14 ஓடுவார்விழுவார் உகந்தாலிப்பார் *

நாடுவார்நம்பிரான் எங்குற்றானென்பார் *

பாடுவார்களும் பல்பறைகொட்டநின்று *

ஆடுவார்களும் ஆயிற்றுஆய்ப்பாடியே.

16 உறியைமுற்றத்து உருட்டிநின்றாடுவார் *

நறுநெய்பால்தயிர் நன்றாகத்தூவுவார் *

செறிமென்கூந்தல் அவிழத்திளைத்து * எங்கும்

அறிவழிந்தனர் ஆய்ப்பாடியாயரே.

132 தீயபுந்திக்கஞ்சன்உன்மேல் சினமுடையன், சோர்வுபார்த்து *

மாயந்தன்னால்வலைப்படுக்கில் வாழகில்லேன்வாசுதேவா! *

தாயர்வாய்ச்சொல்கருமம்கண்டாய் சாற்றிச்சொன்னேன்போகவேண்டா *

ஆயர்பாடிக்கணிவிளக்கே! அமர்ந்துவந்துஎன்முலையுணாயே.

145 முலையேதும்வேண்டேனென்றோடி

நின்காதில்கடிப்பைப்பறித்தெறிந்திட்டு *

மலையையெடுத்துமகிழ்ந்துகல்மாரிகாத்துப்

பசுநிரைமேய்த்தாய்! *

சிலையொன்றுஇறுத்தாய்! திரிவிக்கிரமா!

திருவாயர்பாடிப்பிரானே! *

தலைநிலாப்போதேஉன்காதைப்பெருக்காதே

விட்டிட்டேன்குற்றமேயன்றே

231 தாய்மார்மோர்விற்கப்போவர்

தகப்பன்மார்கற்றாநிரைப்பின்புபோவர் *

நீ ஆய்ப்பாடிஇளங்கன்னிமார்களை

நேர்படவேகொண்டுபோதி *

காய்வார்க்குஎன்றும்உகப்பனவேசெய்து

கண்டார்கழறத்திரியும் *

ஆயா! உன்னைஅறிந்துகொண்டேன்

உனக்குஅஞ்சுவன் அம்மம்தரவே.

235 பற்றுமஞ்சள்பூசிப் பாவைமாரொடுபாடியில் *

சிற்றில்சிதைத்து எங்கும்தீமைசெய்துதிரியாமே *

கற்றுத்தூளியுடை வேடர்கானிடைக்கன்றின்பின் *

எற்றுக்குஎன்பிள்ளையைப்போக்கினேன்? எல்லேபாவமே.

237 வண்ணக்கருங்குழல் மாதர்வந்துஅலர்தூற்றிடப் *

பண்ணிப்பலசெய்து இப்பாடியெங்கும்திரியாமே *

கண்ணுக்கினியானைக் கானதரிடைக்கன்றின்பின் *

எண்ணற்கரியானைப்போக்கினேன் எல்லேபாவமே.

239 மிடறுமெழுமெழுத்தோட வெண்ணெய்விழுங்கிப்போய் *

படிறுபலசெய்து இப்பாடியெங்கும்திரியாமே *

கடிறுபலதிரி கானதரிடைக்கன்றின்பின் *

இடறஎன்பிள்ளையைப்போக்கினேன் எல்லேபாவமே.

263 விண்ணின்மீதுஅமரர்கள்விரும்பித்தொழ

மிறைத்துஆயர்பாடியில்வீதியூடே *

கண்ணன்காலிப்பின்னேஎழுந்தருளக்கண்டு

இளவாய்க்கன்னிமார்காமுற்ற

வண்ணம் * வண்டமர்பொழில்புதுவையர்கோன்

விட்டுசித்தன்சொன்னமாலைபத்தும் *

பண்ணின்பம்வரப்பாடும்பத்தருள்ளார்

பரமானவைகுந்தம்நண்ணுவரே. (2)

281 புவியுள்நான்கண்டதோரற்புதம்கேளீர்

பூணிமேய்க்கும்இளங்கோவலர்கூட்டத்து

அவையுள் * நாகத்தணையான்குழலூத

அமரலோகத்தளவும்சென்றிசைப்ப *

அவியுணாமறந்துவானவரெல்லாம்

ஆயர்பாடிநிறையப்புகுந்தீண்டி *

செவியுணாவின்சுவைகொண்டுமகிழ்ந்து

கோவிந்தனைத்தொடர்ந்துஎன்றும்விடாரே.

474 மார்கழித்திங்கள் மதிநிறைந்தநன்னாளால் *

நீராடப்போதுவீர் போதுமினோநேரிழையீர்! *

சீர்மல்குமாய்ப்பாடிச் செல்வச்சிறுமீர்காள்! *

கூர்வேல்கொடுந்தொழிலன் நந்தகோபன்குமரன் *

ஏரார்ந்தகண்ணி யசோதையிளஞ்சிங்கம் *

கார்மேனிச்செங்கண் கதிர்மதியம்போல்முகத்தான் *

நாராயணனே நமக்கேபறைதருவான் *

பாரோர்புகழப் படிந்தேலோரெம்பாவாய். (2)

618 நாணியினியோர்கருமமில்லை

நாலயலாரும்அறிந்தொழிந்தார் *

பாணியாதென்னைமருந்துசெய்து

பண்டுபண்டாக்கவுறுதிராகில் *

மாணியுருவாயுலகளந்த

மாயனைக்காணில்தலைமறியும் *

ஆணையால்நீரென்னைக்காக்கவேண்டில்

ஆய்ப்பாடிக்கேயென்னையுய்த்திடுமின்.

