50 கானார்நறுந்துழாய் கைசெய்தகண்ணியும் *

வானார்செழுஞ்சோலைக் கற்பகத்தின்வாசிகையும் *

தேனார்மலர்மேல் திருமங்கைபோத்தந்தாள் *

கோனே! அழேல்அழேல்தாலேலோ குடந்தைக்கிடந்தானே! தாலேலோ.

78 தூநிலாமுற்றத்தே போந்துவிளையாட *

வானிலாஅம்புலீ! சந்திரா! வாவென்று *

நீநிலாநின்புகழா நின்றஆயர்தம் *

கோநிலாவக்கொட்டாய்சப்பாணி குடந்தைக்கிடந்தானே! சப்பாணி.

173 கொங்குங்குடந்தையும் கோட்டியூரும்பேரும் *

எங்கும்திரிந்து விளையாடும்என்மகன் *

சங்கம்பிடிக்கும் தடக்கைக்குத்தக்க * நல்

அங்கமுடையதோர்கோல்கொண்டுவா

அரக்குவழித்ததோர்கோல்கொண்டுவா.

177 ஆலத்திலையான் அரவினணைமேலான் *

நீலக்கடலுள் நெடுங்காலம்கண்வளர்ந்தான் *

பாலப்பிராயத்தே பார்த்தற்குஅருள்செய்த *

கோலப்பிரானுக்குஓர்கோல்கொண்டுவா

குடந்தைக்கிடந்தாற்குஓர்கோல்கொண்டுவா.

188 குடங்களெடுத்தேறவிட்டுக் கூத்தாடவல்லஎம்கோவே! *

மடங்கொள்மதிமுகத்தாரை மால்செய்யவல்லஎன்மைந்தா! *

இடந்திட்டுஇரணியன்நெஞ்சை இருபிளவாகமுன்கீண்டாய்! *

குடந்தைக்கிடந்தஎம்கோவே! குருக்கத்திப்பூச்சூட்டவாராய்.

628 பாலாலிலையில்துயில்கொண்ட பரமன்வலைப்பட்டிருந்தேனை *

வேலால்துன்னம்பெய்தாற்போல் வேண்டிற்றெல்லாம்பேசாதே *

கோலால்நிரைமேய்த் தாயனாய்க் குடந்தைக்கிடந்தகுடமாடி *

நீலார் தண்ணந்துழாய்கொண்டு என்நெறிமென்குழல்மேல்சூட்டீரே.

807 இலங்கைமன்னனைந்தொடைந்து பைந்தலைநிலத்துக *

கலங்கவன்றுசென்றுகொன்று வென்றிகொண்டவீரனே! *

விலங்குநூலர்வேதநாவர் நீதியானகேள்வியார் *

வலங்கொளக்குடந்தையுள் கிடந்தமாலுமல்லையே?

808 சங்குதங்குமுன்கைநங்கை கொங்கைதங்கலுற்றவன் *

அங்கமங்கவன்றுசென்று அடர்த்தெறிந்தவாழியான் *

கொங்குதங்குவார்குழல் மடந்தைமார்குடைந்தநீர் *

பொங்குதண்குடந்தையுள் கிடந்தபுண்டரீகனே. 57

809 மரங்கெடநடந்தடர்த்து மத்தயானைமத்தகத்து *

உரங்கெடப்புடைத்து ஒர்கொம்பொசித்துகந்தவுத்தமா! *

துரங்கம்வாய்பிளந்து மண்ணளந்தபாத! * வேதியர்

வரங்கொளக்குடந்தையுள் கிடந்தமாலுமல்லையே.

810 சாலிவேலிதண்வயல் தடங்கிடங்குபூம்பொழில் *

கோலமாடநீடு தண்குடந்தைமேயகோவலா! *

காலநேமிவக்கரன் கரன்முரன்சிரம்மவை *

காலனோடுகூட விற்குனித்தவிற்கை வீரனே!

