2182 அன்பேதளியா ஆர்வமேநெய்யாக *

இன்புருகுசிந்தையிடுதிரியா * - நன்புருகி

ஞானச்சுடர்விளக்கேற்றினேன், நாரணற்கு *

ஞானத்தமிழ்புரிந்தநான். (2)

2183 ஞானத்தால்நன்குணர்ந்து நாரணன்றன்நாமங்கள் *

தானத்தால்மற்றவன்பேர்சாற்றினால் * - வானத்

தணியமரர் ஆக்குவிக்குமஃதன்றே? * நங்கள்

பணியமரர்கோமான்பரிசு.

2184 பரிசுநறுமலரால் பாற்கடலான்பாதம் *

புரிவார்புகழ்பெறுவர்போலாம் * - புரிவார்கள்

தொல்லமரர்கேள்வித் துலங்கொளிசேர்தோற்றத்து *

நல்லமரர்கோமான்நகர்.

2185 நகரிழைத்துநித்திலத்து நாண்மலர்கொண்டு * ஆங்கே

திகழுமணிவயிரஞ்சேர்த்து * - நிகரில்லாப்

பைங்கமலமேந்திப் பணிந்தேன்பனிமலராள் *

அங்கம்வலம்கொண்டானடி.

2186 அடிமூன்றிலிவ்வுலகம் அன்றளந்தாய்போலும் *

அடிமூன்றிரந்துஅவனிகொண்டாய் * - படிநின்ற

நீரோதமேனி நெடுமாலே! நின்னடியை

யாரோதவல்லாரறிந்து?

2187 அறிந்தைந்துமுள்ளடக்கி ஆய்மலர்கொண்டு * ஆர்வம்

செறிந்தமனத்தராய்ச்செவ்வே * - அறிந்தவன்தன்

பேரோதியேத்தும் பெருந்தவத்தோர்காண்பரே *

காரோதவண்ணன்கழல்.

2188 கழலெடுத்துவாய்மடித்துக் கண்சுழன்று * மாற்றார்

அழலெடுத்த சிந்தையராயஞ்ச * தழலெடுத்த

போராழியேந்தினான் பொன்மலர்ச்சேவடியை *

ஓராழிநெஞ்சே! உகந்து.

2189 உகந்துன்னைவாங்கி ஒளிநிறங்கொள்கொங்கை *

அகங்குளிரஉண்ணென்றாளாவி * -உகந்து

முலையுண்பாய்போலே முனிந்துண்டாய் * நீயும்

அலைபண்பா லானமையாலன்று.

2190 அன்றதுகண்டஞ்சாத ஆய்ச்சிஉனக்கிரங்கி *

நின்றுமுலைதந்த இந்நீர்மைக்கு * அன்று

வரன்முறையால்நீயளந்த மாகடல்சூழ்ஞாலம் *

பெருமுறையாலெய்துமோபேர்த்து?

2191 பேர்த்தனை மாசகடம்பிள்ளையாய் * மண்ணிரந்து

காத்தனை பல்லுயிரும்காவலனே! * ஏத்திய

நாவுடையேன்பூவுடையேன் நின்னுள்ளிநின்றமையால் *

காஅடியேன்பட்டகடை.

2192 கடைநின்றமரர் கழல்தொழுது * நாளும்

இடைநின்ற இன்பத்தராவர் * -புடைநின்ற

நீரோதமேனி நெடுமாலே! * நின்னடியை

யாரோதவல்லாரவர்?

2193 அவரிவரென்றில்லை அரவணையான்பாதம் *

எவர்வணங்கி யேத்தாதாரெண்ணில் * -பவரும்

செழுங்கதிரோன்ஒண்மலரோன் கண்ணுதலோனன்றே? *

தொழுந்தகையார் நாளும்தொடர்ந்து.

2194 தொடரெடுத்தமால்யானை சூழ்கயம்புக்கஞ்சி *

படரெடுத்தபைங்கமலம்கொண்டு * -அன்றுஇடரடுக்க

ஆழியான் பாதம்பணிந்தன்றே? * வானவர்கோன்

பாழிதா னெய்திற்றுப்பண்டு.

