741 அங்கணெடுமதிள்புடைசூழயோத்தியென்னும்

அணிநகரத்துலகனைத்தும்விளக்கும்சோதி *

வெங்கதிரோன்குலத்துக்கோர்விளக்காய்த்தோன்றி

விண்முழுதுமுயக்கொண்டவீரன் தன்னை *

செங்கணெடுங்கருமுகிலையிராமன் தன்னைத்

தில்லைநகர்த்திருச்சித்ரகூடந்தன்னுள் *

எங்கள்தனிமுதல்வனையெம்பெருமான்தன்னை

என்றுகொலோ? கண்குளிரக்காணும்நாளே. (2)

742 வந்தெதிர்ந்ததாடகைதன்உரத்தைக்கீறி

வருகுருதிபொழிதரவன்கணையொன்றேவி *

மந்திரங்கொள்மறைமுனிவன்வேள்விகாத்து

வல்லரக்கருயிருண்டமைந்தன்காண்மின் *

செந்தளிர்வாய்மலர்நகைசேர்செழுந்தண்சோலைத்

தில்லைநகர்த்திருச்சித்ரகூடந்தன்னுள் *

அந்தணர்களொருமூவாயிரவரேத்த

அணிமணியாசனத்திருந்தவம்மான்றானே.

743 செவ்வரிநற்கருநெடுங்கண்சீதைக்காகிச்

சினவிடையோன்சிலையிறுத்து மழுவாளேந்தி *

வெவ்வரிநற்சிலைவாங்கிவென்றிகொண்டு

வேல்வேந்தர்பகைதடிந்தவீரன்தன்னை *

தெவ்வரஞ்சநெடும்புரிசையுயர்ந்தபாங்கர்த்

தில்லைநகர்த்திருச்சித்ரகூடந்தன்னுள் *

எவ்வரிவெஞ்சிலைத் தடக்கையிராமன்தன்னை

இறைஞ்சுவாரிணையடியேயிறைஞ்சினேனே.

744 தொத்தலர்பூஞ்சுரிகுழல்கைகேசிசொல்லால் *

தொன்னகரந்துறந்து * துறைக்கங்கைதன்னை

பத்தியுடைக்குகன்கடத்தவனம்போய்ப்புக்குப்

பரதனுக்குபாதுகமுமரசுமீந்து *

சித்திரகூடத்திருந்தான்றன்னை இன்று *

தில்லைநகர்த்திருச்சித்ரகூடந்தன்னுள் *

எத்தனையும்கண்குளிரக்காணப்பெற்ற

இருநிலத்தார்க்கு இமையவர்நேரொவ்வார்தாமே.

745 வலிவணக்குவரைநெடுந்தோள்விராதைக்கொன்று

வண்டமிழ்மாமுனிகொடுத்தவரிவில்வாங்கி *

கலைவணக்குநோக்கரக்கிமூக்கைநீக்கிக்

கரனோடுதூடணன்றன்னுயிரைவாங்கி *

சிலைவணக்கிமான்மரியவெய்தான்தன்னைத்

தில்லைநகர்த்திருச்சித்ரகூடந்தன்னுள் *

தலைவணக்கிக்கைகூப்பியேத்தவல்லார்

திரிதலால் தவமுடைத்துத்தரணிதானே.

746 தனமருவுவைதேகிபிரியலுற்றுத்

தளர்வெய்திச்சடாயுவைவைகுந்தத்தேற்றி *

வனமருவுகவியரசன்காதல்கொண்டு

வாலியைகொன்றிலங்கைநகரரக்கர்கோமான் *

சினமடங்கமாருதியால்சுடுவித்தானைத்

தில்லைநகர்த்திருச்சித்ரகூடந்தன்னுள் *

இனிதமர்ந்தஅம்மானைஇராமன்றன்னை

ஏத்துவாரிணையடியேயேத்தினேனே.

747 குரைகடலையடலம்பால்மறுகவெய்து

குலைகட்டிமறுகரையையதனாலேறி *

எரிநெடுவேலரக்கரொடுமிலங்கைவேந்தன்

இன்னுயிர்கொண்டவன்தம்பிக்கரசுமீந்து *

திருமகளோடினிதமர்ந்தசெல்வன்றன்னைத்

தில்லைநகர்த்திருச்சித்ரகூடந்தன்னுள் *

அரசமர்ந்தானடிசூடுமரசையல்லால்

அரசாகவெண்ணேன்மற்றரசுதானே.

