10 எந்நாள்எம்பெருமான் உன்தனக்கடியோமென்றெழுத்துப்பட்ட

அந்நாளே * அடியோங்களடிக்குடில் வீடுபெற்றுஉய்ந்ததுகாண் *

செந்நாள்தோற்றித் திருமதுரையுள்சிலைகுனித்து * ஐந்தலைய

பைந்நாகத்தலைபாய்ந்தவனே. உன்னைப்பல்லாண்டுகூறுதுமே.

16 உறியைமுற்றத்து உருட்டிநின்றாடுவார் *

நறுநெய்பால்தயிர் நன்றாகத்தூவுவார் *

செறிமென்கூந்தல் அவிழத்திளைத்து * எங்கும்

அறிவழிந்தனர் ஆய்ப்பாடியாயரே.

264 அட்டுக்குவிசோற்றுப்பருப்பதமும்

தயிர்வாவியும்நெய்யளறுமடங்கப்

பொட்டத்துற்றி மாரிப்பகைபுணர்த்த

பொருமாகடல்வண்ணன்பொறுத்தமலை *

வட்டத்தடங்கண்மடமான்கன்றினை

வலைவாய்ப்பற்றிக்கொண்டு * குறமகளிர்

கொட்டைத்தலைப்பால்கொடுத்துவளர்க்கும்

கோவர்த்தனமென்னும்கொற்றக்குடையே. (2)

265 வழுவொன்றுமில்லாச்செய்கை வானவர்கோன்

வலிப்பட்டுமுனிந்துவிடுக்கப்பட்ட *

மழைவந்துஎழுநாள்பெய்துமாத்தடுப்ப

மதுசூதன்எடுத்துமறித்தமலை *

இழவுதரியாததோரீற்றுப்பிடி

இளஞ்சீயம்தொடர்ந்துமுடுகுதலும் *

குழவியிடைக்காலிட்டெதிர்ந்துபொரும்

கோவர்த்தனமென்னும்கொற்றக்குடையே.

266 அம்மைத்தடங்கண்மடவாய்ச்சியரும்

ஆனாயரும்ஆநிரையும்அலறி *

எம்மைச்சரணென்றுகொள்ளென்றிரப்ப

இலங்காழிக்கையெந்தைஎடுத்தமலை *

தம்மைச்சரணென்றதம்பாவையரைப்

புனமேய்கின்றமானினம்காண்மினென்று *

கொம்மைப்புயக்குன்றர்சிலைகுனிக்கும்

கோவர்த்தனமென்னும்கொற்றக்குடையே.

267 கடுவாய்ச்சினவெங்கண்களிற்றினுக்குக்

கவளமெடுத்துக்கொடுப்பானவன்போல் *

அடிவாயுறக்கையிட்டுஎழப்பறித்திட்டு

அமரர்பெருமான்கொண்டுநின்றமலை *

கடல்வாய்ச்சென்றுமேகம்கவிழ்ந்திறங்கிக்

கதுவாய்ப்படநீர்முகந்தேறி * எங்கும்

குடவாய்ப்படநின்றுமழைபொழியும்

கோவர்த்தனமென்னும்கொற்றக்குடையே.

268 வானத்திலுள்ளீர் வலியீர்உள்ளீரேல்

அறையோ வந்துவாங்குமினென்பவன்போல் *

ஏனத்துருவாகியஈசன்எந்தை

இடவனெழவாங்கியெடுத்தமலை *

கானக்களியானைதன்கொம்பிழந்து

கதுவாய்மதம்சோரத்தன்கையெடுத்து *

கூனல்பிறைவேண்டிஅண்ணாந்துநிற்கும்

கோவர்த்தனமென்னும்கொற்றக்குடையே.

269 செப்பாடுடையதிருமாலவன் தன்

செந்தாமரைக்கைவிரலைந்தினையும் *

கப்பாகமடுத்துமணிநெடுந்தோள்

காம்பாகக்கொடுத்துக்கவித்தமலை *

எப்பாடும்பரந்திழிதெள்ளருவி

இலங்குமணிமுத்துவடம்பிறழ *

குப்பாயமெனநின்றுகாட்சிதரும்

கோவர்த்தனமென்னும்கொற்றக்குடையே.

