1268 பேரணிந்துஉலகத்தவர்தொழுதேத்தும்

பேரருளாளன்எம்பிரானை *

வாரணிமுலையாள்மலர்மகளோடு

மண்மகளும்உடன்நிற்ப *

சீரணிமாடநாங்கைநன்னடுவுள்

செம்பொன்செய்கோயிலினுள்ளே *

காரணிமேகம்நின்றதொப்பானைக்

கண்டுகொண்டுஉய்ந்தொழிந்தேனே. (2)

1269 பிறப்பொடுமூப்பொன்றில்லவன்தன்னைப்

பேதியாஇன்பவெள்ளத்தை *

இறப்பெதிர்காலக்கழிவுமானானை

ஏழிசையின்சுவைதன்னை *

சிறப்புடைமறையோர்நாங்கைநன்னடுவுள்

செம்பொன்செய்கோயிலினுள்ளே *

மறைப்பெரும்பொருளைவானவர்கோனைக்

கண்டு நான் வாழ்ந்தொழிந்தேனே.

1270 திடவிசும்பெரிநீர்திங்களும்சுடரும்

செழுநிலத்துயிர்களும்மற்றும் *

படர்பொருள்களுமாய்நின்றவன்றன்னை *

பங்கயத்தயனவனனைய *

திடமொழிமறையோர்நாங்கைநன்னடுவுள்

செம்பொன்செய்கோயிலினுள்ளே *

கடல்நிறவண்ணன்றன்னைநானடியேன்

கண்டுகொண்டுஉய்ந்தொழிந்தேனே.

1271 வசையறுகுறளாய்மாவலிவேள்வி

மண்ணளவிட்டவன்தன்னை *

அசைவறுஅமரரடியிணைவணங்க

அலைகடல்துயின்றஅம்மானை *

திசைமுகனனையோர்நாங்கைநன்னடுவுள்

செம்பொன்செய்கோயிலினுள்ளே *

உயர்மணிமகுடம்சூடிநின்றானைக்

கண்டுகொண்டுய்ந்தொழிந்தேனே.

1272 தீமனத்தரக்கர்திறலழித்தவனே!

என்று சென்றடைந்தவர்தமக்கு *

தாய்மனத்திரங்கிஅருளினைக்கொடுக்கும்

தயரதன்மதலையை, சயமே *

தேமலர்ப்பொழில்சூழ்நாங்கைநன்னடுவுள்

செம்பொன்செய்கோயிலினுள்ளே *

காமனைப்பயந்தான்தன்னைநானடியேன்

கண்டுகொண்டுய்ந்தொழிந்தேனே.

1273 மல்லைமாமுந்நீரதர்படமலையால்

அணைசெய்துமகிழ்ந்தவன்தன்னை *

கல்லின்மீதியன்றகடிமதிளிலங்கை

கலங்க ஓர்வாளிதொட்டானை *

செல்வநான்மறையோர்நாங்கைநன்னடுவுள்

செம்பொன்செய்கோயிலினுள்ளே *

அல்லிமாமலராள்தன்னொடும்அடியேன்

கண்டுகொண்டல்லல்தீர்ந்தேனே.

1274 வெஞ்சினக்களிறும்வில்லொடுமல்லும்

வெகுண்டிறுத்தடர்த்தவன்தன்னை *

கஞ்சனைக்காய்ந்தகாளையம்மானைக்

கருமுகில்திருநிறத்தவனை *

செஞ்சொல்நான்மறையோர்நாங்கைநன்னடுவுள்

செம்பொன்செய்கோயிலினுள்ளே *

அஞ்சனக்குன்றம்நின்றதொப்பானைக்

கண்டுகொண்டல்லல்தீர்ந்தேனே.

1275 அன்றியவாணனாயிரம்தோளும்

துணிய அன்றுஆழிதொட்டானை *

மின்திகழ்குடுமிவேங்கடமலைமேல்

மேவியவேதநல்விளக்கை *

தென்திசைத்திலதமனையவர்நாங்கைச்

செம்பொன்செய்கோயிலினுள்ளே *

மன்றதுபொலியமகிழ்ந்துநின்றானை

வணங்கிநான்வாழ்ந்தொழிந்தேனே.

1276 களங்கனிவண்ணா! கண்ணணே! என்தன்

கார்முகிலே! எனநினைந்திட்டு *

உளங்கனிந்திருக்கும்அடியவர்தங்கள்

உள்ளத்துள்ஊறியதேனை *

தெளிந்தநான்மறையோர்நாங்கைநன்னடுவுள்

செம்பொன்செய்கோயிலினுள்ளே *

வளங்கொள்பேரின்பம்மன்னிநின்றானை

வணங்கிநான்வாழ்ந்தொழிந்தேனே.

1277 தேனமர்சோலைநாங்கைநன்னடுவுள்

செம்பொன்செய்கோயிலினுள்ளே *

வானவர்கோனைக்கண்டமைசொல்லும்

மங்கையார்வாட்கலிகன்றி *

ஊனமில்பாடல்ஒன்பதோடொன்றும்

ஒழிவின்றிக்கற்றுவல்லார்கள் *

மானவெண்குடைக்கீழ்வையகம்ஆண்டு

வானவராகுவர்மகிழ்ந்தே.