ஸ்ரீப4க3வாநுவாச -

இத3ம் து தே கு3ஹ்யதமம் ப்ரவக்ஷ்யாம்யநஸூயவே|

ஜ்ஞாநம் விஜ்ஞாநஸஹிதம் யஜ்ஜ்ஞாத்வா மோக்ஷ்யஸே(அ)ஶுபா4த்|| (9-1)

ராஜவித்3யா ராஜகு3ஹ்யம் பவித்ரமித3முத்தமம்|

ப்ரத்யக்ஷாவக3மம் த4ர்ம்யம் ஸுஸுக2ம் கர்த்துமவ்யயம்|| (9-2)

அஶ்ரத்3த3தா4நா: புருஷா: த4ர்மஸ்யாஸ்ய பரந்தப!|

அப்ராப்ய மாம் நிவர்த்தந்தே ம்ருத்யு ஸம்ஸார வர்த்மநி|| (9-3)

மயா ததமித3ம் ஸர்வம் ஜக3த3வ்யக்தமூர்த்திநா|

மத்ஸ்தா2நி ஸர்வபூ4தாநி ந சாஹம் தேஷ்வவஸ்தி2த:|| (9-4)

ந ச மத்ஸ்தா2நி பூ4தாநி பஶ்ய மே யோக3மைஶ்வரம்|

பூ4தப்4ருத்ந ச பூ4தஸ்தோ2 மமாத்மா பூ4தபா4வந:|| (9-5)

யதா2(அ)(அ)காஶஸ்தி2தோ நித்யம் வாயுஸ் ஸர்வத்ரகோ3 மஹாந்|

ததா2 ஸர்வாணி பூ4தாநி மத்ஸ்தா2நீத்யுபதா4ரய|| (9-6)

ஸர்வபூ4தாநி கௌந்தேய! ப்ரக்ருதிம் யாந்தி மாமிகாம்|

கல்பக்ஷயே புநஸ்தாநி கல்பாதெ3ள விஸ்ருஜாம்யஹம்|| (9-7)

ப்ரக்ருதிம் ஸ்வாமவஷ்டப்4ய விஸ்ருஜாமி புந: புந:|

பூ4தக்3ராமமிமம் க்ருத்ஸ்நமவஶம் ப்ரக்ருதேர்வஶாத்|| (9-8)

ந ச மாம் தாநி கர்மாணி நிப3த்4நந்தி த4நஞ்ஜய!|

உதா3ஸீநவதா3ஸீநமஸக்தம் தேஷு கர்மஸு|| (9-9)

மயா(அ)த்4யக்ஷேண ப்ரக்ருதி: ஸூயதே ஸசராசரம்|

ஹேதுநா(அ)நேந கௌந்தேய! ஜக3த்3தி4 பரிவர்த்ததே|| (9-10)

அவஜாநந்தி மாம் மூடா4 மாநுஷீம் தநுமாஶ்ரிதம்|

பரம் பா4வமஜாநந்தோ மம பூ4தமஹேஶ்வரம்|| (9-11)

மோகா4ஶா மோக4கர்மாணோ மோக4ஜ்ஞாநா விசேதஸ:|

ராக்ஷஸீமாஸுரீம் சைவ ப்ரக்ருதிம் மோஹிநீம் ஶ்ரிதா:||(9-12)

மஹாத்மாநஸ்து மாம் பார்த்த3! தை3வீம் ப்ரக்ருதிமாஶ்ரிதா:|

ப4ஜந்த்யநந்யமநஸோ ஜ்ஞாத்வா பூ4தாதி3மவ்யயம்|| (9-13)

ஸததம் கீர்த்தயந்தோ மாம் யதந்தஶ்ச த்3ருட4வ்ரதா:|

நமஸ்யந்தஶ்ச மாம் ப4க்த்யா நித்யயுக்தா உபாஸதே|| (9-14)

ஜ்ஞாநயஜ்ஞேந சாப்யந்யே யஜந்தோ மாமுபாஸதே|

ஏகத்வேந ப்ருத2க்த்வேந ப3ஹுதா4 விஶ்வதோமுக2ம்|| (9-15)

அஹம் க்ரதுரஹம் யஜ்ஞ: ஸ்வதா4(அ)ஹமஹமௌஷத4ம்|

மந்த்ரோ(அ)ஹமஹமேவாஜ்யமஹமக்3நிரஹம் ஹுதம்|| (9-16)

பிதா(அ)ஹமஸ்ய ஜக3தோ மாதா தா4தா பிதாமஹ:|

வேத்3யம் பவித்ரமோங்கரா ருக் ஸாம யஜுரேவ ச|| (9-17)

க3திர் ப4ர்த்தா ப்ரபு4: ஸாக்ஷீ நிவாஸ: ஶரணம் ஸுஹ்ருத்|

ப்ரப4வப்ரளயஸ்தா2நம் நிதா4நம் பீ3ஜமவ்யயம்|| (9-18)

