2945 அந்தாமத்தன்புசெய்து என்னாவிசேரம்மானுக்கு *

அந்தாம வாழ்முடிசங்கு ஆழிநூலாரமுள *

செந்தாமரைத்தடங்கண் செங்கனிவாய்செங்கமலம் *

செந்தாமரையடிக்கள் செம்பொன்திருவுடம்பே. (2)

2946 திருவுடம்புவான்சுடர் செந்தாமரைக்கண் கைகமலம் *

திருவிடமேமார்பம் அயனிடமேகொப்பூழ் *

ஒருவிடமும் எந்தைபெருமாற்கரனேயோ! *

ஒருவிடமொன்றின்றி என்னுள்கலந்தானுக்கே.

2947 என்னுள்கலந்தவன் செங்கனிவாய்செங்கமலம் *

மின்னும்சுடர்மலைக்கு கண்பாதம்கைகமலம் *

மன்னுமுழுவேழுலகும் வயிற்றினுள *

தன்னுள்கலவாதது எப்பொருளும்தானிலையே.

2948 எப்பொருளும்தானாய் மரதகக்குன்றமொக்கும் *

அப்பொழுதைத்தாமரைப்பூக் கண்பாதம்கைகமலம் *

எப்பொழுதும்நாள்திங்கள் ஆண்டூழியூழிதொறும் *

அப்பொழுதைக்கப்பொழுது என்னாராவமுதமே.

2949 ஆராவமுதமாய் அல்லாவியுள்கலந்த *

காரார் கருமுகில்போல் என்னம்மான் கண்ணனுக்கு *

நேராவாய்செம்பவளம் கண்பாதம்கைகமலம் *

பேராரநீண்முடிநாண் பின்னுமிழைபலவே.

2950 பலபலவேயாபரணம் பேரும்பலபலவே *

பலபலவேசோதிவடிவு பண்பெண்ணில் *

பலபலகண்டுண்டு கேட்டுற்றுமோந்தின்பம் *

பலபலவேஞானமும் பாம்பணைமேலாற்கேயோ!

2951 பாம்பணைமேல்பாற்கடலுள் பள்ளியமர்ந்ததுவும் *

காம்பணைதோள்பின்னைக்கா ஏறுடனேழ்செற்றதுவும் *

தேம்பணையசோலை மராமரமேழெய்ததுவும் *

பூம்பிணையதண்துழாய்ப் பொன்முடியம்போரேறே.

2952 பொன்முடியம்போரேற்றை எம்மானை, நால்தடந்தோள் *

தன்முடிவொன்றில்லாத தண்துழாய்மாலையனை *

என்முடிவுகாணாதே என்னுள்கலந்தானை *

சொல்முடிவுகாணேன்நான் சொல்லுவதென்? சொல்லீரே.

2953 சொல்லீரென்னம்மானை என்னாவியாவிதனை *

எல்லையில்சீர் என்கருமாணிக்கச்சுடரை *

நல்லவமுதம் பெறற்கரிய வீடுமாய் *

அல்லிமலர்விரையொத்து ஆணல்லன்பெண்ணல்லனே.

2954 ஆணல்லன்பெண்ணல்லன் அல்லாவலியுமல்லன் *

காணலுமாகான் உளனல்லனில்லையல்லன் *

பேணுங்காற்பேணும் உருவாகும்அல்லனுமாம் *

கோணைபெரிதுடைத்து எம்பெம்மானைக்கூறுதலே.

2955 கூறுதலொன்றாராக் குடக்கூத்தவம்மானை *

கூறுதலேமேவிக் குருகூர்ச்சடகோபன் *

கூறினவந்தாதி ஓராயிரத்துள்இப்பத்தும் *

கூறுதல்வல்லாருளரேல் கூடுவர்வைகுந்தமே. (2)