811 செழுங்கொழும்பெரும்பனி பொழிந்திட * உ யர்ந்தவேய்

விழுந்துலர்ந்தெழுந்து விண்புடைக்கும்வேங்கடத்துள்நின்று *

எழுந்திருந்துதேன்பொருந்து பூம்பொழில்தழைக்கொழும் *

செழுந்தடங்குடந்தையுள் கிடந்தமாலுமல்லையே?

812 நடந்தகால்கள்நொந்தவோ? நடுங்குஞாலமேனமாய் *

இடந்தமெய்குலுங்கவோ? விலங்குமால்வரைச்சுரம் *

கடந்தகால்பரந்தகாவிரிக்கரைக்குடந்தையுள் *

கிடந்தவாறெழுந்திருந்துபேசு வாழிகேசனே! (2)

949 ஆவியே! அமுதே! எனநினைந்துருகி *

அவரவர்பணைமுலைதுணையா *

பாவியேனுணராதுஎத்தனைபகலும் *

பழுதுபோயொழிந்தனநாள்கள் **

தூவிசேரன்னம் துணையொடும்புணரும் *

சூழ்புனற்குடந்தையேதொழுது * என்

நாவினாலுய்யநான் கண்டுகொண்டேன் *

நாராயணாவென்னும் நாமம் (2)

954 இப்பிறப்பறியீர்இவரவரென்னீர் *

இன்னதோர்தன்மையென்றுணரீர் *

கற்பகம்புலவர்களைகணென்றுஉலகில் *

கண்டவாதொண்டரைப்பாடும் **

சொற்பொருளாளீர்சொல்லுகேன்வம்மின் *

சூழ்புனற்குடந்தையேதொழுமின் *

நற்பொருள்காண்மின் பாடி நீருய்ம்மின் *

நாராயணாவென்னும் நாமம்

991 ஊராங்குடந்தையுத்தமன் ஒருகாலிருகால்சிலைவளைய *

தேரா அரக்கர்தேர்வெள்ளம்செற்றான் வற்றாவருபுனல்சூழ்

பேரான் * பேராயிரமுடையான் பிறங்குசிறைவண்டு அறைகின்ற

தாரான் * தாராவயல்சூழ்ந்த சாளக்கிராமம் அடைநெஞ்சே!

1202 வாளாயகண்பனிப்பமென்முலைகள்பொன்அரும்ப *

நாணாளும்நின்நினைந்துநைவேற்கு * ஓ! மண்ணளந்த

தாளாளா! தண்குடந்தைநகராளா! வரையெடுத்த

தோளாளா! * என்தனக்கு ஓர் துணையாளனாகாயே!

1205 குயிலாலும்வளர்பொழில்சூழ் தண்குடந்தைக் குடமாடீ! *

துயிலாதகண்ணிணையேன் நின்நினைந்து துயர்வேனோ! *

முயலாலும்இளமதிக்கே வளையிழந்தேற்கு * இதுநடுவே

வயலாலிமணவாளா! கொள்வாயோமணிநிறமே! (2)

1394 வாராளும்இளங்கொங்கை வண்ணம்

வேறாயினவாறுஎண்ணாள் * எண்ணில்

பேராளன்பேரல்லால்பேசாள்

இப்பெண்பெற்றேன்என்செய்கேன்நான்? *

தாராளன்தண்குடந்தைநகராளன்

ஐவர்க்காய்அமரிலுய்த்த

தேராளன் * என்மகளைச்செய்தனகள்

எங்ஙனம்நான்செப்புகேனே?

1526 பொங்கேறுநீள்சோதிப் பொன்னாழிதன்னோடும் *

சங்கேறுகோலத் தடக்கைப்பெருமானை *

கொங்கேறுசோலைக் குடந்தைக்கிடந்தானை *

நங்கோனைநாடி நறையூரில்கண்டேனே. (2)

1538 கிடந்தநம்பிகுடந்தைமேவிக் கேழலாயுலகை

இடந்தநம்பி * எங்கள்நம்பி எறிஞரரணழிய *

கடந்தநம்பிகடியாரிலங்கை உலகைஈரடியால் *

நடந்தநம்பிநாமம்சொல்லில் நமோநாராயணமே. (2)

1570 வந்தநாள்வந்துஎன்நெஞ்சிடம்கொண்டான்

மற்றோர்நெஞ்சறியான் * அடியேனுடைச்

சிந்தையாய்வந்துதென்புலர்க்குஎன்னைச்

சேர்கொடான் இதுசிக்கெனப்பெற்றேன் *

கொந்துலாம்பொழில்சூழ்குடந்தைத்தலைக்

கோவினைக் குடமாடியகூத்தனை *

எந்தையைஎந்தைதந்தைதம்மானை

எம்பிரானைஎத்தால்மறக்கேனே?

