2478 பொய்ந்நின்றஞானமும் பொல்லாவொழுக்குமழுக் குடம்பும் *

இந்நின்றநீர்மைஇனியாமுறாமை * உயிரளிப்பான்

எந்நின்றயோனியுமாய்ப்பிறந்தாய்! இமையோர்தலைவா!

மெய்நின்றுகேட்டருளாய் * அடியேன்செய்யும் விண்ணப்பமே. (2)

2479 செழுநீர்த்தடத்துக் கயல்மிளிர்ந்தாலொப்ப * சேயரிக்கண்

அழுநீர்துளும்ப அலமருகின்றன * வாழியரோ

முழுநீர்முகில்வண்ணன்கண்ணன் விண்ணாட்டவர்மூதுவராம்

தொழுநீரிணையடிக்கே * அன்புசூட்டியசூழ்குழற்கே.

2480 குழல்கோவலர் மடப்பாவையும் மண்மகளும் * திருவும்

நிழற்போல்வனர்கண்டு நிற்குங்கொல்? மீளுங்கொல்? * தண்ணந்துழாய்

அழல்போலடும்சக்கரத்தண்ணல் விண்ணோர்தொழக் கடவும்

தழற்போல்சினத்த * அப்புள்ளின்பின்போனதனி நெஞ்சமே.

2481 தனிநெஞ்சம் முன்னவர்புள்ளேகவர்ந்தது * தண்ணந் துழாய்க்கு

இனிநெஞ்சம் இங்குக்கவர்வது யாமிலம் * நீநடுவே

முனிவஞ்சப்பேய்ச்சி முலைசுவைத்தான்முடிசூடுதுழாய்ப்

பனிநஞ்சமாருதமே! * எம்மதாவிபனிப்பியல்வே?

2482 பனிப்பியல்வாக உடையதண்வாடை * இக்காலமிவ்வூர்ப்

பனிப்பியல்வெல்லாம் தவிர்ந்தெரிவீசும் * அந்தண்ணந் துழாய்ப்

பனிப்புயல்சோரும்தடங்கண்ணிமாமைத் திறத்துக்கொலாம்?

பனிப்புயல்வண்ணண் * செங்கோலொருநான்று தடாவியதே.

2483 தடாவியவம்பும் முரிந்தசிலைகளும்போகவிட்டு *

கடாயினகொண்டொல்கும் வல்லியீதேனும் * அசுரர் மங்கக்

கடாவியவேகப்பறவையின்பாகன்மதனசெங்கோல்

நடாவியகூற்றங்கண்டீர் * உயிர்காமின்கள் ஞாலத்துள்ளே.

2484 ஞாலம்பனிப்பச்செறித்து * நன்னீரிட்டுக்கால்சிதைந்து

நீலவல்லேறுபொராநின்றவானமிது * திருமால்

கோலஞ்சுமந்துபிரிந்தார்கொடுமைகுழறுதண்பூங்

காலங்கொலோ? அறியேன் * வினையாட்டியேன் காண்கின்றவே.

2485 காண்கின்றனகளும் கேட்கின்றனகளும்காணில் * இந்நாள்

பாண்குன்றநாடர்பயில்கின்றன * இதெல்லாமறிந்தோம்

மாண்குன்றமேந்திதண்மாமலைவேங்கடத்தும்பர்நம்பும்

சேண்குன்றஞ்சென்று * பொருள்படைப்பான்கற்ற திண்ணனவே.

2486 திண்பூஞ்சுடர்நுதி நேமியஞ்செல்வர் * விண்ணாடனைய

வண்பூமணிவல்லி யாரேபிரிபவர்தாம்? * இவையோ

கண்பூங்கமலம்கருஞ்சுடராடிவெண்முத்தரும்பி

வண்பூங்குவளை * மடமான்விழிக்கின்றமாயிதழே.

2487 மாயோன் வடதிருவேங்கடநாட * வல்லிக்கொடிகாள்!

நோயோவுரைக்கிலும் கேட்கின்றிலீர்உரையீர் * நுமது

வாயோ? அதுவன்றிவல்வினையேனும்கிளியுமெள்கும்

ஆயோ? அடும்தொண்டையோ? * அறையோ! இதறிவரிதே.

2488 அரியனயாமின்றுகாண்கின்றன * கண்ணன் விண்ணனையாய்!

பெரியனகாதம் பொருட்கோ? பிரிவென * ஞாலமெய்தற்

குரியெனவொண்முத்தும்பைம்பொன்னுமேந்திஓரோ குடங்கைப்

பெரியனகெண்டைக்குலம் * இவையோவந்து பேர்கின்றவே.

2489 பேர்கின்றது மணிமாமை * பிறங்கியள்ளற்பயலை

ஊர்கின்றது கங்குலூழிகளே * இதெல்லாமினவே

ஈர்கின்றசக்கரத்தெம்பெருமான் கண்ணன்தண்ணந்துழாய்

சார்கின்றநன்னெஞ்சினார் * தந்துபோனதனிவளமே.

