுந்தானில்லை *

பெண்மையும் சாலநிறைந்திலள் பேதைதான் *

கண்ணனூர் கண்ணபுரம்தொழும், கார்க்கடல்

வண்ணர்மேல் * எண்ணம்இவட்கு இதுஎன்கொலோ?

1662 கண்ணனூர்கண்ணபுரம் தொழும்காரிகை *

பெண்மையும்தன்னுடை உண்மையுரைக்கின்றாள் *

வெண்ணெயுண்டுஆப்புண்ட வண்ணம்விளம்பினாள் *

வண்ணமும் பொன்னிறமாவதுஒழியுமே.

1663 வடவரைநின்றும்வந்து இன்றுகணபுரம் *

இடவகைகொள்வது யாமென்று பேசினாள் *

மடவரல்மாதர்என்பேதை இவர்க்குஇவள்

கடவதென்? * கண்துயில் இன்றுஇவர்கொள்ளவே.

1664 தரங்கநீர்பேசினும் தண்மதிகாயினும் *

இரங்குமோ? எத்தனைநாளிருந்துஎள்கினாள்? *

துரங்கம்வாய்கீண்டுகந்தானது தொன்மையூர் *

அரங்கமே யென்பது இவள்தனக்குஆசையே. (2)

1665 தொண்டெல்லாம்நின்னடியே தொழுதுய்யுமா

கண்டு * தான்கணபுரம் தொழப்போயினாள் *

வண்டுலாம்கோதைஎன்பேதை மணிநிறம்

கொண்டுதான் * கோயின்மைசெய்வது தக்கதே?

1666 முள்ளெயிறேய்ந்தில கூழைமுடிகொடா *

தெள்ளியளென்பதோர்தேசிலள் என்செய்கேன்? *

கள்ளவிழ்சோலைக் கணபுரம்கைதொழும்

பிள்ளையை * பிள்ளையென்றெண்ணப்பெறுவரே?

1667 கார்மலி கண்ணபுரத்தெம்மடிகளை *

பார்மலிமங்கையர்கோன் பரகாலன்சொல் *

சீர்மலிபாடல் இவைபத்தும்வல்லவர் *

நீர்மலிவையத்து நீடுநிற்பார்களே. (2)

1668 கரையெடுத்தசுரிசங்கும் கனபவளத்தெழுகொடியும் *

திரையெடுத்துவருபுனல்சூழ் திருக்கண்ணபுரத்துறையும் *

விரையெடுத்ததுழாயலங்கல் விறல்வரைத்தோள்புடைபெயர *

வரையெடுத்தபெருமானுக்கு இழந்தேன்என்வரிவளையே. (2)

1669 அரிவிரவுமுகிற்கணத்தால் அகிற்புகையால்வரையோடும் *

தெரிவரியமணிமாடத் திருக்கண்ணபுரத்துறையும் *

வரியரவினணைத்துயின்று மழைமதத்தசிறுதறுகண் *

கரிவெருவமருப்பொசித்தாற்கு இழந்தேனென்கனவளையே.

1670 துங்கமாமணிமாட நெடுமுகட்டின்சூலிகை * போம்

திங்கள்மாமுகில்துணிக்கும் திருக்கண்ணபுரத்துறையும் *

பைங்கண்மால்விடையடர்த்துப் பனிமதிகோள்விடுத்துகந்த *

செங்கண்மாலம்மானுக்கு இழந்தேனென்செறிவளையே.

1671 கணமருவுமயிலகவு கடிபொழில்சூழ்நெடுமறுகில் *

திணமருவுகனமதிள்சூழ் திருக்கண்ணபுரத்துறையும் *

மணமருவுதோளாய்ச்சி ஆர்க்கப்போய் * உரலோடும்

புணர்மருதம்இறநடந்தாற்குஇழந்தேன்என்பொன்வளையே.

1672 வாயெடுத்தமந்திரத்தால் அந்தணர்தம்செய்தொழில்கள் *

தீயெடுத்துமறைவளர்க்கும் திருக்கண்ணபுரத்துறையும் *

தாயெடுத்தசிறுகோலுக்கு உளைந்தோடி * தயிருண்ட

வாய்துடைத்தமைந்தனுக்கு இழந்தேன்என்வரிவளையே.

1673 மடலெடுத்தநெடுந்தாழை மருங்கெல்லாம்வளர்பவளம் *

திடலெடுத்துச்சுடரிமைக்கும் திருக்கண்ணபுரத்துறையும் *

அடலடர்த்தன்றிரணியனை முரணழிய, அணியுகிரால் *

உடலெடுத்தபெருமானுக்கு இழந்தேன்என்னொளிவளையே.

1674 வண்டமரும்மலர்ப்புன்னை வரிநீழல்அணிமுத்தம் *

தெண்திரைகள்வரத்திரட்டும் திருக்கண்ணபுரத்துறையும் *

எண்திசையும்எழுசுடரும் இருநிலனும்பெருவிசும்பும் *

உண்டுமிழ்ந்தபெருமானுக்கு இழந்தேன்என்னொளிவளையே.

