1178 ஒருகுறளாய் இருநிலம்மூவடிமண்வேண்டி

உலகனைத்தும்ஈரடியாலொடுக்கி * ஒன்றும்

தருகவெனாமாவலியைச்சிறையில்வைத்த

தாடாளன்தாளணைவீர்! * தக்ககீர்த்தி

அருமறையின்திரள்நான்கும்வேள்வியைந்தும்

அங்கங்கள்அவையாறும் இசைகளேழும் *

தெருவில்மலிவிழாவளமும்சிறக்கும் காழிச்

சீராமவிண்ணகரேசேர்மினீரே. (2)

1179 நான்முகன்நாள் மிகைத்தருக்கை இருக்குவாய்மை

நலமிகுசீர்உரோமசனால் நவிற்றி * நக்கன்

ஊன்முகமார்தலையோட்டூண்ஒழித்தஎந்தை

ஒளிமலர்ச்சேவடியணைவீர்! * உழுசேயோடச்

சூல்முகமார்வளையளைவாய்உகுத்தமுத்தைத்

தொல்குருகுசினையென்னச்சூழ்ந்தியங்க * எங்கும்

தேன்முகமார்கமலவயல்சேல்பாய் காழிச்

சீராமவிண்ணகரேசேர்மினீரே.

1180 வையணைந்தநுதிக்கோட்டுவராகமொன்றாய்

மண்ணெல்லாம்இடந்தெடுத்துமதங்கள்செய்து *

நெய்யணைந்ததிகிரியினால்வாணன்திண்தோள்

நேர்ந்தவந்தாளணைகிற்பீர்! * நெய்தலோடு

மையணைந்தகுவளைகள் தம்கண்களென்றும்

மலர்க்குமுதம்வாயென்றும்கடைசிமார்கள் *

செய்யணைந்துகளைகளையாதேறும் காழிச்

சீராமவிண்ணகரேசேர்மினீரே.

1181 பஞ்சியல்மெல்லடிப்பின்னைதிறத்து முன்னாள்

பாய்விடைகளேழடர்த்து, பொன்னன்பைம்பூண்

நெஞ்சிடந்துகுருதியுகஉகிர்வேலாண்ட

நின்மலன்தாளணைகிற்பீர்! * நீலமாலைத்

தஞ்சுடைய இருள்தழைப்பத் தரளம்ஆங்கே

தண்மதியின்நிலாக்காட்ட, பவளந்தன்னால் *

செஞ்சுடர்வெயில்விரிக்கும்அழகார் காழிச்

சீராமவிண்ணகரேசேர்மினீரே.

1182 தெவ்வாயமறமன்னர்குருதிகொண்டு

திருக்குலத்தில்இறந்தோர்க்குத்திருத்திசெய்து *

வெவ்வாயமாகீண்டுவேழம்அட்ட

விண்ணவர்க்கோன்தாளணைவீர்! * விகிர்தமாதர்

அவ்வாயவாள்நெடுங்கண்குவளைகாட்ட

அரவிந்தம்முகம்காட்ட, அருகே ஆம்பல் *

செவ்வாயின்திரள்காட்டும்வயல்சூழ் காழிச்

சீராமவிண்ணகரேசேர்மினீரே.

1183 பைங்கண்விறல்செம்முகத்துவாலிமாளப்

படர்வனத்துக்கவந்தனொடும், படையார்திண்கை *

வெங்கண்விறல்விராதனுகவிற்குனித்த

விண்ணவர்க்கோன்தாளணைவீர்! * வெற்புப்போலும்

துங்கமுகமாளிகைமேல்ஆயங்கூறும்

துடியிடையார்முகக்கமலச்சோதிதன்னால் *

திங்கள்முகம்பனிபடைக்கும்அழகார் காழிச்

சீராமவிண்ணகரேசேர்மினீரே.

1184 பொருவில்வலம்புரியரக்கன்முடிகள்பத்தும்

புற்றுமறிந்தனபோலப்புவிமேல்சிந்த *

செருவில்வலம்புரிசிலைக்கைமலைத்தோள்வேந்தன்

திருவடிசேர்ந்துய்கிற்பீர்! * திரைநீர்த்தெள்கி

மருவிவலம்புரிகைதைக்கழியூடாடி

வயல்நண்ணிமழைதருநீர்தவழ்கால்மன்னி *

தெருவில்வலம்புரிதரளம்ஈனும் காழிச்

சீராமவிண்ணகரேசேர்மினீரே.

1185 பட்டரவேரகலல்குல்பவளச்செவ்வாய்

பணைநெடுந்தோள்பிணைநெடுங்கண்பாலாம் இன்சொல் *

மட்டவிழும்குழலிக்காவானோர்காவில்

மரம்கொணர்ந்தானடியணைவீர்! * அணில்கள்தாவ

நெட்டிலையகருங்கமுகின்செங்காய்வீழ

நீள்பலவின்தாழ்சினையில்நெருங்கு * பீனத்

தெட்டபழம்சிதைந்துமதுச்சொரியும் காழிச்

சீராமவிண்ணகரேசேர்மினீரே.

1186 பிறைதங்குசடையானைவலத்தேவைத்துப்

பிரமனைத்தன்உந்தியிலேதோற்றுவித்து *

கறைதங்குவேல்தடங்கண்திருவைமார்பில்

கலந்தவந்தாளணைகிற்பீர்! * கழுநீர்கூடித்

துறைதங்குகமலத்துத்துயின்று கைதைத்

தோடாரும்பொதிசோற்றுச் சுண்ணம்நண்ணி *

சிறைவண்டுகளிபாடும்வயல்சூழ் காழிச்

சீராமவிண்ணகரேசேர்மினீரே.

1187 செங்கமலத்துஅயனனையமறையோர் காழிச்

சீராம விண்ணகர்என்செங்கண்மாலை *

அங்கமலத்தடவயல்சூழ்ஆலிநாடன்

அருள்மாரிஅரட்டமுக்கிஅடையார்சீயம் *

கொங்குமலர்க்குழலியர்வேள்மங்கைவேந்தன்

கொற்றவேற்பரகாலன்கலியன்சொன்ன *

சங்கமுகத்தமிழ்மாலைபத்தும்வல்லார்

தடங்கடல்சூழுலகுக்குத்தலைவர்தாமே. (2)