3574 நங்கள்வரிவளையாயங்காளோ!

நம்முடையேதலர்முன்புநாணி *

நுங்கட்குயானொன்றுரைக்கும்மாற்றம்

நோக்குகின்றேன்எங்குங்காணமாட்டேன் *

சங்கம்சரிந்தனசாயிழந்தேன்

தடமுலைபொன்னிறமாய்த்தளர்ந்தேன் *

வெங்கண்பறவையின்பாகனெங்கோன்

வேங்கடவாணணைவேண்டிச்சென்றே. (2)

3575 வேண்டிச்சென் றொன்று பெறுகிற் பாரில்

என்னுடைத்தோழியர்நுங்கட்கேலும் *

ஈண்டிதுரைக்கும்படியை அந்தோ!

காண்கின்றிலேன்இடராட்டியேன்நான் *

காண்தகுதாமரைக்கண்ணன்கள்வன்

விண்ணவர்கோன்நங்கள்கோனைக்கண்டால் *

ஈண்டியசங்கும்நிறைவும்கொள்வான்

எத்தனைகாலம்இளைக்கின்றேனே?

3576 காலமிளைக்கிலல்லால் வினையேன்நான்

இளைக்கின்றிலன் கண்டுகொண்மின் *

ஞாலமறியப்பழிசுமந்தேன் நன்னுதலீர்!

இனிநாணித்தானென்? *

நீலமலர்நெடுஞ்சோதிசூழ்ந்த

நீண்டமுகில்வண்ணன்கண்ணன்கொண்ட *

கோலவளையொடுமாமைகொள்வான்

எத்தனைகாலம்கூடச்சென்றே.

3577 கூடச்சென்றேன்இனியென்கொடுக்கேன்?

கோல்வளை நெஞ்சத்தொடக்கமெல்லாம் *

பாடற்றொழியஇழந்துவைகல்

பல்வளையார்முன்பரிசழிந்தேன் *

மாடக்கொடிமதிள்தென்குளந்தை

வண்குடபால்நின்றமாயக்கூத்தன் *

ஆடல்பறவையுயர்த்தவெல்போர்

ஆழிவலவினையாதரித்தே. (2)

3578 ஆழிவலவினை ஆதரிப்பும்

ஆங்கவன்நம்மில்வரவுமெல்லாம் *

தோழியர்காள்! நம்முடையமேதான்?

சொல்லுவதோ? இங்கரியதுதான் *

ஊழிதோறூழியொருவனாக

நன்குணர்வார்க்குமுணரலாகா *

சூழலுடையசுடர்கொளாதித்

தொல்லையஞ்சோதிநினைக்குங்காலே.

3579 தொல்லையஞ்சோதிநினைக்குங்கால்

என்சொல்லளவன்று, இமையோர்தமக்கும் *

எல்லையிலாதனகூழ்ப்புச்செய்யும்

அத்திறம்நிற்கவெம்மாமைகொண்டான் *

அல்லிமலர்த்தண்துழாயும்தாரான்

ஆர்க்கிடுகோஇனிப்பூசல்? சொல்லீர் *

வல்லிவளவயல்சூழ்குடந்தை

மாமலர்க்கண்வளர்கின்றமாலே.

3580 மாலரிகேசவன்நாரணன் சீமாதவன்

கோவிந்தன்வைகுந்தனென்றென்று *

ஒலமிடவென்னைப்பண்ணிவிட்டிட்டு

ஒன்றுமுருவுஞ்சுவடுங்காட்டான் *

ஏலமலர்குழலன்னைமீர்காள்!

என்னுடைத்தோழியர்காள்! என்செய்கேன்? *

காலம்பலசென்றும்காண்பதாணை

உங்களோடெங்களிடையில்லையே.

3581 இடையில்லையான்வளர்த்தகிளிகாள்!

பூவைகள்காள்! குயில்காள்! மயில்காள்! *

உடையநம்மாமையும்சங்கும்நெஞ்சும்

ஒன்றுமொழியவொட்டாதுகொண்டான் *

அடையும்வைகுந்தமும்பாற்கடலும்

அஞ்சனவெற்புமவைநணிய *

கடையறப்பாசங்கள்விட்டபின்னையன்றி

அவனவைகாண்கொடானே.

3582 காண்கொடுப்பானல்லனார்க்கும்தன்னைக்

கைசெயப்பாலதோர்மாயந்தன்னால் *

மாண்குறள்கோலவடிவுகாட்டி

மண்ணும்விண்ணும்நிறையமலர்ந்த *

சேண்சுடர்த்தோள்கள்பலதழைத்த

தேவபிராற்குஎன்நிறைவினோடு *

நாண்கொடுத்தேன்இனியென்கொடுக்கேன்?

என்னுடை நன்னுதல்நங்கைமீர்காள்!

3583 என்னுடை நன்னுதல்நங்கைமீர்காள்!

யானினிச்செய்வதென்? என்நெஞ்சுஎன்னை *

நின்னிடையேனல்லேனென்றுநீங்கி

நேமியும்சங்குமிருகைக்கொண்டு *

பன்னெடுஞ்சூழ்சுடர்ஞாயிற்றோடு

பான்மதியேந்தி, ஓர்கோலநீல *

நன்னெடுங்குன்றம்வருவதொப்பான்

நாள்மலர்ப்பாதமடைந்ததுவே.

3584 பாதமடைவதன்பாசத்தாலே

மற்றவன்பாசங்கள்முற்றவிட்டு *

கோதில்புகழ்க்கண்ணன்தன்னடிமேல்

வண்குருகூர்ச்சடகோபன்சொன்ன *

தீதிலந்தாதியோராயிரத்துள்

இவையுமோர்பத்திசையொடும்வல்லார் *

ஆதுமோர்தீதிலராகி அங்குமிங்கும்

எல்லாமமைவார்கள் தாமே. (2)