3409 உண்ணுஞ்சோறுபருகுநீர் தின்னும்வெற்றிலையுமெல்லாம்

கண்ணன் * எம்பெருமான்னென்றென்றே கண்கள்நீர்மல்கி *

மண்ணினுளவன்சீர் வளம்மிக்கவனூர்வினவி *

திண்ணம்என்னிளமான்புகுமூர் திருக்கோளூரே. (2)

3410 ஊரும்நாடுமுலகும் தன்னைப்போல் * அவனுடைய

பேரும்தார்களுமேபிதற்றக் கற்புவானிடறி *

சேருநல்வளஞ்சேர் பழனத்திருகோளூர்க்கே *

போருங்கொல்? உரையீர் கொடியேன்கொடிபூவைகளே!

3411 பூவைபைங்கிளிகள் பந்துதூதைபூம்புட்டில்கள் *

யாவையும்திருமால் திருநாமங்களேகூவியெழும் * என்

பாவைபோயினித் தண்பழனத்திருக்கோளூர்க்கே *

கோவைவாய்துடிப்ப மழைக்கண்ணொடென் செய்யுங்கொலோ?

3412 கொல்லையென்பர்கொலோ? குணம்மிக்கன ளென்பர்கொலோ? *

சில்லைவாய்ப்பெண்டுகள் அயற்சேரியுள்ளாருமெல்லே! *

செல்வம்மல்கியவன்கிடந்த திருக்கோளூர்க்கே *

மெல்லிடை நுடங்க இளமான்செல்லமேவினளே.

3413 மேவிநைந்து நைந்துவிளையாடலுறாள் என்சிறுத்

தேவிபோய் * இனித்தன்திருமால் திருக்கோளூரில் *

பூவியல்பொழிலும் தடமும் அவன்கோயிலும் கண்டு *

ஆவியுள்குளிர எங்ஙனே உகக்குங்கொல் இன்றே?

3414 இன்று எனக்கு உதவாதகன்ற இளமான் இனிப்போய் *

தென்திசைத்திலதமனைய திருக்கோளூர்க்கே

சென்று * தன்திருமால் திருக்கண்ணும்செவ்வாயும் கண்டு *

நின்றுநின்றுநையும் நெடுங்கண்கள் பனிமல்கவே.

3415 மல்குநீர்கண்ணொடு மையலுற்றமனத்தனளாய் *

அல்லுநன்பகலும் நெடுமாலென்றழைத்து, இனிப்போய் *

செல்வம்மல்கியவன்கிடந்த திருக்கோளூர்க்கே *

ஒல்கியொல்கிநடந்து எங்ஙனேபுகுங்கொல்ஒசிந்தே?

3416 ஒசிந்தநுண்ணிடைமேல் கையைவைத்துநொந்துநொந்து *

கசிந்தநெஞ்சினளாய்க் கண்ணநீர்துளும்பச்செல்லுங்கொல் *

ஒசிந்தவொண்மலராள்கொழுநன் திருக்கோளூர்க்கே *

கசிந்தநெஞ்சினளாய் எம்மைநீத்தஎம்காரிகையே.

3417 காரியம்நல்லனகளவைகாணில் என்கண்ணனுக்கென்று *

ஈரியாயிருப்பாள் இதெல்லாம்கிடக்க, இனிப்போய் *

சேரிபல்பழிதூயிரைப்பத் திருக்கோளூர்க்கே *

நேரிழைநடந்தாள் எம்மையொன்றும்நினைத்திலளே.

3418 நினைக்கிலேன்தெய்வங்காள்! நெடுங்கணிளமான் இனிப்போய் *

அனைத்துலகுமுடைய அரவிந்தலோசனனை *

தினைத்தனையும்விடாள் அவன்சேர்திருக்கோளூர்க்கே *

மனைக்குவான்பழியும்நினையாள் செல்லவைத்தனளே.

3419 வைத்தமாநிதியாம் மதுசூதனையேயலற்றி *

கொத்தலர்பொழில்சூழ் குருகூர்ச்சடகோபன்சொன்ன *

பத்துநூற்றுள்இப்பத்து அவன்சேர்திருக்கோளூர்க்கே *

சித்தம்வைத்துரைப்பார் திகழ்பொன் னுலகாள்வாரே. (2)

3589 கொடியார்மாடக் கோளூரகத்தும்புளிங்குடியும் *

மடியாதின்னே நீதுயில்மேவிமகிழ்ந்ததுதான் *

அடியாரல்லல்தவிர்த்தஅசைவோ? அன்றேல்இப்

படிதான் * நீண்டுதாவிய அசைவோ? பணியாயே. (2)