1088 பாராயதுண்டுமிழ்ந்தபவளத்தூணைப்

பாடுகடலிலமுதத்தைப்பரிவாய்கீண்ட

சீரானை * எம்மானைத்தொண்டர்தங்கள்

சிந்தையுள்ளே முளைத்தெழுந்ததீங்கரும்பினை *

போரானைக்கொம்பொசித்த போரேற்றினைப்

புணர்மருதமிறநடந்தபொற்குன்றினை *

காரானையிடர்கடிந்தகற்பகத்தைக்

கண்டதுநான்கடல்மல்லைத் தலசயனத்தே. (2)

1089 பூண்டவத்தம்பிறர்க் கடைந்துதொண்டுபட்டுப்

பொய்ந்நூலை மெய்ந்நூலென்றென்றுமோதி

மாண்டு * அவத்தம்போகாதேவம்மின் எந்தை

என்வணங்கப்படுவானை * கணங்களேத்தும்

நீண்டவத்தைக்கருமுகிலை எம்மான்தன்னை

நின்றவூர்நித்திலத்தைத் தொத்தார்சோலை *

காண்டவத்தைக்கனலெரிவாய்ப்பெய்வித்தானைக்

கண்டதுநான்கடல்மல்லைத்தலசயனத்தே. (2)

1090 உடம்புருவில்மூன்றொன்றாய் மூர்த்திவேறாய்

உலகுய்யநின்றானை * அன்றுபேய்ச்சி

விடம்பருகுவித்தகனைக் கன்றுமேய்த்து

விளையாடவல்லானை, வரைமீகானில் *

தடம்பருகுகருமுகிலைத் தஞ்சைக்கோயில்

தவநெறிக்குஓர்பெருநெறியை, வையங்காக்கும் *

கடும்பரிமேல்கற்கியைநான் கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1091 பேய்த்தாயைமுலையுண்ட பிள்ளைதன்னைப்

பிணைமருப்பிற்கருங்களிற்றை பிணைமான் நோக்கின் *

ஆய்த்தாயர்தயிர்வெண்ணெயமர்ந்தகோவை

அந்தணர்தம் அமுதத்தை, குரவைமுன்னே

கோத்தானை * குடமாடுகூத்தன்றன்னைக்

கோகுலங்கள்தளராமல்குன்றமேந்திக்

காத்தானை * எம்மானைக் கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1092 பாய்ந்தானைத் திரிசகடம்பாறிவீழப்

பாலகனாய்ஆலிலையில் பள்ளியின்ப

மேய்ந்தானை * இலங்கொளிசேர்மணிக்குன்றன்ன

ஈரிரண்டுமால்வரைத்தோளெம்மான்தன்னை *

தோய்ந்தானைநிலமகள்தோள் தூதிற்சென்று அப்

பொய்யறைவாய்ப்புகப்பெய்தமல்லர்மங்கக்

காய்ந்தானை * எம்மானைக் கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1093 கிடந்தானைத்தடங்கடலுள் பணங்கள்மேவிக்

கிளர்பொறியமறிதிரியஅதனின்பின்னே

படர்ந்தானை * படுமதத்தகளிற்றின்கொம்பு

பறித்தானைப் பாரிடத்தைஎயிறுகீற

இடந்தானை * வளைமருப்பின்ஏனமாகி

இருநிலனும் பெருவிசும்பும்எய்தாவண்ணம்

கடந்தானை * எம்மானைக்கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1094 பேணாதவலியரக்கர் மெலியவன்று

பெருவரைத்தோளிறநெரித்து அன்ற அவுணர்கோனை *

பூணாகம்பிளவெடுத்த போர்வல்லோனைப்

பொருகடலுள்துயிலமர்ந்தபுள்ளூர்தியை *

ஊணாகப்பேய்முலைநஞ்சு உண்டான்தன்னை

உள்ளுவாருள்ளத்தேஉறைகின்றானை *

காணாதுதிரிதருவேன் கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1095 பெண்ணாகிஇன்னமுதம் வஞ்சித்தானைப்