2490 தனிவளர்செங்கோல்நடாவு * தழல்வாயரசவியப்

பனிவளர்செங்கோலிருள்வீற்றிருந்தது * பார்முழுதும்

துனிவளர்காதல்துழாயைத்துழாவுதண்வாடைதடிந்து

இனிவளைகாப்பவரார்? * எனையூழிகளீர்வனவே.

2491 ஈர்வனவேலுமஞ்சேலும் * உயிர்மேல்மிளிர்ந்திவையோ

பேர்வனவோவல்ல தெய்வநல்வேள்கணை * பேரொளியே

சோர்வனநீலச்சுடர்விடும்மேனியம்மான் விசும்பூர்

தேர்வன * தெய்வமன்னீரகண்ணோ? இச்செழுங்கயலே.

2492 கயலோ? நுமகண்கள்என்று களிறுவினவிநிற்றீர் *

அயலோரறியிலும் ஈதென்னவார்த்தை? * கடல்கவர்ந்த

புயலோடுலாம்கொண்டல்வண்ணன்புனவேங்கடத் தெம்மொடும்

பயலோவிலீர் * கொல்லைக்காக்கின்றநாளும்பலபலவே.

2493 பலபலவூழிகளாயிடும் * அன்றியோர்நாழிகையைப்

பலபலகூறிட்டகூறாயிடும் * கண்ணன்விண்ணனையாய்!

பலபலநாளன்பர்கூடிலும்நீங்கிலும்யாம்மெலிதும்

பலபலசூழலுடைத்து * அம்ம! வாழிஇப்பாயிருளே.

2494 இருள்விரிந்தாலன்ன * மாநீர்த்திரைகொண்டுவாழியரோ

இருள்பிரிந்தாரன்பர் தேர்வழிதூரல் * அரவணைமேல்

இருள்விரிநீலக்கருநாயிறுசுடர்கால்வதுபோல்

இருள்விரிசோதிப் * பெருமானுறையுமெறிகடலே!

2495 கடல்கொண்டெழுந்ததுவானம் * அவ்வானத்தையன்றிச் சென்று

கடல்கொண்டொழிந்தவதனாலிது * கண்ணன்மண்ணும் விண்ணும்

கடல்கொண்டெழுந்தவக்காலங்கொலோ? புயற்காலங்கொலோ?

கடல்கொண்டகண்ணீர் * அருவிசெய்யாநிற்கும் காரிகையே.

2496 காரிகையார் நிறைகாப்பவர்யாரென்று * கார்கொண்டின்னே

மாரிகையேறி அறையிடும்காலத்தும் * வாழியரோ

சாரிகைப்புள்ளர் அந்தண்ணந்துழாயிறைகூயருளார்

சேரிகையேரும் * பழியாய்விளைந்தது என்சின்மொழிக்கே.

2497 சின்மொழிநோயோ கழிபெருந்தெய்வம் * இந்நோயினதென்று

இன்மொழிகேட்கும் இளந்தெய்வமன்றிது * வேல! நில்நீ

என்மொழிகேண்மின்என்னம்மனைமீர்! உலகேழுமுண்டான்

சொல்மொழி * மாலயந்தண்ணந்துழாய் கொண்டு சூட்டுமினே.

2498 சூட்டுநன்மாலைகள் தூயனவேந்தி * விண்ணோர்கள்நன்னீர்

ஆட்டி அந்தூபம்தராநிற்கவேயங்கு * ஓர்மாயையினால்

ஈட்டியவெண்ணைதொடுவுண்ணப் போந்திமிலேற்று வன்கூன்

கோட்டிடையாடினைகூத்து * அடலாயர்தம்கொம்பினுக்கே.

2499 கொம்பார்தழைகை சிறுநாணெறிவிலம் * வேட்டை கொண்டாட்டு

அம்பார்களிறு வினவுவதுஐயர் * புள்ளூரும்கள்வர்

தம்பாரகத்தென்றுமாடாதன தம்மிற்கூடாதன

வம்பார்வினாச்சொல்லவோ * எம்மைவைத்ததுஇவ்வான்புனத்தே.

2500 புனமோ? புனத்தயலே வழிபோகுமருவினையேன் *

மனமோ? மகளிர்! நுங்காவல்சொல்லீர் * புண்டரீகத்தங்கேழ்

வனமோரனையகண்ணான் கண்ணன்வானாடமரும் தெய்வத்

தினமோரனையீர்களாய் * இவையோநும்மியல்புகளே?

2501 இயல்வாயின வஞ்சநோய்கொண்டுலாவும் * ஓரோ குடங்கைக்

கயல்பாய்வன பெருநீர்க்கண்கள்தம்மொடும் * குன்றமொன்றால்

புயல்வாயின நிரைகாத்தபுள்ளூர்திகள்ளூரும்துழாய்க்

கொயல்வாய்மலர்மேல் * மனத்தொடுஎன்னாங்கொல் எங்கோல்வளைக்கே?

2502 எங்கோல்வளைமுதலா கண்ணன்மண்ணும்விண்ணும்அளிக்கும்

செங்கோல்வளைவுவிளைவிக்கும்மால் * திறல்சேரமர்

தங்கோனுடையதங்கோனும்பரெல்லாயவர்க்கும்தங்கோன்

நங்கோனுகக்கும்துழாய் * என்செய்யாது இனி நானிலத்தே?

