71 உன்னையும்ஒக்கலையில்கொண்டுதமில்மருவி

உன்னொடுதங்கள் கருத்தாயினசெய்துவரும் *

கன்னியரும்மகிழக்கண்டவர்கண்குளிரக்

கற்றவர்தெற்றிவரப் பெற்றஎனக்குஅருளி *

மன்னுகுறுங்குடியாய்! வெள்ளறையாய்! மதிள்சூழ்

சோலைமலைக்கரசே! கண்ணபுரத்தமுதே! *

என்னவலம்களைவாய்! ஆடுகசெங்கீரை

ஏழுலகும்முடையாய்! ஆடுகஆடுகவே. (2)

813 கரண்டமாடுபொய்கையுள் கரும்பனைப்பெரும்பழம் *

புரண்டுவீழ, வாளைபாய் குறுங்குடிநெடுந்தகாய்! *

திரண்டதோளிரணியஞ் சினங்கொளாகமொன்றையும் *

இரண்டுகூறுசெய்துகந்த சிங்கமென்பதுன்னையே. (2)

1005 ஏவினார்கலியார்நலிகவென்று என்மேல்

எங்ஙனேவாழுமாறு? * ஐவர்

கோவினார் செய்யும்கொடுமையைமடித்தேன்

குறுங்குடிநெடுங்கடல்வண்ணா! *

பாவினாரின்சொல் பன்மலர்கொண்டு உன்

பாதமேபரவிநான் பணிந்து * என்

நாவினால்வந்துஉன்திருவடியடைந்தேன்

நைமிசாரணியத்துள்எந்தாய்! (2)

1399 பேரானைக் குறுங்குடியெம்பெருமானை * திருதண்கா

லூரானைக் கரம்பனூருத்தமனை * முத்திலங்கு

காரார்திண்கடலேழும் மலையேழிவ்வுலகேழுண்டும் *

ஆராதென்றிருந்தானைக் கண்டதுதென்னரங்கத்தே. (2)

1470 மானேய்நோக்குநல்லார் மதிபோல்முகத்துஉலவும் *

ஊனேய்கண்வாளிக்கு உடைந்தோட்டந்துஉன்னடைந்தேன் *

கோனே! குறுங்குடியுள்குழகா! திருநறையூர்த்

தேனே! * வருபுனல்சூழ் திருவிண்ணகரானே!

1788 தவளவிளம்பிறைதுள்ளுமுந்நீர்த்

தண்மலர்த்தென்றலோடன்றிலொன்றித்

துவள * என்னெஞ்சகம் சோரஈரும்

சூழ்பனிநாள்துயிலாதிருப்பேன் *

இவளும்ஓர்பெண்கொடியென்றிரங்கார்

என்னலமைந்துமுன்கொண்டுபோன *

குவளைமலர்நிறவண்ணர்மன்னு

குறுங்குடிக்கேஎன்னைஉய்த்திடுமின். (2)

1789 தாதவிழ்மல்லிகைபுல்லிவந்த

தண்மதியினிளவாடைஇன்னே *

ஊதைதிரிதந்துழறியுண்ண

ஓரிரவும்உறங்கேன் * உறங்கும்

பேதையர்பேதைமையால்இருந்து

பேசிலும்பேசுகபெய்வளையார் *

கோதைநறுமலர்மங்கைமார்வன்

குறுங்குடிக்கேஎன்னைஉய்த்திடுமின்.

1790 காலையும்மாலையொத்துண்டு

கங்குல்நாழிகைஊழியில்நீண்டுலாவும் *

போல்வதோர் தன்மைபுகுந்துநிற்கும்

பொங்கழலேயொக்கும்வாடைசொல்லில் *

மாலவன்மாமணிவண்ணன்

மாயம் மற்றுமுளஅவை வந்திடாமுன் *

கோலமயில்பயிலும்புறவின்

குறுங்குடிக்கேஎன்னைஉய்த்திடுமின்.

1791 கருமணிபூண்டுவெண்ணாகணைந்து

காரிமிலேற்றணர்தாழ்ந்துலாவும் *

ஒருமணியோசைஎன்னுள்ளந்தள்ள

ஓரிரவும்உறங்காதிருப்பேன் *

பெருமணிவானவருச்சிவைத்த

பேரருளாளன்பெருமை பேசி *

குருமணிநீர்கொழிக்கும்புறவின்

குறுங்குடிக்கேஎன்னைஉய்த்திடுமின்.

