71 உன்னையும்ஒக்கலையில்கொண்டுதமில்மருவி

உன்னொடுதங்கள் கருத்தாயினசெய்துவரும் *

கன்னியரும்மகிழக்கண்டவர்கண்குளிரக்

கற்றவர்தெற்றிவரப் பெற்றஎனக்குஅருளி *

மன்னுகுறுங்குடியாய்! வெள்ளறையாய்! மதிள்சூழ்

சோலைமலைக்கரசே! கண்ணபுரத்தமுதே! *

என்னவலம்களைவாய்! ஆடுகசெங்கீரை

ஏழுலகும்முடையாய்! ஆடுகஆடுகவே. (2)

192 இந்திரனோடுபிரமன் ஈசன்இமையவரெல்லாம் *

மந்திரமாமலர்கொண்டு மறைந்துவராய்வந்துநின்றார் *

சந்திரன்மாளிகைசேரும் சதுரர்கள்வெள்ளறைநின்றாய் *

அந்தியம்போதுஇதுவாகும் அழகனே! காப்பிடவாராய். (2)

193 கன்றுகள்இல்லம்புகுந்து கதறுகின்றபசுவெல்லாம் *

நின்றொழிந்தேன்உன்னைக்கூவி நேசமேலொன்றுமிலாதாய்! *

மன்றில்நில்லேல் அந்திப்போது மதிள்திருவெள்ளறைநின்றாய்! *

நன்றுகண்டாய்என்தன்சொல்லு நான்உன்னைக்காப்பிடவாராய்.

194 செப்போதுமென்முலையார்கள் சிறுசோறும்இல்லும்சிதைத்திட்டு *

அப்போதுநானுரப்பப்போய் அடிசிலுமுண்டிலைஆள்வாய்! *

முப்போதும்வானவரேத்தும் முனிவர்கள்வெள்ளறைநின்றாய்! *

இப்போதுநான்ஒன்றும்செய்யேன் எம்பிரான்! காப்பிடவாராய்.

195 கண்ணில்மணல்கொடுதூவிக் காலினால்பாய்ந்தனையென்றென்று *

எண்ணரும்பிள்ளைகள்வந்திட்டு இவரால்முறைப்படுகின்றார் *

கண்ணனே! வெள்ளறைநின்றாய்! கண்டாரோடேதீமைசெய்வாய்! *

வண்ணமேவேலையதொப்பாய்! வள்ளலே! காப்பிடவாராய்.

196 பல்லாயிரவர்இவ்வூரில்பிள்ளைகள் தீமைகள்செய்வார் *

எல்லாம்உன்மேலன்றிப்போகாது எம்பிரான்! நீஇங்கேவாராய் *

நல்லார்கள்வெள்ளறைநின்றாய்! ஞானச்சுடரே! உன்மேனி *

சொல்லாரவாழ்த்திநின்றேத்திச் சொப்படக்காப்பிடவாராய்.

197 கஞ்சன்கறுக்கொண்டுநின்மேல் கருநிறச்செம்மயிர்ப்பேயை *

வஞ்சிப்பதற்குவிடுத்தானென்பது ஓர்வார்த்தையும்உண்டு *

மஞ்சுதவழ்மணிமாட மதிள்திருவெள்ளறைநின்றாய்! *

அஞ்சுவன்நீஅங்குநிற்க அழகனே! காப்பிடவாராய்.

198 கள்ளச்சகடும்மருதும் கலக்கழியஉதைசெய்த *

பிள்ளையரசே! நீபேயைப்பிடித்துமுலையுண்டபின்னை *

உள்ளவாறுஒன்றும்அறியேன் ஒளியுடைவெள்ளறைநின்றாய்! *

பள்ளிகொள்போதுஇதுவாகும் பரமனே. காப்பிடவாராய்.

199 இன்பமதனைஉயர்த்தாய்! இமையவர்க்குஎன்றும்அரியாய்! *

கும்பக்களிறட்டகோவே! கொடுங்கஞ்சன்நெஞ்சினிற்கூற்றே! *

செம்பொன்மதிள்வெள்ளறையாய்! செல்வத்தினால்வளர்பிள்ளாய்! *

கம்பக்கபாலிகாண்அங்குக் கடிதோடிக்காப்பிடவாராய்.

200 இருக்கொடுநீர்சங்கில்கொண்டிட்டு எழில்மறையோர்வந்துநின்றார் *

தருக்கேல்நம்பி! சந்திநின்று தாய்சொல்லுக்கொள்ளாய்சிலநாள் *

திருக்காப்புநான்உன்னைச்சாத்தத் தேசுடைவெள்ளறைநின்றாய்! *

உருக்காட்டும்அந்திவிளக்கு இன்றொளிகொள்ளஏற்றுகேன்வாராய்.