2195 பண்டிப்பெரும்பதியையாக்கி * பழிபாவம்

கொண்டுஇங்குவாழ்வாரைக்கூறாதே * - எண்திசையும்

பேர்த்தகரம்நான்குடையான் பேரோதிப்பேதைகாள்! *

தீர்த்தகரராமின்திரிந்து.

2196 திரிந்ததுவெஞ்சமத்துத் தேர்கடவி * அன்று

பிரிந்தது சீதையை மான்பின்போய் * -புரிந்ததுவும்

கண்பள்ளிகொள்ள, அழகியதே! * நாகத்தின்

தண்பள்ளிகொள்வான்தனக்கு.

2197 தனக்கடிமைபட்டது தானறியானேலும் *

மனத்தடைய வைப்பதாம்மாலை * - வனத்திடரை

ஏரியாம்வண்ணம் இயற்றுமிதுவல்லால் *

மாரியார்பெய்கிற்பாற்மற்று?

2198 மற்றாரியலாவர்? வானவர்கோன்மாமலரோன் *

சுற்றும்வணங்கும்தொழிலானை * - ஒற்றைப்

பிறையிருந்த செஞ்சடையான்பின்சென்று * மாலைக்

குறையிரந்து தான்முடித்தான்கொண்டு.

2199 கொண்டதுலகம் குறளுருவாய், கோளரியாய் *

ஒண்திறலோன்மார்வத்துகிர்வைத்தது * - உண்டதுவும்

தான்கடந்தவேழுலகே தாமரைக்கண்மாலொருநாள் *

வான்கடந்தான்செய்தவழக்கு.

2200 வழக்கன்றுகண்டாய் வலிசகடஞ்செற்றாய் *

வழக்கென்றுநீமதிக்கவேண்டா * - குழக்கன்று

தீவிளவின்காய்க்கெறிந்த தீமைதிருமாலே! *

பார்விளங்கச்செய்தாய்பழி.

2201 பழிபாவங்கையகற்றிப் பல்காலும்நின்னை *

வழிவாழ்வார் வாழ்வராம்மாதோ * - வழுவின்றி

நாரணன்தன்நாமங்கள் நன்குணர்ந்துநன்கேத்தும் *

காரணங்கள்தாமுடையார்தாம்.

2202 தாமுளரே தம்முள்ளமுள்ளுளதே * தாமரையின்

பூவுளதே ஏத்தும்பொழுதுண்டே * - வாமன்

திருமருவு தாள்மருவுசென்னியரே * செவ்வே

அருநரகஞ்சேர்வதரிது.

2203 அரியதெளிதாகும் ஆற்றலால்மாற்றி *

பெருகமுயல்வாரைப் பெற்றால் * - கரியதோர்

வெண்கோட்டுமால்யானை வென்றுமுடித்தன்றே *

தண்கோட்டுமாமலரால்தாழ்ந்து.

2204 தாழ்ந்துவரங்கொண்டு தக்கவகைகளால் *

வாழ்ந்துகழிவாரை வாழ்விக்கும் * - தாழ்ந்த

விளங்கனிக்குக் கன்றெறிந்துவேற்றுருவாய் * ஞாலம்

அளந்தடிக்கீழ்க்கொண்டவவன்.

2205 அவன்கண்டாய்நன்னெஞ்சே!ஆரருளும்கேடும் *

அவன்கண்டாய் ஐம்புலனாய்நின்றான் * - அவன்கண்டாய்

காற்றுத்தீநீர்வான் கருவரைமண்காரோதச் *

சீற்றத்தீயாவானும்சென்று.

2206 சென்றதிலங்கைமேல் செவ்வேதன்சீற்றத்தால் *

கொன்றதிராவணனைக்கூறுங்கால் * - நின்றதுவும்

வேயோங்குதண்சாரல் வேங்கடமே * விண்ணவர்தம்

வாயோங்குதொல்புகழான்வந்து.