1792 திண்திமிலேற்றின்மணியும்ஆயன்

தீங்குழலோசையும், தென்றலோடு *

கொண்டதோர்மாலையும் அந்தியீன்ற

கோலவிளம்பிறையோடு கூடி *

பண்டையவல்லஇவைநமக்குப்

பாவியேனாவியைவாட்டம்செய்யும் *

கொண்டல்மணிநிறவண்ணர்மன்னு

குறுங்குடிக்கேஎன்னைஉய்த்திடுமின்.

1793 எல்லியும்நன்பகலும்இருந்தே

ஏசிலும்ஏசுகஏந்திழையார் *

நல்லரவர்திறம்நாமறியோம்

நாண்மடமச்சம்நமக்கிங்கில்லை *

வல்லனசொல்லிமகிழ்வரேனும்

மாமணிவண்ணரைநாம்மறவோம் *

கொல்லைவளரிளமுல்லைபுல்கு

குறுங்குடிக்கேஎன்னைஉய்த்திடுமின்.

1794 செங்கண்நெடியகரியமேனித்

தேவரொருவர்இங்கேபுகுந்து * என்

அங்கம்மெலியவளைகழல

ஆதுகொலோ? என்றுசொன்னபின்னை *

ஐங்கணிவில்லிதன்னாண்மை

என்னோடாடுமதனைஅறியமாட்டேன் *

கொங்கலர்தண்பணைசூழ்புறவில்

குறுங்குடிக்கேஎன்னைஉய்த்திடுமின்.

1795 கேவலமன்றுகடலினோசை

கேண்மின்கள்ஆயன்கைஆம்பல்வந்து * என்

ஆவியளவும் அணைந்துநிற்கும்

அன்றியும்ஐந்துகணைதெரிந்திட்டு *

ஏவலம்காட்டிஇவனொருவன்

இப்படியேபுகுந்துஎய்திடாமுன் *

கோவலர்கூத்தன்குறிப்பறிந்து

குறுங்குடிக்கேஎன்னைஉய்த்திடுமின்.

1796 சோத்தெனநின்றுதொழஇரங்கான்

தொன்னலங்கொண்டெனக்குஇன்றுகாறும் *

போர்ப்பதோர்பொற்படம்தந்துபோனான்

போயினவூரறியேன் * என்கொங்கை

மூத்திடுகின்றன

மற்றவன்தன்மொய்யகலமணையாதுவாளா *

கூத்தனிமையவர்கோன்விரும்பும்

குறுங்குடிக்கேஎன்னைஉய்த்திடுமின்.

1797 செற்றவன்தென்னிலங்கைமலங்கத்

தேவர்பிரான், திருமாமகளைப்

பெற்றும் * என்நெஞ்சகம்கோயில்கொண்ட

பேரருளாளன், பெருமைபேசக்

கற்றவன் * காமருசீர்க்கலியன்

கண்ணகத்தும்மனத்தும்அகலாக்

கொற்றவன் * முற்றுலகாளிநின்ற

குறுங்குடிக்கேஎன்னைஉய்த்திடுமின். (2)

1798 அக்கும்புலியினதளும் உடையார்அவரொருவர் *

பக்கம்நிற்கநின்ற பண்பரூர்போலும் *

தக்கமரத்தின் தாழ்சினையேறி * தாய்வாயில்

கொக்கின்பிள்ளை வெள்ளிறவுண்ணும்குறுங்குடியே. (2)

1799 துங்காராரவத்திரைவந்துலவத் தொடுகடலுள் *

பொங்காரரவில்துயிலும் புனிதரூர்போலும் *

செங்காலன்னம் திகழ்தண்பணையில்பெடையோடும் *

கொங்கார்கமலத்தலரில்சேரும்குறுங்குடியே.

1800 வாழக்கண்டோம்வந்துகாண்மின்தொண்டீர்காள்! *

கேழல் செங்கண்மாமுகில்வண்ணர்மருவுமூர் *

ஏழைச்செங்கால் இன்துணைநாரைக்குஇரைதேடி *

கூழைப்பார்வைக் கார்வயல்மேயும்குறுங்குடியே.

