3882 முனியே! நான்முகனே! முக்கண்ணப்பா! * என் பொல்லாக்

கனிவாய்த் தாமரைக்கண்கருமாணிக்கமே என்கள்வா! *

தனியேனாருயிரே! என்தலைமிசையாய்வந்திட்டு *

இனிநான்போகலொட்டேன் ஒன்றும்மாயஞ்செய்யே லென்னையே. (2)

3883 மாயம்செய்யேலென்னை உன்திருமார்வத்துமாலைநங்கை *

வாசம்செய்பூங்குழலாள் திருவாணைநின்னாணைகண்டாய் *

நேசம்செய்துஉன்னோடென்னைஉயிர்வேறின்றிஒன்றாகவே *

கூசஞ்செய்யாதுகொண்டாய் என்னைக்கூவிச்கொள்ளாய் வந்தந்தோ!

3884 கூவிக்கொள்ளாய்வந்தந்தோ! என்பொல்லாக் கருமாணிக்கமே! *

ஆவிக்கோர்பற்றுக்கொம்பு நின்னலாலறிகின்றிலேன் யான் *

மேவித்தொழும்பிரமன்சிவன் இந்திரனாதிக்கெல்லாம் *

நாவிக்கமலமுதற்கிழங்கே! உம்பரந்ததுவே.

3885 உம்பரந்தண்பாழேயோ! அதனுள்மிசைநீயேயோ! *

அம்பரநற்சோதி! அதனுள்பிரமன்அரன்நீ *

உம்பரும்யாதவரும்படைத்த முனிவன்அவன்நீ *

எம்பரம்சாதிக்கலுற்று என்னைப்போரவிட்டிட்டாயே.

3886 போரவிட்டிட்டென்னை நீபுறம்போக்கலுற்றால் * பின்னையான்

ஆரைக்கொண்டெத்தையந்தோ! எனதென்பதென்? யானென்பதென்! *

தீரஇரும்புண்டநீரதுபோல என்னாருயிரை

ஆரப்பருக * எனக்கு ஆராவமுதானாயே.

3887 எனக்காராவமுதாய் எனதாவியை இன்னுயிரை *

மனக்காராமைமன்னியுண்டிட்டாய்இனியுண்டொழியாய் *

புனக்காயாநிறத்த புண்டரீகக்கண்செங்கனிவாய் *

உனக்கேற்கும்கோலமலர்ப்பாவைக்கன்பா! என்னன்பேயோ!

3888 கோலமலர்ப்பாவைக்கன்பாகிய என்னன்பேயோ! *

நீலவரைஇரண்டுபிறைகவ்வி நிமிர்ந்ததொப்ப *

கோலவராகமொன்றாய் நிலங்கோட்டிடைக்கொண்ட எந்தாய்! *

நீலக்கடல்கடைந்தாய்! உன்னைப்பெற்றுஇனிப் போக்குவனோ? (2)

3889 பெற்றினிப்போக்குவனோ? உன்னைஎன்தனிப்பேருயிரை *

உற்றவிருவினையாய் உயிராய்ப்பயனாயவையாய் *

முற்றவிம்மூவுலகும் பெருந்தூறாய்த்தூற்றில்புக்கு *

முற்றக்கரந்தொளித்தாய் என்முதல்தனிவித்தேயோ!

3890 முதல்தனிவித்தேயோ! முழுமூவுலகாதிக்கெல்லாம் *

முதல்தனியுன்னையுன்னை எனைநாள்வந்துகூடுவன்நான்? *

முதல்தனியங்குமிங்கும் முழுமுற்றுறுவாழ்பாழாய் *

முதல்தனிசூழ்ந்தகன்றாழ்ந்துயர்ந்த முடிவிலீயோ!

3891 சூழ்ந்தகன்றாழ்ந்துயர்ந்த முடிவில்பெரும்பாழேயோ! *

சூழ்ந்ததனில்பெரிய பரநன்மலர்ச்சோதீயோ! *

சூழ்ந்ததனில்பெரிய சுடர்ஞானவின்பமேயோ! *

சூழ்ந்ததனில்பெரிய என்னவாவறச்சூழ்ந்தாயே. (2)

3892 அவாவறச்சூழ்அரியை அயனையரனையலற்றி *

அவாவற்றுவீடுபெற்ற குருகூர்ச்சடகோபன்சொன்ன *

அவாவிலந்தாதிகளால் இவையாயிரமும் * முடிந்த

அவாவிலந்தாதியிப்பத்தறிந்தார் பிறந்தார்உயர்ந்தே. (2)