3589 கொடியார்மாடக் கோளூரகத்தும்புளிங்குடியும் *

மடியாதின்னே நீதுயில்மேவிமகிழ்ந்ததுதான் *

அடியாரல்லல்தவிர்த்தஅசைவோ? அன்றேல்இப்

படிதான் * நீண்டுதாவிய அசைவோ? பணியாயே. (2)

3684 பண்டைநாளாலேநின்திருவருளும்

பங்கயத்தாள்திருவருளும்

கொண்டு * நின்கோயில்சீய்த்துப்பல்படிகால்

குடிகுடிவழிவந்தாட்செய்யும் *

தொண்டரோர்க்கருளிச்சோதிவாய்திறந்துன்

தாமரைக்கண்களால்நோக்காய் *

தெண்டிரைப்பொருநல்தண்பணைசூழ்ந்த

திருபுளிங்குடிக்கிடந்தானே. (2)

3685 குடிகிடந்தாக்கஞ்செய்து நின்தீர்த்த

அடிமைக்குற்றேவல்செய்து * உன்பொன்

அடிக்கடவாதேவழிவருகின்ற

அடியரோர்க்கருளி * நீயொருநாள்

படிக்களவாகநிமிர்த்த நின்பாத

பங்கயமேதலைக்கணியாய் *

கொடிக்கொள்பொன்மதிள்சூழ் குளிர்வயல்சோலைத்

திருபுளிங்குடிக்கிடந்தானே!

3686 கிடந்தநாள்கிடந்தாய்எத்தனைகாலம்

கிடத்தி? உன்திருவுடம்பசைய *

தொடர்ந்துகுற்றவேல்செய்து தொல்லடிமை

வழிவரும்தொண்டரோர்க்கருளி *

தடங்கொள்தாமரைக்கண்விழித்து

நீயெழுந்துஉன்தாமரைமங்கையும்நீயும் *

இடங்கொள்மூவுலகும்தொழவிருந்தருளாய்

திருபுளிங்குடிக்கிடந்தானே!

3687 புளிங்குடிக்கிடந்துவரகுணமங்கையிருந்து

வைகுந்தத்துள்நின்று *

தெளிந்தவென்சிந்தையகங்கழியாதே

என்னையாள்வாய்! எனக்கருளி *

நளிந்தசீருலகமூன்றுடன்வியப்ப

நாங்கள்கூத்தாடிநின்றார்ப்ப *

பளிங்குநீர்முகிலின்பவளம்போல்

கனிவாய்சிவப்ப நீகாணவாராயே.

3688 பவளம்போற்கனிவாய்சிவப்ப

நீகாணவந்துநின்பல்நிலாமுத்தம் *

தவழ்கதிர்முறுவல்செய்து

நின்திருக்கண்தாமரைதயங்கநின்றருளாய் *

பவளநன்படர்க்கீழ்ச்சங்குறைபொருநல்

தண்திருப்புளிங்குடிக்கிடந்தாய்! *

கவளமாகளிற்றினிடர்கெடத் தடத்துக்

காய்சினப்பறவையூர்ந்தானே!

3689 காய்சினப்பறவையூர்ந்து பொன்மலையின்

மீமிசைக்கார்முகில்போல *

மாசினமாலிமாலிமானென்று

அங்குஅவர்படக்கனன்றுமுன்நின்ற *

காய்சினவேந்தே! கதிர்முடியானே!

கலிவயல்திருப்புளிங்குடியாய்! *

காய்சினவாழிசங்குவாள்வில்

தண்டேந்தி எம்மிடர்கடிவானே. (2)

3690 எம்மிடர்கடிந்திங்கென்னையாள்வானே!

இமையவர்தமக்குமாங்கனையாய்! *

செம்மடல்மலரும்தாமரைப்பழனத்

தண்திருப்புளிங்குடிக்கிடந்தாய்! *

நம்முடையடியர்கவ்வைகண்டுகந்து

நாம்களித்துளநலங்கூர *

இம்மடவுலகர்காணநீயொருநாள்

இருந்திடாய்எங்கள்கண்முகப்பே.

3691 எங்கள்கண்முகப்பேயுலகர்களெல்லாம்

இணையடிதொழுதெழுந்திறைஞ்சி *

தங்களன்பாரத்தமதுசொல்வலத்தால்

தலைத்தலைச்சிறந்தபூசிப்ப *

திங்கள்சேர்மாடத்திருப்புளிங்குடியாய்!

திருவைகுந்தத்துள்ளாய்! தேவா! *

இங்கண்மாஞாலத்திதனுளுமொருநாள்

இருந்திடாய் வீற்றிடங்கொண்டே.

3692 வீற்றிடங்கொண்டுவியன்கொள்மாஞாலத்து

இதனுளுமிருந்திடாய் * அடியோம்

போற்றியோவாதேகண்ணினைகுளிரப்

புதுமலராகத்தைப்பருக *

சேற்றிளவாளைசெந்நெலூடுகளும்

செழும்பணைத்திருப்புளிங்குடியாய்! *

கூற்றமாய்அசுரர்குலமுதலரிந்த

கொடுவினைப்படைகள்வல்லானே!

3693 கொடுவினைப்படைகள்வல்லையாய்

அமரர்க்கிடர்கெடஅசுரர்கட்கிடர்செய் *

கடுவினைநஞ்சே! என்னுடையமுதே!

கலிவயல்திருப்புளிங்குடியாய்! *

வடிவிணையில்லாமலர்மகள் மற்றை

நிலமகள்பிடிக்கும்மெல்லடியை *

கொடுவினையேனும்பிடிக்கநீயொருநாள்

கூவுதல்வருதல்செய்யாயே.