1801 சிரமுனைந்துமைந்தும் சிந்தச்சென்று * அரக்கன்

உரமும்கரமும்துணித்த உரவோனூர்போலும் *

இரவும்பகலும் ஈன்தேன் முரல * மன்றெல்லாம்

குரவின்பூவேதான் மணம்நாறும்குறுங்குடியே.

1802 கவ்வைக்களிற்றுமன்னர்மாளக் கலிமான்தேர்

ஐவர்க்காய் * அன்றுஅமரில் உய்த்தான்ஊர்போலும் *

மைவைத்திலங்குகண்ணார்தங்கள் மொழியொப்பான் *

கொவ்வைக்கனிவாய்க் கிள்ளைபேசும்குறுங்குடியே.

1803 தீநீர்வண்ணமாமலர்கொண்டுவிரையேந்தி *

தூநீர்பரவித் தொழுமின்எழுமின்தொண்டீர்காள்! *

மாநீர்வண்ணர் மருவியுறையுமிடம் * வானில்

கூனீர்மதியை மாடம்தீண்டும்குறுங்குடியே.

1804 வல்லிச் சிறுநுண்ணிடையாரிடை நீர்வைக்கின்ற *

அல்லல்சிந்தைதவிர அடைமின் அடியீர்காள்! *

சொல்லில்திருவேயனையார் கனிவாயெயிறொப்பான் *

கொல்லைமுல்லை மெல்லரும்பீனும்குறுங்குடியே.

1805 நாராரிண்டை நாண்மலர்கொண்டுநம்தமர்காள்! *

ஆராஅன்போடு எம்பெருமானூரடைமின்கள் *

தாராவாரும் வார்புனல்மேய்ந்துவயல்வாழும் *

கூர்வாய்நாரை பேடையொடாடும்குறுங்குடியே.

1806 நின்றவினையும்துயரும்கெட மாமலரேந்தி *

சென்றுபணிமின்எழுமின் தொழுமின்தொண்டீர்காள்! *

என்றும்இரவும்பகலும் வரிவண்டுஇசைபாட *

குன்றின்முல்லை மன்றிடைநாறும்குறுங்குடியே.

1807 சிலையால்இலங்கைசெற்றான் மற்றோர்சினவேழம் *

கொலையார்கொம்புகொண்டான்மேய குறுங்குடிமேல் *

கலையார்பனுவல்வல்லான் கலியனொலிமாலை *

நிலையார்பாடல்பாடப் பாவம்நில்லாவே. (2)

2065 முளைக்கதிரைக்குறுங்குடியுள்முகிலை மூவா

மூவுலகும்கடந்துஅப்பால்முதலாய்நின்ற *

அளப்பரியஆரமுதை அரங்கம்மேய

அந்தணனை அந்தணர்தம்சிந்தையானை *

விளக்கொளியைமரதகத்தைத்திருத்தண்காவில்

வெஃகாவில்திருமாலைப்பாடக்கேட்டு *

வளர்த்ததனால்பயன்பெற்றேன்வருகவென்று

மடக்கிளியைக்கைகூப்பிவணங்கினாளே. (2)

2772 தாமரைமேல்

மின்னிடையாள்நாயகனை விண்ணகருள்பொன்மலையை *

பொன்னிமணிகொழிக்கும் பூங்குடந்தைப்போர் விடையை *

தென்னன்குறுங்குடியுள் செம்பவளக்குன்றினை *

மன்னியதண் சேறை வள்ளலை * -

2898 நம்பியைத் தென்குறுங்குடி நின்ற * அச்

செம்பொனேதிகழும் திருமூர்த்தியை *

உம்பர்வானவர் ஆதியஞ்சோதியை *

எம்பிரானை என்சொல்லிமறப்பனோ? (2)

3102 உளனாகவேயெண்ணித் தன்னையொன்றாகத்தன் செல்வத்தை *

வளனாமதிக்கும் இம்மானிடத்தைக் கவிபாடியென்? *

குளனார்கழனிசூழ் கண்ணன்குறுங்குடிமெய்ம்மையே *

உளனாயவெந்தையை எந்தைபெம்மானையொழியவே?

