2835 வளவேழுலகின்முதலாய வானோரிறையை * அருவினையேன்

களவேழ்வெண்ணெய்தொடுவுண்ட கள்வா! என்பன்பின்னையும் *

தளவேழ்முறுவற்பின்னைக்காய் வல்லானாயர்தலைவனாய் *

இளவேறேழும்தழுவிய எந்தாய்! என்பன் நினைந்துநைந்தே. (2)

2836 நினைந்துநைந்துள்கரைந்துருகிஇமையோர்பலரும் முனிவரும் *

புனைந்தகண்ணிநீர்சாந்தம் புகையோடேந்திவணங்கினால் *

நினைந்தவெல்லாப்பொருள்கட்கும் வித்தாய்முதலிற் சிதையாமே *

மனஞ்செய்ஞானத்துன்பெருமை மாசூணாதோ? மாயோனே!

2837 மாயோனிகளாய்நடைகற்ற வானோர்பலரும்முனிவரும் *

நீயோனிகளைப்படையென்று நிறைநான்முகனைப் படைத்தவன் *

சேயோனெல்லாவறிவுக்கும் திசைகளெல்லாம்திருவடியால்

தாயோன் * எல்லாவெவ்வுயிர்க்கும்தாயோன் தானோருருவனே.

2838 தானோருருவேதனிவித்தாய்த் தன்னில்மூவர்முதலாய *

வானோர்பலரும்முனிவரும் மற்றும்மற்றும்முற்றுமாய் *

தானோர்பெருநீர்தன்னுள்ளேதோற்றி அதனுள் கண்வளரும் *

வானோர்பெருமான்மாமாயன்வைகுந்தன் எம்பெருமானே.

2839 மானேய் நோக்கிமடவாளை மார்விற்கொண்டாய்! மாதவா! *

கூனேசிதையவுண்டைவில் நிறத்தில்தெறித்தாய்! கோவிந்தா! *

வானார்சோதிமணிவண்ணா! மதுசூதா! நீயருளாய் * உன்

தேனே மலரும்திருப்பாதம் சேருமாறுவினையேனே.

2840 வினையேன்வினைதீர்மருந்தானாய்! விண்ணோர்தலைவா! கேசவா! *

மனைசேராயர்குலமுதலே! மாமாயனே! மாதவா! *

சினையேய்தழையமராமரங்கள் ஏழுமெய்தாய்! சிரீதரா! *

இனையாய்! இனையபெயரினாய்! என்றுநைவனடியேனே.

2841 அடியேன்சிறியஞானத்தன்அறிதலார்க்குமரியானை *

கடிசேர்தண்ணந்துழாய்க் கண்ணிபுனைந்தான்தன்னைக் கண்ணனை *

செடியாராக்கையடியாரைச் சேர்தல்தீர்க்கும்திருமாலை *

அடியேன்காண்பானலற்றுவன்இதனில்மிக்கோரயர்வுண்டே?

2842 உண்டாயுலகேழ்முன்னமேஉமிழ்ந்துமாயையாற்புக்கு *

உண்டாய்வெண்ணெய்சிறுமனிசர் உவலையாக்கைநிலையெய்தி *

மண்தான்சோர்ந்ததுண்டேலும் மனிசர்க்காகும்பீர் * சிறிதும்

அண்டாவண்ணம்மண்கரைய நெய்யூண்மருந்தோ? மாயோனே!

2843 மாயோம்தீயவலவலைப் பெருமாவஞ்சப்பேய்வீய *

தூயகுழவியாய்விடப்பாலமுதா அமுதுசெய்திட்ட

மாயன் * வானோர்தனித்தலைவன்மலராள்மைந்தன் எவ்வுயிர்க்கும்

தாயோன் * தம்மானென்னம்மான் அம்மாமூர்த்தியைச்சார்ந்தே.

2844 சார்ந்தவிருவல்வினைகளும்சரித்து மாயப்பற்றறுத்து *

தீர்ந்துதன்பால்மனம்வைக்கத்திருத்தி வீடுதிருத்துவான் *

ஆர்ந்தஞானச்சுடராகி அகலம்கீழ்மேலளவிறந்து *

நேர்ந்தவுருவாயருவாகும் இவற்றினுயிராம் நெடுமாலே.

2845 மாலே! மாயப்பெருமானே! மாமாயனே! என்றென்று *

மாலேயேறிமாலருளால் மன்னுகுருகூர்ச்சடகோபன் *

பாலேய்தமிழரிசைகாரர் பத்தர்பரவுமாயிரத்தின்

பாலேபட்ட * இவைபத்தும்வல்லார்க்கு இல்லைபரிவதே. (2)