270 படங்கள்பலவுமுடைப்பாம்பரையன்

படர்பூமியைத்தாங்கிக்கிடப்பவன்போல் *

தடங்கைவிரலைந்தும்மலரவைத்துத்

தாமோதரன்தாங்குதடவரைதான் *

அடங்கச்சென்றுஇலங்கையையீடழித்த

அனுமன்புகழ்பாடித்தம்குட்டன்களை *

குடங்கைக்கொண்டுமந்திகள்கண்வளர்த்தும்

கோவர்த்தனமென்னும்கொற்றக்குடையே.

271 சலமாமுகில்பல்கணப்போர்க்களத்துச்

சரமாரிபொழிந்துஎங்கும்பூசலிட்டு *

நலிவானுறக்கேடகம்கோப்பவன்போல்

நாராயணன்முன்முகம்காத்தமலை *

இலைவேய்குரம்பைத்தவமாமுனிவர்

இருந்தார்நடுவேசென்றுஅணார்சொறிய *

கொலைவாய்ச்சினவேங்கைகள்நின்றுறங்கும்

கோவர்த்தனமென்னும்கொற்றக்குடையே.

272 வன்பேய்முலையுண்டதோர்வாயுடையன்

வன்தூணெனநின்றதோர்வன்பரத்தை *

தன்பேரிட்டுக்கொண்டுதரணிதன்னில்

தாமோதரன்தாங்குதடவரைதான் *

முன்பேவழிகாட்டமுசுக்கணங்கள்

முதுகில்பெய்துதம்முடைக்குட்டன்களை *

கொம்பேற்றியிருந்துகுதிபயிற்றும்

கோவர்த்தனமென்னும்கொற்றக்குடையே.

273 கொடியேறுசெந்தாமரைக்கைவிரல்கள்

கோலமும்அழிந்திலவாடிற்றில *

வடிவேறுதிருவுகிர்நொந்துமில

மணிவண்ணன்மலையுமோர்சம்பிரதம் *

முடியேறியமாமுகிற்பல்கணங்கள்

முன்னெற்றிநரைத்தனபோல * எங்கும்

குடியேறியிருந்துமழைபொழியும்

கோவர்த்தனமென்னும்கொற்றக்குடையே.

274 அரவில்பள்ளிகொண்டுஅரவம்துரந்திட்டு

அரவப்பகையூர்தியவனுடைய *

குரவிற்கொடிமுல்லைகள்நின்றுறங்கும்

கோவர்த்தனமென்னும்கொற்றக்குடைமேல் *

திருவிற்பொலிமறைவாணர்புத்தூர்

திகழ்பட்டர்பிரான்சொன்னமாலைபத்தும் *

பரவுமனநன்குடைப்பத்தருள்ளார்

பரமானவைகுந்தம்நண்ணுவரே. (2)

277 வானிளவரசுவைகுந்தக்குட்டன்

வாசுதேவன்மதுரைமன்னன் * நந்த

கோனிளவரசுகோவலர்குட்டன்

கோவிந்தன்குழல்கொடுஊதினபோது *

வானிளம்படியர்வந்துவந்தீண்டி

மனமுருகிமலர்க்கண்கள்பனிப்ப *

தேனளவுசெறிகூந்தலவிழச்

சென்னிவேர்ப்பச்செவிசேர்த்துநின்றனரே.

297 நல்லதோர்தாமரைப்பொய்கை நாண்மலர்மேல்பனிசோர *

அல்லியும்தாதும்உதிர்ந்திட்டு அழகழிந்தாலொத்ததாலோ *

இல்லம்வெறியோடிற்றாலோ என்மகளைஎங்கும்காணேன் *

மல்லரையட்டவன்பின்போய் மதுரைப்புறம்புக்காள்கொலோ? (2)

341 ஆனாயர்கூடி அமைத்தவிழவை * அமரர்தம்

கோனார்க்கொழியக் கோவர்த்தனத்துச்செய்தான்மலை *

வானாட்டில்நின்று மாமலர்க்கற்பகத்தொத்திழி *

தேனாறுபாயும் தென்திருமாலிருஞ்சோலையே.