748 அம்பொனெடுமணிமாடஅயோத்தியெய்தி

அரசெய்திஅகத்தியன்வாய்த்தான்முன்கொன்றான்

தன் * பெருந்தொல்கதைக்கேட்டுமிதிலைச்செல்வி

உலகுய்யத்திருவயிறுவாய்த்தமக்கள் *

செம்பவளத்திரள்வாய்த்தன்சரிதைகேட்டான்

தில்லைநகர்த்திருச்சித்ரகூடந்தன்னுள் *

எம்பெருமான்தன்சரிதைசெவியால்கண்ணால்

பருகுவோம் * இன்னமுதைம்மதியோமின்றே.

749 செறிதவச்சம்புகன்றன்னைச்சென்றுகொன்று

செழுமறையோனுயிர்மீட்டுத் * தவத்தோனீந்த

நிறைமணிப்பூணணியுங்கொண்டுஇலவணன்தன்னைத்

தம்பியால்வானேற்றிமுனிவன்வேண்ட *

திறல்விளங்குமிலக்குமனைப்பிரிந்தான்தன்னைத்

தில்லைநகர்த்திருச்சித்ரகூடந்தன்னுள்

உறைவானை * மறவாதவுள்ளந்தன்னை

உடையோம் * மற்றுறுதுயர மடையோமின்றே.

750 அன்றுசராசரங்களைவைகுந்தத்தேற்றி

அடலரவப்பகையேறியசுரர் தம்மை

வென்று * இலங்குமணிநெடுந்தோள்நான்கும்தோன்ற

விண்முழுதுமெதிர்வரத்தன்தாமம்மேவி *

சென்றினிதுவீற்றிருந்தவம்மான்தன்னைத்

தில்லைநகர்த்திருச்சித்ரகூடந்தன்னுள் *

என்றும்நின்றானவனிவனென்றேத்தி நாளும்

இன்றைஞ்சுமினோஎப்பொழுதும்தொண்டீர்! நீரே. (2)

751 தில்லைநகர்த்திருச்சித்ரகூடந்தன்னுள்

திறல்விளங்குமாருதியோடமர்ந்தான்தன்னை *

எல்லையில்சீர்த்தயரதன்றன்மகனாய்த்தோன்றிற்று

அதுமுதலாத் தன்னுலகம்புக்கதீறா *

கொல்லியலும்படைத்தானைக்கொற்றவொள்வாள்

கோழியர்கோன்குடைக்குலசேகரஞ்சொற்செய்த *

நல்லியலின்தமிழ்மாலைபத்தும்வல்லார்

நலந்திகழ்நாரணனடிக்கீழ்நண்ணுவாரே (2)

1158 ஊன்வாடஉண்ணாதுஉயிர்க்காவலிட்டு

உடலிற்பிரியாப்புலனைந்தும்நொந்து *

தாம்வாடவாடத்தவம்செய்யவேண்டா

தமதாஇமையோருலகாளகிற்பீர்!

கானாடமஞ்ஞைக்கணமாட மாடே

கயலாடுகானீர்ப்பழனம்புடைபோய் *

தேனாடமாடக்கொடியாடு தில்லைத்

திருச்சித்ரகூடம்சென்றுசேர்மின்களே. (2)

1159 காயோடுநீடுகனியுண்டு, வீசு

கடுங்கால்நுகர்ந்து, நெடுங்காலம் * ஐந்து

தீயொடுநின்றுதவம்செய்யவேண்டா

திருமார்பனைச்சிந்தையுள்வைத்துமென்பீர் *

வாயோதுவேதம்மலிகின்றதொல்சீர்

மறையாளர்நாளும்முறையால்வளர்த்த *

தீயோங்கவோங்கப்புகழோங்கு தில்லைத்

திருச்சித்ரகூடம்சென்றுசேர்மின்களே.

1160 வெம்பும்சினத்துப்புனக்கேழலொன்றாய்

விரிநீர்முதுவெள்ளம்உள்புக்கழுந்த *

வம்புண்பொழில்சூழுலகன்றெடுத்தான்

அடிப்போதுஅணைவான்விருப்போடுஇருப்பீர்! *

பைம்பொன்னும்முத்தும்மணியும்கொணர்ந்து

படைமன்னவன்பல்லவர்க்கோன்பணிந்த *

செம்பொன்மணிமாடங்கள்சூழ்ந்ததில்லைத்

திருச்சித்ரகூடம்சென்றுசேர்மின்களே.