2503 ## நானிலம்வாய்க்கொண்டு நன்னீரறமென்றுகோது கொண்ட *

வேனிலஞ்செல்வன்சுவைத்துமிழ்பாலை * கடந்தபொன்னே!

கால்நிலந்தோய்ந்துவிண்ணோர்தொழும்கண்ணன் வெஃகாவுது அம்பூந்

தேனிளஞ்சோலையப்பாலது * எப்பாலைக்கும்சேமத்ததே.

2504 சேமம்செங்கோனருளே * செறுவாரும்நட்பாகுவரென்று

ஏமம்பெறவையஞ்சொல்லும்மெய்யே * பண்டெல்லாம் அறைகூய்

யாமங்கள்தோறெரிவீசும்நங்கண்ணனந்தண்ணந் துழாய்த்

தாமம்புனைய * அவ்வாடைஈதோவந்துதண்ணென்றதே.

2505 தண்ணந்துழாய் வளைகொள்வதுயாமிழப்போம் * நடுவே

வண்ணம்துழாவி ஓர்வாடையுலாவும் * வள்வாயலகால்

புள்நந்துழாமேபொருநீர்த்திருவரங்கா! அருளாய்

எண்ணந்துழாவுமிடத்து * உளவோபண்டு மின்னன்னவே?

2506 இன்னன்னதூதெம்மை ஆளற்றப்பட்டிரந்தாளிவளென்று *

அன்னன்னசொல்லாப் பெடையொடும் போய்வரும் * நீலமுண்ட

மின்னன்னமேனிப்பெருமானுலகில் பெண்தூதுசெல்லா

அன்னன்ன நீர்மைகொலோ? * குடிச்சீர்மையி லன்னங்களே!

2507 அன்னஞ்செல்வீரும் வண்டானஞ்செல்வீரும் தொழுதிரந்தேன் *

முன்னஞ்செல்வீர்கள் மறவேன்மினோ * கண்ணன் வைகுந்தனோடு

என்னெஞ்சினாரைக்கண்டால்என்னைச்சொல்லி அவரிடைநீர்

இன்னஞ்செல்லீரோ? * இதுவோதகவென்றிசை மின்களே!

2508 இசைமின்கள் தூதென்று இசைத்தாலிசையிலம் * என் தலைமேல்

அசைமின்களென்றால் அசையிங்கொலாம்? * அம் பொன்மாமணிகள்

திசைமின்மிளிரும்திருவேங்கடத்துவன்தாள் சிமய

மிசை * மின்மிளிரியபோவான்வழிக்கொண்ட மேகங்களே.

2509 மேகங்களோ! உரையீர் * திருமால்திருமேனியொக்கும்

யோகங்கள் உங்களுக்கெவ்வாறுபெற்றீர்? * உயிரளிப்பான்

மாகங்களெல்லாந்திரிந்துநன்னீர்கள்சுமந்து நுந்தம்

ஆகங்கள்நோவ * வருந்தும்தவமாமருள்பெற்றதே.

2510 அருளார்திருச்சக்கரத்தால் அகல்விசும்பும்நிலனும் *

இருளார்வினைகெடச் செங்கோல்நடாவுதிர் * ஈங்கோர் பெண்பால்

பொருளோவெனுமிகழ்வோ? இவற்றின் புறத்தாளென்றெண்ணோ

தெருளோம்அரவணையீர்! * இவள்மாமைசிதைக்கின்றதே.

2511 சிதைக்கின்றதாழி என்று ஆழியைச்சீறி * தன் சீறடியால்

உதைக்கின்றநாயகந்தன்னொடுமாலே! * உனதுதண்தார்

ததைக்கின்றதண்ணந்துழாயணிவானதுவேமனமாய்ப்

பதைக்கின்றமாதின்திறத்து * அறியேஞ்செயற் பாலதுவே.

2512 பால்வாய்ப்பிறைப்பிள்ளை ஒக்கலைக்கொண்டு * பகலிழந்த

மேல்பால்திசைப்பெண் புலம்புறுமாலை * உலகளந்த

மால்பால்துழாய்க்குமனமுடையார்க்குநல்கிற்றை யெல்லாம்

சோல்வான்புகுந்து * இதுவோர்பனிவாடை துழாகின்றதே.

2513 துழாநெடுஞ்சூழிருளென்று * தன்தண்தாரது, பெயரா

எழாநெடுவூழியெழுந்தவிக்காலத்தும் * ஈங்கிவளோ!

வழாநெடுந்துன்பத்தளென்றிரங்காரம்மனோ! இலங்கைக்

குழாநெடுமாடம் * இடித்தபிரானார்கொடுமைகளே!

2514 கொடுங்காற்சிலையர் நிரைகோளுழவர் * கொலையில் வெய்ய

கடுங்காலிளைஞர் துடிபடுங்கவ்வைத்து * அருவினையேன்

நெடுங்காலமும்கண்ணன்நீள்மலர்ப்பாதம்பரவிப்பெற்ற

தொடுங்காலொசியுமிடை * இளமான்சென்றசூழ் கடமே.