630 ஆரேயுலகத்தாற்றுவார்? ஆயர்பாடிகவர்ந்துண்ணும் *

காரேறுழக்கவுழக்குண்டு தளர்ந்தும்முறிந்தும்கிடப்பேனை *

ஆராவமுதமனையான்றன் அமுதவாயிலூறிய *

நீர்தான்கொணர்ந்துபுலராமே பருக்கியிளைப்பைநீக்கிரே.

636 அல்லல்விளைத்தபெருமானை ஆயர்பாடிக்கணிவிளக்கை *

வில்லிபுதுவைநகர்நம்பி விட்டுசித்தன்வியன்கோதை *

வில்லைத்தொலைத்தபுருவத்தாள் வேட்கையுற்றுமிகவிரும்பும் *

சொல்லைத்துதிக்கவல்லார்கள் துன்பக்கடளுள்துவளாரே. (2)

638 அனுங்கவென்னைப்பிரிவுசெய்து ஆயர்பாடிகவர்ந்துண்ணும் *

குணுங்குநாறிக்குட்டேற்றைக் கோவர்த்தனனைக்கண்டீரே? *

கணங்களோடுமின்மேகம் கலந்தாற்போல * வனமாலை

மினுங்கநின்றுவிளையாட விருந்தாவனத்தேகண்டோமே.

1021 பார்த்தற்காய்அன்றுபாரதம்கைசெய்திட்டுவென்ற பரஞ்சுடர் *

கோத்துஅங்குஆயர்தம்பாடியில் குரவைபிணைந்தஎங்கோவலன் *

ஏத்துவார்தம்மனத்துள்ளான் இடவெந்தைமேவிய எம்பிரான் *

தீர்த்தநீர்த்தடஞ்சோலைசூழ் திருவேங்கடம் அடைநெஞ்சமே! (2)

1392 பூண்முலைமேல்சாந்தணியாள்

பொருகயல்கண்மையெழுதாள்பூவைபேணாள் *

ஏணறியாள் எத்தனையும்

எம்பெருமான் திருவரங்கம்எங்கே? என்னும் *

நாண்மலராள்நாயகனாய்

நாமறிய ஆய்ப்பாடிவளர்ந்தநம்பி *

ஆண்மகனாய்என்மகளைச்செய்தனகள்

அம்மனைமீர்! அறிகிலேனே.

1435 அம்பொனாருலகமேழுமறிய ஆய்ப்பாடிதன்னுள் *

கொம்பனார்பின்னைகோலம் கூடுதற்கேறுகொன்றான் *

செம்பொனார்மதிள்கள்சூழ்ந்த தென்திருப்பேருள்மேவும் *

எம்பிரான்நாமம் நாளும்ஏத்திநானுய்ந்தவாறே!

1993 தந்தைதளைகழலத் தோன்றிப்போய் * ஆய்ப்பாடி

நந்தன்குலமதலையாய் வளர்ந்தான்காணேடீ! *

நந்தன்குலமதலையாய்வளர்ந்தான் நான்முகற்குத்

தந்தைகாண் * எந்தைபெருமான்காண் சாழலே!

1994 ஆழ்கடல்சூழ்வையகத்தார் ஏசப்போய் * ஆய்ப்பாடித்

தாழ்குழலார்வைத்த தயிருண்டான்காணேடீ! *

தாழ்குழலார்வைத்த தயிருண்டபொன்வயிறு * இவ்

வேழுலகுமுண்டும் இடமுடைத்தால்சாழலே!

1995 அறியாதார்க்கு ஆனாயனாகிப்போய் * ஆய்ப்பாடி

உறியார்நறுவெண்ணெய் உண்டுகந்தான்காணேடீ! *

உறியார்நறுவெண்ணெய் உண்டுகந்தபொன்வயிறுக்கு *

எறிநீருலகனைத்தும் எய்தாதால்சாழலே!

2685 - ஆழிநீர்

ஆரால்கடைந்திடப்பட்டது? * - அவன்காண்மின்

ஊராநிரைமேய்த்து உலகெல்லாமுண்டுமிழ்ந்தும் *

ஆராததன்மையனாய் ஆங்கொருநாளாய்ப்பாடி *

சீரார்கலயல்குல் சீரடிசெந்துவர்வாய் *

வாரார்வனமுலையாள் மத்தாரப்பற்றிக்கொண்டு *

ஏராரிடைநோவ எத்தனையோர்போதுமாய் *

சீரார்தயிர்கடைந்து வெண்ணெய்திரண்டதனை *

வேரார்நுதல்மடவாள் வேறோர்கலத்திட்டு *

நாராருறியேற்றி நன்கமையவைத்ததனை *

போரார்வேற்கண்மடவாள் போந்தனையும்பொய்யுறக்கம் *

ஓராதவன்போல் உறங்கியறிவுற்று *

தாரார்தடந்தோள்கள் உள்ளளவும்கைநீட்டி *

ஆராதவெண்ணெய்விழுங்கி *