312 முடியொன்றிமூவுலகங்களும் ஆண்டு * உன்

அடியேற்கருளென்று அவன்பின்தொடர்ந்த *

படியில்குணத்துப் பரதநம்பிக்கு * அன்று

அடிநிலையீந்தானைப்பாடிப்பற அயோத்தியர்கோமானைப்பாடிப்பற.

314 தார்க்குஇளந்தம்பிக்கு அரசீந்து * தண்டகம்

நூற்றவள் சொல்கொண்டுபோகி * நுடங்கிடைச்

சூர்ப்பணகாவைச்செவியொடுமூக்கு * அவள்

ஆர்க்கஅரிந்தானைப்பாடிப்பற அயோத்திக்கரசனைப்பாடிப்பற.

316 காரார்கடலையடைத்திட்டு இலங்கைபுக்கு *

ஓராதான்பொன்முடி ஒன்பதோடொன்றையும் *

நேராஅவன்தம்பிக்கே நீளரசீந்த *

ஆராவமுதனைப்பாடிப்பற அயோத்தியர்வேந்தனைப்பாடிப்பற.

318 நெறிந்தகருங்குழல்மடவாய். நின்னடியேன் விண்ணப்பம் *

செறிந்தமணிமுடிச்சனகன் சிலையிறுத்துநினைக்கொணர்ந்த

தறிந்து * அரசுகளைகட்ட அருந்தவத்தோன்இடைவிலங்க *

செறிந்தசிலைகொடுதவத்தைச் சிதைத்ததும்ஓரடையாளம். (2)

321 வாரணிந்தமுலைமடவாய்! வைதேவீ! விண்ணப்பம் *

தேரணிந்தஅயோத்தியர்கோன் பெருந்தேவீ! கேட்டருளாய் *

கூரணிந்தவேல்வலவன் குகனோடும்கங்கைதன்னில் *

சீரணிந்ததோழமை கொண்டதும்ஓரடையாளம்.

325 மைத்தகுமாமலர்க்குழலாய்! வைதேவீ! விண்ணப்பம் *

ஒத்தபுகழ்வானரக்கோன் உடனிருந்துநினைத்தேட *

அத்தகுசீரயோத்தியர்கோன் அடையாளமிவைமொழிந்தான் *

இத்தகையால்அடையாளம் ஈதுஅவன்கைமோதிரமே.

399 வடதிசைமதுரைசாளக்கிராமம்

வைகுந்தம்துவரைஅயோத்தி *

இடமுடைவதரியிடவகையுடைய

எம்புருடோ த்தமனிருக்கை *

தடவரையதிரத்தரணிவிண்டிடியத்

தலைப்பற்றிக்கரைமரஞ்சாடி *

கடலினைக்கலங்கக்கடுத்திழிகங்கைக்

கண்டமென்னும்கடிநகரே. (2)

724 சுற்றமெல்லாம்பின்தொடரத்தொல்கானமடைந்தவனே! *

அற்றவர்கட்கருமருந்தே! அயோத்திநகர்க்கதிபதியே! *

கற்றவர்கள்தாம்வாழும் கணபுரத்தென்கருமணியே! *

சிற்றவைதன்சொல்கொண்ட சீராமா! தாலேலோ.

725 ஆலினிலைப்பாலகனாய் அன்றுலகமுண்டவனே! *

வாலியைக்கொன்று அரசுஇளையவானரத்துக்களித்தவனே! *

காலின்மணிகரையலைக்கும் கணபுரத்தென்கருமணியே! *

ஆலிநகர்க்கதிபதியே! அயோத்திமனே! தாலேலோ.

