3563 தேவிமாராவார்திருமகள்பூமி

ஏவமற்றமரராட்செய்வார் *

மேவியவுலகம்மூன்றவையாட்சி

வேண்டுவேண்டுருவம்நின்னுருவம் *

பாவியேன்தன்னையடுகின்ற

கமலக்கண்ணது ஓர்பவளவாய்மணியே! *

ஆவியே! அமுதே! அலைகடல்கடைந்த

அப்பனே! காணுமாறருளாய். (2)

3564 காணுமாறருளாயென்றென்றேகலங்கிக்

கண்ணநீரலமர * வினையேன்

பேணுமாறெல்லாம்பேணி நின்பெயரே

பிதற்றுமாறருளெனக்கந்தோ! *

காணுமாறருளாய்காகுத்தா! கண்ணா!

தொண்டனேன்கற்பகக்கனியே! *

பேணுவாரமுதே! பெரியதண்புனல்சூழ்

பெருநிலமெடுத்தபேராளா!

3565 எடுத்தபேராளன்நந்தகோபன்தன்

இன்னுயிர்ச்சிறுவனே! * அசோதைக்கு

அடுத்தபேரின்பக்குலவிளங்களிறே!

அடியனேன்பெரியவம்மானே! *

கடுத்தபோரவுணனுடலிருபிளவாக்

கையுகிராண்டவெங்கடலே? *

அடுத்ததோருருவாய்இன்றுநீவாராய்

எங்ஙனம்தேறுவருமரே?

3566 உமருகந்துகந்தவுருவம்நின்னுருவமாகி

உன்தனக்கன்பரானா

ரவர் * உகந்தமர்ந்தசெய்கையுன்மாயை

அறிவொன்றும்சங்கிப்பன்வினையேன் *

அமரதுபண்ணியகலிடம்புடைசூழ்

அடுபடையவித்தஅம்மானே! *

அமரர்தமமுதே! அசுரர்கள்நஞ்சே!

என்னுடையாருயிரேயோ!

3567 ஆருயிரேயோ! அகலிடமுழுதும்

படைத்திடந்துண்டுமிழ்ந்தளந்த *

பேருயிரேயோ! பெரியநீர்படைத்து அங்குறைந்தது

கடைந்தடைத்துடைத்த *

சீரியரேயோ! மனிசர்க்குத்தேவர்போலத்

தேவர்க்கும்தேவாவோ! *

ஒருயிரேயோ! உலகங்கட்கெல்லாம்

உன்னைநானெங்குவந்துறுகோ?

3568 எங்குவந்துறுகோ! என்னையாள்வானே!

ஏழுலகங்களும்நீயே *

அங்கவர்க்கமைத்ததெய்வமும்நீயே

அவற்றவைகருமமும்நீயே *

பொங்கியபுறம்பாற்பொருளுளவேலும்

அவையுமோநீயின்னேயானால் *

மங்கியஅருவாம்நேர்ப்பமும்நீயே

வான்புலனிறந்ததும்நீயே.

3569 இறந்ததும்நீயேஎதிர்ந்ததும்நீயே

நிகழ்வதோநீயின்னேயானால் *

சிறந்தநின்தன்மையதுவிதுவுதுவென்று

அறிவொன்றும்சங்கிப்பன்வினையேன் *

கறந்தபால்நெய்யே! நெய்யினின்சுவையே!

கடலினுளமுதமே! * அமுதிற்

பிறந்தஇன்சுவையே! சுவையதுபயனே!

பின்னைதோள்மணந்தபேராயா!

3570 மணந்தபேராயா! மாயத்தால்முழுதும்

வல்வினையேனையீர்கின்ற *

குணங்களையுடையாய்! அசுரர்வன்கையர்கூற்றமே!

கொடியபுள்ளுயர்த்தாய் *

பணங்களாயிரமுடையபைந்நாகப்பள்ளியாய்!

பாற்கடற்சேர்ப்பா! *

வணங்குமாறறியேன்மனமும்

வாசகமும் செய்கையும் யானும்நீதானே.

3571 யானும்நீதானேயாவதோமெய்யே

அருநரகவையும்நீயானால் *

வானுயரின்பமெய்திலென்?

மற்றைநரகமேயெய்திலென்? எனிலும் *

யானும்நீதானாய்த்தெளிதொறும்நன்றும்

அஞ்சுவன் நரகம்நானடைதல் *

வானுயரின்பம்மன்னிவீற்றிருந்தாய்!

அருளுநின்தாள்களையெனக்கே.

3572 தாள்களையெனக்கேதலைத்தலைசிறப்பத்

தந்த பேருதவிக்கைம்மாறா *

தோள்களையாரத்தழுவி என்னுயிரை

அறவிலைசெய்தனன்சோதீ *

தோள்களாயிரத்தாய்! முடிகளாயிரத்தாய்!

துணைமலர்க்கண்களாயிரத்தாய்! *

தாள்களாயிரத்தாய்! பேர்களாயிரத்தாய்!

தமியனேன்பெரியவப்பனே.

3573 பெரியவப்பனைப்பிரமனப்பனை

உருத்திரனப்பனை * முனிவர்க்

குரியவப்பனையமரரப்பனை

உலகுக்கோர்தனியப்பன்தன்னை *

பெரியவண்குருகூர்ச்சடகோபன்

பேணினஆயிரத்துள்ளும் *

உரியசொல்மாலையிவையும்பத்து இவற்றால்

உய்யலாம்தொண்டீர்! நங்கட்கே. (2)