2207 வந்தித்தவனை வழிநின்றவைம்பூதம் *

ஐந்துமகத்தடக்கி ஆர்வமாய் * - உந்திப்

படியமரர்வேலையான் பண்டமரர்க்கீந்த *

படியமரர்வாழும்பதி.

2208 பதியமைந்துநாடிப் பருத்தெழுந்தசிந்தை *

மதியுரிஞ்சிவான்முகடுநோக்கி - கதிமிகுத்துஅம்

கோல்தேடியோடும் கொழுந்ததேபோன்றதே *

மால்தேடியோடும்மனம்.

2209 மனத்துள்ளான்வேங்கடத்தான் மாகடலான் * மற்றும்

நினைப்பரிய நீளரங்கத்துள்ளான் * - எனைப்பலரும்

தேவாதிதேவ னெனப்படுவான் * முன்னொருநாள்

மாவாய்பிளந்தமகன்.

2210 மகனாகக்கொண்டெடுத்தாள் மாண்பாயகொங்கை *

அகனாரவுண்பனென்றுண்டு * - மகனைத்தாய்

தேறாதவண்ணம் திருத்தினாய் * தென்னிலங்கை

நீறாகவெய்தழித்தாய்! நீ.

2211 நீயன்றுலகளந்தாய் நீண்டதிருமாலே! *

நீயன்றுலகிடந்தாயென்பரால் * நீயன்று

காரோதம்முன்கடைந்து பின்னடைத்தாய்மாகடலை *

பேரோதமேனிப்பிரான்!

2212 பிரானென்றுநாளும் பெரும்புலரியென்றும் *

குராநற்செழும்போதுகொண்டு * - வராகத்

தணியுருவன் பாதம்பணியுமவர்கண்டீர் *

மணியுருவம்காண்பார்மகிழ்ந்து.

2213 மகிழ்ந்ததுசிந்தை திருமாலே! * மற்றும்

மகிழ்ந்தது உன்பாதமேபோற்றி * - மகிழ்ந்தது

அழலாழிசங்க மவைபாடியாடும் *

தொழிலாகம் சூழ்ந்துதுணிந்து.

2214 துணிந்ததுசிந்தை துழாயலங்கல் * அங்கம்

அணிந்தவன்பேர் உள்ளத்துப்பல்கால் * - பணிந்ததுவும்

வேய்பிறங்குசாரல் விறல்வேங்கடவனையே *

வாய்திறங்கள்சொல்லும்வகை.

2215 வகையாலவனி இரந்தளந்தாய்பாதம் *

புகையால்நறுமலரால்முன்னே * - மிகவாய்ந்த

அன்பாக்கியேத்தி அடிமைப்பட்டேன்உனக்கு *

என்பாக்கியத்தாலினி.

2216 இனிதென்பர்காமம் அதனிலுமாற்ற *

இனிதென்பர் தண்ணீருமெந்தாய்! * - இனிதென்று

காமநீர்வேளாது நின்பெருமைவேட்பரேல் *

சேமநீராகும்சிறிது.

2217 சிறியார்பெருமை சிறிதின்கணெய்தும் *

அறியாரும் தாமறியாராவர் * - அறியாமை

மண்கொண்டுமண்ணுண்டு மண்ணுமிழ்ந்தமாயனென்று *

எண்கொண்டுஎன்னெஞ்சே! இரு.

2218 இருந்தண்கமலத் திருமலரினுள்ளே *

திருந்துதிசைமுகனைத்தந்தாய்! * - பொருந்தியநின்

பாதங்களேத்திப் பணியாவேல் * பல்பிறப்பும்

ஏதங்களெல்லாம்எமக்கு.

2219 எமக்கென்றிருநிதியம் ஏமாந்திராதே *

தமக்கென்றுஞ்சார்வமறிந்து * - நமக்கென்றும்

மாதவனேயென்னும் மனம்படைத்து * மற்றவன்பேர்

ஓதுவதே நாவினாலோத்து.