399 வடதிசைமதுரைசாளக்கிராமம்

வைகுந்தம்துவரைஅயோத்தி *

இடமுடைவதரியிடவகையுடைய

எம்புருடோ த்தமனிருக்கை *

தடவரையதிரத்தரணிவிண்டிடியத்

தலைப்பற்றிக்கரைமரஞ்சாடி *

கடலினைக்கலங்கக்கடுத்திழிகங்கைக்

கண்டமென்னும்கடிநகரே. (2)

430 நான்ஏதும்உன்மாயமொன்றறியேன்

நமன்தமர்பற்றிநலிந்திட்டு * இந்த

ஊனேபுகேயென்றுமோதும்போது

அங்கேதும் நான்உன்னைநினைக்கமாட்டேன் *

வானேய்வானவர்தங்களீசா!

மதுரைப்பிறந்தமாமாயனே! * என்

ஆனாய்! நீஎன்னைக்காக்கவேண்டும்

அரங்கத்தரவணைப்பள்ளியானே.

538 மாடமாளிகை சூழ்மதுரைப்பதி

நாடி * நந்தெருவின் நடுவேவந்திட்டு *

ஓடைமாமதயானை யுதைத்தவன் *

கூடுமாகில் நீ கூடிடுகூடலே.

539 அற்றவன் மருதம்முறியநடை

கற்றவன் * கஞ்சனை வஞ்சனையிற்

செற்றவன் * திகழும் மதுரைப்பதி *

கொற்றவன்வரில் கூடிடுகூடலே.

560 கதிரொளிதீபம் கலசமுடனேந்தி *

சதிரிளமங்கையர்தாம் வந்தெதிர்கொள்ள *

மதுரையார்மன்ன னடிநிலைதொட்டு * எங்கும்

அதிரப்புகுதக் கனாக்கண்டேன் தோழீ! நான்.

569 தடவரையின்மீதே சரற்காலசந்திரன் *

இடையுவாவில்வந்து எழுந்தாலேபோல * நீயும்

வடமதுரையார்மன்னன் வாசுதேவன்கையில் *

குடியேறிவீற்றிருந்தாய் கோலப்பெருஞ்சங்கே!

617 மற்றிருந்தீர்கட்கறியலாகா

மாதவனென்பதோரன்புதன்னை *

உற்றிருந்தேனுக்குரைப்பதெல்லாம்

ஊமையரோடுசெவிடர்வார்த்தை *

பெற்றிருந்தாளையொழியவேபோய்ப்

பேர்த்தொருதாயில்வளர்ந்தநம்பி *

மற்பொருந்தாமற்களமடைந்த

மதுரைப்புறத்தென்னையுய்த்திடுமின். (2)

624 கற்றினம்மேய்க்கிலும்மேய்க்கப்பெற்றான்

காடுவாழ்சாதியுமாகப்பெற்றான் *

பற்றியுரலிடையாப்புமுண்டான்

பாவிகாள்! உங்களுக்கேச்சுக்கொலோ? *

கற்றனபேசிவசையுணாதே

காலிகளுய்யமழைதடுத்து *

கொற்றக்குடையாகவேந்திநின்ற

கோவர்த்தனத்தென்னையுய்த்திடுமின்.

626 மன்னுமதுரைதொடக்கமாக

வண்துவராபதிதன்னளவும் *

தன்னைத்தமருய்த்துப்பெய்யவேண்டித்

தாழ்குழலாள்துணிந்ததுணிவை *

பொன்னியல்மாடம்பொலிந்துதோன்றும்

புதுவையர்கோன்விட்டுசித்தன்கோதை *

இன்னிசையால்சொன்னசெஞ்சொல்மாலை

ஏத்தவல்லார்க்கிடம் வைகுந்தமே. (2)

634 உள்ளேயுருகிநைவேனை உளளோஇலளோவென்னாத *

கொள்ளைகொள்ளிக்குறும்பனைக் கோவர்த்தனனைக்கண்டக்கால் *

கொள்ளும்பயனொன்றில்லாத கொங்கைதன்னைக்கிழங்கோடும் *

அள்ளிப்பறித்திட்டவன்மார்விலெறிந்து என்னழலைத்தீர்வேனே.

