1206 நிலையாளா! நின்வணங்க வேண்டாயேயாகிலும் * என்

முலையாள ஒருநாள் உன்அகலத்தால் ஆளாயே? *

சிலையாளா! மரமெய்ததிறலாளா! திருமெய்ய

மலையாளா! * நீயாள வளையாளமாட்டோமே.

1524 கட்டேறுநீள்சோலைக் காண்டவத்தைத்தீமூட்டி

விட்டானை * மெய்யம்அமர்ந்த பெருமானை *

மட்டேறுகற்பகத்தை மாதர்க்காய் * வண்துவரை

நட்டானைநாடி நறையூரில்கண்டேனே.

1660 அருவிசோர்வேங்கடம் நீர்மலையென்றுவாய்

வெருவினாள் * மெய்யம்வினவியிருக்கின்றாள் *

பெருகுசீர்க் கண்ணபுரமென்றுபேசினாள்

உருகினாள் * உள்மெலிந்தாள் இதுஎன்கொலோ? (2)

1760 வேயிருஞ்சோலைவிலங்கல்சூழ்ந்த

மெய்யமணாளர், இவ்வையமெல்லாம் *

தாயினநாயகராவர்தோழீ!

தாமரைக்கண்களிருந்தவாறு *

சேயிருங்குன்றம்திகழ்ந்ததொப்பச்

செவ்வியவாகிமலர்ந்தசோதி *

ஆயிரம்தோளொடுஇலங்குபூணும்

அச்சோஒருவரழகியவா!

1852 சுடலையில் சுடுநீறனமர்ந்தது * ஓர்

நடலைதீர்த்தவனை நறையூர்க்கண்டு * என்

உடலையுள்புகுந்துஉள்ளமுருக்கியுண் *

விடலையைச்சென்றுகாண்டும் மெய்யத்துள்ளே.

2016 மையார்கடலும் மணிவரையும்மாமுகிலும் *

கொய்யார்குவளையும் காயாவும்போன்றுஇருண்ட

மெய்யானை * மெய்யமலையானைச் சங்கேந்தும்

கையானை * கைதொழா கையல்லகண்டாமே.

2050 பிண்டியார்மண்டையேந்திப் பிறர்மனைதிரிதந்துண்ணும்

முண்டியான் * சாபம்தீர்த்த ஒருவனூர் * உலகமேத்தும்

கண்டியூர்அரங்கம்மெய்யம் கச்சிபேர்மல்லையென்று

மண்டினார் * உய்யலல்லால் மற்றையார்க்கு உய்யலாமே? (2)

2779 கோட்டியூர் அன்னவுருவினரியை * திருமெய்யத்து

இன்னமுதவெள்ளத்தை இந்தளூரந்தணனை *

மன்னுமதிள்கச்சி வேளுக்கையாளரியை *

மன்னியபாடகத்து எம்மைந்தனை * -