1606 பேரானைக் குடந்தைப்பெருமானை * இலங்குஒளிசேர்

வாரார்வனமுலையாள் மலர்மங்கைநாயகனை *

ஆராவின்னமுதைத் தென்னழுந்தையில்மன்னிநின்ற *

காரார்கருமுகிலைக் கண்டுகொண்டுகளித்தேனே. (2)

1732 வந்தாய்என்மனத்தே வந்துநீபுகுந்தபின்னை *

எந்தாய்! போயறியாய் இதுவேஅமையாதோ? *

கொந்தார்பைம்பொழில்சூழ் குடந்தைக்கிடந்துகந்த

மைந்தா! * உன்னைஎன்றும் மறவாமைப்பெற்றேனே.

1759 தோடவிழ்நீலம்மணங்கொடுக்கும்

சூழ்புனல்சூழ்குடந்தைக்கிடந்த *

சேடர்கொலென்றுதெரிக்கமாட்டேன்

செஞ்சுடராழியும்சங்கும்ஏந்தி *

பாடகமெல்லடியார்வணங்கப்

பன்மணிமுத்தொடுஇலங்குசோதி *

ஆடகம்பூண்டுஒருநான்குதோளும்

அச்சோஒருவரழகியவா!

1853 வானை ஆரமுதம்தந்தவள்ளலை *

தேனைநீள்வயல் சேறையில்கண்டுபோய் *

ஆனைவாட்டியருளும் அமரர்தம்

கோனை * யாம்குடந்தைச்சென்றுகாண்டுமே.

1949 இங்கே போதுங்கொலோ? *

இனவேல் நெடுங்கண்களிப்ப *

கொங்கார்சோலைக்குடந்தைக்கிடந்தமால் *

இங்கே போதுங்கொலோ?

1975 அறியோமேயென்று உரைக்கலாமே? எமக்கு *

வெறியார்பொழில்சூழ் வியன்குடந்தைமேவி *

சிறியானோர்பிள்ளையாய் மெள்ளநடந்திட்டு *

உறியார்நறுவெண்ணெய் உண்டுகந்தார்தம்மையே.

2010 அண்டத்தின்முகடழுந்த

அலைமுந்நீர்த்திரைததும்ப ஆ! ஆ! வென்று *

தொண்டர்க்கும்அமரர்க்கும்

முனிவர்க்கும்தானருளி * உலகமேழும்

உண்டொத்ததிருவயிற்றின்

அகம்படியில்வைத்துஉம்மைஉய்யக்கொண்ட *

கொண்டற்கைமணிவண்ணன்

தண்குடந்தைநகர்ப்பாடியாடீர்களே.

2037 மூவரில்முதல்வனாய ஒருவனை. உலகம்கொண்ட *

கோவினைக்குடந்தைமேய குருமணித்திரளை * இன்பப்

பாவினைப்பச்சைத்தேனைப் பைம்பொன்னையமரர்சென்னிப்

பூவினை * புகழும்தொண்டர் என்சொல்லிப்புகழ்வர்தாமே.

2045 காவியைவென்றகண்ணார் கலவியேகருதி * நாளும்

பாவியேனாகஎண்ணி அதனுள்ளேபழுத்தொழிந்தேன் *

தூவிசேரன்னம்மன்னும் சூழ்புனல்குடந்தையானை *

பாவியேன்பாவியாது பாவியேனாயினேனே.

