2707 காரார்மணிநிறக்கண்ணனூர்விண்ணகரம் *

சீரார்கணபுரம் சேறைதிருவழுந்தூர் *

காரார்குடந்தை கடிகைகடல்மல்லை *

ஏரார்பொழில்சூழ் இடவெந்தைநீர்மலை *

சீராரும்மாலிருஞ்சோலை திருமோகூர் *

3783 தாளதாமரைத் தடமணிவயல்திருமோகூர் *

நாளும்மேவிநன்கமர்ந்துநின்று அசுரரைத்தகர்க்கும் *

தோளும்நான்குடைச் சுரிகுழல்கமலக்கண்கனிவாய் *

காளமேகத்தையன்றி மற்றொன்றிலம்கதியே. (2)

3784 இலங்கதிமற்றொன்றெம்மைக்கும் ஈன்தண்துழாயின் *

அலங்கலங்கண்ணி ஆயிரம்பேருடையம்மான் *

நலங்கொள்நான்மறைவாணர்கள்வாழ் திருமோகூர் *

நலங்கழலவனடிநிழல் தடமன்றியாமே.

3785 அன்றியாமொருபுகலிடம்இலம் என்றென்றலற்றி *

நின்றுநான்முகனரனொடு தேவர்கள்நாட *

வென்றுஇம்மூவுலகளித்து உழல்வான்திருமோகூர் *

நன்றுநாமினிநணுகுதும் நமதிடர்கெடவே.

3786 இடர்கெடஎம்மைப்போந்தளியாய் என்றென்றேத்தி *

சுடர்கொள்சோதியைத் தேவரும்முனிவரும்தொடர *

படர்கொள்பாம்பணைப் பள்ளிகொள்வான்திருமோகூர் *

இடர்கெடஅடிபரவுதும் தொண்டீர்! வம்மினே.

3787 தொண்டீர்! வம்மின் நம்சுடரொளியொருதனிமுதல்வன் *

அண்டமூவுலகளந்தவன் அணிதிருமோகூர் *

எண்டிசையும்ஈன்கரும்பொடு பெருஞ்செந்நெல்விளைய *

கொண்டகோயிலைவலஞ்செய்து இங்காடுதும்கூத்தே.

3788 கூத்தன்கோவலன் குதற்றுவல்லசுரர்கள்கூற்றம் *

ஏத்தும்நங்கடகும் அமரர்க்கும்முனிவர்க்குமின்பன் *

வாய்த்ததண்பணைவளவயல்சூழ் திருமோகூர்

ஆத்தன் * தாமரையடியன்றிமற்றிலம்அரணே. (2)

3789 மற்றிலம்அரண் வான்பெரும்பாழ்தனிமுதலா *

சுற்றும்நீர்படைத்து அதன்வழித்தொல்முனிமுதலா *

முற்றும்தேவரோடு உலகுசெய்வான்திருமோகூர் *

சுற்றிநாம்வலஞ்செய்ய நம்துயர்கெடும்கடிதெ.

3790 துயர்கெடும்கடிதடைந்துவந்து அடியவர்! தொழுமின் *

உயர்கொள்சோலை ஒண்தடமணியொளிதிருமோகூர் *

பெயர்களாயிரமுடைய வல்லரக்கர்புக்கழுந்த *

தயரதன்பெற்ற மரதகமணித்தடத்தினையே.

3791 மணித்தடத்தடிமலர்க்கண்கள் பவளச்செவ்வாய் *

அணிக்கொள்நால்தடந்தோள்தெய்வம் அசுரரை யென்றும் *

துணிக்கும்வல்லரட்டன் உறைபொழில்திருமோகூர் *

நணித்துநம்முடைநல்லரண் நாமடைந்தனமே.

3792 நாமடைந்தநல்லரண் நமக்கென்றுநல்லமரர் *

தீமைசெய்யும்வல்லசுரரை அஞ்சிச்சென்றடைந்தால் *

காமரூபம்கொண்டெழுந்தளிப்பான் திருமோகூர் *

நாமமேநவின்றெண்ணுமின் ஏத்துமின்நமர்காள்!

3793 ஏத்துமின் நமர்காள்! என்றுதான்குடமாடு

கூத்தனை * குருகூர்ச்சடகோபன் குற்றேவல் *

வாய்த்தவாயிரத்துள்ளிவை வண்திருமோகூர்க்கு *

ஈத்தபத்திவையேத்தவல்லார்க்கு இடர்கெடுமே. (2)