1675 கொங்குமலிகருங்குவளைகண்ணாகத் * தெண்கயங்கள்

செங்கமலமுகமலர்த்தும் திருக்கண்ணபுரத்துறையும் *

வங்கமலிதடங்கடலுள் வரியரவினணைத்துயின்ற *

செங்கமலநாபனுக்கு இழந்தேன்என்செறிவளையே.

1676 வாராளும்இளங்கொங்கை நெடும்பணைத்தோள்மடப்பாவை *

சீராளும்வரைமார்பன் திருக்கண்ணபுரத்துறையும் *

பேராளன்ஆயிரம்பேர் ஆயிரவாயரவணைமேல் *

பேராளர்பெருமானுக்கு இழந்தேன்என்பெய்வளையே.

1677 தேமருவுபொழில்புடைசூழ் திருக்கண்ணபுரத்துறையும்

வாமனனை * மறிகடல்சூழ் வயலாலிவளநாடன் *

காமருசீர்க்கலிகன்றி கண்டுரைத்ததமிழ்மாலை *

நாமருவிஇவைபாட வினையாயநண்ணாவே. (2)

1678 விண்ணவர்தங்கள்பெருமான் திருமார்வன் *

மண்ணவரெல்லாம்வணங்கும் மலிபுகழ்சேர் *

கண்ணபுரத்தெம்பெருமான் கதிர்முடிமேல் *

வண்ணநறுந்துழாய் வந்தூதாய்கோல்தும்பீ! (2)

1679 வேதமுதல்வன் விளங்குபுரிநூலன் *

பாதம்பரவிப் பலரும்பணிந்தேத்தி *

காதன்மைசெய்யும் கண்ணபுரத்தெம்பெருமான் *

தாதுநறுந்துழாய் தாழ்ந்தூதாய்கோல்தும்பீ!

1680 விண்டமலரெல்லாம் ஊதிநீஎன்பெறுதி? *

அண்டமுதல்வன் அமரர்களெல்லாரும் *

கண்டுவணங்கும் கண்ணபுரத்தெம்பெருமான் *

வண்டுநறுந்துழாய் வந்தூதாய்கோல்தும்பீ!

1681 நீர்மலிகின்றது ஓர்மீனாய்ஓராமையுமாய் *

சீர்மலிகின்றது ஓர்சிங்கவுருவாகி *

கார்மலிவண்ணன் கண்ணபுரத்தெம்பெருமான் *

தார்மலிதண்துழாய் தாழ்ந்தூதாய்கோல்தும்பீ!

1682 ஏரார்மலரெல்லாம் ஊதிநீஎன்பெறுதி? *

பாராருலகம் பரவ, பெருங்கடலுள் *

காராமையான கண்ணபுரத்தெம்பெருமான் *

தாரார்நறுந்துழாய் தாழ்ந்தூதாய்கோல்தும்பீ!

1683 மார்வில்திருவன் வலனேந்துசக்கரத்தன் *

பாரைப்பிளந்த பரமன்பரஞ்சோதி *

காரில்திகழ் காயாவண்ணன்கதிர்முடிமேல் *

தாரில்நறுந்துழாய் தாழ்ந்தூதாய்கோல்தும்பீ!

1684 வாமனன்கற்கி மதுசூதன்மாதவன் *

தார்மன்னுதாசரதியாய தடமார்வன் *

காமன்தன்தாதை கண்ணபுரத்தெம்பெருமான் *

தாமநறுந்துழாய் தாழ்ந்தூதாய்கோல்தும்பீ!

1685 நீலமலர்கள் நெடுநீர்வயல்மருங்கில் *

சாலமலரெல்லாம் ஊதாதே * வாளரக்கர்

காலன் கண்ணபுரத்தெம்பெருமான்கதிர்முடிமேல் *

கோலநறுந்துழாய் கொண்டூதாய்கோல்தும்பீ!

1686 நந்தன்மதலை நிலமங்கைநல்துணைவன் *

அந்தமுதல்வன் அமரர்கள்தம்பெருமான் *

கந்தம்கமழ் காயாவண்ணன்கதிர்முடிமேல் *

கொந்துநறுந்துழாய் கொண்டூதாய்கோல்தும்பீ!