1161 அருமாநிலம்அன்றுஅளப்பான்குறளாய்

அவுணன்பெருவேள்வியில்சென்றிரந்த *

பெருமான்திருநாமம்பிதற்றி நுந்தம்

பிறவித்துயர்நீங்குதுமென்னகிற்பீர்! *

கருமாகடலுள்கிடந்தான்உவந்து

கவைநாஅரவினணைப்பள்ளியின்மேல் *

திருமால்திருமங்கையொடாடு தில்லைத்

திருச்சித்ரகூடம்சென்றுசேர்மின்களே.

1162 கோமங்கவங்கக்கடல்வையம்உய்யக்

குலமன்னரங்கம்மழுவில்துணிய *

தாம்அங்கமருள்படைதொட்ட வென்றித்

தவமாமுனியைத்தமக்காக்ககிற்பீர்! *

பூமங்கைதங்கிப்புலமங்கைமன்னிப்

புகழ்மங்கைஎங்கும்திகழ * புகழ்சேர்

சேமம்கொள்பைம்பூம்பொழில்சூழ்ந்த தில்லைத்

திருச்சித்ரகூடம்சென்றுசேர்மின்களே.

1163 நெய்வாயழலம்புதுரந்து முந்நீர்

துணியப்பணிகொண்டுஅணியார்ந்து * இலங்கு

மையார்மணிவண்ணனைஎண்ணி நுந்தம்

மனத்தேஇருத்தும்படிவாழவல்லீர்! *

அவ்வாய்இளமங்கையர் பேசவும்தான்

அருமாமறையந்தணர்சிந்தைபுக *

செவ்வாய்க்கிளிநான்மறைபாடு தில்லைத்

திருச்சித்ரகூடம்சென்றுசேர்மின்களே.

1164 மௌவல்குழலாய்ச்சிமென்தோள்நயந்து

மகரம்சுழலச்சுழல்நீர்பயந்த *

தெய்வத்திருமாமலர்மங்கைதங்கு

திருமார்பனைச்சிந்தையுள்வைத்துமென்பீர்! *

கௌவைக்களிற்றின்மருப்பும் பொருப்பில்

கமழ்சந்தும்உந்திநிவாவலங்கொள் *

தெய்வப்புனல்சூழ்ந்து அழகாய தில்லைத்

திருச்சித்ரகூடம்சென்றுசேர்மின்களே.

1165 மாவாயினங்கம்மதியாதுகீறி

மழைமாமுதுகுன்றுஎடுத்து * ஆயர்தங்கள்

கோவாய்நிரைமேய்த்துஉலகுண்டமாயன்

குரைமாகழல்கூடும் குறிப்புடையீர்! *

மூவாயிரநான்மறையாளர் நாளும்

முறையால்வணங்க, அணங்காயசோதி *

தேவாதிதேவன்திகழ்கின்ற தில்லைத்

திருச்சித்ரகூடம்சென்றுசேர்மின்களே.

1166 செருநீலவேற்கண்மடவார்திறத்துச்

சினத்தோடுநின்றுமனத்தால்வளர்க்கும் *

அருநீலபாவம்அகலப் புகழ்சேர்

அமரர்க்கும்எய்தாத அண்டத்துஇருப்பீர்! *

பெருநீர்நிவாவுந்திமுத்தங்கொணர்ந்து

எங்கும்வித்தும்வயலுள்கயல்பாய்ந்துஉகள *

திருநீலம்நின்றுதிகழ்கின்ற தில்லைத்

திருச்சித்ரகூடம்சென்றுசேர்மின்களே.

