3123 ஒருநாயகமாய் ஓடவுலகுடனாண்டவர் *

கருநாய்கவர்ந்தகாலர் சிதைகியபானையர் *

பெருநாடுகாண இம்மையிலேபிச்சைதாம்கொள்வர் *

திருநாரணன்தாள் காலம்பெறச்சிந்தித்துய்ம்மினோ. (2)

3124 உய்ம்மின்திறைகொணர்ந்து என்றுலகாண்டவர் * இம்மையே

தம்மின்சுவைமடவாரைப் பிறர்கொள்ளத்தாம்விட்டு *

வெம்மினொளிவெயில் கானகம்போய்க்குமைதின்பர்கள் *

செம்மின்முடித்திருமாலை விரைந்தடிசேர்மினோ.

3125 அடிசேர்முடியினராகி அரசர்கள்தாம்தொழ *

இடிசேர்முரசங்கள் முற்றத்தியம்பவிருந்தவர் *

பொடிசேர்துகளாய்ப்போவர்கள் ஆதலில்நொக்கென *

கடிசேர்துழாய்முடிக் கண்ணன்கழல்கள்நினைமினோ.

3126 நினைப்பான்புகில் கடலெக்கலின்நுண்மணலின்பலர் *

எனைத்தோறுகங்களும் இவ்வுலகாண்டுகழிந்தவர் *

மனைப்பால்மருங்கற மாய்தலல்லால் மற்றுக்கண்டிலம் *

பனைத்தாள்மதகளிறட்டவன் பாதம்பணிமினோ.

3127 பணிமின்திருவருளென்னும் அம்சீதப்பைம்பூம்பள்ளி *

அணிமென்குழலார் இன்பக்கலவியமுதுண்டார் *

துணிமுன்புநாலப் பல்லேழையர்தாமிழிப்பச்செல்வர் *

மணிமின்னுமேனி நம்மாயவன்பேர்சொல்லிவாழ்மினோ.

3128 வாழ்ந்தார்கள்வாழ்ந்தது மாமழைமொக்குளின் மாய்ந்துமாய்ந்து *

ஆழ்ந்தாரென்றல்லால் அன்றுமுதலின்றறுதியா *

வாழ்ந்தார்கள்வாழ்ந்தேநிற்பர் என்பதில்லை நிற்குறில் *

ஆழ்ந்தார்கடற்பள்ளி அண்ணலடியவராமினோ.

3129 ஆமின்சுவையவைஆறோடு அடிசிலுண்டார்ந்தபின் *

தூமென்மொழிமடவாரிரக்கப் பின்னும்துற்றுவார் *

ஈமினெமக்கொருதுற்றென்று இடறுவராதலின் *

கோமின்துழாய்முடி ஆதியஞ்சோதிகுணங்களே.

3130 குணங்கொள்நிறைபுகழ்மன்னர் கொடைக்கடன் பூண்டிருந்து *

இணங்கியுலகுடனாக்கிலும் ஆங்கவனையில்லார் *

மணங்கொண்டபோகத்துமன்னியும்மீள்வர்கள்மீள்வில்லை *

பணங்கொளரவணையான் திருநாமம்படிமினோ.

3131 படிமன்னுபல்கலன்பற்றோடறுத்து ஐம்புலன்வென்று *

செடிமன்னுகாயம்செற்றார்களும் ஆங்கவனையில்லார் *

குடிமன்னுமின்சுவர்க்கமெய்தியும் மீள்வர்கள்மீள்வில்லை *

கொடிமன்னுபுள்ளுடை அண்ணல்கழல்கள்குறுகுமினோ.

3132 குறுகமிகவுணர்வத்தொடுநோக்கி எல்லாம்விட்ட *

இறுகலிறப்பென்னும்ஞானிக்கும் அப்பயனில்லையேல் *

சிறுகநினைவதோர்பாசமுண்டாம் பின்னும்வீடில்லை *

மறுகலிலீசனைப்பற்றி விடாவிடில்வீடஃதே.

3133 அஃதேஉய்யப்புகுமாறென்று கண்ணன்கழல்கள்மேல் *

கொய்பூம்பொழில்சூழ் குருகூர்ச்சடகோபன்குற்றேவல் *

செய்கோலத்தாயிரம் சீர்த்தொடைப்பாடலிவைபத்தும் *

அஃகாமல்கற்பவர் ஆழ்துயர்போயுய்யற்பாலரே. (2)