2515 கடமாயினகள்கழித்து * தன்கால்வன்மையால் பலநாள்

தடமாயினபுக்கு நீர்நிலைநின்றதவமிதுகொல்? *

குடமாடியிம்மண்ணும்விண்ணுங்குலுங்கவுலகளந்து

நடமாடியபெருமான் * உருவொத்தனநீலங்களே.

2516 நீலத்தடவரைமேல் புண்டரீகநெடுந்தடங்கள்

போல * பொலிந்தெமக்கெல்லாவிடத்தவும் * பொங்கு முந்நீர்

ஞாலப்பிரான்விசும்புக்கும்பிரான்மற்றும்நல்லோர்பிரான்

கோலங்கரியபிரான் * எம்பிரான் கண்ணின் கோலங்களே.

2517 கோலப்பகல்களிறொன்றுகற்புய்ய * குழாம்விரிந்த

நீலக்கங்குற்களிறெல்லாம் நிறைந்தன * நேரிழையீர்!

ஞாலப்பொன்மாதின்மணாளன்துழாய்நங்கள்சூழ்குழற்கே

ஏலப்புனைந்துஎன்னைமார் * எம்மைநோக்குவதென்று கொலோ?

2518 என்றும்புன்வாடையிதுகண்டறிதும் * இவ்வாறுவெம்மை

ஒன்றுமுருவும்சுவடும்தெரியிலம் * ஓங்கசுரர்

பொன்றும்வகைபுள்ளையூர்வானருளருளாதவிந்நாள்

மன்றில்நிறைபழிதூற்றி * நின்றென்னைவன்காற்றடுமே.

2519 வன்காற்றறைய ஒருங்கேமறிந்துகிடந்தலர்ந்த *

மென்காற்கமலத்தடம்போற்பொலிந்தன * மண்ணும் விண்ணும்

என்காற்களவின்மைகாண்மினென்பானொத்துவான் நிமிர்ந்த

தன்கால்பணிந்தவென்பால் * எம்பிரானதடங்கண்களே.

2520 கண்ணும்செந்தாமரை கையும்அவைஅடியோஅவையே *

வண்ணம்கரியதோர்மால்வரைபோன்று * மதிவிகற்பால்

விண்ணுங்கடந்து உம்பரப்பால்மிக்குமற்றெப்பால் யவர்க்கும்

எண்ணுமிடத்ததுவோ? * எம்பிரானதெழில்நிறமே.

2521 நியமுயர்கோலமும் பேருமுருவுமிவையிவையென்று *

அறமுயல்ஞானச்சமயிகள்பேசிலும் * அங்கங்கெல்லாம்

உறவுயர்ஞானச்சுடர்விளக்காய்நின்றதன்றி ஒன்றும்

பெறமுயன்றாரில்லையால் * எம்பிரானபெருமையையே.

2522 பெருங்கேழலார் தம்பெருங்கண்மலர்ப்புண்டரீகம் * நம்மேல்

ஒருங்கேபிறழவைத்தார் இவ்வகாலம் * ஒருவர்நம்போல்

வரும்கேழ்பவருளரே? தொல்லைவாழியம்சூழ்பிறப்பு

மருங்கேவரப்பெறுமே? * சொல்லுவாழிமடநெஞ்சமே!

2523 மடநெஞ்சமென்றும் தமதென்றும் * ஓர்கருமங்கருதி *

விடநெஞ்சையுற்றார் விடவோஅமையும் * அப்பொன்பெயரோன்

தடநெஞ்சங்கீண்டபிரானார்தமதடிக்கீழ்விடப்போய்த்

திடநெஞ்சமாய் * எம்மைநீத்தின்றுதாறும்திரிகின்றதே.

2524 திரிகின்றதுவடமாருதம் * திங்கள்வெந்தீமுகந்து

சொரிகின்றது அதுவும்அது * கண்ணன்விண்ணூர் தொழவே

சரிகின்றதுசங்கம்தண்ணந்துழாய்க்குவண்ணம்பயலை

விரிகின்றது முழுமெய்யும் * என்னாம்கொல்என் மெல்லியற்கே?

2525 மெல்லியலாக்கைக்கிருமி * குருவில்மிளிர்தந்தாங்கே

செல்லியசெல்கைத்து உலகையென்காணும் * என்னாலும் தன்னைச்

சொல்லியசூழல்திருமாலவன்கவியாதுகற்றேன்?

பல்லியின்சொல்லும் * சொல்லாகொள்வதோவுண்டு பண்டுபண்டே.

2526 பண்டும்பலபல வீங்கிருள்காண்டும் * இப்பாயிருள்போல்

கண்டுமறிவதும் கேட்பதும்யாமிலம் * காளவண்ண

வண்டுண்துழாய்ப்பெருமான்மதுசூதனன்தாமோதரன்

உண்டுமுமிழ்ந்துங்கடாய * மண்ணேரன்ன வொண்ணுதலே!

2527 ஒண்ணுதல் மாமையொளிபயவாமை * விரைந்துநந்தேர்

நண்ணுதல்வேண்டும் வலவ! கடாகின்று * தேன்நவின்ற

விண்முதல்நாயகன்நீள்முடிவெண்முத்தவாசிகைத்தாய்

மண்முதல்சேர்வுற்று * அருவிசெய்யாநிற்கும்மாமலைக்கே.