3277 எங்ஙனேயோ அன்னைமீர்காள்! என்னைமுனிவதுநீர்? *

நங்கள்கோலத்திருக்குறுங்குடிநம்பியை நான்கண்டபின் *

சங்கினோடும்நேமியோடும் தாமரைக்கண்களோடும் *

செங்கனிவாயொன்றினோடும் செல்கின்றதுஎன் நெஞ்சமே. (2)

3278 என்நெஞ்சினால்நோக்கிக்காணீர்என்னைமுனியாதே *

தென்னன்சோலைத்திருக்குறுங்குடிநம்பியை நான்கண்டபின் *

மின்னும்நூலும்குண்டலமும் மார்வில்திருமறுவும் *

மன்னுபூணும்நான்குதோளும் வந்தெங்கும்நின்றிடுமே.

3279 நின்றிடும்திசைக்கும்நையுமென்று அன்னையரும்முனிதிர் *

குன்றமாடத்திருக்குறுங்குடிநம்பியை நான்கண்டபின் *

வென்றிவில்லும்தண்டும்வாளும் சக்கரமும்சங்கமும் *

நின்றுதோன்றிக்கண்ணுள்நீங்கா நெஞ்சுள்ளும்நீங்காவே.

3280 நீங்கநில்லாகண்ணநீர்களென்று அன்னையரும்முனிதிர் *

தேன்கொள்சோலைத்திருக்குறுங்குடிநம்பியை நான்கண்டபின் *

பூந்தண்மாலைத்தண்டுழாயும் பொன்முடியும்வடிவும் *

பாங்குதோன்றும்பட்டும்நாணும் பாவியேன்பக்கத்தவே.

3281 பக்கம்நோக்கிநிற்கும்நையுமென்று அன்னையரும்முனிதிர் *

தக்ககீர்த்தித்திருக்குறுங்குடிநம்பியை நான்கண்டபின் *

தொக்கசோதித்தொண்டைவாயும் நீண்டபுருவங்களும் *

தக்கதாமரைக்கண்ணும் பாவியேனாவியின்மேலனவே.

3282 மேலும்வன்பழிநங்குடிக்கிவளென்று அன்னைகாண கொடாள் *

சோலைசூழ்தண்திருக்குறுங்குடிநம்பியை நான்கண்டபின் *

கோலநீள்கொடிமூக்கும் தாமரைக்கண்ணும்கனிவாயும் *

நீலமேனியும்நான்குதோளும் என்நெஞ்சம் நிறைந்தனவே.

3283 நிறைந்தவன்பழிநங்குடிக்கிவளென்று அன்னைகாண கொடாள் *

சிறந்தகீர்த்தித்திருக்குறுங்குடிநம்பியை நான்கண்டபின் *

நிறைந்தசோதிவெள்ளம்சூழ்ந்த நீண்டபொன்மேனி யொடும் *

நிறைந்தென்னுள்ளேநின்றொழிந்தான் நேமியங்கை யுளதே. (2)

3284 கையுள்நன்முகம்வைக்கும்நையுமென்று அன்னையரும் முனிதிர் *

மைகொள்மாடத்திருக்குறுங்குடிநம்பியை நான்கண்டபின் *

செய்யதாமரைக்கண்ணுமல்குலும் சிற்றிடையும்வடிவும் *

மொய்யநீள்குழல்தாழ்ந்ததோள்களும் பாவியேன் முன்னிற்குமே.

3285 முன்னின்றாயென்றுதோழிமார்களும் அன்னையரும் முனிதிர் *

மன்னுமாடத்திருக்குறுங்குடிநம்பியை நான்கண்டபின் *

சென்னிநீண்முடியாதியாய உலப்பிலணிகலத்தன் *

கன்னல்பாலமுதாகிவந்து என்நெஞ்சம்கழியானே.

3286 கழியமிக்கதோர்காதலளிவளென்று அன்னைகாண கொடாள் *

வழுவில்கீர்த்தித்திருக்குறுங்குடிநம்பியை நான்கண்டபின் *

குழுமித்தேவர்குழாங்கள் கைதொழச்சோதிவெள்ளத்தினுள்ளே *

எழுவதோருருவென்னெஞ்சுள்ளெழும் ஆர்க்குமறிவரிதே.

3287 அறிவரியபிரானை ஆழியங்கையனையேயலற்றி *

நறியநல்மலர்நாடி நன்குருகூர்ச்சடகோபன்சொன்ன *

குறிகொளாயிரத்துள்இவைபத்தும் திருக்குறுங்குடியதன்மேல் *

அறியக்கற்றுவல்லார்வைட்டணவர் ஆழ்கடல்ஞாலத்துள்ளே. (2)