1687 வண்டமருஞ்சோலை வயலாலிநன்னாடன் *

கண்டசீர்வென்றிக் கலியனொலிமாலை *

கொண்டல்நிறவண்ணன் கண்ணபுரத்தானை *

தொண்டரோம்பாட நினைந்தூதாய்கோல்தும்பீ! (2)

1688 தந்தைகாலில்விலங்கற வந்துதோன்றியதோன்றல்பின் * தமியேன்தன்

சிந்தைபோயிற்றுத் திருவருளவனிடைப்பெறுமளவிருந்தேனை *

அந்திகாவலன்அமுதுறுபசுங்கதிரவைசுட, அதனோடும் *

மந்தமாருதம்வனமுலைதடவந்துவலிசெய்வதொழியாதே. (2)

1689 மாரிமாக்கடல்வளைவணற்கிளையவன் வரைபுரைதிருமார்பில் *

தாரினாசையில்போயினநெஞ்சமும் தாழ்ந்தது ஓர் துணைகாணேன் *

ஊரும்துஞ்சிற்றுஉலகமும் துயின்றது ஒளியவன்விசும்பியங்கும் *

தேரும்போயிற்றுத்திசைகளும்மறைந்தன செய்வதொன்றறியேனே.

1690 ஆயன்மாயமேயன்றி, மற்றென்கையில் வளைகளும்இறைநில்லா *

பேயின்னாருயிருண்டிடும்பிள்ளை நம்பெண்ணுயிர்க்குஇரங்குமோ? *

தூயமாமதிக்கதிர்சுடத்துணையில்லை இணைமுலைவேகின்றதால் *

ஆயன்வேயினுக்கழிகின்றதுஉள்ளமும் அஞ்சேலென்பாரிலையே.

1691 கயங்கொள்புண்தலைக்களிறுந்துவெந்திறல் கழல்மன்னர்பெரும்போரில் *

மயங்கவெண்சங்கம்வாய்வைத்தமைந்தனும் வந்திலன், மறிகடல்நீர் *

தயங்குவெண்திரைத்திவலைநுண்பனியென்னும் தழல்முகந்துஇளமுலைமேல் *

இயங்குமாருதம்விலங்கில்என்னாவியை எனக்கெனப்பெறலாமே.

1692 ஏழுமாமரம்துளைபடச்சிலைவளைத்து இலங்கையைமலங்குவித்த

ஆழியான் * நமக்கருளியஅருளொடும் பகலெல்லைகழிகின்றதால் *

தோழி! நாம்இதற்கென்செய்தும்? துணையில்லை, சுடர்படுமுதுநீரில் *

ஆழஆழ்கின்றஆவியை அடுவதோர்அந்திவந்தடைகின்றதே.

1693 முரியும்வெண்திரைமுதுகயம்தீப்பட முழங்கழலெரியம்பின் *

வரிகொள்வெஞ்சிலைவளைவித்தமைந்தனும் வந்திலன்என்செய்கேன்? *

எரியும்வெங்கதிர்துயின்றது பாவியேன்இணைநெடுங்கண்துயிலா *

கரியநாழிகைஊழியில்பெரியன கழியுமாறுஅறியேனே.

1694 கலங்கமாக்கடல்கடைந்தடைத்து இலங்கையர்கோனது வரையாகம்

மலங்க * வெஞ்சமத்துஅடுசரம்துரந்த எம்மடிகளும்வாரானால் *

இலங்குவெங்கதிரிளமதியதனொடும் விடைமணியடும் * ஆயன்

விலங்கல்வேயினதோசையுமாய் இனிவிளைவதொன்றறியேனே.

1695 முழுதிவ்வையகம்முறைகெடமறைதலும் முனிவனும்முனிவெய்தி *

மழுவினால்மன்னராருயிர்வவ்விய மைந்தனும்வாரானால் *

ஒழுகுநுண்பனிக்கொடுங்கியபேடையை அடங்கஅஞ்சிறைகோலி *

தழுவுநள்ளிருள்தனிமையின்கடியது ஓர்கொடுவினையறியேனே.

1696 கனஞ்செய்மாமதிள்கணபுரத்தவனொடும் கனவினில்அவன்தந்த *

மனஞ்செயின்பம்வந்துஉள்புகவெள்கி என்வளைநெகஇருந்தேனை *

சினஞ்செய்மால்விடைச்சிறுமணியோசை என்சிந்தையைச்சிந்துவிக்கும் *

அனந்தலன்றிலின்னரிகுரல் பாவியேனாவியைஅடுகின்றதே.

1697 வார்கொள்மென்முலைமடந்தையர் தடங்கடல்வண்ணனைத்தாள்நயந்து *

ஆர்வத்தால்அவர்புலம்பியபுலம்பலை அறிந்துமுன்உரைசெய்த *

கார்கொள்பைம்பொழில்மங்கையர்காவலன் கலிகன்றியொலிவல்லார் *

ஏர்கொள்வைகுந்தமாநகர்புக்கு இமையவரோடும்கூடுவரே. (2)

1698 தொண்டீர்! உய்யும்வகைகண்டேன் துளங்காஅரக்கர்துளங்க * முன்

திண்தோள்நிமிரச்சிலைவளையச் சிறிதேமுனிந்ததிருமார்பன் *

வண்டார்கூந்தல்மலர்மங்கை வடிக்கண்மடந்தைமாநோக்கம்

கண்டாள் * கண்டுகொண்டுகந்த கண்ணபுரம்நாம்தொழுதுமே. (2)

1699 பொருந்தாஅரக்கர்வெஞ்சமத்துப் பொன்றஅன்றுபுள்ளூர்ந்து *

பெருந்தோள்மாலிதலைபுரளப் பேர்ந்தஅரக்கர்தென்னிலங்கை *

இருந்தார்தம்மையுடன்கொண்ட அங்குஎழிலார்பிலத்துப்புக்கொளிப்ப *

கருந்தாள்சிலைகைக்கொண்டானூர் கண்ணபுரம்நாம்தொழுதுமே.

