1258 கம்பமாகடலடைத்துஇலங்கைக்குமன் கதிர்முடியவை பத்தும்

அம்பினாலறுத்து * அரசவன் தம்பிக்கு அளித்தவனுறை கோயில் *

செம்பலாநிரைசண்பகம்மாதவி சூதகம்வாழைகள்சூழ் *

வம்புலாம்கமுகோங்கியநாங்கூர் வண்புருடோத்தமமே. (2)

1259 பல்லவம்திகழ்பூங்கடம்பேறிய அக்காளியன்பணவரங்கில் *

ஒல்லைவந்திறப்பாய்ந்துஅருநடஞ்செய்த உம்பர்கோனுறைகோயில் *

நல்லவெந்தழல்மூன்றுநால்வேதம் ஐவேள்வியோடுஆறங்கம் *

வல்லஅந்தணர்மல்கியநாங்கூர் வண்புருடோத்தமமே.

1260 அண்டரானவர்வானவர்கோனுக்கென்று அமைத்த சோறதுவெல்லாம்

உண்டு * கோநிரைமேய்த்துஅவைகாத்தவன் உகந்தினிதுறைகோயில் *

கொண்டலார்முழவிற்குளிர்வார்பொழில் குலமயில் நடமாட *

வண்டுதானிசைபாடிடுநாங்கூர் வண்புருடோத்தமமே.

1261 பருங்கையானையின்கொம்பினைப்பறித்துஅதன்பாகனைச் சாடிப்புக்கு *

ஒருங்கமல்லரைக்கொன்று பின்கஞ்சனையுதைத்தவனுறை கோயில் *

கரும்பினூடு உயர்சாலிகள்விளைதரு கழனியில்மலிவாவி *

மருங்கெலாம்பொழிலோங்கியநாங்கூர் வண்புருடோத்தமமே.

1262 சாடுபோய்விழத்தாள்நிமிர்த்து ஈசன்தன்படையோடும் கிளையோடும்

ஓட * வாணனைஆயிரந்தோள்களும் துணித்தவனுறை கோயில் *

ஆடுவான்கொடிஅகல்விசும்பணவிப்போய்ப் பகலவனொளி மறைக்கும் *

மாடமாளிகைசூழ்தருநாங்கூர் வண்புருடோத்தமமே.

1263 அங்கையால்அடிமூன்றுநீரேற்று அயன்அலர்கொடு தொழுதேத்த *

கங்கைபோதரக்கால்நிமிர்த்தருளிய கண்ணன்வந்துறைகோயில் *

கொங்கைகோங்கவைகாட்டவாய்குமுதங்கள்காட்ட, மாபதுமங்கள் *

மங்கைமார்முகம்காட்டிடுநாங்கூர் வண்புருடோத்தமமே.

1264 உளையஒண்திறல்பொன்பெயரோன்தனது உரம்பிளந்து உதிரத்தை

அளையும் * வெஞ்சினத்துஅரி பரிகீறிய அப்பன்வந்துறை கோயில் *

இளையமங்கையர்இணையடிச்சிலம்பினோடு எழில்கொள் பந்தடிப்போர் * கை

வளையினின் றொலிமல்கியநாங்கூர் வண்புருடோத்தமமே.

1265 வாளையார்தடங்கண்உமைபங்கன் வன்சாபமற்றதுநீங்க *

மூளையார்சிரத்துஐயமுன்னளித்த எம்முகில்வண்ணனுறைகோயில் *

பாளைவான்கமுகூடுயர்தெங்கின் வன்பழம்விழவெருவிப்போய் *

வாளைபாய்தடம்சூழ்தருநாங்கூர் வண்புருடோத்தமமே.

1266 இந்துவார்சடையீசனைப்பயந்த நான்முகனை, தன்னெழிலாரும் *

உந்திமாமலர்மீமிசைப்படைத்தவன் உகந்துஇனிதுறைகோயில் *

குந்திவாழையின்கொழுங்கனிநுகர்ந்து தன்குருளையைத் தழுவிப்போய் *

மந்திமாம்பணைமேல்வைகுநாங்கூர் வண்புருடோத்தமமே.

1267 மண்ணுளார்புகழ்வேதியர்நாங்கூர் வண்புருடோத்தமத்துள் *

அண்ணல்சேவடிக்கீழடைந்துஉய்ந்தவன் ஆலிமன் அருள்மாரி *

பண்ணுளார்தரப்பாடியபாடல் இப்பத்தும்வல்லார் * உலகில்

எண்ணிலாதபேரின்பமுற்றுஇமையவரோடும்கூடுவரே. (2)