998 வாணிலாமுறுவல்சிறுநுதல்பெருந்தோள்

மாதரார்வனமுலைப்பயனே

பேணினேன் * அதனைப்பிழையெனக்கருதிப்

பேதையேன்பிறவிநோயறுப்பான் *

ஏணிலேன்இருந்தேன்எண்ணினேன்எண்ணி

இளையவர்கலவியின்திறத்தை

நாணினேன் * வந்துஉன்திருவடியடைந்தேன்

நைமிசாரணியத்துள்எந்தாய்! (2)

999 சிலம்படியுருவிற்கருநெடுங்கண்ணார்

திறத்தனாய் அறத்தையேமறந்து *

புலம்படிந்துண்ணும்போகமேபெருக்கிப்

போக்கினேன் பொழுதினைவாளா *

அலம்புரிதடக்கைஆயனே! மாயா!

வானவர்க்கரசனே! * வானோர்

நலம்புரிந்திறைஞ்சும்திருவடியடைந்தேன்

நைமிசாரணியத்துள்எந்தாய்!

1000 சூதினைப்பெருக்கிக்களவினைத்துணிந்து

சுரிகுழல்மடந்தையர்த்திறத்து *

காதலேமிகுத்துக்கண்டவாதிரிந்த

தொண்டனேன், நமன்தமர்செய்யும் *

வேதனைக்குஒடுங்கிநடுங்கினேன்

வேலைவெண்திரையலமரக்கடைந்த *

நாதனே! வந்துஉன்திருவடியடைந்தேன்

நைமிசாரணியத்துள்எந்தாய்!

1001 வம்புலாங்கூந்தல்மனைவியைத்துறந்து

பிறர்பொருள்தாரமென்றிவற்றை *

நம்பினாரிறந்தால்நமன்தமர்பற்றி

எற்றிவைத்து, எரியெழுகின்ற *

செம்பினாலியன்றபாவையைப்

பாவீ * தழுவெனமொழிவதற்க்கு அஞ்சி *

நம்பனே! வந்து உன் திருவடியடைந்தேன்

நைமிசாரணியத்துள்எந்தாய்!

1002 இடும்பையாலடர்ப்புண்டிடுமினோதுற்றென்னு

இரந்தவர்க்கில்லையேயென்று *

நெடுஞ்சொலால்மறுத்தநீசனேன்அந்தோ!

நினைக்கிலேன்வினைப்பயன்தன்னை *

கடுஞ்சொலார்கடியார்காலனார்தமரால்

படுவதோர்கொடுமிறைக்குஅஞ்சி *

நடுங்கிநான்வந்துஉன்திருவடியடைந்தேன்

நைமிசாரணியத்துள்எந்தாய்!

1003 கோடியமனத்தால்சினத்தொழில்புரிந்து

திரிந்துநாயினத்தொடுந்திளைத்திட்டு *

ஓடியும்உழன்றும்உயிர்களேகொன்றேன்

உணர்விலேனாதலால் * நமனார்

பாடியைப்பெரிதும்பரிசழித்திட்டேன்

பரமனே! பாற்கடல்கிடந்தாய்! *

நாடிநான்வந்துஉன்திருவடியடைந்தேன்

நைமிசாரணியத்துள்எந்தாய்!

1004 நெஞ்சினால்நினைந்தும்வாயினால்மொழிந்தும்

நீதியல்லாதனசெய்தும் *

துஞ்சினார்செல்லுந்தொன்நெறிகேட்டே

துளங்கினேன்விளங்கனிமுனிந்தாய்! *

வஞ்சனேன் அடியேன் நெஞ்சினில்பிரியா

வானவா! தானவர்க்கு என்றும்

நஞ்சனே! * வந்துஉன்திருவடியடைந்தேன்

நைமிசாரணியத்துள்எந்தாய்!

1005 ஏவினார்கலியார்நலிகவென்று என்மேல்

எங்ஙனேவாழுமாறு? * ஐவர்

கோவினார் செய்யும்கொடுமையைமடித்தேன்

குறுங்குடிநெடுங்கடல்வண்ணா! *

பாவினாரின்சொல் பன்மலர்கொண்டு உன்

பாதமேபரவிநான் பணிந்து * என்

நாவினால்வந்துஉன்திருவடியடைந்தேன்

நைமிசாரணியத்துள்எந்தாய்! (2)

1006 ஊனிடைச்சுவர்வைத்துஎன்புதூண்நாட்டி

உரோமம்வேய்ந்துஒன்பதுவாசல் *

தானுடைக்குரம்பைப்பிரியும்போது உன்தன்

சரணமேசரணமென்றிருந்தேன் *

தேனுடைக்கமலத்திருவினுக்கரசே!

திரைகொள்மாநெடுங்கடல்கிடந்தாய்! *

நானுடைத்தவத்தால்திருவடியடைந்தேன்

நைமிசாரணியத்துள்எந்தாய்!

1007 ஏதம்வந்தணுகாவண்ணம்நாம்எண்ணி

எழுமினோதொழுதுமென்று * இமையோர்

நாதன்வந்திரைஞ்சும் நைமிசாரணியத்

தெந்தையைச்சிந்தையுள் வைத்து *

காதலேமிகுத்தகலியன்வாயொலிசெய்

மாலைதான் கற்றுவல்லார்கள் *

ஓதநீர்வையகம்ஆண்டுவெண்குடைக்கீழ்

உம்பருமாகுவர்தாமே. (2)