1068 விற்பெருவிழவும் கஞ்சனும்மல்லும்

வேழமும்பாகனும்வீழ *

செற்றவன்தன்னை * புரமெரிசெய்த

சிவனுறுதுயர்களைதேவை *

பற்றலர்வீயக்கோல் கையில்கொண்டு

பார்த்தன்றன்தேர்முன்நின்றானை *

சிற்றவைபணியால்முடிதுறந் தானைத்

திருவல்லிக்கேணிக்கண்டேனே. (2)

1069 வேதத்தைவேதத்தின் சுவைப்பயனை

விழுமியமுனிவர்விழுங்கும் *

கோதிலின்கனியை நந்தனார்களிற்றைக்

குவலயத்தோர்தொழுதேத்தும் *

ஆதியைஅமுதைஎன்னையாளுடை

யப்பனை ஒப்பவரில்லா

மாதர்கள்வாழும் * மாடமாமயிலைத்

திருவல்லிக்கேணிக்கண்டேனே. (2)

1070 வஞ்சனைசெய்யத் தாயுருவாகி

வந்தபேய்அலறிமண்சேர *

நஞ்சமர்முலையூடு உயிர்செகவுண்ட

நாதனைத் தானவர்கூற்றை *

விஞ்சைவானவர் சாரணர்சித்தர்

வியந்துதுதிசெய்யப்பெண்ணுருவாகி *

அஞ்சுவையமுதம்அன்று அளித்தானைத்

திருவல்லிக்கேணிக்கண்டேனே.

1071 இந்திரனுக்கென்று ஆயர்கள்எடுத்த

எழில்விழவில்பழநடைசெய் *

மந்திரவிதியில்பூசனைபெறாது

மழைபொழிந்திடத்தளர்ந்து * ஆயர்

எந்தமோடு இனவாநிரைதளராமல்

எம்பெருமான்! அருளென்ன *

அந்தமில்வரையால்மழைதடுத் தானைத்

திருவல்லிக்கேணிக்கண்டேனே.

1072 இன்துணைப்பதுமத்து அலர்மகள்தனக்கும்

இன்பன் நற்புவிதனக்குஇறைவன் *

தந்துணைஆயர்பாவை நப்பின்னை

தனக்குஇறை மற்றையோர்க்கெல்லாம்

வன்துணை * பஞ்சபாண்டவர்க்காகி

வாயுரைதூதுசென்றியங்கும்

என்துணை * எந்தைதந்தைதம்மானைத்

திருவல்லிக்கேணிக்கண்டேனே.

1073 அந்தகன்சிறுவன் அரசர்தமரசற்கிளையவன்

அணியிழையைச்சென்று *

எந்தமக்குஉரிமைசெய்யெனத்தரியாது

எம்பெருமான்! அருளென்ன *

சந்தமல்குழலாளலக்கண் நூற்றுவர்தம்

பெண்டிரும்எய்திநூலிழப்ப *

இந்திரன்சிறுவன் தேர்முன்நின்றானைத்

திருவல்லிக்கேணிக்கண்டேனே.

1074 பரதனும்தம்பிசத்துருக்கனனும்

இலக்குமனோடுமைதிலியும் *

இரவுநன்பகலும்துதிசெய்யநின்ற

இராவணாந்தகனைஎம்மானை *

குரவமேகமழும் குளிர்ப்பொழிலூடு

குயிலொடுமயில்கள்நின்றால *

இரவியின்கதிர்கள் நுழைதல்செய்தறியாத்

திருவல்லிக்கேணிக்கண்டேனே. (2)

1075 பள்ளியிலோதிவந்ததன்சிறுவன்

வாயில்ஓராயிரநாமம் *

ஒள்ளியவாகிப்போத ஆங்குஅதனுக்கு

ஒன்றுமோர்பொறுப்பிலனாகி *

பிள்ளையைச் சீறிவெகுண்டு தூண்புடைப்பப்

பிறையெயிற்றனல்விழிபேழ்வாய் *

தெள்ளியசிங்கமாகியதேவைத்

திருவல்லிக்கேணிக்கண்டேனே. (2)

1076 மீனமர்பொய்கைநாண்மலர்கொய்வான்

வேட்கையினோடுசென்றிழிந்த *

கானமர்வேழம் கையெடுத்தலறக்

கராஅதன்காலினைக்கதுவ *

ஆனையின்துயரம்தீரப்புள்ளூர்ந்து

சென்றுநின்றுஆழிதொட்டானை *

தேனமர்சோலைமாடமாமயிலைத்

திருவல்லிக்கேணிக்கண்டேனே. (2)

1077 மன்னுதண்பொழிலும்வாவியும்மதிளும்

மாடமாளிகையும்மண்டபமும் *

தென்னன்தொண்டையர்கோன்செய்தநல்மயிலைத்

திருவல்லிக்கேணிநின்றானை *

கன்னிநன்மாட மங்கையர்தலைவன்

காமருசீர்க்கலிகன்றி *

சொன்னசொன்மாலைபத்துடன்வல்லார்

சுகமினிதாள்வர்வானுலகே. (2)

2297 வந்துதைத்தவெண்திரைகள் செம்பவளவெண்முத்தம் *

அந்திவிளக்குமணிவிளக்காம் * - எந்தை

ஒருவல்லித்தாமரையாள் ஒன்றியசீர்மார்வன் *

திருவல்லிக்கேணியான்சென்று. (2)

2416 தாளால் உலகம் அளந்தவசைவேகொல்? *

வாளாகிடந்தருளும் வாய்திறவான் * - நீளோதம்

வந்தலைக்கும்மாமயிலை மாவல்லிக்கேணியான் *

ஐந்தலைவாய்நாகத்தணை. (2)