2772 தாமரைமேல்

மின்னிடையாள்நாயகனை விண்ணகருள்பொன்மலையை *

பொன்னிமணிகொழிக்கும் பூங்குடந்தைப்போர் விடையை *

தென்னன்குறுங்குடியுள் செம்பவளக்குன்றினை *

மன்னியதண் சேறை வள்ளலை * -

2773 மாமலர்மேல் அன்னம்துயிலும் அணிநீர்வயலாலி *

என்னுடையவின்னமுதை எவ்வுள் பெருமலையை *

கன்னிமதிள்சூழ் கணமங்கைக்கற்பகத்தை *

மின்னையிருசுடரை வெள்ளறையுள்கல்லறைமேற்

பொன்னை * மரதகத்தைப் புட்குழியெம்போரேற்றை *

மன்னுமரங்கத்துஎம்மாமணியை * -

2774 வல்லவாழ்ப்

பின்னைமணாளனைப் பேரில்பிறப்பிலியை * (2)

தொன்னீர்க்கடல்கிடந்த தோளாமணிச்சுடரை *

என்மனத்துமாலை இடவெந்தையீசனை *

மன்னுங்கடல்மல்லை மாயவனை * -

2775 வானவர்தம் சென்னிமணிச்சுடரைத் தண்கால் திறல்வலியை *

தன்னைப்பிறரறியாத் தத்துவத்தைமுத்தினை *

அன்னத்தைமீனை அரியைஅருமறையை *

முன்னிவ்வுலகுண்டமூர்த்தியை * -

2776 கோவலூர் மன்னுமிடைகழி யெம்மாயவனை *

பேயலறப் பின்னும்முலையுண்டபிள்ளையை *

2777 அள்ளல்வாய் அன்னமிரைதேர் அழுந்தூரெழுஞ்சுடரை *

தெந்தில்லைச் சித்திரகூடத்துஎன் செல்வனை * -

2778 மின்னிமழைதவழும் வேங்கடத்துஎம்வித்தகனை * (2)

மன்னனை மாலிருஞ்சோலைமணாளனை *

கொல்நவிலும் ஆழிப்படையானை * -

2779 கோட்டியூர் அன்னவுருவினரியை * திருமெய்யத்து

இன்னமுதவெள்ளத்தை இந்தளூரந்தணனை *

மன்னுமதிள்கச்சி வேளுக்கையாளரியை *

மன்னியபாடகத்து எம்மைந்தனை * -

2780 வெஃகாவில் *

உன்னியயோகத்துறக்கத்தை * ஊரகத்துள்

அன்னவனை அட்டபுயகரத்தெம்மானேற்றை *

என்னைமனங்கவர்ந்தஈசனை * -

வானவர்தம் முன்னவனை

2781 மூழிக்களத்துவிளக்கினை *

அன்னவனை ஆதனூராண்டாளக்குமையனை *

நென்னலையின்றினை நாளையை * - நீர்மலைமேல் முன்னவனை

2782 மன்னும்மறைநான்குமானானை * புல்லாணித்

தென்னன்தமிழை வடமொழியை *

நாங்கூரில் மன்னுமணிமாடக் கோயில்மணாளனை *

நல்நீர்த்தலைச்சங்கநாண்மதியை * - நான்வணங்கும்

கண்ணனைக் கண்ணபுரத்தானை * தென்னறையூர்

மன்னுமணிமாடக் கோயில்மணாளனை *

2783 கல்நவில்தோள்காளையைக் கண்டாங்குக்கைதொழுது *

என்னிலைமையெல்லாம் அறிவித்தால்எம்பெருமான் *

தன்னருளுமாகமும் தாரானேல் * -

2784 தன்னைநான் மின்னிடையார்சேரியிலும் வேதியர்கள்வாழ்விடத்தும் *

தன்னடியார்முன்பும் தரணிமுழுதாளும் *

கொல்நவிலும்வேல்வேந்தர்கூட்டத்தும்நாட்டகத்தும் *

தன்னிலைமையெல்லாம் அறிவிப்பன் * -

2785 தான்முனநாள்

மின்னிடையாய்ச்சியர்தம் சேரிக்களவிங்கண் *

துன்னுபடல்திறந்துபுக்கு * -

2786 தயிர்வெண்ணெய் தன்வயிறார விழுங்க *

கொழுங்கயல்கண் மன்னுமடவோர்கள் பற்றியோர்வான்கயிற்றால் *

பின்னுமுரலோடு கட்டுண்டபெற்றிமையும் *

அன்னதோர்பூதமாய் ஆயர்விழவின்கண் *

துன்னுசகடத்தால் புக்கபெருஞ்சோற்றை *

முன்னிருந்துமுற்றத்தான் துற்றியதெற்றெனவும் *

மன்னர்பெருஞ்சவையுள் வாழ்வேந்தர்தூதனாய் *

தன்னையிகழ்ந்துரைப்பத் தான்முனநாள்சென்றதுவும் *

மன்னுபறைகறங்க மங்கையர்தம்கண்களிப்ப *

கொன்னவிலுங்கூத்தனாய்ப் பெயர்த்துங்குடமாடி *

என்னிவன்? என்னப்படுகின்றஈடறவும் *

2787 தென்னிலங்கையாட்டி அரக்கர்குலப்பாவை *

மன்னனிராவணன்தன் நல்தங்கை * - வாளெயிற்றுத்

துன்னுசுடுசினத்துச் சூர்ப்பணகா சோர்வெய்தி *

பொன்னிறங்கொண்டு புலர்ந்தெழுந்தகாமத்தால் *

தன்னைநயந்தாளைத் தான்முனிந்து மூக்கரிந்து *

மன்னியதிண்ணெனவும்

2788 வாய்த்தமலைபோலும் *

தன்னிகரொன்றில்லாத தாடகையை * மாமுனிக்காகத்

தென்னுலகமேற்றுவித்த திண்திறலும் *

2789 மற்றிவைதான் (2)

உன்னியுலவாவுலகறிய ஊர்வன்நான் *

2790 முன்னிமுளைத்தெழுந்து ஓங்கியொளிபரந்த *

மன்னியம்பூம் பெண்ணை மடல்.