2673 காரார்வரைக்கொங்கை கண்ணார்கடலுடுக்கை *

சீரார்சுடர்ச்சுட்டி செங்கலுழிப்பேராற்று * (2)

பேராரமார்பின் பெருமாமழைக்கூந்தல் *

நீராரவேலி நிலமங்கையென்னும் * - இப்

பாரோர்சொலப்பட்ட மூன்றன்றே *

2674 - அம்மூன்றும்

ஆராயில்தானே அறம்பொருளின்பமென்று *

ஆராரிவற்றினிடையதனையெய்துவார் *

சீராரிருகலயுமெய்துவர் *

2675 சிக்கெனமற்று

ஆரானுமுண்டென்பா ரென்பதுதானதுவும் *

ஒராமையன்றெ? உலகத்தார்சொல்லுஞ்சொல் *

ஒராமையாமாறு அதுவுரைக்கேன்கேளாமே *

காரார்புரவியேழ் பூண்டதனியாழி *

தேரார்நிறைகதிரோன் மண்டலதைக்கீண்டுபுக்கு *

ஆராவமுதமங்கெய்தி *

2676 - அதினின்றும்

வாராதொழிவதொன்றுண்டே? * - அதுநிற்க

ஏரார்முயல்விட்டுக் காக்கைப்பின்போவதே *

எராரிளமுலையீர்! எந்தனக்குற்றதுதான் *

2677 காரார்குழலெடுத்துக்கட்டி * கதிர்முலையை

வாராரவீக்கி மணிமேகலைதிருத்தி *

ஆராரயில்வேற்கண் அஞ்சனத்தின்நீறணிந்து *

சீரார்செழும்பந்து கொண்டடியாநின்றேன்நான் *

நீரார்கமலம்போல் செங்கண்மாலென்றொருவன் *

பாரோர்களெல்லாம் மகிழப்பறைகறங்க *

சீரார்குடமிரண்டேந்தி *

2678 - செழுந்தெருவே

ஆராரெனச்சொல்லி ஆடுமதுகண்டு *

ஏராரிளமுலையார் என்னயருமெல்லாரும் *

வாராயோவென்றார்க்குச் சென்றேனென்வல்வினையால் *

காரார்மணிநிறமும் கைவளையும்காணேன்நான் *

ஆரானுஞ்சொல்லிற்றுங்கொள்ளேன் *

2679 - அறிவழிந்து

தீராவுடம்பொடு பேதுறுவேன்கண்டிரங்கி *

ஏரார்கிளிக்கிளவிஎம்மனைதான்வந்தென்னை *

சீரார்செழும்புழுதிக்காப்பிட்டு *

2680 - செங்குறிஞ்சித்

தாரார்நறுமாலை சாத்தற்கு * தான்பின்னும்

நேராதனவொன்றுநேர்ந்தாள் *

2681 - அதனாலும்

தீராதுஎன்சிந்தைநோய் தீராதுஎன்பேதுறவு *

வாராதுமாமை அதுகண்டுமற்றாங்கே *

ஆரானும்மூதறியும் அம்மனைமார்ச்சொல்லுவார் *

பாரோர்சொலப்படும் கட்டுப்படுத்திரேல் *

ஆரானும்மெய்படுவனென்றார் *

2682 - அதுகேட்டுக்

காரார்குழற்கொண்டைக் கட்டுவிச்சிகட்டேறி *

சீரார்சுளகில் சிலநெல்பிடித்தெறியா *

வேராவிதிர்விதிரா மெய்சிலிராக்கைமோவா *

பேராயிரமுடையானென்றாள் *

2683 - பேர்த்தேயும்

காரார்திருமேனிகாட்டினாள் * - கையதுவும்

சீரார்வலம்புரியேயென்றாள் *

2684 - திருத்துழாய்த்

தாரார்நறுமாலை கட்டுரைத்தாள்கட்டுரையா *

நீரேதுமஞ்சேன்மின் நும்மகளைநோய்செய்தான் *

ஆரானுமல்லன் அறிந்தேன்அவனைநான் *

கூரார்வேற்கண்ணீர்! உமக்கறியக்கூறுகேனோ? *

ஆரால்இவ்வையம் அடியளப்புண்டதுதான்? *

ஆரால்இலங்கை பொடிபொடியாவீழ்ந்தது? * - மற்று