741 அங்கணெடுமதிள்புடைசூழயோத்தியென்னும்

அணிநகரத்துலகனைத்தும்விளக்கும்சோதி *

வெங்கதிரோன்குலத்துக்கோர்விளக்காய்த்தோன்றி

விண்முழுதுமுயக்கொண்டவீரன் தன்னை *

செங்கணெடுங்கருமுகிலையிராமன் தன்னைத்

தில்லைநகர்த்திருச்சித்ரகூடந்தன்னுள் *

எங்கள்தனிமுதல்வனையெம்பெருமான்தன்னை

என்றுகொலோ? கண்குளிரக்காணும்நாளே. (2)

747 குரைகடலையடலம்பால்மறுகவெய்து

குலைகட்டிமறுகரையையதனாலேறி *

எரிநெடுவேலரக்கரொடுமிலங்கைவேந்தன்

இன்னுயிர்கொண்டவன்தம்பிக்கரசுமீந்து *

திருமகளோடினிதமர்ந்தசெல்வன்றன்னைத்

தில்லைநகர்த்திருச்சித்ரகூடந்தன்னுள் *

அரசமர்ந்தானடிசூடுமரசையல்லால்

அரசாகவெண்ணேன்மற்றரசுதானே.

748 அம்பொனெடுமணிமாடஅயோத்தியெய்தி

அரசெய்திஅகத்தியன்வாய்த்தான்முன்கொன்றான்

தன் * பெருந்தொல்கதைக்கேட்டுமிதிலைச்செல்வி

உலகுய்யத்திருவயிறுவாய்த்தமக்கள் *

செம்பவளத்திரள்வாய்த்தன்சரிதைகேட்டான்

தில்லைநகர்த்திருச்சித்ரகூடந்தன்னுள் *

எம்பெருமான்தன்சரிதைசெவியால்கண்ணால்

பருகுவோம் * இன்னமுதைம்மதியோமின்றே.

920 மேட்டிளமேதிகள்தளைவிடுமாயர்கள்

வேய்ங்குழலோசையும்விடைமணிக்குரலும் *

ஈட்டியவிசைதிசைபரந்தனவயலுள்

இரிந்தினசுரும்பினம், இலங்கையர்குலத்தை *

வாட்டியவரிசிலைவானவரேறே!

மாமுனிவேள்வியைக்காத்து * அவபிரதம்

ஆட்டியவடுதிறல்அயோத்தியெம்மரசே!

அரங்கத்தம்மா! பள்ளியெழுந்தருளாயே.

1068 விற்பெருவிழவும் கஞ்சனும்மல்லும்

வேழமும்பாகனும்வீழ *

செற்றவன்தன்னை * புரமெரிசெய்த

சிவனுறுதுயர்களைதேவை *

பற்றலர்வீயக்கோல் கையில்கொண்டு

பார்த்தன்றன்தேர்முன்நின்றானை *

சிற்றவைபணியால்முடிதுறந் தானைத்

திருவல்லிக்கேணிக்கண்டேனே. (2)

1875 கவளயானைபாய்புரவி தேரோடரக்கரெல்லாம்

துவள * வென்றவென்றியாளன்தன் தமர்கொல்லாமே *

தவளமாடம்நீடயோத்திக் காவலன்தன்சிறுவன் *

குவளைவண்ணன்காண ஆடீர் குழமணிதூரமே.

3497 கற்பார்இராமபிரானையல்லால் மற்றும்கற்பரோ? *

புற்பாமுதலாப் புல்லெறும்பாதியொன்றின்றியே *

நற்பாலயோத்தியில் வாழும் சராசரம்முற்றவும் *

நற்பாலுக்குய்த்தனன் நான்முகனார்பெற்றநாட்டுளே. (2)

3516 காண்டுங்கொலோ? நெஞ்சமே! கடியவினையேமுயலும் *

ஆண்திறல்மீளிமொய்ம்பின் அரக்கன்குலத்தைத்தடிந்து *

மீண்டுமவன்தம்பிக்கே விரிநீரிலங்கையருளி *

ஆண்டுதன்சோதிபுக்க அமரரரியேற்றினையே.