தபாம்யஹமஹம் வர்ஷம் நிக்3ருஹ்ணாம்யுத்ஸ்ருஜாமி ச|

அம்ருதம் சைவ ம்ருத்யுஶ்ச ஸத3ஸச்சாஹமர்ஜுந!|| (9-19)

த்ரைவித்3யா மாம் ஸோமபா: பூதபாபா:

யஜ்ஞைரிஷ்ட்வா ஸ்வர்க்க3திம் ப்ரார்த்த2யந்தே|

தே புண்யமாஸாத்3ய ஸுரேந்த்3ரலோகம்

அஶ்நந்தி தி3வ்யாந் தி3வி தே3வபோ4கா3ந்|| (9-20)

தே தம் பு4க்த்வா ஸ்வர்க்க3லோகம் விஶாலம்

க்ஷீணே புண்யே மர்த்யலோகம் விஶந்தி|

ஏவம் த்ரயீத4ர்மமநுப்ரபந்நா:

க3தாக3தம் காமகாமா லப4ந்தே|| (9-21)

அநந்யாஶ்சிந்தயந்தோ மாம் யே ஜநா: பர்யுயாஸதே|

தேஷாம் நித்யாபி4யுக்தாநாம் யோக3க்ஷேமம் வஹாம்யஹம்|| (9-22)

யே த்வந்யதே3வதாப4க்தா யஜந்தே ஶ்ரத்3த4யா(அ)ந்விதா:|

தே(அ)பி மாமேவ கௌந்தேய! யஜந்த்யவிதி4பூர்வகம்|| (9-23)

அஹம் ஹி ஸர்வயஜ்ஞாநாம் போ4க்தா ச ப்ரபு4ரேவ ச|

ந து மாமபி4ஜாநந்தி தத்த்வேநாதஶ்ச்யவந்தி தே|| (9-24)

யாந்தி தே3வவ்ரதா தே3வாந் பித்ரூந் யாந்தி பித்ருவ்ரதா:|

பூ4தாநி யாந்தி பூ4தேஜ்யா: யாந்தி மத்3யாஜிநோ(அ)பி மாம்|| (9-25)

பத்ரம் புஷ்பம் ப2லம் தோயம் யோ மே ப4க்த்யா ப்ரயச்ச3தி|

தத3ஹம் ப4க்த்யுபஹ்ருதமஶ்நாமி ப்ரயதாத்மந:|| (9-26)

யத்கரோஷி யத3ஶ்நாஸி யஜ்ஜுஹோஷி த3தா3ஸி யத்|

யத்தபஸ்யஸி கௌந்தேய! தத் குருஷ்வ மத3ர்ப்பணம்|| (9-27)

ஶுபா4ஶுப4ப3லைரேவம் மோக்ஷ்யஸே கர்மப3ந்த4நை:|

ஸந்ந்யாஸயோக3யுக்தாத்மா விமுக்தோ மாமுபைஷ்யஸி|| (9-28)

ஸமோ(அ)ஹம் ஸர்வபூ4தேஷு ந மே த்3வேஷ்யா(அ)ஸ்தி ந ப்ரிய:|

யே ப4ஜந்தி து மாம் ப4க்த்யா மயி தே தேஷு சாப்யஹம்|| (9-29)

அபி சேத் ஸுது3ராசாரோ ப4ஜதே மாமநந்யபா4க்|

ஸாது4ரேவ ஸ மந்தவ்யஸ் ஸம்யக் வ்யவஸிதோ ஹி ஸ:|| (9-30)

க்ஷிப்ரம் ப4வதி த4ர்மாத்மா ஶஶ்வச்சா3ந்திம் நிக3ச்ச2தி|

கௌந்தேய! ப்ரதிஜாநீஹி ந மே ப4க்த: ப்ரணஶ்யதி|| (9-31)

மாம் ஹி பார்த்த2! வ்யபாஶ்ரித்ய யே(அ)பி ஸ்யு: பாபயோநய:|

ஸ்த்ரியோ வைஶ்யாஸ்ததா2 ஶூத்3ரா: தே(அ)பி யாந்தி பராங்க3திம்|| (9-32)

கிம் புநர் ப்3ராஹ்மணோ: புண்யா ப4க்தா ராஜர்ஷயஸ்ததா2|

அநித்யமஸுக2ம் லோமிமம் ப்ராப்ய ப4ஜஸ்வ மாம்|| (9-33)

மந்மநா ப4வ மத்3ப4க்தோ மத்3யாஜீ மாம் நமஸ்குரு|

மாமேவைஷ்யஸி யுக்த்வைவம் ஆத்மாநம் மத்பராயண:|| (9-34)