3849 செங்சொற்கவிகாள்! உயிர்காத்தாட்செய்மின் திருமாலிருஞ்சோலை *

வஞ்சக்கள்வன்மாமாயன் மாயக்கவியாய்வந்து * என்

நெஞ்சுமுயிருமுள்கலந்து நின்றாரறியாவண்ணம் * என்

நெஞ்சுமுயிருமவையுண்டு தானேயாகிநிறைந்தானே. (2)

3850 தானேயாகிநிறைந்து எல்லாவுலகுமுயிரும்தானேயாய் *

தானேயானென்பானாகித் தன்னைத்தானேதுதித்து * எனக்குத்

தேனேபாலேகன்னலேயமுதே திருமாலிருஞ்சோலை *

கோனேயாகிநின்றொழிந்தான் என்னைமுற்று முயிருண்டே.

3851 என்னைமுற்றுமுயிருண்டு என்மாயவாக்கையிதனுள்புக்கு *

என்னைமுற்றும்தானேயாய் நின்றமாயஅம்மான்சேர் *

தென்னன்திருமாலிருஞ்சோலைத் திசைகைகூப்பிச் சேர்ந்தயான் *

இன்னும்போவேனேகொலோ? எங்கொலம்மான் திருவருளே?

3852 என்கொல்அம்மான்திருவருள்கள்? உலகுமுயிரும் தானேயாய் *

நன்கென்னுடலம்கைவிடான் ஞாலத்தூடேநடந்துழக்கி *

தென்கொள்திசைக்குத்திலதமாய்நின்ற திருமாலிருஞ்சோலை *

நங்கள்குன்றம்கைவிடான் நண்ணாஅசுரர்நலியவே.

3853 நண்ணாவசுரர்நலிவெய்த நல்லவமரர்பொலிவெய்த *

எண்ணாதனகளெண்ணும் நன்முனிவரின்பம்தலைசிறப்ப *

பண்ணார்பாடலின்கவிகள் யானாய்த்தன்னைத்தான்பாடி *

தென்னாவென்னும்என்னம்மான் திருமாலிருஞ் சோலையானே.

3854 திருமாலிருஞ்சோலையானேயாகிச் செழுமூவுலகும் * தன்

ஒருமாவயிற்றினுள்ளேவைத்து ஊழியூழிதலையளிக்கும் *

திருமாலென்னையாளுமால் சிவனும்பிரமனும்காணாது *

அருமாலெய்தியடிபரவ அருளையீந்தவம்மானே.

3855 அருளையீயென்னம்மானே! என்னும்முக்கணம்மானும் *

தெருள்கொள்பிரமனம்மானும் தேவர்கோனும்தேவரும் *

இருள்கள்கடியும்முனிவரும் ஏத்துமம்மான்திருமலை *

மருள்கள்கடியும்மணிமலை திருமாலிருஞ்சோலைமலையே.

3856 திருமாலிருஞ்சோலைமலையே திருப்பாற்கடலே என்தலையே *

திருமால்வைகுந்தமே தண்திருவேங்கடமேஎனதுடலே *

அருமாமாயத்தெனதுயிரே மனமேவாக்கேகருமமே *

ஒருமாநொடியும்பிரியான் என்ஊழிமுதல்வனொருவனே. (2)

3857 ஊழிமுதல்வனொருவனேயென்னும் ஒருவன் உலகெல்லாம் *

ஊழிதோறும்தன்னுள்ளேபடைத்துக்காத்துக் கெடுத்துழலும் *

ஆழிவண்ணனென்னம்மான் அந்தண்திருமாலிருஞ்சோலை *

வாழிமனமே! கைவிடேல் உடலுமுயிரும்மங்கவொட்டே.

3858 மங்கவொட்டுஉன்மாமாயை திருமாலிருஞ்சோலைமேய *

நங்கள்கோனே! யானேநீயாகி என்னையளித்தானே! *

பொங்கைம்புலனும்பொறியைந்தும் கருமேந்திரியம் ஐம்பூதம் *

இங்கிவ்வுயிரேய்பிரகிருதி மானாங்காரமனங்களே.

3859 மானாங்காரமனம்கெட ஐவர்வன்கையர்மங்க *

தானாங்காரமாய்ப்புக்குத் தானேதானேயானானை *

தேனாங்காரப்பொழில்குருகூர்ச் சடகோபன்சொல்லாயிரத்துள் *

மானாங்காரத்திவைபத்தும் திருமாலிருஞ்சோலை மலைக்கே. (2)