545 மன்னுபெரும்புகழ்மாதவன்

மாமணிவண்ணன் மணிமுடிமைந்தன்

தன்னை * உகந்ததுகாரணமாக

என்சங்கிழக்கும்வழக்குண்டே? *

புன்னைகுருக்கத்திஞாழல்செருந்திப்

பொதும்பினில்வாழும்குயிலே! *

பன்னியெப்போதுமிருந்துவிரைந்து என்

பவளவாயன்வரக்கூவாய். (2)

546 வெள்ளைவிளிசங்கிடங்கையிற்கொண்ட

விமலனெனக்குருக்காட்டான் *

உள்ளம்புகுந்தென்னைநைவித்து

நாளும் உயிர்பெய்து கூத்தாட்டுக்காணும் *

கள்ளவிழ்செண்பகப்பூமலர்கோதிக்

களித்திசைபாடுங்குயிலே! *

மெள்ளவிருந்துமிழற்றிமிழற்றாது என்

வேங்கடவன்வரக்கூவாய்.

547 மாதலிதேர்முன்புகோல்கொள்ள

மாயன்இராவணன் மேல் * சரமாரி

தாய்தலையற்றற்றுவீழத் தொடுத்த

தலைவன்வரவெங்குங்காணேன்! *

போதலர்காவில்புதுமணம்நாறப்

பொறிவண்டின்காமரங்கேட்டு * உன்

காதலியோடுடன்வாழ்குயிலே! என்

கருமாணிக்கம்வரக்கூவாய்.

548 என்புருகியினவேல்நெடுங்கண்கள்

இமைபொருந்தாபலநாளும் *

துன்பக்கடல்புக்குவைகுந்தனென்பது ஒர்

தோணிபெறாதுஉழல்கின்றேன் *

அன்புடையாரைப்பிரிவுறுநோயது

நீயுமறிதிகுயிலே! *

பொன்புரைமேனிக்கருளக்கொடியுடைப்

புண்ணியனைவரக்கூவாய்.

549 மென்னடையன்னம்பரந்துவிளையாடும்

வில்லிபுத்தூருறைவான்றன் *

பொன்னடிகாண்பதோராசையினால் என்

பொருகயற்கண்ணிணை துஞ்சா *

இன்னடிசிலொடுபாலமுதூட்டி

எடுத்தவென்கோலக்கிளியை *

உன்னொடுதோழமைகொள்ளுவன்குயிலே!

உலகளந்தான்வரக்கூவாய். (2)

550 எத்திசை யுமமரர்பணிந்தேத்தும்

இருடீகேசன்வலிசெய்ய *

முத்தன்னவெண்முறுவற்செய்யவாயும்

முலயுமழகழிந்தேன்நான் *

கொத்தலர்காவில்மணித்தடம் கண்படை

கொள்ளுமிளங்குயிலே! * என்

தத்துவனை வரக்கூகிற்றியாகில்

தலையல்லால்கைம்மாறிலேனே.

551 பொங்கியபாற்கடல்பள்ளிகொள்வானைப்

புணர்வதோராசயினால் * என்

கொங்கைகிளர்ந்துகுமைத்துக்குதுகலித்

தாவியையாகுலஞ்செய்யும் *

அங்குயிலே! உனக்கென்னமறைந்துறைவு ?

ஆழியும்சங்குமொண்தண்டும் *

தங்கியகையவனைவரக்கூவில் நீ

சாலத்தருமம்பெறுதி.

552 சார்ங்கம்வளையவலிக்கும்தடக்கைச்

சதுரன்பொருத்தமுடையன் *

நாங்களெம்மில்லிருந்தொட்டியகச்சங்கம்

நானுமவனுமறிதும் *

தேங்கனிமாம்பொழில்செந்தளிர்கோதுஞ்

சிறுகுயிலே! * திருமாலை

ஆங்குவிரைந்தொல்லைக்கூகிற்றியாகில்

அவனைநான்செய்வனகாணே.

553 பைங்கிளிவண்ணன்சிரீதரனென்பதோர்

பாசத்தகப்பட்டிருந்தேன் *

பொங்கொளிவண்டிரைக்கும்பொழில்வாழ்குயிலே!

குறிக்கொண்டிதுநீகேள் *

சங்கொடுசக்கரத்தான்வரக்கூவுதல்

பொன்வளைகொண்டுதருதல் *

இங்குள்ளகாவினில்வாழக்கருதில்

இரண்டத்தொன்றேல்திண்ணம்வேண்டும்.

554 அன்றுலகம்மளந்தானையுகந்து

அடிமைக்கணவன்வலிசெய்ய *

தென்றலுந்திங்களுமூடறுத்தென்னை

நலியும்முறைமையறியேன் *

என்றுமிக்காவிலிருந்திருந்து

என்னைத் ததர்த்தாதேநீயும் குயிலே *

இன்றுநாராயணனைவரக்கூவாயேல்

இங்குற்றுநின்றும்துரப்பன்.

555 விண்ணுறநீண்டடிதாவியமைந்தனை

வேற்கண்மடந்தைவிரும்பி *

கண்ணுறவென்கடல்வண்ணனைக் கூவு

கருங்குயிலே! என்றமாற்றம் *

பண்ணுறுநான்மறையோர்புதுவைமன்னன்

பட்டர்பிரான்கோதைசொன்ன *

நண்ணுறுவாசகமாலைவல்லார்

நமோநாராயணாயவென்பாரே. (2)