2528 மலைகொண்டுமத்தாவரவால்சுழற்றிய மாயப்பிரான் *

அலைகண்டுகொண்டவமுதம்கொள்ளாதுகடல் * பரதர்

விலைகொண்டுதந்தசங்கம்இவைவேரித்துழாய்துணையாத்

துலைகொண்டுதாயம்கிளர்ந்து * கொள்வானொத்தழைக்கின்றதே.

2529 அழைக்கும்கருங்கடல் வெண்திரைக்கைகொண்டுபோய் * அலர்வாய்

மழைக்கண்மடந்தை அரவணையேற * மண்மாதர் விண்வாய்

அழைத்துப்புலம்பிமுலைமலைமேல்நின்றும்ஆறுகளாய்

மழைக்கண்ணநீர் * திருமால்கொடியானென்று வார்கின்றதே!

2530 வாராயினமுலையாளிவள் வானோர்தலைமகனாம் *

சீராயினதெய்வநன்னோயிது * தெய்வத்தண்ணந்துழாய்த்

தாராயினும்தழையாயினும்தண்கொம்பதாயினும் கீழ்

வேராயினும் * நின்றமண்ணாயினும்கொண்டுவீசுமினே.

2531 வீசும்சிறகால்பறத்திர் * விண்ணாடுநுங்கட்கெளிது

பேசும்படியன்னபேசியும்போவது * நெய்தொடுவுண்டு

ஏசும்படியன்னசெய்யும்எம்மீசர்விண்ணோர்பிரானார்

மாசில்மலரடிக்கீழ் * எம்மைச்சேர்விக்கும்வண்டுகளே!

2532 வண்டுகளோ! வம்மின் * நீர்ப்பூநிலப்பூமரத்திலொண்பூ

உண்டுகளித்துழல்வீர்க்கு ஒன்றுரைக்கியம் * ஏனமொன்றாய்

மண்துகளாடிவைகுந்தமன்னாள்குழல்வாய்விரைபோல்

விண்டுகள்வாரும் * மலருளவோநும்வியலிடத்தே?

2533 வியலிடமுண்டபிரானார் விடுத்ததிருவருளால் *

உயலிடம்பெற்றுய்ந்தம் அஞ்சலம்தோழி! * ஓர்தண் தென்றல்வந்து

அயலிடையாருமறிந்திலர் அம்பூந்துழாயினின்தேன்

புயலுடைநீர்மையினால் * தடவிற்றுஎன் புலன்கலனே.

2534 புலக்குண்டலப் புண்டரீகத்தபோர்க்கெண்டை * வல்லியொன்றால்

விலக்குண்டுலாகின்று வேல்விழிக்கின்றன * கண்ணன் கையால்

மலக்குண்டமுதஞ்சுரந்தமறிகடல்போன்றவற்றால்

கலக்குண்டநான்றுகண்டார் * எம்மையாரும்கழறலரே.

2535 கழல்தலமொன்றே நிலமுழுதாயிற்று * ஒருகழல்போய்

நிழல்தர எல்லாவிசும்பும்நிறைந்தது * நீண்டவண்டத்து

உழறலர்ஞானச்சுடர் விளக்காய்உயர்ந்தோரையில்லா

அழறலர்தாமரைக்கண்ணன் * என்னோவிங்களக்கின்றதே?

2536 அளப்பருந்தன்மைய ஊழியங்கங்குல் * அந்தண்ணந் துழாய்க்கு

உளப்பெருங்காதலின் நீளியவாயுள * ஓங்குமுந்நீர்

வளப்பெருநாடன் மதுசூதனனென்னும்வல்வினையேன்

தளப்பெருநீள்முறுவல் * செய்யவாயதடமுலையே.

2537 முலையோமுழுமுற்றும்போந்தில * மொய்பூங்குழல்குறிய

கலையோஅரையில்லை நாவோகுழறும் * கடல்மண்ணெல்லாம்

விலையோவெனமிளிருங்கண் இவள்பரமே? பெருமான்

மலையோ * திருவேங்கடமென்று கற்கின்ற வாசகமே. (2)

2538 வாசகஞ்செய்வதுநம்பரமே? * தொல்லைவானவர்தம்

நாயகன் நாயகரெல்லாம்தொழுமவன் * ஞாலமுற்றும்

வேயகமாயினும்சோராவகை இரண்டேயடியால்

தாயவன் * ஆய்க்குலமாய்வந்து தோன்றிற்று நம்மிறையே.

2539 இறையோ இரக்கினும் ஈங்கோர்பெண்பால் * எனவும்இரங்காது *

அறையோ! எனநின்றதிரும்கருங்கடல் * ஈங்கிவள்தன்

நிறையோவினியுன்திருவருளாலன்றிக் காப்பரிதால்

முறையோ? * அரவணைமேற்பள்ளிகொண்டமுகில் வண்ணனே.