2220 ஓத்தின்பொருள்முடிவுமித்தனையே * உத்தமன்பேர்

ஏத்தும் திறமறிமின்ஏழைகாள்! * -ஓத்ததனை

வல்லீரேல் நன்று. அதனைமாட்டீரேல் * மாதவன்பேர்

சொல்லுவதே ஓத்தின்சுருக்கு.

2221 சுருக்காகவாங்கிச் சுலாவினின்று * ஐயார்

நெருக்காமுன் நீர்நினைமின்கண்டீர்! * - திருப்பொலிந்த

ஆகத்தான் பாதமறிந்தும் அறியாத *

போகத்தாலில்லைபொருள்.

2222 பொருளாலமருலகம் புக்கியலலாகாது *

அருளாலறமருளுமன்றே? * - அருளாலே

மாமறையோர்க்கீந்த மணிவண்ணன்பாதமே *

நீமறவேல்நெஞ்சே! நினை.

2223 நினைப்பன்திருமாலை நீண்டதோள்காண *

நினைப்பார் பிறப்பொன்றும்நேரார் * - மனைப்பால்

பிறந்தார்பிறந்தெய்தும் பேரின்பமெல்லாம் *

துறந்தார்தொழுதாரத்தோள்.

2224 தோளிரண்டெட்டேழும்மூன்றும் முடியனைத்தும் *

தாளிரண்டும்வீழச் சரந்துரந்தான் * - தாளிரண்டும்

ஆர்தொழுவார் பாதமவைதொழுவதன்றே? * என்

சீர்கெழுதோள் செய்யும்சிறப்பு.

2225 சிறந்தார்க்கெழுதுணையாம் செங்கண்மால்நாமம் *

மறந்தாரைமானிடமாவையேன் * அறம்தாங்கும்

மாதவனே! என்னும் மனம்படைத்து * மற்றவன்பேர்

ஓதுவதே நாவினாலுள்ளு.

2226 உளதென்றிறுமாவார் உண்டில்லையென்று *

தளர்தலதனருகும்சாரார் * - அளவரிய

வேதத்தான்வேங்கடத்தான் விண்ணோர்முடிதோயும் *

பாதத்தான் பாதம்பயின்று.

2227 பயின்றதுஅரங்கம் திருக்கோட்டி * பன்னாள்

பயின்றதுவும் வேங்கடமே * பன்னாள் -பயின்றது

அணிதிகழுஞ்சோலை அணிநீர்மலையே *

மணிதிகழும்வண்தடக்கைமால்.

2228 மாலையரியுருவன் பாதமலரணிந்து *

காலைதொழுதெழுமின் கைகோலி * - ஞாலம்

அளந்திடந்துஉண்டுமிழ்ந்த அண்ணலை மற்றல்லால் *

உளங்கிடந்தவாற்றாலுணர்ந்து.

2229 உணர்ந்தாய்மறைநான்கும் ஓதினாய்நீதி *

மணந்தாய்மலர்மகள்தோள்மாலே! * - மணந்தாய்போய்

வேயிருஞ்சாரல் வியலிருஞாலம்சூழ் *

மாயிருஞ்சோலைமலை.

2230 மலையேழும் மாநிலங்களேழுமதிர *

குலைசூழ் குரைகடல்களேழும் * - முலைசூழ்ந்த

நஞ்சுரத்துப்பெண்ணை நவின்றுண்டநாவனென்று *

அஞ்சாதுஎன்னெஞ்சே! அழை.

2231 அழைப்பன்திருமாலை ஆங்கவர்கள்சொன்ன *

பிழைப்பில் பெரும்பெயரேபேசி * - இழைப்பரிய

ஆயவனே! யாதவனே! என்று அவனையார்முகப்பும் *

மாயவனே! என்றுமதித்து.

