2726 இருவிசும்பில் மன்னுமழைதவழும் வாணிலாநீண்மதிதோய் *

மின்னினொளிசேர் விசும்பூரும்மாளிகைமேல் *

மன்னுமணி விளக்கைமாட்டி * மழைக்கண்ணார் -

2727 பன்னுவிசித்திரமாப் பாப்படுத்தபள்ளிமேல் *

துன்னியசாலேகம் சூழ்கதவம்தாள் திறப்ப *

அன்னமுழக்க நெரிந்துக்கவாள்நீலச் * சின்னநறுந்தாது சூடி * ஓர்மந்தாரம் -

2728 துன்னுநறுமலரால் தோள்கொட்டி * கற்பகத்தின்

மன்னுமலர்வாய் மணிவண்டுபின்தொடர *

இன்னிளம்பூந்தென்றல் புகுந்தீங்கிளமுலைமேல் *

நன்னறுஞ்சந்தனச்சேறு உலர்த்த * தாங்கருஞ்சீர்-

2729 மின்னிடைமேல் கைவைத்திருந்து ஏந்திளமுலைமேல் *

பொன்னரும்பாரம்புலம்ப * - அகங்குழைந்தாங்கு

2730 இன்னவுருவின் இமையாத்தடங்கண்ணார் *

அன்னவர்தம்மானோக்கமுண்டு ஆங்கணிமுறுவல் *

இன்னமுதம் மாந்தியிருப்பர் * - இதுவன்றே

2731 அன்னவறத்தின் பயனாவது * ஒண்பொருளும்

அன்னதிறத்ததே யாதலால் * - காமத்தின்

மன்னும்வழிமுறையே நிற்றும்நாம் *

2732 மானோக்கின்

அன்னநடையாரலரேச ஆடவர்மேல் *

மன்னுமடலூரா ரென்பதோர்வாசகமும் *

தென்னுரையில் கேட்டறிவதுண்டு * - அதனையாம் தெளியோம்

மன்னும் வடநெறியே வேண்டினோம் * -

2733 வேண்டாதார்

தென்னன்பொதியில் செழுஞ்சந்தனக்குழம்பின் *

அன்னதோர் தன்மையறியாதார் * -

2734 ஆயன்வேய்

இன்னிசை யோசைக்கு இரங்காதார் * மால்விடையின்

மன்னுமணி புலம்பவாடாதார் * -

2735 பெண்ணைமேல்

பின்னும் அவ்வன்றிற்பேடைவாய்ச் சிறுகுரலுக்கு *

உன்னியுடலுருகிநையாதார் * -

2736 உம்பவர்வாய்த்

துன்னிமதியுகுத்த தூநிலா நீள்நெருப்பில் *

தம்முடலம்வேவத் தளராதார் * -

2737 காமவேள்

மன்னுஞ்சிலைவாய் மலர்வாளிகோத்தெய்ய *

பொன்நெடுவீதிபுகாதார் * -

2738 தம்பூவணைமேல்

சின்னமலர்க்குழலும் அல்குலும்மென்முலையும் *

இன்னிளவாடைதடவத் தாம்கண்துயிலும் *

பொன்னனையார் பின்னுந்திருவுறுக * -