Chapter 6
Thiruvazhundur 2 - (சிங்கம்-அது ஆய்)
திருவழுந்தூர் 2
These verses are indeed sung in praise of Amaruviyappan, the Lord of Thiruvazhundur.
இப்பகுதிப் பாடல்களும் திருவழுந்தூர் ஆமருவியப்பன் விஷயமாகப் பாடப்பட்டனவே.
Verses: 1598 to 1607
Grammar: Kalinilaiththuṟai / கலிநிலைத்துறை
Recital benefits: Will rule the world of Gods
- PT 7.6.1
1598 ## சிங்கம் அது ஆய் அவுணன் * திறல் ஆகம் முன் கீண்டு உகந்த *
சங்கம் இடத்தானைத் * தழல் ஆழி வலத்தானை **
செங் கமலத்து அயன் அனையார் * தென் அழுந்தையில் மன்னி நின்ற *
அம் கமலக் கண்ணனை * அடியேன் கண்டுகொண்டேனே 1 - PT 7.6.2
1599 கோ ஆனார் மடியக் * கொலை ஆர் மழுக் கொண்டருளும் *
மூவா வானவனை * முழு நீர் வண்ணனை அடியார்க்கு **
ஆஆ என்று இரங்கித் * தென் அழுந்தையில் மன்னி நின்ற *
தேவாதிதேவனை * யான் கண்டுகொண்டு திளைத்தேனே 2 - PT 7.6.3
1600 உடையானை * ஒலி நீர் உலகங்கள் படைத்தானை *
விடையான் ஓட அன்று * விறல் ஆழி விசைத்தானை *
அடையார் தென் இலங்கை அழித்தானை * அணி அழுந்தூர்
உடையானை * அடியேன் அடைந்து உய்ந்துபோனேனே 3 - PT 7.6.4
1601 குன்றால் மாரி தடுத்தவனை * குல வேழம் அன்று
பொன்றாமை * அதனுக்கு அருள்செய்த போர் ஏற்றை **
அன்று ஆவின் நறு நெய் * அமர்ந்து உண்ட அணி அழுந்தூர்
நின்றானை * அடியேன் கண்டுகொண்டு நிறைந்தேனே 4 - PT 7.6.5
1602 கஞ்சனைக் காய்ந்தானைக் * கண்ணமங்கையுள் நின்றானை *
வஞ்சனப் பேய் முலையூடு * உயிர் வாய் மடுத்து உண்டானை **
செஞ்சொல் நான்மறையோர் * தென் அழுந்தையில் மன்னி நின்ற *
அஞ்சனக் குன்றம் தன்னை * அடியேன் கண்டுகொண்டேனே 5 - PT 7.6.6
1603 பெரியானை * அமரர் தலைவற்கும் பிரமனுக்கும் *
உரி யானை உகந்தான் அவனுக்கும் * உணர்வதனுக்கு
அரியானை ** அழுந்தூர் மறையோர்கள் * அடிபணியும்
கரியானை * அடியேன் கண்டுகொண்டு களித்தேனே 6 - PT 7.6.7
1604 திரு வாழ் மார்வன் தன்னைத் * திசை மண் நீர் எரி முதலா *
உரு ஆய் நின்றவனை * ஒலி சேரும் மாருதத்தை **
அரு ஆய் நின்றவனைத் * தென் அழுந்தையில் மன்னி நின்ற *
கரு ஆர் கற்பகத்தைக் * கண்டுகொண்டு களித்தேனே 7 - PT 7.6.8
1605 நிலை ஆள் ஆக * என்னை உகந்தானை * நில மகள் தன்
முலை ஆள் வித்தகனை * முது நான்மறை வீதிதொறும் **
அலை ஆர் கடல்போல் முழங்கும் * தென் அழுந்தையில் மன்னிநின்ற *
கலை ஆர் சொற்பொருளைக் * கண்டுகொண்டு களித்தேனே 8 - PT 7.6.9
1606 ## பேரானைக் * குடந்தைப் பெருமானை * இலங்கு ஒளி சேர்
வார் ஆர் வனமுலையாள் * மலர் மங்கை நாயகனை **
ஆரா இன் அமுதைத் * தென் அழுந்தையில் மன்னி நின்ற *
கார் ஆர் கரு முகிலைக் * கண்டுகொண்டு களித்தேனே 9 - PT 7.6.10
1607 ## திறல் முருகன் அனையார் * தென் அழுந்தையில் மன்னி நின்ற *
அற முதல்வன் அவனை * அணி ஆலியர் கோன் மருவார் **
கறை நெடு வேல் வலவன் * கலிகன்றி சொல் ஐ இரண்டும் *
முறை வழுவாமை வல்லார் * முழுது ஆள்வர் வான் உலகே 10