1638 பெரும்புறக்கடலைஅடலேற்றினைப்

பெண்ணை ஆணை * எண்ணில்முனிவர்க்கருள்

தருந்தவத்தைமுத்தின்திரள்கோவையைப்

பத்தராவியைநித்திலத்தொத்தினை *

அரும்பினைஅலரைஅடியேன்மனத்தாசையை

அமுதம்பொதியின்சுவை *

கரும்பினைக்கனியைச்சென்றுநாடிக்

கண்ணமங்கையுள்கண்டுகொண்டேனே. (2)

1639 மெய்ந்நலத்தவத்தைத்திவத்தைத்தரும்

மெய்யைப்பொய்யினை கையில்ஓர்சங்குடை *

மைந்நிறக்கடலைக்கடல்வண்ணனை மாலை

ஆலிலைப்பள்ளிகொள்மாயனை *

நென்னலைப்பகலைஇற்றைநாளினை

நாளையாய்வரும்திங்களைஆண்டினை *

கன்னலைக்கரும்பினிடைத்தேறலைக்

கண்ணமங்கையுள்கண்டுகொண்டேனே.

1640 எங்களுக்குஅருள்செய்கின்றஈசனை

வாசவார்குழலாள்மலைமங்கைதன்

பங்கனை * பங்கில்வைத்துகந்தான்றன்னைப்

பான்மையைப்பனிமாமதியம்தவழ் *

மங்குலைச்சுடரைவடமாமலை

யுச்சியை நச்சிநாம்வணங்கப்படும்

கங்குலை * பகலைச்சென்றுநாடிக்

கண்ணமங்கையுள்கண்டுகொண்டேனே.

1641 பேய்முலைத்தலைநஞ்சுண்டபிள்ளையைத்

தெள்ளியார்வணங்கப்படுந்தேவனை *

மாயனைமதிட்கோவலிடைகழிமைந்தனை

அன்றி அந்தணர் சிந்தையுள்

ஈசனை * இலங்கும்சுடர்ச்சோதியை

எந்தையைஎனக்குஎய்ப்பினில்வைப்பினை *

காசினைமணியைச்சென்றுநாடிக்

கண்ணமங்கையுள்கண்டுகொண்டேனே.

1642 ஏற்றினை இமயத்துளெம்மீசனை

இம்மையைமறுமைக்குமருந்தினை *

ஆற்றலைஅண்டத்தப்புறத்துய்த்திடும்

ஐயனைக்கையிலாழியொன்றேந்திய

கூற்றினை * குருமாமணிக்குன்றினை

நின்றவூர்நின்றநித்திலத்தொத்தினை *

காற்றினைப்புனலைச்சென்றுநாடிக்

கண்ணமங்கையுள்கண்டுகொண்டேனே. (2)

1643 துப்பனைத்துரங்கம்படச்சீறியதோன்றலைச்

சுடர்வான்கலன்பெய்ததோர்

செப்பினை * திருமங்கைமணாளனைத்

தேவனைத்திகழும்பவளத்தொளி

யொப்பனை * உலகேழினைஊழியை

ஆழியேந்தியகையனை அந்தணர்

கற்பினை * கழுநீர்மலரும்வயல்

கண்ணமங்கையுள்கண்டுகொண்டேனே.

1644 திருத்தனைத்திசைநான்முகன்தந்தையைத்

தேவதேவனைமூவரில்முன்னிய

விருத்தனை * விளங்கும்சுடர்ச்சோதியை

விண்ணைமண்ணினைக் கண்ணுதல்கூடிய

அருத்தனை * அரியைப்பரிகீறிய அப்பனை

அப்பிலாரழலாய்நின்ற

கருத்தனை * களிவண்டறையும்பொழில்

கண்ணமங்கையுள்கண்டுகொண்டேனே.

1645 வெஞ்சினக்களிற்றைவிளங்காய்வீழக்

கன்றுவீசியஈசனை * பேய்மகள்

துஞ்சநஞ்சுசுவைத்துண்டதோன்றலைத்

தோன்றல்வாளரக்கன்கெடத்தோன்றிய

நஞ்சினை * அமுதத்தினைநாதனை

நச்சுவாருச்சிமேல்நிற்கும்நம்பியை *

கஞ்சனைத்துஞ்சவஞ்சித்தவஞ்சனைக் *

கண்ணமங்கையுள்கண்டுகொண்டேனே.

1646 பண்ணினைப்பண்ணில்நின்றதோர்பான்மையைப்

பாலுள்நெய்யினைமாலுருவாய்நின்ற

விண்ணினை * விளங்குஞ்சுடர்ச்சோதியை

வேள்வியைவிளக்கினொளிதன்னை *

மண்ணினைமலையைஅலைநீரினை

மாலைமாமதியைமறையோர்தங்கள்

கண்ணினை * கண்களாரளவும்நின்று

கண்ணமங்கையுள்கண்டுகொண்டேனே.

1647 கண்ணமங்கையுள்கண்டுகொண்டேனென்று

காதலால்கலிகன்றியுரைசெய்த *

வண்ணவொண்தமிழொன்பதோடொன்றிவை

வல்லராய்உரைப்பார் மதியம்தவழ் *

விண்ணில்விண்ணவராய்மகிழ்வெய்துவர்

மெய்ம்மைசொல்லில்வெண்சங்கமொன்றேந்திய

கண்ண! * நின்தனக்கும்குறிப்பாகில்

கற்கலாம் கவியின்பொருள்தானே. (2)

1848 ஒருநல்சுற்றம் எனக்குயிர் ஒண்பொருள் *

வருநல்தொல்கதி ஆகியமைந்தனை *

நெருநல்கண்டதுநீர்மலை, இன்றுபோய் *

கருநெல்சூழ் கண்ணமங்கையுள்காண்டுமே. (2)

2008 மண்ணாடும்விண்ணாடும்

வானவரும்தானவரும்மற்றுமெல்லாம் *

உண்ணாதபெருவெள்ளம்

உண்ணாமல்தான்விழுங்கிஉய்யக்கொண்ட *

கண்ணாளன்கண்ணமங்கைநகராளன்

கழல்சூடி * அவனைஉள்ளத்து

எண்ணாதமானிடத்தை

எண்ணாதபோதெல்லாம் இனியவாறே.

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2773 மாமலர்மேல் அன்னம்துயிலும் அணிநீர்வயலாலி *

என்னுடையவின்னமுதை எவ்வுள் பெருமலையை *

கன்னிமதிள்சூழ் கணமங்கைக்கற்பகத்தை *

மின்னையிருசுடரை வெள்ளறையுள்கல்லறைமேற்

பொன்னை * மரதகத்தைப் புட்குழியெம்போரேற்றை *

மன்னுமரங்கத்துஎம்மாமணியை * -

3909 முனியார்துயரங்கள்முந்திலும் * இன்பங்கள்மொய்த்திடினும்

கனியார்மனம் கண்ணமங்கைநின்றானை * கலைபரவும்

தனியானையைத்தண்தமிழ்செய்தநீலன்தனக்கு உலகில்

இனியானை * எங்களிராமானுசனைவந்தெய்தினரே.