1700 வல்லியிடையாள்பொருட்டாக மதிள்நீரிலங்கையார்கோவை *

அல்லல்செய்துவெஞ்சமத்துள் ஆற்றல்மிகுந்தஆற்றலான் *

வல்லாளரக்கர்குலப்பாவைவாட முனிதன்வேள்வியை *

கல்விச்சிலையால்காத்தானூர் கண்ணபுரம்நாம்தொழுதுமே.

1701 மல்லைமுந்நீரஅதர்பட வரிவெஞ்சிலைகால்வளைவித்து *

கொல்லைவிலங்குபணிசெய்யக் கொடியோனிலங்கைபுகலுற்று *

தொல்லைமரங்கள்புகப்பெய்து துவலைநிமிர்ந்துவானணவ *

கல்லால்கடலையடைத்தானூர் கண்ணபுரம்நாம்தொழுதுமே.

1702 ஆமையாகிஅரியாகி அன்னமாகி * அந்தணர்தம்

ஓமமாகிஊழியாகி உலகுசூழ்ந்தநெடும்புணரி *

சேமமதிள்சூழிலங்கைக்கோன் சிரமுங்கரமும்துணித்து * முன்

காமற்பயந்தான்கருதுமூர் கண்ணபுரம்நாம்தொழுதுமே.

1703 வருந்தாதிருநீமடநெஞ்சே! நம்மேல்வினைகள்வாரா * முன்

திருந்தாஅரக்கர்தென்னிலங்கை செந்தீயுண்ணச்சிவந்து, ஒருநாள் *

பெருந்தோள்வாணற்குஅருள்புரிந்து பின்னைமணாளனாகி * முன்

கருந்தாள்களிறொன்றொசித்தானூர் கண்ணபுரம்நாம்தொழுதுமே.

1704 இலையார்மலர்ப்பூம்பொய்கைவாய் முதலைதன்னால்அடர்ப்புண்டு *

கொலையார்வேழம்நடுக்குற்றுக்குலைய அதனுக்குஅருள்புரிந்தான் *

அலைநீரிலங்கைத்தசக்கிரீவற்கு இளையோற்குஅரசையருளி * முன்

கலைமாச்சிலையால்எய்தானூர் கண்ணபுரம்நாம்தொழுதுமே.

1705 மாலாய்மனமே! அருந்துயரில் வருந்தாதிருநீ * வலிமிக்க

காலார்மருதும்காய்சினத்தகழுதும் கதமாக்கழுதையும் *

மாலார்விடையும்மதகரியும் மல்லருயிரும்மடிவித்து *

காலால்சகடம்பாய்ந்தானூர் கண்ணபுரம்நாம்தொழுதுமே.

1706 குன்றால்மாரிபழுதாக்கிக் கொடியேரிடையாள்பொருட்டாக *

வன்தாள்விடையேழ்அன்றடர்த்த வானோர்பெருமான்மாமாயன் *

சென்றான்தூதுபஞ்சவர்க்காய்த் திரிகாற்சகடம்சினமழித்து *

கன்றால்விளங்காயெறிந்தானூர் கண்ணபுரம்நாம்தொழுதுமே.

1707 கருமாமுகில்தோய்நெடுமாடக் கண்ணபுரத்தெம்மடிகளை *

திருமாமகளால்அருள்மாரி செழுநீராலிவளநாடன் *

மருவார்புயற்கைக்கலிகன்றி மங்கைவேந்தனொலிவல்லார் *

இருமாநிலத்துக்கரசாகி இமையோரிறைஞ்சவாழ்வாரே. (2)

1708 வியமுடைவிடையினம் உடைதரமடமகள் *

குயமிடைதடவரை அகலமதுடையவர் *

நயமுடைநடையனம் இளையவர்நடைபயில் *

கயமிடைகணபுரம் அடிகள்தம்இடமே. (2)

1709 இணைமலிமருதினொடு எருதிறஇகல்செய்து *

துணைமலிமுலையவள் மணமிகுகலவியுள் *

மணமலிவிழவினொடு அடியவரளவிய *

கணமலிகணபுரம் அடிகள்தம்இடமே.