ஆராலே கன்மாரிகாத்ததுதான்? *

2685 - ஆழிநீர்

ஆரால்கடைந்திடப்பட்டது? * - அவன்காண்மின்

ஊராநிரைமேய்த்து உலகெல்லாமுண்டுமிழ்ந்தும் *

ஆராததன்மையனாய் ஆங்கொருநாளாய்ப்பாடி *

சீரார்கலயல்குல் சீரடிசெந்துவர்வாய் *

வாரார்வனமுலையாள் மத்தாரப்பற்றிக்கொண்டு *

ஏராரிடைநோவ எத்தனையோர்போதுமாய் *

சீரார்தயிர்கடைந்து வெண்ணெய்திரண்டதனை *

வேரார்நுதல்மடவாள் வேறோர்கலத்திட்டு *

நாராருறியேற்றி நன்கமையவைத்ததனை *

போரார்வேற்கண்மடவாள் போந்தனையும்பொய்யுறக்கம் *

ஓராதவன்போல் உறங்கியறிவுற்று *

தாரார்தடந்தோள்கள் உள்ளளவும்கைநீட்டி *

ஆராதவெண்ணெய்விழுங்கி *

2686 - அருகிருந்த

மோரார்குடமுருட்டி முன்கிடந்ததானத்தே *

ஓராதவன்போல்கிடந்தானைக் கண்டவளும் *

வாராத்தான்வைத்ததுகாணாள் *

2687 - வயிறடித்திங்கு

ஆரார்புகுதுவார்? ஐயரிவரல்லால் *

நீராமிதுசெய்தீர் என்றோர்நெடுங்கயிற்றால் *

ஊரார்களெல்லாரும் காணவுரலோடே *

தீராவெகுளியளாய்ச் சிக்கெனவார்த்தடிப்ப *

ஆராவயிற்றினோடு ஆற்றாதான் *

2688 அன்றியும்

நீரார்நெடுங்கயத்தைச் சென்றலைக்கநின்றுரப்பி *

ஒராயிரம்பணவெங்கோவியல்நாகத்தை *

வாராயெனக்கென்று மற்றதன்மத்தகத்து *

சீரார்திருவடியால்பாய்ந்தான் *

2689 தன் சீதைக்கு

நேராவனென்று ஓர்நிசாசரிதான்வந்தாளை *

கூரர்ந்தவாளால் கொடிமூக்கும்காதிரண்டும் *

ஈராவிடுத்துஅவட்குமூத்தோனை *

2690 - வெந்நரகம்

சேராவகையே சிலைகுனித்தான் * செந்துவர்வாய்

வாரார்வனமுலையாள் வைதேவிகாரணமா? *

எரார்தடந்தோளிராவணனை *

2691 ஈரைந்து

சீரார்சிரமறுத்துச் செற்றுகந்தசெங்கண்மால் *

போரார்நெடுவேலோன் பொன்பெயரோனாகத்தை *

கூரார்ந்தவள்ளுகிரால்கீண்டு *

2692 - குடல்மாலை

சீரார்திருமார்பின்மேல்கட்டி * செங்குருதி

சோராக்கிடந்தானைக் குங்குமத்தோள்கொட்டி *

ஆராவெழுந்தான் அரியுருவாய் *

2693 அன்றியும்

பேர்வாமனனாகியகாலத்து * மூவடிமண்

தாராயெனக்கென்று வேண்டிச்சலத்தினால் *

நீரேற்றுஉலகெல்லாம் நின்றளந்தான்மாவலியை *

2694 ஆராதபோரில் அசுரர்களும்தானுமாய் *

காரார்வரைநட்டு நாகம்கயிறாக *

பேராமல்தாங்கிக்கடைந்தான் *

2695 - திருதுழாய்த்

தாரார்ந்தமார்வன் தடமால்வரைபோலும் *

போரானைபொய்கைவாய்க் கோட்பட்டுநின்றலறி *

நீரார்மலர்க்கமலம்கொண்டு ஓர்நெடுங்கையால் *

நாராயணா! ஓ! மணிவண்ணா! நாகணையாய்! *

வாராய்என்னாரிடரைநீக்காய் * - எனவெகுண்டு

தீராதசீற்றத்தால் சென்றிரண்டுகூறாக *

ஈராவதனையிடர்கடிந்தான் எம்பெருமான் *