2232 மதிக்கண்டாய் நெஞ்சே! மணிவண்ணன்பாதம் *

மதிக்கண்டாய் மற்றவன்பேர்தன்னை * - மதிக்கண்டாய்

பேராழிநின்று பெயர்ந்துகடல்கடைந்த *

நீராழிவண்ணன்நிறம்.

2233 நிறங்கரியன் செய்யநெடுமலராள்மார்வன் *

அறம்பெரியனாரதறிவார்? * - மறம்புரிந்த

வாளரக்கன்போல்வானை வானவர்கோன்தானத்து *

நீளிருக்கைக்குய்த்தான்நெறி.

2234 நெறியார்குழற்கற்றை முன்னின்றுபின்தாழ்ந்து *

அறியாதிளங்கிரியென்றெண்ணி * - பிறியாது

பூங்கொடிக்கள்வைகும் பொருபுனல்குன்றென்றும் *

வேங்கடமே யாம்விரும்பும்வெற்பு.

2235 வெற்பென்றிருஞ்சோலை வேங்கடமென்றிவ்விரண்டும் *

நிற்பென்று நீமதிக்கும்நீர்மைபோல் * - நிற்பென்று

உளங்கோயில் உள்ளம்வைத்துள்ளினேன் * வெள்ளத்

திளங்கோயில் கைவிடேலென்று.

2236 என்றும்மறந்தறியேன் ஏழ்பிறப்புமெப்பொழுதும் *

நின்றுநினைப்பொழியாநீர்மையால் * - வென்றி

அடலாழிகொண்ட அறிவனே! * இன்பக்

கடலாழி நீயருளிக்காண்.

2237 காணக்கழிகாதல் கைமிக்குக்காட்டினால் *

நாணப்படுமென்றால்நாணுமே? - பேணிக்

கருமாலைப் பொன்மேனிகாட்டாமுன்காட்டும் *

திருமாலை நங்கள்திரு.

2238 திருமங்கைநின்றருளும்தெய்வம் நாவாழ்த்தும் *

கருமம் கடைப்பிடிமின்கண்டீர் * - உரிமையால்

ஏத்தினோம்பாதம் இருந்தடக்கையெந்தைபேர் *

நால்திசையும்கேட்டீரே? நாம்.

2239 நாம்பெற்றநன்மையும் நாமங்கைநன்னெஞ்சத்து *

ஓம்பியிருந்துஎம்மையோதுவித்து * - வேம்பின்

பொருள்நீர்மையாயினும் பொன்னாழிபாடென்று *

அருள்நீர்மைதந்தஅருள்.

2240 அருள்புரிந்தசிந்தை அடியார்மேல்வைத்து *

பொருள்தெரிந்துகாண்குற்றவப்போது * - இருள்திரிந்து

நோக்கினேன்நோக்கி நினைந்தேனதொண்கமலம் *

ஓக்கினேனென்னையுமங்கோர்ந்து.

2241 ஓருருவனல்லை ஒளியுருவம்நின்னுருவம் *

ஈருருவனென்பர் இருநிலத்தோர் * ஓருருவம்

ஆதியாம்வண்ணம் அறிந்தாரவர்கண்டீர் *

நீதியால் மண்காப்பார்நின்று.

2242 நின்றதோர்பாதம் நிலம்புடைப்ப * நீண்டதோள்

சென்றளந்ததென்பர் திசையெல்லாம் * - அன்று

கருமாணியாய் இரந்தகள்வனே! * உன்னைப்

பிரமாணித்தார் பெற்றபேறு!

2243 பேறொன்றுமுன்னறியேன் பெற்றறியேன்பேதைமையால் *

மாறென்றுசொல்லிவணங்கினேன் * -ஏறின்

பெருத்தெருத்தம்கோடொசியப் பெண்நசையின்பின்போய் *

எருத்திறுத்தநல்லாயரேறு.

2244 ஏறேழும் வென்றுஅடர்த்தவெந்தை * எரியுருவத்து

ஏறேறி பட்டவிடுசாபம் * - பாறேறி

யுண்டதலைவாய்நிறையக் கோட்டங்கை யொண்குருதி *

கண்டபொருள்சொல்லின்கதை.