637 பட்டிமேய்ந்தோர்காரேறு பலதேவற்கோர்கீழ்க்கன்றாய் *

இட்டீறிட்டுவிளையாடி இங்கேபோதக்கண்டீரே? *

இட்டமானபசுக்களை இனிதுமறித்துநீரூட்டி *

விட்டுக்கொண்டுவிளையாட விருந்தாவனத்தேகண்டோமே. (2)

638 அனுங்கவென்னைப்பிரிவுசெய்து ஆயர்பாடிகவர்ந்துண்ணும் *

குணுங்குநாறிக்குட்டேற்றைக் கோவர்த்தனனைக்கண்டீரே? *

கணங்களோடுமின்மேகம் கலந்தாற்போல * வனமாலை

மினுங்கநின்றுவிளையாட விருந்தாவனத்தேகண்டோமே.

639 மாலாய்ப்பிறந்தநம்பியை மாலேசெய்யும்மணாளனை *

ஏலாப்பொய்களுரைப்பானை இங்கேபோதக்கண்டீரே? *

மேலால்பரந்தவெயில்காப்பான் வினதைசிறுவன்சிறகென்னும் *

மேலாப்பின்கீழ்வருவானை விருந்தாவனத்தேகண்டோமே.

640 கார்த்தண்கமலக்கண்ணென்னும் நெடுங்கயிறுபடுத்தி * என்னை

ஈர்த்துக்கொண்டுவிளையாடும் ஈசன்றன்னைக்கண்டீரே? *

போர்த்தமுத்தின்குப்பாயப் புகர்மால்யானைக்கன்றேபோல் *

வேர்த்துநின்று விளையாட விருந்தாவனத்தேகண்டோமே.

641 மாதவன்என்மணியினை வலையில்பிழைத்தபன்றிபோல் *

ஏதுமொன்றும்கொளத்தாரா ஈசன்றன்னைக்கண்டீரே? *

பீதகவாடையுடைதாழப் பெருங்கார்மேகக்கன்றேபோல் *

வீதியாரவருவானை விருந்தாவனத்தேகண்டோமே. (2)

642 தருமமறியாக்குறும்பனைத் தங்கைச்சார்ங்கமதுவேபோல் *

புருவவட்டமழகிய பொருத்தமிலியைக்கண்டீரே? *

உருவுகரிதாய்முகம்செய்தாய் உதயப்பருப்பதத்தின்மேல் *

விரியும்கதிரேபோல்வானை விருந்தாவனத்தேகண்டோமே.

643 பொருத்தமுடையநம்பியைப் புறம்போலுள்ளும்கரியானை *

கருத்தைப்பிழைத்துநின்ற அக்கருமாமுகிலைக்கண்டீரே? *

அருத்தித்தாராகணங்களால் ஆரப்பெருகுவானம்போல் *

விருத்தம்பெரிதாய்வருவானை விருந்தாவனத்தேகண்டோமே.

644 வெளியசங்கொன்றுடையானைப் பீதகவாடையுடையானை *

அளிநன்குடையதிருமாலை ஆழியானைக்கண்டீரே? *

களிவண்டெங்கும்கலந்தாற்போல் கமழ்பூங்குழல்கள்தடந்தோள்மேல் *

மிளிரநின்றுவிளையாட விருந்தாவனத்தேகண்டோமே.