1710 புயலுறுவரைமழை பொழிதர, மணிநிரை *

மயலுற, வரைகுடை எடுவியநெடியவர் *

முயல்துளர்மிளைமுயல்துள வளவிளைவயல் *

கயல்துளுகணபுரம் அடிகள்தம்இடமே.

1711 ஏதலர்நகைசெய இளையவரளைவெணெய் *

போதுசெய்தமரிய புனிதர், நல்விரைமலர் *

கோதியமதுகரம் குலவியமலர்மகள் *

காதல்செய்கணபுரம் அடிகள்தம்இடமே.

1712 தொண்டரும்அமரரும் முனிவரும்தொழுதெழ *

அண்டமொடுஅகலிடம் அளந்தவர்அமர்செய்து *

விண்டவர்பட மதிளிலங்கைமுன்எரியெழ *

கண்டவர்கணபுரம் அடிகள்தம்இடமே.

1713 மழுவியல்படையுடையவனிடம் மழைமுகில் *

தழுவியஉருவினர் திருமகள்மருவிய *

கொழுவியசெழுமலர் முழுசியபறவைபண் *

எழுவியகணபுரம் அடிகள்தம்இடமே.

1714 பரிதியொடுஅணிமதி பனிவரைதிசைநிலம் *

எரிதியொடெனவின இயல்வினர்செலவினர் *

சுருதியொடுஅருமறை முறைசொலும்அடியவர் *

கருதியகணபுரம் அடிகள்தம்இடமே.

1715 படிபுல்கும்அடியிணை பலர்தொழ, மலர்வைகு *

கொடிபுல்குதடவரை யகலமதுடையவர் *

முடிபுல்குநெடுவயல் படைசெல அடிமலர் *

கடிபுல்குகணபுரம் அடிகள்தம்இடமே.

1716 புலமனுமலர்மிசை மலர்மகள்புணரிய *

நிலமகளென இனமகளிர்களிவரொடும் *

வலமனுபடையுடை மணிவணர், நிதிகுவை *

கலமனுகணபுரம் அடிகள்தம்இடமே.

1717 மலிபுகழ்கணபுரமுடைய எம்அடிகளை *

வலிகெழுமதிளயல் வயலணிமங்கையர் *

கலியனதமிழிவை விழுமியவிசையினொடு *

ஒலிசொலும்அடியவர் உறுதுயரிலரே. (2)

1718 வானோரளவும்முதுமுந்நீர் வளர்ந்தகாலம் * வலியுருவில்

மீனாய்வந்துவியந்துய்யக்கொண்ட தண்டாமரைக் கண்ணன் *

ஆனாவுருவிலானாயன் அவனைஅம்மாவிளைவயலுள் *

கானார்புறவில்கண்ணபுரத்து அடியேன்கண்டுகொண்டேனே. (2)

1719 மலங்குவிலங்குநெடுவெள்ளம்மறுக அங்கோர்வரைநட்டு *

இலங்குசோதியாரமுதம் எய்துமளவோர்ஆமையாய் *

விலங்கல்திரியத்தடங்கடலுள் சுமந்துகிடந்தவித்தகனை *

கலங்கல்முந்நீர்க்கண்ணபுரத்து அடியேன்கண்டுகொண்டேனே.

1720 பாராரளவும் முதுமுந்நீர் பரந்தகாலம் * வளைமருப்பில்

ஏராருருவத்தேனமாய் எடுத்தஆற்றலம்மானை *

கூராராரலிரைகருதிக் குருகுபாயக்கயலிரியும் *

காரார்புறவில்கண்ணபுரத்து அடியேன்கண்டுகொண்டேனே.

1721 உளைந்தஅரியும்மானிடமும் உடனாய்த்தோன்றஒன்றுவித்து *

விளைந்தசீற்றம்விண்வெதும்ப வேற்றோனகலம்வெஞ்சமத்து *

பிளந்துவளைந்தஉகிரானைப் பெருந்தண்செந்நெற்குலைதடிந்து *

களஞ்செய்புறவிற்கண்ணபுரத்து அடியேன்கண்டுகொண்டேனே.

1722 தொழுநீர்வடிவின்குறளுருவாய் வந்துதோன்றி, மாவலிபால் *

முழுநீர்வையம்முன்கொண்ட மூவாவுருவினம்மானை *

உழுநீர்வயலுள்பொன்கிளைப்ப ஒருபால்முல்லைமுகையோடும் *

கழுநீர்மலரும்கண்ணபுரத்து அடியேன்கண்டுகொண்டேனே.

1723 வடிவாய்மழுவேபடையாக வந்துதோன்றி, மூவெழுகால் *

படியாரரசுகளைகட்ட பாழியானைஅம்மானை *

குடியாவண்டுகொண்டுண்ணக் கோலநீலம்மட்டுகுக்கும் *

கடியார்புறவில்கண்ணபுரத்து அடியேன்கண்டுகொண்டேனே.