2540 வண்ணஞ்சிவந்துள வானாடமரும்குளிர்விழிய *

தண்மென்கமலத்தடம்போல் பொலிந்தன * தாமிவையோ

கண்ணன் திருமால்திருமுகந்தன்னொடும்காதல் செய்தேற்கு

எண்ணம்புகுந்து * அடியேனொடுஇக்காலம்இருக்கின்றதே.

2541 இருக்கார்மொழியால் நெறியிழுக்காமை * உலகளந்த

திருத்தாளிணை நிலத்தேவர்வணங்குவர் * யாமுமவா

ஒருக்காவினையொடும்எம்மொடும் நொந்துகனியின்மையின்

கருக்காய்கடிப்பவர்போல் * திருநாமச்சொல்கற்றனமே.

2542 கற்றுப்பிணைமலர் கண்ணின் குலம்வென்று * ஓரோகருமம்

முற்றுப்பயின்று செவியொடுஉசாவி * உலகமெல்லாம்

முற்றும் விழுங்கியுமிழ்ந்தபிரானார் திருவடிக்கீழ்

உற்றுமுறாதும் * மிளிர்ந்தகண்ணாயெம்மை யுண்கின்றவே.

2543 உண்ணாதுறங்காது உணர்வுறுமெத்தனை யோகியர்க்கும் *

எண்ணாய்மிளிருமியல்வினவாம் * எரிநீர்வளிவான்

மண்ணாகியவெம்பெருமான் தனது வைகுந்தமன்னாள்

கண்ணாய் அருவினையேன் * உயிராயினகாவிகளே.

2544 காவியும்நீலமும் வேலும்கயலும்பலபலவென்று *

ஆவியின் தன்மையளவல்லபாரிப்பு * அசுரரைச்செற்ற

மாவியம்புள்வல்லமாதவன் கோவிந்தன் வேங்கடஞ்சேர்

தூவியம்பேடையன்னாள் * கண்களாயதுணைமலரே.

2545 மலர்ந்தேயொழிந்தில மாலையும்மாலைப் பொன்வாசிகையும் *

புலந்தோய்தழைப்பந்தர் தண்டுற நாற்றி * பொருகடல்சூழ்

நிலந்தாவியவெம்பெருமான்தனதுவைகுந்தமன்னாய்!

கலந்தார்வரவெதிர்கொண்டு * வன்கொன்றைகள் கார்த்தனவே.

2546 காரேற்றிருள் செகிலேற்றின் சுடருக்கு உளைந்து * வெல்வான்

போரேற்றெதிர்ந்தது புன்தலைமாலை * புவனியெல்லாம்

நீரேற்றளந்தநெடியபிரான் அருளாவிடுமே

வாரேற்றிளமுலையாய்! * வருந்தேல்உன்வளைத்திறமே.

2547 வளைவாய்த்திருச்சக்கரத்து எங்கள்வானவனார் முடிமேல் *

தளைவாய்நறுங்கண்ணித் தண்ணந்துழாய்க்கு வண்ணம்பயலை *

விளைவான்மிகவந்து நாள்திங்களாண்டூழிநிற்க எம்மை

உளைவான்புகுந்து * இதுவோர்கங்குலாயிரமூழிகளே.

2548 ஊழிகளாய் உலகேழுமுண்டானென்றிலம் * பழங்கண்டு

ஆழிகளாம்பழவண்ண மென்றேற்கு * அஃதேகொண்டு அன்னை

நாழிவளோவெனும் ஞாலமுண்டான்வண்ணஞ் சொல்லிற்றென்னும்

தோழிகளோ! உரையீர் * எம்மையம்மனைசூழ்கின்றவே.

2549 சூழ்கின்றகங்குல் சுருங்காவிருளின்கருந்திணிம்பை *

போழ்கின்ற திங்களம்பிள்ளையும்போழ்க * துழாய்மலர்க்கே

தாழ்கின்றநெஞ்சத்தொருதமியாட்டியேன் மாமைக்கின்று

வாழ்கின்றவாறு இதுவோ? * வந்துதோன்றிற்றுவாலியதே.

2550 வால்வெண்ணில வுலகாரச்சுரக்கும்வெண்திங்களென்னும் *

பால்விண்சுரவி சுரமுதிர்மாலை * பரிதிவட்டம்

போலுஞ்சுடரடலாழிப்பிரான் பொழிலேழளிக்கும்

சால்பின்தகைமைகொலாம்? * தமியாட்டி தளர்ந்ததுவே.

2551 தளர்ந்தும்முறிந்தும் வருதிரைப்பாயல் * திருநெடுங்கண்

வளர்ந்துமறிவுற்றும் வையம்விழுங்கியும் * மால்வரையைக்

கிளர்ந்துமறிதரக்கீண்டெடுத்தான் முடிசூடுதுழாய்

அளைந்துண் சிறுபசுந்தென்றல் * அந்தோ! வந்துலாகின்றதே.

2552 உலாகின்றகெண்டை யொளியம்பு * எம்மாவியையூடுருவக்

குலாகின்ற வெஞ்சிலைவாள் முகத்தீர்! * குனிசங்கிடறிப்

புலாகின்ற வேலைப்புணரியம்பள்ளியம்மான் அடியார்

நிலாகின்றவைகுந்தமோ? * வையமோ?நும்நிலையிடமே.