645 நாட்டைப்படையென்று அயன்முதலாத்தந்த நளிர்மாமலருந்தி *

வீட்டைப்பண்ணிவிளையாடும் விமலன்றன்னைக்கண்டீரே? *

காட்டைநாடித்தேனுகனும் களிறும்புள்ளுமுடன்மடிய *

வேட்டையாடிவருவானை விருந்தாவனத்தேகண்டோமே. (2)

646 பருந்தாட்களிற்றுக்கருள்செய்த பரமன்றன்னை * பாரின்மேல்

விருந்தாவனத்தேகண்டமை விட்டுசித்தன்கோதைசொல் *

மருந்தாமென்றுதம்மனத்தே வைத்துக்கொண்டுவாழ்வார்கள் *

பெருந்தாளுடையபிரானடிக்கீழ் பிரியாதென்றுமிருப்பாரே. (2)

718 மல்லைமாநகர்க்கிறையவன்தன்னை

வான்செலுத்திவந் தீங்கணைமாயத்து *

எல்லையில்பிள்ளைசெய்வனகாணாத்

தெய்வத்தேவகிபுலம்பியபுலம்பல் *

கொல்லிகாவலன்மாலடிமுடிமேல்

கோலமாம்குலசேகரன்சொன்ன *

நல்லிசைத்தமிழ்மாலைவல்லார்கள்

நண்ணுவாரொல்லைநாரணனுலகே. (2)

916 வளவெழும் தவளமாட மதுரை மாநகரந்தன்னுள் *

கவளமால்யானை கொன்ற கண்ணனை அரங்கமாலை *

துவளத்தொண்டாயதொல்சீர்த் தொண்டரடிப்பொடிசொல் *

இளையபுன்கவிதையேலும் எம்பிறார்கினியவாறே. (2)

947 அன்பன்தன்னை அடைந்தவர்கட்கெல்லாம்

அன்பன் * தென்குருகூர் நகர்நம்பிக்கு *

அன்பனாய் மதுரகவிசொன்னசொல்

நம்புவார்பதி * வைகுந்தம் காண்மினே. (2)

1512 வில்லார்விழவில்வடமதுரைவிரும்பி விரும்பாமல்லடர்த்து *

கல்லார்திரள்தோள்கஞ்சனைக்காய்ந்தான் பாய்ந்தான்காளியன்மேல் *

சொல்லார்சுருதிமுறையோதிச் சோமுச்செய்யும்தொழிலினோர் *

நல்லார்மறையோர்பலர்வாழும்நறையூர்நின்றநம்பியே.

1527 மன்னுமதுரை வசுதேவர்வாழ்முதலை *

நன்னறையூர்நின்ற நம்பியை * வம்பவிழ்தார்க்

கன்னவிலும்தோளான் கலியனொலிவல்லார் *

பொன்னுலகில்வானவர்க்குப் புத்தேளிராகுவரே. (2)

1833 நேசமிலாதவர்க்கும் நினையாதவர்க்கும் அரியான் *

வாசமலர்ப்பொழில்சூழ் வடமாமதுரைப்பிறந்தான் *

தேசமெல்லாம்வணங்கும் திருமாலிருஞ்சோலைநின்ற *

கேசவநம்பிதன்னைக் கெண்டையொண்கண்ணிகாணுங்கொலோ? (2)

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

3555 வாய்க்குங்கொல்? நிச்சலும்எப்பொழுதும்மனத்துஈங்கு நினைக்கப்பெற *

வாய்க்கும்கரும்பும்பெருஞ்செந்நெலும் வயல்சூழ் திருவாறன்விளை *

வாய்க்கும்பெரும்புகழ்மூவுலகீசன் வடமதுரைப்பிறந்த *

வாய்க்கும்மணிநிறக்கண்ணபிரான்றன் மலரடிப் போதுகளே.

3615 இதுவோ பொருத்தம்? மின்னாழிப்படையாய்! ஏறுமிருஞ்சிசிறைப்புள்

அதுவே * கொடியாவுயர்த்தானே! என்றென்றேங்கி யழுதக்கால் *

எதுவேயாகக்கருதுங்கொல்? இம்மாஞாலம்பொறை தீர்ப்பான் *

மதுவார்சோலை உத்தரமதுரைப்பிறந்தமாயனே.

3673 கொண்டபெண்டிர்மக்களுற்றார் சுற்றத்தவர்பிறரும் *

கண்டதோடுபட்டதல்லால் காதல்மற்றுயாதுமில்லை *

எண்திசையும் கீழும்மேலும் முற்றவும்உண்டபிரான் *

தொண்டரோமாய்உய்யலல்லால்இல்லைகண்டீர் துணையே. (2)

3674 துணையும் சார்வுமாகுவார்போல் சுற்றத்தவர்பிறரும் *

அணையவந்தஆக்கமுண்டேல் அட்டைகள்போல்சுவைப்பர் *

கணையொன்றாலேயேழ்மரமும்எய்த எம்கார்முகிலை *

புணையென்றுய்யப்போகலல்லால் இல்லைகண்டீர் பொருளே.

