958 வாலிமாவலத்தொருவனதுடல்கெட *

வரிசிலைவளைவித்து * அன்று

ஏலம் நாறு தண்தடம்பொழிலிடம்பெற *

இருந்தநல்லிமயத்துள் **

ஆலிமாமுகிலதிர்தர அருவரை *

அகடுறமுகடேறி *

பீலிமாமயில்நடஞ்செயும் தடஞ்சுனைப் *

பிரிதிசென்றடைநெஞ்சே! (2)

959 கலங்கமாக்கடல்அரிகுலம் பணிசெய்ய *

அருவரையணைகட்டி *

இலங்கைமாநகர்ப்பொடிசெய்த அடிகள்தாம் *

இருந்தநலிமயத்து **

விலங்கல்போல்வனவிறலிருஞ்சினத்தன *

வேழங்கள் துயர்கூர *

பிலங்கொள்வாளெயிற்று அரியவைதிரிதரு *

பிரிதிசென்றடைநெஞ்சே!

960 துடிகொள்நுண்ணிடைச் சுரிகுழல் *

துளங்கெயிற்றிளங்கொடிதிறத்து * ஆயர்

இடிகொள்வெங்குரலினவிடையடர்த்தவன் *

இருந்தநல்லிமயத்து **

கடிகொள்வேங்கையின் நறுமலரமளியின் *

மணியறைமிசை வேழம் *

பிடியினோடு வண்டிசைசொலத்துயில்கொளும் *

பிரிதிசென்றடைநெஞ்சே!

961 மறங்கொளாளரியுருவெனவெருவர *

ஒருவனது அகல்மார்வம்

திறந்து * வானவர்மணிமுடிபணிதர *

இருந்தநல்லிமயத்துள் **

இறங்கி ஏனங்கள் வளைமருப்பிடந்திடக் *

கிடந்தருகெரிவீசும் *

பிறங்குமாமணியருவியொடிழிதரு *

பிரிதிசென்றடைனெஞ்சே

962 கரைசெய்மாக்கடல் கிடந்தவன் *

கனைகழல் அமரர்கள் தொழுதேத்த *

அரைசெய்மேகலை அலர்மகளவளொடும் *

அமர்ந்த நலிமயத்து **

வரைசெய்மாக்களிறு இளவெதிர் வளர்முளை*

அளைமிகுதேன் தோய்த்து *

பிரசவாரிதன்னிளம்பிடிக்கு அருள்செயும்*

பிரிதிசென்றடைநெஞ்சே!

963 பணங்களாயிரமுடைய நல்லவரவணைப் *

பள்ளிகொள்பரமா! என்று *

இணங்கிவானவர்மணிமுடிபணிதர *

இருந்தநல்லிமயத்து *

மணங்கொள்மாதவி நெடுங்கொடி விசும்புற *

நிமிர்ந்தவைமுகில்பற்றி *

பிணங்குபூம்பொழில்நுழைந்துவண்டு இசைசொலும் *

பிரிதிசென்றடைநெஞ்சே!

964 கார்கொள்வேங்கைகள் கனவரைதழுவிய *

கறிவளர்கொடி துன்னி *

போர்கொள் வேங்கைகள் புனவரைதழுவிய *

பூம்பொழிலிமயத்துள் **

ஏர்கொள்பூஞ்சுனைத்தடம்படிந்து *

இனமலரெட்டுமிட்டு இமையோர்கள் *

பேர்களாயிரம்பரவிநின்றடிதொழும் *

பிரிதிசென்றடைநெஞ்சே!

965 இரவுகூர்ந்திருள்பெருகியவரைமுழை *

இரும்பசியதுகூர *

அரவம் ஆவிக்கும் அகன்பொழில்தழுவிய *

அருவரையிமயத்து **

பரமனாதிஎம்பனிமுகில்வண்ணனென்று *

எண்ணிநின்றுஇமையோர்கள் *

பிரமனோடுசென்றுஅடிதொழும்பெருந்தகைப் *

பிரிதிசென்றடைநெஞ்சே!

966 ஓதியாயிரநாமங்களுணர்ந்தவர்க்கு *

உறுதுயரடையாமல் *

ஏதமின்றி நின்றருளும்நம்பெருந்தகை *

இருந்தநல்லிமயத்து **

தாதுமல்கியபிண்டிவிண்டலர்கின்ற *

தழல்புரையெழில்நோக்கி *

பேதைவண்டுகளெரியெனவெருவரு *

பிரிதிசென்றடைநெஞ்சே!

967 கரியமாமுகிற்படலங்கள்கிடந்து *

அவை முழங்கிட *

களிறென்று பெரியமாசுணம்வரையெனப்பெயர்தரு *

பிரிதியெம்பெருமானை **

வரிகொள்வண்டறைபைம்பொழில்

மங்கையர் * கலியனது ஒலி மாலை *

அரியஇன்னிசைபாடுநல்லடியவர்க்கு *

அருவினை அடயாவே. (2)

1022 வண்கையான் அவுணர்க்குநாயகன் வேள்வியில்சென்று, மாணியாய் *

மண்கையால்இரந்தான் மராமரமேழும்எய்தவலத்தினான் *

எண்கையான்இமயத்துள்ளான் இருஞ்சோலைமேவிய எம்பிரான் *

திண்கைம்மாதுயர்தீர்த்தவன் திருவேங்கடம் அடைநெஞ்சமே!

1641 பேய்முலைத்தலைநஞ்சுண்டபிள்ளையைத்

தெள்ளியார்வணங்கப்படுந்தேவனை *

மாயனைமதிட்கோவலிடைகழிமைந்தனை

அன்றி அந்தணர் சிந்தையுள்

ஈசனை * இலங்கும்சுடர்ச்சோதியை

எந்தையைஎனக்குஎய்ப்பினில்வைப்பினை *

காசினைமணியைச்சென்றுநாடிக்

கண்ணமங்கையுள்கண்டுகொண்டேனே.