பிறையெயிற்றன்றடலரியாய்ப்பெருகினானை *

தண்ணார்ந்தவார்புனல்சூழ் மெய்யமென்னும்

தடவரைமேல்கிடந்தானை, பணங்கள்மேவி *

என்ணானைஎண்ணிறந்தபுகழினானை

இலங்கொளிசேர்அரவிந்தம்போன்றுநீண்ட

கண்ணானை * கண்ணாரக்கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1096 தொண்டாயர்தாம்பரவும் அடியினானை

படிகடந்ததாளாளற்குஆளாஉய்தல்

விண்டானை * தென்னிலங்கையரக்கர்வேந்தை

விலங்குண்ணவலங்கைவாய்ச்சரங்களாண்டு *

பண்டாயவேதங்கள்நான்கும் ஐந்து

வேள்விகளும் கேள்வியோடுஅங்கமாறும்

கண்டானை * தொண்டனேன்கண்டுகொண்டேன்

கடிபொழில்சூழ்கடல்மல்லைத்தலசயனத்தே.

1097 படநாகத்தணைக்கிடந்து அன்றுஅவுணர்கோனைப்

படவெகுண்டுமருதிடைபோய், பழனவேலி *

தடமார்ந்தகடல்மல்லைத் தலசயனத்துத்

தாமரைக்கண்துயிலமர்ந்த தலைவன்தன்னை *

கடமாரும்கருங்களிறுவல்லான் வெல்போர்க்

கலிகன்றி ஒலிசெய்தஇன்பப்பாடல் *

திடமாக இவையைந்துமைந்தும் வல்லார்

தீவினையைமுதலரியவல்லார்தாமே. (2)

1098 நண்ணாத வாளவுணரிடைப்புக்கு * வானவரைப்

பெண்ணாகிய அமுதூட்டும்பெருமானார் * மருவினிய

தண்ணார்ந்த கடல்மல்லைத் தலசயனத்துஉறைவாரை *

எண்ணாதேயிருப்பாரை இறைப்பொழுதும் எண்ணோமே. (2)

1099 பார்வண்ணமடமங்கை பனிநன்மாமலர்க்கிழத்தி *

நீர்வண்ணன்மார்வகத்தில் இருக்கையைமுன்நினைந்து, அவனூர் *

கார்வண்ணமுதுமுந்நீர்க் கடல்மல்லைத்தலசயனம் *

ஆரெண்ணும்நெஞ்சுடையார் அவர்எம்மைஆள்வாரே.

1100 ஏனத்தினுருவாகி நிலமங்கையெழில்கொண்டான் *

வானத்திலவர்முறையால் மகிழ்ந்தேத்தி வலங்கொள்ள *

கானத்தின் கடல்மல்லைத்தலசயனத்துஉறைகின்ற *

ஞானத்தினொளியுருவை நினைவார் என்நாயகரே. (2)

1101 விண்டாரைவென்று ஆவிவிலங்குண்ண * மெல்லியலார்

கொண்டாடும்மல்லகலம் அழலேறவெஞ்சமத்துக்

கண்டாரை * கடல்மல்லைத்தலசயனத்துஉறைவாரை *

கொண்டாடும்நெஞ்சுடையார் அவர் எங்கள் குலதெய்வமே.

1102 பிச்சச்சிறுபீலிச் சமண்குண்டர்முதலாயோர் *

விச்சைக் கிறையென்னும் அவ்விறையைப்பணியாதே *

கச்சிக்கிடந்தவனூர் கடல்மல்லைத்தலசயனம் *

நச்சித்தொழுவாரை நச்சுஎன்தன்நன்நெஞ்சே!

1103 புலன்கொள்நிதிக்குவையோடு புழைக்கைமா களிற்றினமும் *

நலங்கொள்நவமணிக்குவையும் சுமந்துஎங்கும் நான்றொசிந்து *

கலங்களியங்கும்மல்லைக் கடல்மல்லைத்தலசயனம் *

வலங்கொள்மனத்தாரவரை வலங்கொள்என்மடநெஞ்சே!

1104 பஞ்சிச் சிறுகூழையுருவாகி * மருவாத

வஞ்சப்பெண்நஞ்சுண்டஅண்ணல், முன்நண்ணாத *

கஞ்சைக்கடந்தவனூர் கடல்மல்லைத்தலசயனம் *

நெஞ்சில்தொழுவாரைத் தொழுவாய்என்தூய் நெஞ்சே!

