தனியன் / Taniyan

திருவெழுகூற்றிருக்கை தனியன்கள் / Thiruvezukuṛṛirukkai taṉiyaṉkal̤

வாழி பரகாலன் வாழி கலி கன்றி *

வாழி குறையலூர் வாழ் வேந்தன் * - வாழியரோ

மாயோனை வாள் வலியால் மந்திரங்கொள்

மங்கையர் கோன் * தூயோன் சுடர்மான வேல்

vāzi parakālan vāzi kaliganṟi⋆

vāzi kuṟaiyalūr vāzvēndan ⋆ vāziyarō

māyōnai vāḻvaliyāl mandiraṅgoḻ⋆

maṅgaiyar kōn tūyōn śuḍarmāna vēl !

எம்பெருமானார் / ĕmpĕrumāṉār

பரகாலன் — புற மதத்தினருக்கு யமன் போன்ற; வாழி — திருமங்கை ஆழ்வார் வாழ்க; கலிகன்றி — கலியைக் கெடுத்த; வாழி — திருமங்கை ஆழ்வார் வாழ்க; குறையலூர் வாழி — குறையலூர் வாழும்படி; வாழ்வேந்தன் — அதன் அரசனான; வாழியரோ — திருமங்கை ஆழ்வார் வாழ்க; மாயோனை — எம்பெருமானிடத்திலிருந்து; வாள்வலியால் — தமது வாளின் வலிமையால்; மந்திரங்கொள் — திருமந்திரத்தைப் பெற்றவரும்; தூயோன் — அகப்புறத் தூய்மை உடையவருமான; மங்கையர்கோன் — திருமங்கை ஆழ்வாரின்; சுடர்மான — ஒளிமயமான பெருமையை உடைய; வேல்! வாழி — வேல் வாழ்க

சீரார் திருவெழுகூற்றிருக்கை யென்னுஞ் செந்தமிழால் *

ஆராவமுதன் குடந்தைப் பிரான் தனடியிணைக்கீழ் *

ஏரார் மறைப் பொருளெல்லா மெடுத்திவ்வுல குய்யவே *

சேராமற் சொன்ன அருண் மாரி பாதம் துணை நமக்கே

cīrār tiruvĕḻukūṟṟirukkai yĕṉṉuñ cĕntamiḻāl *

ārāvamutaṉ kuṭantaip pirāṉ taṉaṭiyiṇaikkīḻ *

erār maṟaip pŏrul̤ĕllā mĕṭuttivvula kuyyave *

cerāmaṟ cŏṉṉa aruṇ māri pātam tuṇai namakke

எம்பெருமானார் / ĕmpĕrumāṉār

சீரார் — சிறந்த; திருவெழு கூற்றிருக்கை — திருவெழு கூற்றிருக்கை; என்னும் — என்னும்; செந்தமிழால் — செந்தமிழ் நூலால்; ஆராவமுதன் — ஆராவமுதன் என்னும்; குடந்தைப் பிரான் — திருக்குடந்தைப் பெருமானுடைய; தன் அடியிணைக்கீழ் — திருவடிகளைப் பற்றி; ஏரார் மறை — வேதப் பொருள்களுடன்; பொருளெல்லாம்எல்லாம் — பல அர்த்தங்களை; எடுத்து — விளங்க வைத்து; இவ்வுலகு — இவ்வுலகம்; உய்யவே — உய்வு பெற; அருள்மாரி — அருள் மழைபோன்ற உபதேசங்களை; சோராமற் சொன்ன — ஒன்றுவிடாமல் கூறிய; பாதம் — திருமங்கை ஆழ்வாருடைய திருவடிகளே; துணை நமக்கே — நமக்குத் துணை ஆகும்