2901 வாயுந்திரையுகளும் கானல்மடநாராய்! *

ஆயுமமருலகும் துஞ்சிலும் நீதுஞ்சாயால் *

நோயும்பயலைமையும் மீதூரஎம்மேபோல் *

நீயும்திருமாலால் நெஞ்சம்கோட்பட்டாயே? (2)

2902 கோட்பட்டசிந்தையாய்க் கூர்வாயவன்றிலே! *

சேட்பட்டயாமங்கள் சேராதிரங்குதியால் *

ஆட்பட்டஎம்மேபோல் நீயும்அரவணையான் *

தாட்பட்டதண்துழாய்த்தாமம் காமுற்றாயே?

2903 காமுற்றகையறவோடு எல்லே! இராப்பகல் *

நீமுற்றக்கண்துயிலாய் நெஞ்சுருகியேங்குதியால் *

தீமுற்றத்தென்னிலங்கை ஊட்டினான்தாள்நயந்த *

யாமுற்றதுற்றாயோ? வாழிகனைகடலே!

2904 கடலும்மலையும் விசும்பும்துழாய்எம்போல் *

சுடர்கொளிராப்பகல் துஞ்சாயால்தண்வாடாய்! *

அடல்கொள்படையாழி அம்மானைக்காண்பான்நீ *

உடலம்நோயுற்றாயோ? ஊழிதோறூழியே.

2905 ஊழிதோறூழி உலகுக்குநீர்கொண்டு *

தோழியரும்யாமும்போல் நீராய்நெகிழ்கின்ற *

வாழியவானமே! நீயும்மதுசூதன் *

பாழிமையில்பட்டு அவன்கண் பாசத்தால்நைவாயே?

2906 நைவாயவெம்மேபோல் நாள்மதியே! நீஇந்நாள் *

மைவானிருளகற்றாய் மாழாந்துதேம்புதியால் *

ஐவாயரவணைமேல் ஆழிப்பெருமானார் *

மெய்வாசகம்கேட்டு உன்மெய்ந்நீர்மைதோற்றாயே?

2907 தோற்றோம்மடநெஞ்சம் எம்பெருமான்நாரணற்கு * எம்

ஆற்றாமைசொல்லி அழுவோமைநீநடுவே *

வேற்றோர்வகையில்கொடிதாய் எனையூழி *

மாற்றாண்மைநிற்றியோ? வாழிகனையிருளே!

2908 இருளின்திணிவண்ணம் மாநீர்க்கழியேபோய் *

மருளுற்றிராப்பகல் துஞ்சிலும்நீதுஞ்சாயால் *

உருளும்சகடம் உதைத்தபெருமானார் *

அருளின்பெருநசையால் ஆழாந்துநொந்தாயே?

2909 நொந்தாராக்காதல்நோய் மெல்லாவியுள்ளுலர்த்த *

நந்தாவிளக்கமே! நீயுமளியத்தாய் *

செந்தாமரைத்தடங்கண் செங்கனிவாயெம்பெருமான் *

அந்தாமத்தண் துழாய் ஆசையால்வேவாயே?

2910 வேவாராவேட்கைநோய் மெல்லாவியுள்ளுலர்த்த *

ஓவாதிராப்பகல் உன்பாலேவீழ்த்தொழிந்தாய் *

மாவாய்பிளந்து மருதிடைபோய்மண்ணளந்த *

மூவாமுதல்வா! இனியெம்மைச்சோரேலே.

2911 சோராதஎப்பொருட்கும் ஆதியாம்சோதிக்கே *

ஆராதகாதல் குருகூர்ச்சடகோபன் *

ஓராயிரஞ்சொன்ன அவற்றுளிவைப்பத்தும் *

சோரார்விடார்கண்டீர் வைகுந்தம்திண்ணெனவே. (2)