1724 வையமெல்லாம்உடன்வணங்க வணங்காமன்னனாய்த்தோன்றி *

வெய்யசீற்றக்கடியிலங்கை குடிகொண்டோடவெஞ்சமத்து *

செய்தவெம்போர்நம்பரனைச் செழுந்தண்கானல்மணநாறும் *

கைதைவேலிக்கண்ணபுரத்து அடியேன்கண்டுகொண்டேனே.

1725 ஒற்றைக்குழையும்நாஞ்சிலும் ஒருபால்தோன்றத்தான்தோன்றி *

வெற்றித்தொழிலார்வேல்வேந்தர் விண்பால்செல்ல, வெஞ்சமத்து *

செற்றகொற்றத்தொழிலானைச் செந்தீமூன்றும்இல்லிருப்ப *

கற்றமறையோர்கண்ணபுரத்து அடியேன்கண்டுகொண்டேனே.

1726 துவரிக்கனிவாய்நிலமங்கை துயர்தீர்ந்துய்ய, பாரதத்துள் *

இவரித்தரசர்தடுமாற இருள்நாள்பிறந்தஅம்மானை *

உவரியோதம்முத்துந்த ஒருபால்ஒருபாலொண்செந்நெல் *

கவரிவீசும்கண்ணபுரத்து அடியேன்கண்டுகொண்டேனே.

1727 மீனோடுஆமைகேழல்அரிகுறளாய் முன்னும்இராமனாய்த்

தானாய் * பின்னும்இராமனாய்த் தாமோதரனாய்க்கற்கியும்

ஆனான்தன்னை * கண்ணபுரத்துஅடியேன் கலியனொலிசெய்த *

தேனாரின்சொல்தமிழ்மாலை செப்பப்பாவம்நில்லாவே. (2)

1728 கைம்மானமதயானை இடர்தீர்த்தகருமுகிலை *

மைம்மானமணியை அணிகொள்மரதகத்தை *

எம்மானைஎம்பிரானைஈசனை என்மனத்துள்

அம்மானை * அடியேன்அடைந்துய்ந்துபோனேனே. (2)

1729 தருமானமழைமுகிலைப் பிரியாதுதன்னடைந்தார் *

வருமானம்தவிர்க்கும் மணியை, அணியுருவில் *

திருமாலைஅம்மானை அமுதத்தைக் கடல்கிடந்த

பெருமானை * அடியேன் அடைந்துய்ந்துபிழைத்தேனே.

1730 விடையேழன்றடர்த்து வெகுண்டுவிலங்கலுற *

படையால்ஆழிதட்ட பரமன்பரஞ்சோதி *

மடையார்நீலம்மல்கும்வயல்சூழ் கண்ணபுரமொன்று

உடையானுக்கு * அடியேன் ஒருவர்க்குரியேனோ? (2)

1731 மிக்கானை மறையாய்விரிந்தவிளக்கை * என்னுள்

புக்கானைப் புகழ்சேர்பொலிகின்றபொன்மலையை *

தக்கானைக் கடிகைத்தடங்குன்றின்மிசையிருந்த *

அக்காரக்கனியை அடைந்துய்ந்துபோனேனே. (2)

1732 வந்தாய்என்மனத்தே வந்துநீபுகுந்தபின்னை *

எந்தாய்! போயறியாய் இதுவேஅமையாதோ? *

கொந்தார்பைம்பொழில்சூழ் குடந்தைக்கிடந்துகந்த

மைந்தா! * உன்னைஎன்றும் மறவாமைப்பெற்றேனே.

1733 எஞ்சாவெந்நரகத்து அழுந்திநடுங்குகின்றேற்கு *

அஞ்சேலென்றுஅடியேனை ஆட்கொள்ளவல்லானை *

நெஞ்சே! நீநினையாது இறைப்பொழுதும்இருத்தி கண்டாய் *

மஞ்சார்மாளிகைசூழ் வயலாலிமைந்தனையே.

1734 பெற்றார்பெற்றொழிந்தார் பின்னும்நின்று அடியேனுக்கு *

உற்றானாய்வளர்த்து என்னுயிராகிநின்றானை *

முற்றாமாமதிகோள் விடுத்தானைஎம்மானை *

எத்தால்யான்மறக்கேன்? இதுசொல்என்ஏழைநெஞ்சே!

1735 கற்றார்பற்றறுக்கும் பிறவிப்பெருங்கடலே *

பற்றாவந்துஅடியேன் பிறந்தேன், பிறந்தபின்னை *

வற்றாநீர்வயல்சூழ் வயலாலியம்மானைப்

பெற்றேன் * பெற்றதும் பிறவாமைபெற்றேனே.

