1992 மானமருமென்னோக்கி வைதேவியின்துணையா *

கானமரும்கல்லதர்போய்க் காடுறைந்தான்காணேடீ! *

கானமரும்கல்லதர்ப்போய்க் காடுறைந்தபொன்னடிக்கள் *

வானவர்தம் சென்னிமலர்கண்டாய்சாழலே! (2)

1993 தந்தைதளைகழலத் தோன்றிப்போய் * ஆய்ப்பாடி

நந்தன்குலமதலையாய் வளர்ந்தான்காணேடீ! *

நந்தன்குலமதலையாய்வளர்ந்தான் நான்முகற்குத்

தந்தைகாண் * எந்தைபெருமான்காண் சாழலே!

1994 ஆழ்கடல்சூழ்வையகத்தார் ஏசப்போய் * ஆய்ப்பாடித்

தாழ்குழலார்வைத்த தயிருண்டான்காணேடீ! *

தாழ்குழலார்வைத்த தயிருண்டபொன்வயிறு * இவ்

வேழுலகுமுண்டும் இடமுடைத்தால்சாழலே!

1995 அறியாதார்க்கு ஆனாயனாகிப்போய் * ஆய்ப்பாடி

உறியார்நறுவெண்ணெய் உண்டுகந்தான்காணேடீ! *

உறியார்நறுவெண்ணெய் உண்டுகந்தபொன்வயிறுக்கு *

எறிநீருலகனைத்தும் எய்தாதால்சாழலே!

1996 வண்ணக்கருங்குழல் ஆய்ச்சியால்மொத்துண்டு *

கண்ணிக்குறுங்கயிற்றால் கட்டுண்டான்காணேடீ! *

கண்ணிக்குறுங்கயிற்றால் கட்டுண்டானாகிலும் *

எண்ணற்கரியன் இமையோர்க்கும்சாழலே!

1997 கன்றப்பறைகறங்கக் கண்டவர்தம்கண்களிப்ப *

மன்றில்மரக்கால்கூத்து ஆடினான்காணேடீ! *

மன்றில்மரக்கால்கூத்து ஆடினானாகிலும் *

என்றும்அரியன் இமையோர்க்கும்சாழலே!

1998 கோதைவேல்ஐவர்க்காய் மண்ணகலம்கூறிடுவான் *

தூதனாய், மன்னவனால் சொல்லுண்டான்காணேடீ! *

தூதனாய், மன்னவனால் சொல்லுண்டானாகிலும் *

ஓதநீர்வையகம் முன்னுண்டுஉமிழ்ந்தான்சாழலே!

1999 பார்மன்னர்மங்கப் படைதொட்டுவெஞ்சமத்து *

தேர்மன்னர்க்காய் அன்றுதேரூர்ந்தான்காணேடீ! *

தேர்மன்னர்க்காய் அன்றுதேரூர்ந்தானாகிலும் *

தார்மன்னர் தங்கள் தலைமேலான்சாழலே!

2000 கண்டார் இரங்கக் கழியக்குறளுருவாய் *

வண்தாரான்வேள்வியில் மண்ணிரந்தான்காணேடீ! *

வண்தாரான்வேள்வியில் மண்ணிரந்தானாகிலும் *

விண்டேழுலகுக்கும் மிக்கான்காண்சாழலே!

2001 கள்ளத்தால்மாவலியை மூவடிமண்கொண்டளந்தான் *

வெள்ளத்தான்வேங்கடத்தான் என்பரால்காணேடீ! *

வெள்ளத்தான்வேங்கடத்தானேலும் * கலிகன்றி

உள்ளத்தினுள்ளே உளன்கண்டாய்சாழலே! (2)