2553 இடம்போய்விரிந்து இவ்வுலகளந்தான் எழிலார்தண்துழாய் *

வடம்போதினையும்மடநெஞ்சமே! * நங்கள்வெள்வளைக்கே

விடம்போல்விரிதல்இது வியப்பே? வியன்தாமரையின்

தடம்போதொடுங்க * மெல்லாம்பலலர்விக்கும்வெண் திங்களே.

2554 திங்களம்பிள்ளைபுலம்ப தன்செங்கோலரசுபட்ட *

செங்களம்பற்றி நின்றெள்குபுன்மாலை * தென்பாலி லங்கை

வெங்களஞ்செய்த நம்விண்ணோர்பிரானார் துழாய் துணையா

நங்களைமாமைகொள்வான் * வந்துதோன்றி நலிகின்றதே.

2555 நலியும்நரகனை வீட்டிற்றும் * வாணன் திண்தோள்துணித்த

வலியும் பெருமையும்யான் சொல்லும் நீர்த்தல்ல * மைவரைபோல்

பொலியுமுருவிற்பிரானார்புனை பூந்துழாய் மலர்க்கே

மெலியும்மடநெஞ்சினார் * தந்துபோயினவேதனையே.

2556 வேதனை வெண்புரி நூலனை * விண்ணோர்பரவநின்ற

நாதனை ஞாலம்விழுங்குமநாதனை * ஞாலம்தத்தும்

பாதனைப்பாற்கடல் பாம்பணை மேற்பள்ளிகொண்டருளும்

சீதனையேதொழுவார் * விண்ணுளாரிலுஞ்சீரியரே.

2557 சீரரசாண்டு தன்செங்கோல் சிலநள் செலீஇக்கழிந்த *

பாரரசொத்துமறைந்தது நாயிறு * பாரளந்த

பேரரசே! எம்விசும்பரசே! எம்மைநீத்து வஞ்சித்த

ஓரரசே! அருளாய் * இருளாய்வந்துறுகின்றதே.

2558 உருகின்றகன்மங்கள் மேலான ஓர்ப்பிலராய் * இவளைப்

பெருகின்றதாயர் மெய்ந்நொந்து பெறார்கொல்? * துழாய்குழல்வாய்த்

துறுகின்றிலர் தொல்லை வேங்கடமாட்டவும் சூழ்கின்றிலர்

இருகின்றதாலிவளாகம் * மெல்லாவியெரிகொள்ளவே.

2559 எரிகொள்செந்நாயிறு இரண்டுடனேஉதயம்மலைவாய் *

விரிகின்றவண்ணத்த எம்பெருமான்கண்கள் * மீண்டவற்றுள்

எரிகொள்செந்தீவீழசுரரைப்போலஎம்போலியர்க்கும்

விரிவசொல்லீரிதுவோ? * வையமுற்றும்விளரியதே.

2560 விளரிக்குரலன்றில் மென்படைமேகின்றமுன்றிற்பெண்ணை *

முளரிக்குரம்பையிதுவிதுவாக * முகில்வண்ணன்பேர்

கிளரிக்கிளரிப்பிதற்றும்மெல்லாவியும்நைவுமெல்லாம்

தளரில்கொலோ? அறியேன் * உய்யலாவது இத்தையலுக்கே.

2561 தையல்நல்லார்கள் குழாங்கள்குழியகுழுவினுள்ளும் *

ஐயநல்லார்கள் குழியவிழவினும் * அங்கங்கெல்லாம்

கையபொன்னாழிவெண்சங்கொடும்காண்பானவாவுவன் நான்

மையவண்ணா! மணியே! * முத்தமே! என்தன் மாணிக்கமே.

2562 மாணிக்கங்கொண்டுகுரங்கெறிவொத்திருளோடுமுட்டி *

ஆணிப்பொன்னன்ன சுடுர்படுமாலை * உலகளந்த

மாணிக்கமே! என்மரகதமே! மற்றொப்பாரையில்லா

ஆணிப்பொன்னே! * அடியேனடி யாவியடைக்கலமே!

2563 அடைக்கலத்தோங்கு கமலத்தலரயன்சென்னியென்னும் *

முடைக்கலத்தூண்முன் அரனுக்குநீக்கியை * ஆழிசங்கம்

படைக்கலமேந்தியைவெண்ணெய்க்கன்றாய்ச்சி வன்தாம்புகளால்

புடைக்கலந்தானைஎம்மானை * என்சொல்லிப் புலம்புவனே?

2564 புலம்புங்கனகுரல் போழ்வாயவன்றிலும் * பூங்கழிபாய்ந்து

அலம்புங்கனகுரல் சூழ்திரையாழியும் * ஆங்கவைநின்

வலம்புள்ளதுநலம்பாடுமிதுகுற்றமாக வையம்

சிலம்பும்படிசெய்வதே? * திருமால்இத்திருவினையே.

2565 திருமாலுருவொக்கும்மேரு * அம்மேருவில்செஞ்சுடரோன்

திருமால்திருக்கைத்திருச்சக்கரமொக்கும் * அன்னகண்டும்

திருமாலுருவோடுஅவன்சின்னமேபிதற்றாநிற்பது ஓர்

திருமால்தலைக்கொண்டநங்கட்கு * எங்கேவரும் தீவினையே?