3675 பொருள்கையுண்டாய்ச்செல்லக்காணில் போற்றியென் றேற்றெழுவர் *

இருள்கொள்துன்பத்தின்மைகாணில் என்னே! என்பாருமில்லை *

மருள்கொள்செய்கையசுரர்மங்க வடமதுரைப் பிறந்தாற்கு *

அருள்கொளாளாயுய்யலல்லால் இல்லைகண்டீரரணே.

3676 அரணமாவரற்றகாலைக்கு என்றென்றமைக்கப்பட்டார் *

இரணங்கொண்டதெப்பர்ஆவர் இன்றியிட்டாலும் அஃதே *

வருணித்தென்னே? வடமதுரைப்பிறந்தவன்வண்புகழே *

சரணென்றுய்யப்போகலல்லால் இல்லைகண்டீர்சதிரே.

3677 சதுரமென்றுதம்மைத்தாமே சம்மதித்தின்மொழியார் *

மதுரபோகம்துற்றவரே வைகிமற்றொன்றுறுவர் *

அதிர்கொள்செய்கையசுரர்மங்க வடமதுரைப் பிறந்தாற்கு *

எதிர்கொளாளாயுய்யலல்லால் இல்லைகண்டீரின்பமே.

3678 இல்லைகண்டீரின்பமந்தோ! உள்ளதுநினையாதே *

தொல்லையார்களெத்தனைவர் தோன்றிக் கழிந்தொழிந்தார்? *

மல்லைமூதூர் வடமதுரைப்பிறந்தவன்வண்புகழே *

சொல்லியுய்யப்போகலல்லால் மற்றொன்றில்லைசுருக்கே.

3679 மற்றொன்றில்லைசுருங்கச்சொன்னோம் மாநிலத்தெவ்வுயிர்க்கும் *

சிற்றவேண்டாசிந்திப்பேயமையும் கண்டீர்களந்தோ! *

குற்றமன்றுஎங்கள்பெற்றத்தாயன் வடமதுரைப்பிறந்தான் *

குற்றமில்சீர்கற்று வைகல்வாழ்தல்கண்டீர்குணமே.

3680 வாழ்தல்கண்டீர்குணமிதந்தோ! மாயவனடிபரவி *

போழ்துபோகவுள்ளகிற்கும் புன்மையிலாதவர்க்கு *

வாழ்துணையா வடமதுரைப்பிறந்தவன்வண்புகழே *

வீழ்துணையாய்ப்போமிதனில் யாதுமில்லைமிக்கதே.

3681 யாதுமில்லைமிக்கதனில் என்றென்றதுகருதி *

காதுசெய்வான்கூதைசெய்து கடைமுறைவாழ்க்கையும்போம் *

மாதுகிலின்கொடிக்கொள்மாட வடமதுரைப்பிறந்த *

தாதுசேர்தோள்கண்ணலல்லால் இல்லைகண்டீர்சரணே.

3682 கண்ணனல்லாலில்லைகண்டீர் சரண் அதுநிற்கவந்து *

மண்ணின்பாரம்நீக்குதற்கே வடமதுரைப்பிறந்தான் *

திண்ணமாநும்முடைமையுண்டேல் அவனடிசேர்த் துய்ம்மினோ *

எண்ணவேண்டாநும்மதாதும் அவனன்றிமற்றில்லையே.

3683 ஆதுமில்லைமற்றவனில் என்றதுவேதுணிந்து *

தாதுசேர்தோள்கண்ணனை குருகூர்ச்சடகோபன் சொன்ன *

தீதிலாதவொண்தமிழ்கள் இவையாயிரத்துள்இப்பத்தும் *

ஓதவல்லபிராக்கள் நம்மையாளுடையார்கள்பண்டே. (2)