201 போதமர்செல்வக்கொழுந்து புணர்திருவெள்ளறையானை *

மாதர்க்குயர்ந்தஅசோதை மகன்தன்னைக்காப்பிட்டமாற்றம் *

வேதப்பயன்கொள்ளவல்ல விட்டுசித்தன்சொன்னமாலை *

பாதப்பயன்கொள்ளவல்ல பத்தருள்ளார்வினைபோமே. (2)

1368 வென்றிமாமழுவேந்தி முன்மண்மிசைமன்னரை மூவெழுகால்

கொன்றதேவ! * நின்குரைகழல்தொழுவது ஓர்வகை எனக்கருள்புரியே *

மன்றில்மாம்பொழில்நுழைதந்துமல்லிகைமௌவலின் போதுஅலர்த்தி *

தென்றல்மாமணம்கமழ்தரவரு திருவெள்ளறை நின்றானே! (2)

1369 வசையில்நான்மறைகெடுத்த அம்மலரயற்குஅருளி, முன்பரிமுகமாய் *

இசைகொள்வேதநூலென்றிவைபயந்தவனே! எனக்குஅருள்புரியே *

உயர்கொள்மாதவிப்போதொடுலாவிய மாருதம்வீதியின் வாய் *

திசையெல்லாம்கமழும்பொழில்சூழ் திருவெள்ளறை நின்றானே!

1370 வெய்யனாய்உலகேழுடன்நலிந்தவன் உடலகம்இருபிளவா *

கையில்நீளுகிர்ப்படையதுவாய்த்தவனே! எனக்குஅருள்புரியே *

மையினார்தருவராலினம்பாய வண்தடத்திடைக் கமலங்கள் *

தெய்வநாறுஒண்பொய்கைகள்சூழ் திருவெள்ளறை நின்றானே!

1371 வாம்பரியுகமன்னர்தம்உயிர்செக ஐவர்க்கட்குஅரசளித்த *

காம்பினார்த்திருவேங்கடப்பொருப்ப! நின்காதலைஅருள் எனக்கு *

மாம்பொழில்தளிர்கோதியமடக்குயில் வாயது துவர்ப்பெய்த *

தீம்பலங்கனித்தேனது நுகர் திருவெள்ளறை நின்றானே!

1372 மானவேலொண்கண்மடவரல் மண்மகள் அழுங்கமுந்நீர்ப் பரப்பில் *

ஏனமாகிஅன்றுஇருநிலம்இடந்தவனே! எனக்குஅருள்புரியே *

கானமாமுல்லைகழைக்கரும்பேறி வெண் முறுவல்செய்து அலர்கின்ற *

தேனின்வாய்மலர்முருகுகுக்கும் திருவெள்ளறை நின்றானே!

1373 பொங்குநீள்முடிஅமரர்கள்தொழுதெழ அமுதினைக் கொடுத்தளிப்பான் *

அங்குஓராமையதாகிய ஆதி! நின்னடிமையை அருள் எனக்கு *

தங்குபேடையோடூடியமதுகரம் தையலார்குழலணைவான் *

திங்கள்தோய்சென்னிமாடம்சென்றணை திருவெள்ளறை நின்றானே!

1374 ஆறினோடொருநான்குடைநெடுமுடி அரக்கன்தன் சிரமெல்லாம் *

வேறுவேறுகவில்லதுவளைத்தவனே! எனக்குஅருள்புரியே *

மாறில்சோதியமரதகப்பாசடைத் தாமரைமலர்வார்ந்த *

தேறல்மாந்திவண்டுஇன்னிசைமுரல திருவெள்ளறை நின்றானே!

1375 முன்னிவ்வேழுலகுஉணர்வின்றிஇருள்மிக உம்பர்கள் தொழுதேத்த *

அன்னமாகிஅன்றருமறைபயந்தவனே! எனக்குஅருள்புரியே *

மன்னுகேதகைசூதகம்என்றிவை வனத்திடைச் சுரும்பினங்கள் *

தென்னவென்னவண்டுஇன்னிசைமுரல் திருவெள்ளறை நின்றானே!

1376 ஆங்குமாவலிவேள்வியில்இரந்துசென்று அகலிடம் முழுதினையும் *

பாங்கினால்கொண்டபரம! நிற்பணிந்தெழுவேன்எனக்கு அருள்புரியே *

ஓங்குபிண்டியின்செம்மலரேறி வண்டுழிதர * மாவேறித்

தீங்குயில்மிழற்றும்படப்பைத் திருவெள்ளறை நின்றானே!

1377 மஞ்சுலாமணிமாடங்கள்சூழ் திருவெள்ளறை யதன்மேய *

அஞ்சனம்புரையும் திருவுருவனை ஆதியை அமுதத்தை *

நஞ்சுலாவியவேல்வலவன் கலிகன்றிசொல்ஐயிரண்டும் *

எஞ்சலின்றிநின்றுஏத்தவல்லார் இமையோர்க்கரசு ஆவார்களே (2)

1851 துளக்கமில்சுடரை * அவுணனுடல்

பிளக்கும்மைந்தனைப் பேரில்வணங்கிப்போய் *

அளப்பிலாரமுதை அமரர்க்குஅருள்

விளக்கினை * சென்று வெள்ளறைக்காண்டுமே.

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2773 மாமலர்மேல் அன்னம்துயிலும் அணிநீர்வயலாலி *

என்னுடையவின்னமுதை எவ்வுள் பெருமலையை *

கன்னிமதிள்சூழ் கணமங்கைக்கற்பகத்தை *

மின்னையிருசுடரை வெள்ளறையுள்கல்லறைமேற்

பொன்னை * மரதகத்தைப் புட்குழியெம்போரேற்றை *

மன்னுமரங்கத்துஎம்மாமணியை * -