2566 தீவினைக்கருநஞ்சை நல்வினைக்கின்னமுதத்தினை *

பூவினைமேவியதேவிமணாளனை * புன்மையெள்காது

ஆவினைமேய்க்கும்வல்லாயனைஅன்றுலகீரடியால்

தாவினவேற்றையெம்மானை * எஞ்ஞான்றுதலைப் பெய்வனே?

2567 தலைப்பெய்துயான் உன்திருவடிசூடுந்தகைமையினால் *

நீலைபெய்தவாக்கைக்கு நோற்றவிம்மாயமும் * மாயம்செவ்வே

நிலைப்பெய்திலாதநிலைமையும் காண்தோறுஅசுரர்குழாம்

தொலைப்பெய்தநேமியெந்தாய்! * தொல்லையூழி சுருங்கலதே.

2568 சுருங்குறிவெண்ணெய் தொடுவுண்டகள்வனை * வையமுற்றும்

ஒருங்குரவுண்ட பெருவயிற்றாளனை * மாவலிமாட்டு

இருங்குறளாகிஇசையவோர்மூவடிவேண்டிச்சென்ற

பெருங்கிறியானையல்லால் * அடியேன்நெஞ்சம் பேணலதே.

2569 பேணலமில்லாவரக்கர் முந்நீரபெரும்பதிவாய் *

நீள்கர்நீளெரிவைத்தருளாயென்று * நின்னைவிண்ணோர்

தாணிலந்தோய்ந்துதொழுவர்நின்மூர்த்திபல் கூற்றிலொன்று

காணலுமாங்கொல்? என்றே * வைகல்மாலையும் காலையுமே.

2570 காலைவெய்யோற்கு முன்னோட்டுக்கொடுத்தகங்குற் குறும்பர் *

மாலைவெய்யோன்பட வையகம்பாவுவர் * அன்னகண்டும்

காலைநன்ஞானத்துறைபடிந்தாடிக்கண்போதுசெய்து

மாலைநன்னாவில்கொள்ளார் * நினையார் அவன்மைப்படியே.

2571 மைப்படிமேனியும் செந்தாமரைக்கண்ணும்வைதிகரே *

மெய்ப்படியால் உன்திருவடிசூடுந்தகைமையினார் *

எப்படியூராமிலைக்கக்குருட்டாமிலைக்குமென்னும்

அப்படியானும்சொன்னேன் * அடியேன்மற்று யாதென்பனே?

2572 ## யாதானும் ஓராக்கையிற்புக்கு * அங்காப்புண்டுமாப்பவிழ்ந்தும்

மூதாவியில்தடுமாறும்உயிர்முன்னமே * அதனால்

யாதானும்பற்றிநீங்கும்விரதத்தைநல்வீடுசெய்யும்

மாதாவினைப்பிதுவை * திருமாலைவணங்குவனே.

2573 வணங்கும்துறைகள் பலபலவாக்கி * மதிவிகற்பால்

பிணங்குஞ்சமயம் பலபலவாக்கி * அவையவைதோறு

அணங்கும்பலபலவாக்கிநின்மூர்த்திபரப்பிவைத்தாய்

இணங்குநின்னோரையில்லாய்! * நின்கண்வேட்கை யெழுவிப்பனே.

2574 எழுவதும்மீண்டே படுவதும்பட்டு * எனையூழிகள்போய்க்

கழிவதுங்கண்டுகண்டெள்கலல்லால் * இமையோர்கள் குழாம்

தொழுவதும்சூழ்வதும்செய்தொல்லைமாலைக்கண்ணாரக் கண்டு

கழிவதோர் காதலுற்றார்க்கும் * உண்டோகண்கள் துஞ்சுதலே?

2575 துஞ்சாமுனிவரும் அல்லாதவரும்தொடரநின்ற *

எஞ்சாப்பிறவியிடர்கடிவான் * இமையோர்தமக்கும்

தஞ்சார்விலாததனிப்பெருமூர்த்திதன்மாயம் செவ்வே

நெஞ்சால்நினைப்பரிதால் * வெண்ணெயூணென்னும் ஈனச்சொல்லே.

2576 ஈனச்சொல்லாயினுமாக * எறிதிரைவையம்முற்றும்

ஏனத்துருவாயிடந்தபிரான் * இருங்கற்பகஞ்சேர்

வானத்தவர்க்குமல்லாதவர்க்கும்மற்றெல்லாயவர்க்கும்

ஞானப்பிரானையல்லாலில்லை * நான்கண்டநல்லதுவே. (2)

2577 நல்லார்நவில்குருகூர்நகரான் * திருமால்திருப்பேர்

வல்லாரடிக்கண்ணிசூடிய * மாறன்விண்ணப்பஞ்செய்த

சொல்லார்தொடையலிந்நூறும்வல்லார்அழுந்தார் பிறப்பாம்

பொல்லாவருவினை * மாய வன்சேற்றள்ளல்பொய்ந் நிலத்தே. (2)