1105 செழுநீர்மலர்க்கமலம் திரையுந்தவன்பகட்டால் *

உழுநீர்வயலுழவருழப் பின்முன்பிழைத்தெழுந்த *

கழுநீர்கடிகமழும் கடல்மல்லைத்தலசயனம் *

தொழுநீர்மனத்தவரைத் தொழுவாய்என்தூய் நெஞ்சே!

1106 பிணங்களிடுகாடதனுள் நடமாடுபிஞ்ஞகனோடு *

இணங்குதிருச்சக்கரத்து எம்பெருமானார்க்குஇடம் * விசும்பில்

கணங்களியங்கும்மல்லைக் கடல்மல்லைத்தலசயனம் *

வணங்குமனத்தாரவரை வணங்குஎன்தன் மடநெஞ்சே!

1107 கடிகமழுநெடுமறுகில் கடல்மல்லைத்தலசயனத்து *

அடிகளடியேநினையும் அடியவர்கள்தம்அடியான் *

வடிகொள்நெடுவேல்வலவன் கலிகன்றியொலிவல்லார் *

முடிகொள்நெடுமன்னவர்தம் முதல்வர்முதலாவாரே. (2)

1195 சங்குதங்குதடங்கடல் கடன்மல்லையுள்கிடந்தாய்! * அருள்புரிந்து

இங்குஎன்னுள்புகுந்தாய்! இனிப்போயினால்அறையோ! *

கொங்குசெண்பகமல்லிகைமலர்புல்கி இன்னிளவண்டு போய் *

இளந்தெங்கின்தாதளையும் திருவாலியம்மானே!

1551 புள்வாய்பிளந்த புனிதா! என்றுஅழைக்க *

உள்ளேநின்று என்னுள்ளம்குளிரும்ஒருவா! *

கள்வா! கடன்மல்லைக்கிடந்தகரும்பே! *

வள்ளால்! உன்னை எங்ஙனம்நான்மறக்கேனே?

2050 பிண்டியார்மண்டையேந்திப் பிறர்மனைதிரிதந்துண்ணும்

முண்டியான் * சாபம்தீர்த்த ஒருவனூர் * உலகமேத்தும்

கண்டியூர்அரங்கம்மெய்யம் கச்சிபேர்மல்லையென்று

மண்டினார் * உய்யலல்லால் மற்றையார்க்கு உய்யலாமே? (2)

2060 வங்கத்தால்மாமணிவந்துந்துமுந்நீர்

மல்லையாய்! மதிள்கச்சியூராய்! பேராய்! *

கொங்கத்தார்வளங்கொன்றையலங்கல்மார்வன்

குலவரையன்மடப்பாவைஇடப்பால்கொண்டான்

பங்கத்தாய்! * பாற்கடலாய்! பாரின்மேலாய்!

பனிவரையினுச்சியாய்! பவளவண்ணா! *

எங்குற்றாய்? எம்பெருமான்! உன்னைநாடி

ஏழையேன்இங்ஙனமேஉழிதருகேனே.

2251 தமருள்ளம்தஞ்சை தலையரங்கம்தண்கால் *

தமருள்ளும்தண்பொருப்புவேலை * - தமருள்ளும்

மாமல்லைகோவல் மதிட்குடந்தையென்பரே *

ஏவல்லவெந்தைக்கிடம்.

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2707 காரார்மணிநிறக்கண்ணனூர்விண்ணகரம் *

சீரார்கணபுரம் சேறைதிருவழுந்தூர் *

காரார்குடந்தை கடிகைகடல்மல்லை *

ஏரார்பொழில்சூழ் இடவெந்தைநீர்மலை *

சீராரும்மாலிருஞ்சோலை திருமோகூர் *

2774 வல்லவாழ்ப்

பின்னைமணாளனைப் பேரில்பிறப்பிலியை * (2)

தொன்னீர்க்கடல்கிடந்த தோளாமணிச்சுடரை *

என்மனத்துமாலை இடவெந்தையீசனை *

மன்னுங்கடல்மல்லை மாயவனை * -