1167 சீரார்பொழில்சூழ்ந்துஅழகாய தில்லைத்

திருசித்ரகூடத்துறைசெங்கண்மாலுக்கு *

ஆராதஉள்ளத்தவர்கேட்டுஉவப்ப

அலைநீருலகுக்கு அருளேபுரியும் *

காரார்புயற்கைக்கலிகன்றி குன்றாவொலிமாலை

ஒரொன்பதோடுஒன்றும்வல்லார் *

பாராருலகம்அளந்தானடிக்கீழ்ப்

பலகாலம்நிற்கும்படிவாழ்வர்தாமே. (2)

1168 வாடமருதிடை போகிமல்லரைக்கொன்று ஒக்கலித்திட்டு *

ஆடல்நன்மாவுடைத்து ஆயராநிரைக்குஅன்றுஇடர்தீர்ப்பான் *

கூடியமாமழைகாத்த கூத்தனெனவருகின்றான் *

சேடுயர்பூம்பொழில்தில்லைச் சித்திரகூடத்துள்ளானே. (2)

1169 பேய்மகள்கொங்கைநஞ்சுண்ட பிள்ளைபரிசுஇது வென்றால் *

மாநிலமாமகள்மாதர்கேள்வன்இவனென்றும் * வண்டுண்

பூமகள்நாயகன்என்றும் புலங்கெழுகோவியர்பாடி *

தேமலர்தூவவருவான் சித்திரகூடத்துள்ளானே.

1170 பண்டுஇவன்வெண்ணெயுண்டானென்று ஆய்ச்சியர்கூடி இழிப்ப *

எண்திசையோரும்வணங்க இணைமருதூடுநடந்திட்டு *

அண்டரும்வானத்தவரும் ஆயிரநாமங்களோடு *

திண்திறல்பாடவருவான் சித்திரகூடத்துள்ளானே.

1171 வளைக்கைநெடுங்கண்மடவார் ஆய்ச்சியர்அஞ்சிஅழைப்ப *

தளைத்தவிழ்தாமரைப்பொய்கைத் தண்தடம்புக்கு அண்டர்காண *

முளைத்தஎயிற்றழல்நாகத்து உச்சியில்நின்றுஅதுவாட *

திலைத்தமர்செய்துவருவான் சித்திரகூடத்துள்ளானே.

1172 பருவக்கருமுகிலொத்து முத்துடைமாகடலொத்து *

அருவித்திரள்திகழ்கின்ற ஆயிரம்பொன்மலையொத்து *

உருவக்கருங்குழலாய்ச்சிதிறத்து இனமால்விடைசெற்று *

தெருவில்திளைத்துவருவான் சித்திரகூடத்துள்ளானே.

1173 எய்யச்சிதைந்துஇலங்கைமலங்க வருமழை காப்பான் *

உய்யப்பருவரைதாங்கி ஆநிரைகாத்தானென்றுஏத்தி *

வையத்தெவரும்வணங்க அணங்கெழுமாமலைபோலே *

தெய்வப்புள்ஏறிவருவான் சித்திரகூடத்துள்ளானே. (2)

1174 ஆவர்இவைசெய்தறிவார்? அஞ்சனமாமலைபோலே *

மேவுசினத்துஅடல்வேழம் வீழமுனிந்து * அழகாய

காவிமலர்நெடுங்கண்ணார் கைதொழவீதிவருவான் *

தேவர்வணங்குதண்தில்லைச் சித்திரகூடத்துள்ளானே.

1175 பொங்கி அமரிலொருகால் பொன்பெயரோனைவெருவ *

அங்கவனாகம்அளைந்திட்டு ஆயிரந்தோள்எழுந்தாட *

பைங்கணிரண்டுஎரிகான்ற நீண்டஎயிற்றொடுபேழ்வாய் *

சிங்கவுருவில்வருவான் சித்திரகூடத்துள்ளானே.

1176 கருமுகில்போல்வதுஒர்மேனி கையனஆழியும்சங்கும் *

பெருவிறல்வானவர்சூழ ஏழுலகும்தொழுதேத்த *

ஒருமகள்ஆயர்மடந்தை ஒருத்திநிலமகள் * மற்றைத்

திருமகளோடும்வருவான் சித்திரகூடத்துள்ளானே.

1177 தேனமர்பூம்பொழில் தில்லைச்சித்திரகூடம்அமர்ந்த *

வானவர்தங்கள்பிரானை மங்கையர்கோன் * மருவார்

ஊனமர்வேல்கலிகன்றி ஒண்தமிழ்ஒன்பதோடொன்றும் *

தானிவைகற்றுவல்லார்மேல் சாராதீவினைதானே. (2)

2777 அள்ளல்வாய் அன்னமிரைதேர் அழுந்தூரெழுஞ்சுடரை *

தெந்தில்லைச் சித்திரகூடத்துஎன் செல்வனை * -