2245 கதையின்பெரும்பொருளும் கண்ணா! * நின்பேரே

இதயமிருந்தவையேயேத்தில் * - கதையும்

திருமொழியாய் நின்றதிருமாலே! * உன்னைப்

பருமொழியால்காணப்பணி.

2246 பணிந்தேன்திருமேனி பைங்கமலம்கையால் *

அணிந்தேனுன்சேவடிமேலன்பாய் * - துணிந்தேன்

புரிந்தேத்தி உன்னைப்புகலிடம்பார்த்து * ஆங்கே

இருந்தேத்திவாழுமிது.

2247 இதுகண்டாய்நன்னெஞ்சே! இப்பிறவியாவது *

இதுகண்டாய்எல்லாம்நாமுற்றது * - இதுகண்டாய்

நாரணன்பேரோதி நகரத்தருகணையா *

காரணமும்வல்லையேல்காண்.

2248 கண்டேன் திருமேனி யான்கனவில் * ஆங்கவன்கைக்

கண்டேன் கனலுஞ்சுடராழி * கண்டேன்

உறுநோய்வினையிரண்டும் ஓட்டுவித்து * பின்னும்

மறுநோய்செறுவான்வலி.

2249 வலிமிக்கவாளெயிற்று வாளவுணர்மாள *

வலிமிக்க வாள்வரைமத்தாக * -வலிமிக்க

வாள்நாகஞ்சுற்றி மறுகக்கடல்கடைந்தான் *

கோள்நாகங்கொம்பொசித்தகோ.

2250 கோவாகி மாநிலங்காத்து * நங்கண்முகப்பே

மாவேகிச்செல்கின்ற மன்னவரும் * - பூமேவும்

செங்கமலநாபியான் சேவடிக்கேயேழ்பிறப்பும் *

தண்கமலமேய்ந்தார்தமர்.

2251 தமருள்ளம்தஞ்சை தலையரங்கம்தண்கால் *

தமருள்ளும்தண்பொருப்புவேலை * - தமருள்ளும்

மாமல்லைகோவல் மதிட்குடந்தையென்பரே *

ஏவல்லவெந்தைக்கிடம்.

2252 இடங்கை வலம்புரிநின்றார்ப்ப * எரிகான்று

அடங்கார் ஓடுங்குவித்ததாழி * - விடங்காலும்

தீவாயரவணைமேல்தோன்றல் திசையளப்பான் *

பூவாரடி நிமிர்த்தபோது.

2253 போதறிந்துவானரங்கள் பூஞ்சுனைபுக்கு * ஆங்கலர்ந்த

போதரிந்துகொண்டேத்தும் போது * உள்ளம்! - போது

மணிவேங்கடவன் மலரடிக்கேசெல்ல *

அணிவேங்கடவன்பேராய்ந்து.

2254 ஆய்ந்துரைப்பனாயிரம்பேர் ஆய்நடுவந்திவாய் *

வாய்ந்தமலர்தூவிவைகலும் * - ஏய்ந்த

பிறைக்கோட்டுச் செங்கண்கரிவிடுத்தபெம்மான்

இறைக்குஆட்படத்துணிந்தயான்.

2255 யானே தவஞ்செய்தேன் ஏழ்பிறப்புமெப்பொழுதும் *

யானேதவமுடையேன் எம்பெருமான்! * - யானே

இருந்ததமிழ்நன்மாலை இணையடிக்கேசொன்னேன் *

பெருந்தமிழன்நல்லேன்பெரிது.

2256 பெருகுமதவேழம் மாப்பிடிக்கிமுன்னின்று *

இருகணிளமூங்கில்வாங்கி * - அருகிருந்த

தேன்கலந்துநீட்டும் திருவேங்கடம்கண்டீர் *

வான்கலந்தவண்ணன்வரை.