பேராயிரமுடையான் பேய்ப்பெண்டீர்! நும்மகளை *

தீராநோய்செய்தான் எனவுரைத்தாள் * - சிக்கெனமற்று

2696 ஆரானுமல்லாமைகேட்டு எங்களம்மனையும் *

போரார்வேற்கண்ணீர்! அவனாகில்பூந்துழாய் *

தாராதொழியுமே? தன்னடிச்சியல்லளே? * - மற்று

ஆரானுமல்லனேயென்றொழிந்தாள் *

2697 நானவனைக்

காரார்த்திருமேனி கண்டதுவே காரணமா *

பேராப்பிதற்றாத் திரிதருவன் * - பின்னையும்

2698 ஈராப்புகுதலும் இவ்வுடலைத்தண்வாடை *

சோராமறுக்கும் வகையறியேன் * - சூழ்குழலார்

2699 ஆரானுமேசுவரென்னுமதன்பழியை *

வாராமல்காப்பதற்கு வாளாயிருந்தொழிந்தேன் *

வாராய்மடநெஞ்சே! வந்து * - மணிவண்ணன்

2700 சீரார்திருத்துழாய்மாலை நமக்கருளி *

தாரான்தருமென்று இரண்டத்திலொன்றதனை *

ஆரானுமொன்னாதார் கேளாமேசொன்னக்கால் *

ஆராயுமேலும் பணிகேட்டுஅதன்றெனிலும் *

போராதொழியாதே போந்திடுநீயென்றேற்கு *

காரார்கடல்வண்ணன் பின்போனநெஞ்சமும் *

வாராதே என்னைமறந்ததுதான் * - வல்வினையேன்

2701 ஊராருகப்பதேயாயினேன் * மற்றெனக்கிங்கு -

ஆராய்வாரில்லை அழல்வாய்மெழுகுபோல் *

நீராய்உருகும்என்னாவி * - நெடுங்கண்கள்

2702 ஊராருறங்கிலும் தானுறங்கா * - உத்தமன்தன்

பேராயினவே பிதற்றுவன் * - பின்னையும்

2703 காரார்கடல்போலும் காமத்தராயினார் *

ஆரேபொல்லாமையறிவார்? * அதுநிற்க

2704 ஆரானுமாதானும் அல்லளவள்காணீர் *

வாரார்வனமுலை வாசவதத்தையென்று *

ஆரானும்சொல்லப்படுவாள் * - அவளும்தன்

2705 பேராயமெல்லாம் ஒழியப் பெருந்தெருவே *

தாரார்தடந்தோள் தளைக்காலன்பின்போனாள் *

ஊராரிகழ்ந்திடப்பட்டாளே? * - மற்றெனக்கிங்கு

ஆரானும்கற்பிப்பார்நாயகரே? * நானவனைக்

2706 ## காரார்திருமேனி காணுமளவும்போய் *

சீரார் திருவேங்கடமே திருக்கோவ (2)

லூரே * - மதிட்கச்சியூரகமே பேரகமே *

பேராமருதிறுத்தான் வெள்ளறையேவெஃகாவே *

பேராலிதண்கால் நறையூர்திருப்புலியூர் *

ஆராமம்சூழ்ந்த அரங்கம் * - கணமங்கை (2)

2707 காரார்மணிநிறக்கண்ணனூர்விண்ணகரம் *

சீரார்கணபுரம் சேறைதிருவழுந்தூர் *

காரார்குடந்தை கடிகைகடல்மல்லை *

ஏரார்பொழில்சூழ் இடவெந்தைநீர்மலை *

சீராரும்மாலிருஞ்சோலை திருமோகூர் *

2708 பாரோர்புகழும் வதரிவடமதுரை *

2709 ஊராயவெல்லாம் ஒழியாமேநானவனை *

ஓரானைகொம்பொசித்து ஓரானைகோள்விடுத்த

சீரானை * செங்கணெடியானைத் தேன்துழாய்த்

தாரானை * தாமரைபோல்கண்ணானை * -

2710 எண்ணருஞ்சீர்ப் பேராயிரமும்பிதற்றி * பெருந்தெருவெ -

2711 ## ஊராரிகழிலும் ஊராதொழியேன்நான் * (2)

2712 வாரார்பூம்பெண்ணைமடல்.