2068 பொங்கார்மெல்லிளங்கொங்கைபொன்னேபூப்பப்

பொருகயல்கண்ணீரரும்பப்போந்துநின்று *

செங்காலமடப்புறவம்பெடைக்குப்பேசும்

சிறுகுரலுக்குஉடலுருகிச்சிந்தித்து * ஆங்கே

தண்காலும்தண்குடந்தைநகரும்பாடித்

தண்கோவலூர்பாடியாடக்கேட்டு *

நங்காய்! நங்குடிக்குஇதுவோநன்மை? என்ன

நறையூரும்பாடுவாள்நவில்கின்றாளே.

2070 முற்றாராவனமுலையாள்பாவை மாயன்

மொய்யகலத்துள்ளிருப்பாள் அஃதும்கண்டும்

அற்றாள் * தன் நிறையழிந்தாள் ஆவிக்கின்றாள்

அணியரங்கமாடுதுமோ? தோழீ! என்னும் *

பெற்றேன்வாய்ச்சொல்இறையும்பேசக்கேளாள்

பேர்பாடித்தண்குடந்தைநகரும்பாடி *

பொற்றாமரைக்கயம்நீராடப்போனாள்

பொருவற்றாள்என்மகள்உம்பொன்னும்அஃதே.

2080 அன்றாயர்குலமகளுக்கரையன்தன்னை

அலைகடலைக்கடைந்தடைத்தஅம்மான்தன்னை *

குன்றாதவலியரக்கர்கோனைமாளக்

கொடுஞ்சிலைவாய்ச்சரந்துரந்துகுலங்களைந்து

வென்றானை * குன்றெடுத்ததோளினானை

விரிதிரைநீர்விண்ணகரம்மருவிநாளும்

நின்றானை * தண்குடந்தைக்கிடந்தமாலை

நெடியானை அடிநாயேன்நினைந்திட்டேனே. (2)

2251 தமருள்ளம்தஞ்சை தலையரங்கம்தண்கால் *

தமருள்ளும்தண்பொருப்புவேலை * - தமருள்ளும்

மாமல்லைகோவல் மதிட்குடந்தையென்பரே *

ஏவல்லவெந்தைக்கிடம்.

2278 எங்கள்பெருமான்! இமையோர்தலைமகன்! நீ *

செங்கண்நெடுமால்! திருமார்பா! * - பொங்கு

படமூக்கினாயிரவாய்ப் பாம்பணைமேல்சேர்ந்தாய் *

குடமூக்கில் கோயிலாக் கொண்டு.

2311 சேர்ந்ததிருமால் கடல்குடந்தைவேங்கடம்

நேர்ந்தவென்சிந்தை நிறை விசும்பும் * - வாய்ந்த

மறைபாடகமனந்தன் வண்டுழாய்க்கண்ணி *

இறைபாடியாயவிவை.

2343 விண்ணகரம்வெஃகா விரிதிரைநீர்வேங்கடம் *

மண்ணகரம்மாமாடவேளுக்கை * மண்ணகத்த

தென்குடந்தை தேனார்திருவரங்கம்தென்கோட்டி *

தன்குடங்கைநீரேற்றான்தாழ்வு.

2417 நாகத்தணைக்குடந்தை வெஃகாதிருவெவ்வுள் *

நாகத்தணையரங்கம் பேரன்பில் * - நாகத்

தணைப்பாற்கடல்கிடக்கும் ஆதிநெடுமால் *

அணைப்பார்கருத்தனாவான்.

