2750 மற்றிவைதான்

என்னாலேகேட்டீரே? ஏழைகாள்! என்னுரைக்கேன்? *

மன்னுமலையரயன் பொற்பாவை * -

2751 வாள்நிலா மின்னுமணிமுறுவல் செவ்வாயுமையென்னும் *

அன்னநடைய அணங்கு நுடங்கிடைசேர் *

பொன்னுடம்புவாடப் புலனைந்தும்நொந்தகல *

தன்னுடையகூழைச் சடாபாரம்தாம்தரித்து * ஆங்கு

அன்னவருந்தவத்தினூடுபோய் * -

2752 ஆயிரந்தோள் மன்னுகரதலங்கள் மட்டித்து *

மாதிரங்கள் மின்னியெரிவீச மேலெடுத்தசூழ்கழற்கால் *

பொன்னுலகமேழும்கடந்தும்பர்மேற்சிலும்ப *

மன்னுகுலவரையும் மாருதமும்தாரகையும் *

தன்னினுடனே சுழலச்சுழன்றாடும் *

கொல்நவிலும் மூவிலைவேல் கூத்தன்பொடியாடி *

அன்னவன்தன் பொன்னகலம் சென்றாங்கணைந்திலளே? *

பன்னியுரைக்குங்கால் பாரதமாம் * -

2753 பாவியேற்கு என்னுறுநோய் யானுரைப்பக்கேண்மின் *

இரும்பொழில்சூழ் மன்னுமறையோர் திருநறையூர்மாமலைபோல் *

பொன்னியலுமாடக் கவாடம்கடந்துபுக்கு *

என்னுடையகண்களிப்ப நோக்கினேன் * -

2754 நோக்குதலும் மன்னன்திருமார்பும் வாயுமடியிணையும் *

பன்னுகரதலமும் கண்களும் * - பங்கயத்தின்

2755 பொன்னியல்காடு ஓர்மணிவரைமேல்பூத்ததுபோல் *

மின்னியொளிபடைப்ப வீழ்நாணும்தோள்வளையும் *

மன்னியகுண்டலமும் ஆரமும்நீள்முடியும் *

துன்னுவெயில்விரித்த சூளாமணியிமைப்ப *

மன்னும்மரதகக் குன்றின்மருங்கே * - ஓர்

இன்னிளவஞ்சிக் கொடியொன்றுநின்றதுதான் *