1736 கண்ணார்கண்ணபுரம் கடிகைகடிகமழும் *

தண்ணார்தாமரைசூழ் தலைச்சங்கமேல்திசையுள் *

விண்ணோர்நாண்மதியை விரிகின்றவெஞ்சுடரை *

கண்ணாரக்கண்டுகொண்டு களிக்கின்றதுஇங்குஎன்றுகொலோ. (2)

1737 செருநீர்வேல்வலவன் கலிகன்றிமங்கையர்கோன் *

கருநீர்முகில்வண்ணன் கண்ணபுரத்தானை *

இருநீரின்தமிழ் இன்னிசைமாலைகள்கொண்டுதொண்டீர்! *

வருநீர்வையம்உய்ய இவைபாடியாடுமினே. (2)

1738 வண்டார்பூமாமலர்மங்கை மணநோக்க

முண்டானே! * உன்னைஉகந்துகந்து உன்தனக்கே

தொண்டானேற்கு * என்செய்கின்றாய்? சொல்லு நால்வேதம்

கண்டானே! * கண்ணபுறத்துறையம்மானே! (2)

1739 பெருநீரும்விண்ணும் மலையும்உலகேழும் *

ஒருதாராநின்னுளொடுக்கிய நின்னையல்லால் *

வருதேவர்மற்றுளரென்று என்மனத்திறையும்

கருதேன்நான் * கண்ணபுரத்துறையம்மானே!

1740 மற்றும்ஓர்தெய்வம்உளதென்று இருப்பாரோடு

உற்றிலேன் * உற்றதும் உன்னடியார்க்கடிமை *

மற்றெல்லாம்பேசிலும் நின்திருவெட்டெழுத்தும்

கற்றுநான் * கண்ணபுரத்துறையம்மானே! (2)

1741 பெண்ணானாள் பேரிளங்கொங்கையினாரழல்போல் *

உண்ணாநஞ்சுண்டுகந்தாயை உகந்தேன்நான் *

மண்ணாளா! வாள்நெடுங்கண்ணி மதுமலராள்

கண்ணாளா! * கண்ணபுரத்துறையம்மானே!

1742 பெற்றாரும்சுற்றமும்என்று இவைபேணேன்நான் *

மற்றாரும்பற்றிலேன் ஆதலால்நின்னடைந்தேன் *

உற்றானென்றுஉள்ளத்துவைத்து அருள்செய்கண்டாய் *

கற்றார்சேர் கண்ணபுரத்துறையம்மானே!

1743 ஏத்திஉன்சேவடி எண்ணியிருப்பாரை *

பார்த்திருந்துஅங்கு நமன்தமர்பற்றாது *

சோத்தநாமஞ்சுதும்என்று தொடாமைநீ

காத்திபோல் * கண்ணபுரத்துறையம்மானே!

1744 வெள்ளைநீர்வெள்ளத்து அணைந்தஅரவணைமேல் *

துள்ளுநீர்மெள்ளத் துயின்றபெருமானே! *

வள்ளலே! உன்தமர்க்குஎன்றும்நமன்தமர்

கள்ளர்போல் * கண்ணபுரத்துறையம்மானே!

1745 மாணாகி வையமளந்ததுவும் * வாளவுணன்

பூணாகம்கீண்டதுவும் ஈண்டுநினைந்திருந்தேன் *

பேணாதவல்வினையேன் இடரெத்தனையும்

காணேன்நான் * கண்ணபுரத்துறையம்மானே!

1746 நாட்டினாய்என்னை உனக்குமுன்தொண்டாக *

மாட்டினேன்அத்தனையே கொண்டுஎன்வல்வினையை *

பாட்டினால்உன்னை என்நெஞ்சத்திருந்தமை

காட்டினாய் * கண்ணபுரத்துறையம்மானே!

1747 கண்டசீர்க் கண்ணபுரத்துறையம்மானை *

கொண்டசீர்த்தொண்டன் கலியனொலிமாலை *

பண்டமாய்ப்பாடும் அடியவர்க்கு எஞ்ஞான்றும் *

அண்டம்போய்ஆட்சி அவர்க்கதறிந்தோமே. (2)

2067 கன்றுமேய்த்துஇனிதுகந்தகாளாய்! என்றும் *

கடிபொழில்சூழ்கணபுரத்துஎன்கனியே! என்றும் *

மன்றமரக்கூத்தாடிமகிழ்ந்தாய்! என்றும் *

வடதிருவேங்கடம்மேயமைந்தா! என்றும் *

வென்றசுரர்குலங்களைந்தவேந்தே! என்றும் *

விரிபொழில்சூழ்திருநறையூர்நின்றாய்! என்றும் *

துன்றுகுழல்கருநிறத்தென்துணையே! என்றும்

துணைமுலைமேல்துளிசோரச்சோர்கின்றாளே. (2)