2672 ஒருபேருந்தியிருமலர்த்தவிசில் *

ஒருமுறையயனையீன்றனை * ஒருமுறை

இருசுடர்மீதினிலியங்கா * மும்மதி

ளிலங்கையிருகால்வளைய * ஒருசிலை

யொன்றியஈரெயிற்றழல்வாய்வாளியி *

னட்டனை * மூவடிநானிலம்வேண்டி *

முப்புரிநூலொடுமானுரியிலங்கு

மார்வினின் * இருபிறப்பொருமாணாகி *

ஒருமுறையீரடிமூவுலகளந்தனை *

நால்திசைநடுங்கஅஞ்சிறைப்பறவை

யேறி * நால்வாய்மும்மதத்திருசெவி

யொருதனிவேழத்தரந்தையை * ஒருநாள்

இருநீர்மடுவுள் தீர்த்தனை * முத்தீ

நான்மறைஐவகைவேள்வி * அறுதொழி

லந்தணர்வணங்குந்தன்மையை * ஐம்புலன்

அகத்தினுள்செறுத்து * நான்குடனடக்கி

முக்குணத்திரண்டவையகற்றி * ஒன்றினில்

ஒன்றிநின்று * ஆங்கிருபிறப்பறுப்போர்

அறியும்தன்மையை * முக்கண்நால்தோள்

ஐவாயரவோடு * ஆறுபொதிசடையோன்

அறிவருந்தன்மைப்பெருமையுள்நின்றனை *

ஏழுலகெயிற்றினில்கொண்டனை * கூறிய

அறுசுவைப்பயனுமாயினை * சுடர்விடும்

ஐம்படையங்கையுளமர்ந்தனை * சுந்தர

நால்தோள்முந்நீர்வண்ண! * நின்னீரடி

ஒன்றியமனத்தால் * ஒருமதிமுகத்து

மங்கையரிருவரும் மலரன * அங்கையின்

முப்பொழுதும்வருடஅறிதுயிலமர்ந்தனை *

நெறிமுறைநால்வகைவருணமுமாயினை *

மேதகும்ஐம்பெரும்பூதமும்நீயே *

அறுபதம்முரலுங்கூந்தல்காரணம் *

ஏழ்விடையடங்கச்செற்றனை * அறுவகைச்

சமயமும்அறிவருநிலையினை * ஐம்பா

லோதியையாகத்திருத்தினை * அறம்முதல்

நான்கவையாய்மூர்த்திமூன்றாய் *

இருவகைப்பயனாய் ஒன்றாய்விரிந்து

நின்றனை * குன்றாமதுமலர்ச்சோலை

வண்கொடிப்படப்பை * வருபுனற்பொன்னி

மாமணியலைக்கும் * செந்நெலொண்கழனித்

திகழ்வனமுடுத்த * கற்போர்புரிசைக்

கனகமாளிகை * நிமிர்கொடிவிசும்பில்

இளம்பிறைதுவக்கும் * செல்வம்மல்குதென்

திருக்குடந்தை * அந்தணர்மந்திரமொழியுடன்

வணங்க * ஆடரவமளியிலறிதுயில்

அமர்ந்தபரம! * நின்னடியிணைபணிவன்

வருமிடரகலமாற்றோவினையே. (2)

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2772 தாமரைமேல்

மின்னிடையாள்நாயகனை விண்ணகருள்பொன்மலையை *

பொன்னிமணிகொழிக்கும் பூங்குடந்தைப்போர் விடையை *

தென்னன்குறுங்குடியுள் செம்பவளக்குன்றினை *

மன்னியதண் சேறை வள்ளலை * -

3310 ஆராவமுதே! அடியேனுடலம் நின்பாலன்பாயே *

நீராயலைந்துகரைய உருக்குகின்றநெடுமாலே! *

சீரார்செந்நெல்கவரிவீசும் செழுநீர்த்திருகுடந்தை *

ஏரார்கோலந்திகழக்கிடந்தாய்! கண்டேன் எம்மானே! (2)

3311 எம்மானே! என்வெள்ளைமூர்த்தி! என்னையாள்வானே! *

எம்மாவுருவும்வேண்டுமாற்றால் ஆவாய்! எழிலேறே! *

செம்மாகமலம்செழுநீர்மிசைக்கண்மலரும் திருக்குடந்தை *

அம்மாமலர்க்கண்வளர்கின்றானே! என்நான் செய்கேனே?!

3312 என்நான்செய்கேன்? யாரேகளைகண்? என்னையென் செய்கின்றாய்? *

உன்னாலல்லால்யாவராலும் ஒன்றும்குறைவேண்டேன் *

கன்னார்மதிள்சூழ்குடந்தைக்கிடந்தாய்! அடியேனரு வாணாள் *

சென்னாளெந்நாள்? அந்நாள் உன்தாள்பிடித்தே செலக்காணே.

