1138 மஞ்சாடுவரையேழும்கடல்களேழும்

வானகமும்மண்ணகமும்மற்றும்எல்லாம் *

எஞ்சாமல்வயிற்றடக்கிஆலின்மேல்ஓரிளந்தளிரில்

கண்வளர்ந்தஈசன்தன்னை *

துஞ்சாநீர்வளம்சுரக்கும்பெண்ணைத்தென்பால்

தூயநான்மறையாளர்சோமுச்செய்ய *

செஞ்சாலிவிளைவயலுள்திகழ்ந்துதோன்றும்

திருக்கோவலூரதனுள் கண்டேன்நானே. (2)

1139 கொந்தலர்ந்தநறுந்துழாய்சாந்தம்தூபம்

தீபம்கொண்டுஅமரர்தொழப்பணங்கொள் பாம்பில் *

சந்தணிமென்முலைமலராள்தரணிமங்கை

தாமிருவர்அடிவருடும்தன்மையானை *

வந்தனைசெய்துஇசையேழ்ஆறங்கம் ஐந்து

வளர்வேள்விநான்மறைகள்மூன்றுதீயும் *

சிந்தனைசெய்துஇருபொழுதுமொன்றும்செல்வத்

திருக்கோவலூரதனுள்கண்டேன்நானே.

1140 கொழுந்தலரும்மலர்ச்சோலைக்குழாங்கொள்பொய்கைக்

கோள்முதலைவாளெயிற்றுக்கொண்டற்குஎள்கி *

அழுந்தியமாகளிற்றினுக்குஅன்றுஆழியேந்தி

அந்தரமேவரத்தோன்றி அருள்செய்தானை *

எழுந்தமலர்க்கருநீலம்இருந்தில்காட்ட

இரும்புன்னைமுத்தரும்பிச்செம்பொன்காட்ட *

செழுந்தடநீர்க்கமலம்தீவிகைபோல்காட்டும்

திருக்கோவலூரதனுள்கண்டேன்நானே.

1141 தாங்கரும்போர்மாலிபடப்பறவையூர்ந்து

தராதலத்தோர்குறைமுடித்ததன்மையானை *

ஆங்கரும்பிக்கண்ணீர்சோர்ந்துஅன்புகூரும்

அடியவர்கட்குஆரமுதமானான்தன்னை *

கோங்கரும்புசுரபுன்னைகுரவார்சோலைக்

குழாவரிவண்டுஇசைபாடும்பாடல்கேட்டு

தீங்கரும்புகண்வளரும்கழனிசூழ்ந்த

திருக்கோவலூரதனுள்கண்டேன்நானே.

1142 கறைவளர்வேல்கரன்முதலாக்கவந்தன்வாலி

கணையொன்றினால்மடியஇலங்கைதன்னுள் *

பிறையெயிற்றுவாளரக்கர்சேனையெல்லாம்

பெருந்தகையோடுஉடந்துணித்தபெம்மான்தன்னை *

மறைவளரப்புகழ்வளரமாடந்தோறும்

மண்டபமொண்தொளியனைத்தும்வாரமோத *

சிறையணைந்தபொழிலணைந்ததென்றல்வீசும்

திருக்கோவலூரதனுள்கண்டேன்நானே.

1143 உறியார்ந்தநறுவெண்ணெய்ஒளியால்சென்றுஅங்கு

உண்டானைக்கண்டுஆய்ச்சிஉரலோடுஆர்க்க *

தறியார்ந்தகருங்களிறேபோலநின்று

தடங்கண்கள்பனிமல்கும்தன்மையானை *

வெறியார்ந்தமலர்மகள்நாமங்கையோடு *

வியன்கலைஎண்தோளினாள்விளங்கு * செல்வச்

செறியார்ந்தமணிமாடம்திகழ்ந்துதோன்றும்

திருக்கோவலூரதனுள்கண்டேன்நானே.

1144 இருங்கைம்மாகரிமுனிந்துபரியைக்கீறி

இனவிடைகளேழடர்த்துமருதம்சாய்த்து *

வரும்சகடம்இறவுதைத்துமல்லையட்டு

வஞ்சகஞ்செய்கஞ்சனுக்குநஞ்சானானை *

கருங்கமுகுபசும்பாளைவெண்முத்துஈன்று

காயெல்லாம்மரகதமாய்ப்பவளம்காட்ட *

செருந்திமிகமொட்டலர்த்தும்தேன்கொள்சோலைத்

திருக்கோவலூரதனுள்கண்டேன்நானே.

1145 பாரேறுபெரும்பாரந்தீரப் பண்டு

பாரதத்துத்தூதியங்கி * பார்த்தன்செல்வத்

தேரேறுசாரதியாய்எதிர்ந்தார்சேனை

செருக்களத்துத்திறலழியச்செற்றான்தன்னை *

போரேறொன்றுடையானும்அளகைக்கோனும்

புரந்தரனும்நான்முகனும்பொருந்தும்ஊர்போல் *

சீரேறுமறையாளர்நிறைந்த செல்வத்

திருக்கோவலூரதனுள்கண்டேன்நானே. (2)

1146 தூவடிவின்பார்மகள்பூமங்கையோடு

சுடராழிசங்குஇருபால்பொலிந்துதோன்ற *

காவடிவின்கற்பகமேபோலநின்று

கலந்தவர்கட்குஅருள்புரியும்கருத்தினானை *

சேவடிகைதிருவாய்கண்சிவந்தவாடை

செம்பொன்செய் திருவுருவமானான்தன்னை *

தீவடிவின்சிவனயனேபோல்வார்மன்னு

திருக்கோவலூரதனுள்கண்டேன்நானே.

1147 வாரணங்கொள்இடர்கடிந்தமாலை நீல

மரதகத்தைமழைமுகிலேபோல்வான்தன்னை *

சீரணங்குமறையாளர்நிறைந்த செல்வத்

திருக்கோவலூரதனுள்கண்டேனென்று *

வாரணங்குமுலைமடவார்மங்கைவேந்தன்

வாள்கலியனொலியைந்துமைந்தும்வல்லார் *

காரணங்களால்உலகம்கலந்து அங்குஏத்தக்

கரந்துஎங்கும்பரந்தானைக்காண்பர்தாமே. (2)