2078 செங்காலமடநாராய்! இன்றேசென்று

திருக்கண்ணபுரம்புக்குஎன்செங்கண்மாலுக்கு *

எங்காதல்என்துணைவர்க்குரைத்தியாகில்

இதுவொப்பதுஎமக்கின்பமில்லை * நாளும்

பைங்கானமீதெல்லாம்உனதேயாகப்

பழனமீன்கவர்ந்துண்ணத்தருவன் * தந்தால்

இங்கேவந்தினிதிருந்துஉன்பெடையும்நீயும்

இருநிலத்தில்இனிதின்பமெய்தலாமே. (2)

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2759 பேதையேன்

கல்நவிலும்காட்டகத்து ஓர்வல்லிக்கடிமலரின் *

நல்நறுவாசம் மற்றாரானுமெய்தாமே *

மன்னும்வறுநிலத்து வாளாங்குகுத்ததுபோல் *

என்னுடையபெண்மையும் என்நலனும்என்முலையும் *

மன்னுமலர்மங்கைமைந்தன் * கணபுரத்துப்

2782 மன்னும்மறைநான்குமானானை * புல்லாணித்

தென்னன்தமிழை வடமொழியை *

நாங்கூரில் மன்னுமணிமாடக் கோயில்மணாளனை *

நல்நீர்த்தலைச்சங்கநாண்மதியை * - நான்வணங்கும்

கண்ணனைக் கண்ணபுரத்தானை * தென்னறையூர்

மன்னுமணிமாடக் கோயில்மணாளனை *

3772 மாலைநண்ணித் தொழுதெழுமினோவினைகெட *

காலைமாலை கமலமலரிட்டுநீர் *

வேலைமோதும்மதிள்சூழ் திருக்கண்ணபுரத்து *

ஆலின்மேலால்அமர்ந்தான் அடியிணைகளே. (2)

3773 கள்ளவிழும்மலரிட்டு நீரிறைஞ்சுமின் *

நள்ளிசேரும்வயல்சூழ் கிடங்கின்புடை *

வெள்ளீயேய்ந்தமதிள்சூழ் திருக்கண்ணபுரம்

உள்ளி * நாளும்தொழுதெழுமினோ தொண்டரே!

3774 தொண்டர்! நுந்தம்துயர்போகநீரேகமாய் *

விண்டுவாடாமலரிட்டு நீரிறைஞ்சுமின் *

வண்டுபாடும்பொழில்சூழ் திருக்கண்புரத்து

அண்டவா ணன் * அமரர்பெருமானையே.

3775 மானைநோக்கி மடப்பின்னைதன்கேள்வனை *

தேனைவாடாமலரிட்டு நீரிறைஞ்சுமின் *

வானையுந்தும்மதிள்சூழ் திருக்கண்ணபுரம் *

தான்நயந்தபெருமான்சரணாகுமே.

3776 சரணமாகும் தனதாளடைந்தார்க்கெல்லாம் *

மரணமானால்வைகுந்தம்கொடுக்கும்பிரான் *

அரணமைந்தமதிள்சூழ் திருக்கண்ணபுரத் *

தரணியாளன் * தனதன்பர்க்கன்பாகுமே. (2)

3777 அன்பனாகும் தனதாளடைந்தார்க்கெல்லாம் *

செம்பொனாகத்து அவுணனுடல்கீண்டவன் *

நன்பொனேய்ந்தமதிள்சூழ் திருக்கண்ணபுரத்

தன்பன் * நாளும்தனமெய்யர்க்குமெய்யனே.

3778 மெய்யனாகும் விரும்பித்தொழுவார்க்கெல்லாம் *

பொய்யனாகும் புறமேதொழுவார்க்கெலாம் *

செய்யில்வாளையுகளும் திருக்கண்ணபுரத்து

ஐயன் * ஆகத்தணைப்பார்கட்குஅணியனே.

3779 அணியனாகும் தனதாளடைந்தார்க்கெல்லாம் *

பிணியும்சாரா பிறவிகெடுத்தாளும் *

மணிபொனேய்ந்தமதிள்சூழ் திருக்கண்ணபுரம்

பணிமின் * நாளும்பரமேட்டிதன்பாதமே.

3780 பாதம்நாளும்பணியத் தணியும்பிணி *

ஏதம்சாரா எனக்கேலினியென்குறை? *

வேதநாவர்விரும்பும் திருக்கண்ணபுரத்து

ஆதியானை * அடைந்தார்க்கு அல்லலில்லையே.

3781 இல்லையல்லல் எனக்கேலினியென்குறை? *

அல்லிமாதரமரும் திருமார்பினன் *

கல்லிலேய்ந்தமதிள்சூழ் திருக்கண்ணபுரம்

சொல்ல * நாளும் துயர்பாடுசாராவே.

3782 பாடுசாராவினை பற்றறவேண்டுவீர்! *

மாடநீடு குருகூர்ச்சடகோபன் * சொல்

பாடலானதமிழ் ஆயிரத்துள்இப்பத்தும்

பாடியாடி * பணிமின் அவன்தாள்களே. (2)