2257 வரைச்சந்தனக்குழம்பும் வான்கலனும்பட்டும் *

விரைப்பொலிந்த வெண்மல்லிகையும்-நிரைத்துக் கொண்டு *

ஆதிக்கண்நின்ற அறிவனடியிணையே *

ஓதிப்பணிவதுறும்.

2258 உறுங்கண்டாய்நன்னெஞ்சே! உத்தமன்நற்பாதம் *

உறுங்கண்டா யொண்கமலந்தன்னால் * - உறுங்கண்டாய்

ஏத்திப்பணிந்து அவன்பேர் ஈரைஞ்ஞூறுஎப்பொழுதும் *

சாத்தியுரைத்தல்தவம்.

2259 தவஞ்செய்து நான்முகனேபெற்றான் * தரணி

நிவந்தளப்ப நீட்டியபொற்பாதம் * - சிவந்ததன்

கையனைத்தும் ஆரக்கழுவினான் * கங்கைநீர்

பெய்தனைத்துப்பேர்மொழிந்துபின்.

2260 பின்னின்று தாயிரப்பக்கேளான் * பெரும்பணைத்தோள்

முன்னின்று தானிரப்பாள் மொய்ம்மலராள் * -சொல்நின்ற

தோள்நலந்தான் நேரில்லாத்தோன்றல் * அவனளந்த

நீள்ணிலந்தானத்தனைக்கும்நேர்.

2261 நேர்ந்தேனடிமை நினைந்தேனதொண்கமலம் *

ஆர்ந்தேனுன்சேவடிமேலன்பாய் * - ஆர்ந்த

அடிக்கோலம் கண்டவர்க்குஎன்கொலோ? * முன்னைப்

படிக்கோலம்கண்டபகல்.

2262 பகல்கண்டேன் நாரணனைக்கண்டேன் * - கனவில்

மிகக்கண்டேன் மீண்டுஅவனைமெய்யே * - மிகக்கண்டேன்

ஊன்திகழும்நேமி ஒளிதிகழும்சேவடியான் *

வான்திகழும்சோதி வடிவு.

2263 வடிக்கோலவாள்நெடுங்கண் மாமலராள் * செவ்விப்

படிக்கோலங்கண்டு அகலாள்பல்நாள் * - அடிக்கோலி

ஞாலத்தாள் பின்னும்நலம்புரிந்ததென்கொலோ? *

கோலத்தாலில்லைகுறை.

2264 குறையாகவெஞ்சொற்கள் கூறினேன்கூறி *

மறையாங்கெனவுரைத்தமாலை * - இறையேனும்

ஈயுங்கொல்! என்றே இருந்தேன்எனைப்பகலும் *

மாயன்கண்சென்றவரம்.

2265 வரங்கருதித்தன்னை வணங்காதவன்மை *

உரம்கருதி மூர்க்கத்தவனை * -நரங்கலந்த

சிங்கமாய்க்கீண்ட திருவனடியிணையே *

அங்கண்மாஞாலத்தமுது.

2266 அமுதென்றும்தேனென்றும் ஆழியானென்றும் *

அமுதன்றுகொண்டுகந்தானென்றும் * - அமுதன்ன

சொன்மாலையேத்தித் தொழுதேன்சொலப்பட்ட *

நன்மாலையேத்திநவின்று.

2267 நவின்றுரைத்தநாவலர்கள் நாண்மலர்கொண்டு * ஆங்கே

பயின்றதனால் பெற்றபயனென்கொல்? * - பயின்றார்தம்

மெய்த்தவத்தால் காண்பரியமேகமணிவண்ணனை * யான்

எத்தவத்தால்காண்பன்கொல் இன்று?

2268 இன்றாவறிகின்றேனல்லேன் * இருநிலத்தைச்

சென்றுஆங்களந்த திருவடியை * - அன்று

கருக்கோட்டியுள்கிடந்து கைதொழுதேன், கண்டேன் *

திருக்கோட்டியெந்தைதிறம்.