3313 செலக்காண்கிற்பார்காணுமளவும் செல்லும்கீர்த்தியாய்! *

உலப்பிலானே! எல்லாவுலகுமுடையஒருமூர்த்தி! *

நலத்தால்மிக்கார்குடந்தைக்கிடந்தாய்! உன்னைக் காண்பான்நான்

அலப்பாய் * ஆகாசத்தைநோக்கி அழுவன்தொழுவனே.

3314 அழுவன்தொழுவன்ஆடிக்காண்பன் பாடியலற்றுவன் *

தழுவல்வினையால்பக்கம்நோக்கி நாணிக்கவிழ்ந்திருப்பன் *

செழுவொண்பழனக்குடந்தைக்கிடந்தாய்! செந்தாமரைக்கண்ணா! *

தொழுவனேனைஉனதாள் சேரும்வகையேசூழ்கண்டாய்.

3315 சூழ்கண்டாய்என்தொல்லைவினையையறுத்து உன்னடிசேரும்

ஊழ்கண்டிருந்தே * தூராக்குழிதூர்த்து எனைநாள கன்றிருப்பன்? *

வாழ்தொல்புகழார்குடந்தைக்கிடந்தாய்! வானோர் கோமானே! *

யாழினிசையே! அமுதே! அறிவின்பயனே அரியேறே!

3316 அரியேறே என்னம்பொற்சுடரே! செங்கட்கருமுகிலே! *

எரியே! பவளக்குன்றே! நாள்தோளெந்தாய்! உனதருளே! *

பிரியாவடிமையென்னைக்கொண்டாய்! குடந்தைத் திருமாலே! *

தரியேனினிஉன்சரணந்தந்து என் சன்மம்களையாயே.

3317 களைவாய்துன்பம்களையாதொழிவாய் களைகண்மற்றிலேன் *

வளைவாய்நேமிப்படையாய்! குடந்தைக்கிடந்தமாமாயா! *

தளராவுடலமெனதாவி சரிந்துபோம்போது *

இளையாதுனதாள்ஒருங்கப்பிடித்துப் போதஇசைநீயே.

3318 இசைவித்தென்னையுன்தாளிணைக்கீழ் இருத்தும் அம்மானே! *

அசைவிலமரர்தலைவர்தலைவா! ஆதிப்பெருமூர்த்தி! *

திசைவில்வீசுஞ்செழுமாமணிகள்சேரும் திருக்குடந்தை *

அசைவிலுலகம்பரவக்கிடந்தாய்! காணவாராயே.

3319 வாராவருவாய்வருமென்மாயா! மாயாமூர்த்தியாய்! *

ஆராவமுதாய் அடியேனாவி அகமேதித்திப்பாய் *

தீராவினைகள்தீரஎன்னையாண்டாய்! திருக்குடந்தை

ஊரா! * உனக்காட்பட்டும் அடியேன்இன்னமுழல்வேனோ? (2)

3320 உழலையென்பின்பேய்ச்சிமுலையூடு அவளையுயிருண்டான் *

கழல்களவையேசரணாக்கொண்ட குருகூர்ச்சடகோபன் *

குழலின்மலியச்சொன்ன ஓராயிரத்துள் இப்பத்தும்

மழலைதீரவல்லார் காமர்மானேய்நோக்கியர்க்கே. (2)

3579 தொல்லையஞ்சோதிநினைக்குங்கால்

என்சொல்லளவன்று, இமையோர்தமக்கும் *

எல்லையிலாதனகூழ்ப்புச்செய்யும்

அத்திறம்நிற்கவெம்மாமைகொண்டான் *

அல்லிமலர்த்தண்துழாயும்தாரான்

ஆர்க்கிடுகோஇனிப்பூசல்? சொல்லீர் *

வல்லிவளவயல்சூழ்குடந்தை

மாமலர்க்கண்வளர்கின்றமாலே.

3877 மடந்தையர்வாழ்த்தலும் மருதரும்வசுக்களும் *

தொடர்ந்தெங்கும் தோத்திரஞ்சொல்லினர் * தொடுகடல்

கிடந்தவென்கேசவன் கிளரொளிமணிமுடி *

குடந்தையென்கோவலன் குடியடியார்க்கே.