2269 திறம்பிற்றினியறிந்தேன் தென்னரங்கத்தெந்தை *

திறம்பாவழிசென்றார்க்கல்லால் * - திறம்பாச்

செடிநரகைநீக்கித் தாம்செல்வதன்முன் * வானோர்

கடிநகரவாசற்கதவு.

2270 கதவிக் கதஞ்சிறந்த கஞ்சனை முன்காய்ந்து *

அதவிப்போர்யானையொசித்து * - பதவியாய்ப்

பாணியால்நீரேற்றுப் பண்டொருகால்மாவலியை *

மாணியாய்க்கொண்டிலையேமண்?

2271 மண்ணுலகம்ஆளேனே? வானவர்க்கும்வானவனாய் *

விண்ணுலகம்தன்னகத்துமேவேனே? * - நண்ணித்

திருமாலைச் செங்கணெடியானை * எங்கள்

பெருமானைக் கைதொழுதபின்.

2272 பின்னாலருநரகம் சேராமல் பேதுறுவீர் *

முன்னால்வணங்கமுயன்மினோ * - பல்நூல்

அளந்தானைக் கார்க்கடல்சூழ்ஞாலத்தை * எல்லாம்

அளந்தானவன்சேவடி.

2273 அடியால் முன்கஞ்சனைச்செற்று * அமரரேத்தும்

படியான் கொடிமேற்புள்கொண்டான் * -நெடியான்றன்

நாமமே ஏத்துமின்கள், ஏத்தினால் * தாம்வேண்டும்

காமமே காட்டும்கடிது.

2274 கடிதுகொடுநரகம் பிற்காலுஞ்செய்கை *

கொடிதென்று அதுகூடாமுன்னம் * - வடிசங்கம்

கொண்டானைக் கூந்தல்வாய்கீண்டானை * கொங்கைநஞ்சு

உண்டானையேத்துமினோவுற்று.

2275 உற்றுவணங்கித்தொழுமின் * உலகேழும்

முற்றும்விழுங்கும் முகில்வண்ணன் * - பற்றிப்

பொருந்தாதான்மார்பிடந்து பூம்பாடகத்துள்

இருந்தானை * ஏத்தும்என்நெஞ்சு.

2276 என்னெஞ்சமேயான் என்சென்னியான் * தானவனை

வன்னெஞ்சங்கீண்ட மணிவண்ணன் * -முன்னம்சேய்

ஊழியான் ஊழிபெயர்த்தான் * உலகேத்தும்

ஆழியான் அத்தியூரான்.

2277 அத்தியூரான் புள்ளையூர்வான் * அணிமணியின்

துத்திசேர் நாகத்தின்மேல்துயில்வான் * - மூத்தீ

மறையாவான் மாகடல்நஞ்சுண்டான்தனக்கும்

இறையாவான் எங்கள்பிரான்.

2278 எங்கள்பெருமான்! இமையோர்தலைமகன்! நீ *

செங்கண்நெடுமால்! திருமார்பா! * - பொங்கு

படமூக்கினாயிரவாய்ப் பாம்பணைமேல்சேர்ந்தாய் *

குடமூக்கில் கோயிலாக் கொண்டு.

2279 கொண்டுவளர்க்கக் குழவியாய்த்தான்வளர்ந்தது *

உண்டதுலகேழும்உள்ளொடுங்க * - கொண்டு

குடமாடிக் கோவலனாய்மேவி * என்னெஞ்சம்

இடமாகக்கொண்டஇறை.

2280 இறையெம்பெருமான்! அருளென்று * இமையோர்

முறைநின்று மொய்ம்மலர்கள்தூவ * - அறைகழல

சேவடியான் செங்கணெடியான் * குறளுருவாய்

மாவடிவில்மண்கொண்டான்மால்.

2281 மாலே! நெடியோனே! கண்ணனே! * விண்ணவர்க்கு

மேலா! வியன்துழாய்க்கண்ணியனே! * - மேலால்

விளவின்காய் கன்றினால்வீழ்த்தவனே! * என்தன்

அளவன்றால் யானுடையஅன்பு.