291 பட்டம்கட்டிப்பொற்றோடுபெய்து இவள்பாடகமும்சிலம்பும் *

இட்டமாகவளர்த்தெடுத்தேனுக்கு என்னோடுஇருக்கலுறாள் *

பொட்டப்போய்ப்புறப்பட்டுநின்று இவள்பூவைப்பூவண்ணாவென்னும் *

வட்டவார்குழல்மங்கைமீர்! இவள்மாலுறுகின்றாளே.

814 நன்றிருந்துயோகநீதி நண்ணுவார்கள்சிந்தையுள் *

சென்றிருந்துதீவினைகள் தீர்த்ததேவதேவனே! *

குன்றிருந்தமாடநீடு பாடகத்தும்ஊரகத்தும் *

நின்றிருந்து, வெஃகணைக்கிடந்தது என்னநீர்மையே?

815 நின்றதெந்தையூரகத்து இருந்ததெந்தைபாடகத்து *

அன்றுவெஃக ணைக்கிடந்தது என்னிலாதமுன்னெலாம் *

அன்றுநான்பிறந்திலேன் பிறந்தபின்மறந்திலேன் *

நின்றதும்இருந்ததும் கிடந்ததும்என்நெஞ்சுளே.

1541 கல்லார்மதிள்சூழ்கச்சிநகருள்நச்சிப், பாடகத்துள் *

எல்லாவுலகும்வணங்க இருந்தஅம்மான் * இலங்கைக்கோன்

வல்லாளாகம் வில்லால்முனிந்தஎந்தை * விபீடணற்கு

நல்லானுடையநாமம்சொல்லில் நமோநாராயணமே.

2275 உற்றுவணங்கித்தொழுமின் * உலகேழும்

முற்றும்விழுங்கும் முகில்வண்ணன் * - பற்றிப்

பொருந்தாதான்மார்பிடந்து பூம்பாடகத்துள்

இருந்தானை * ஏத்தும்என்நெஞ்சு.

2311 சேர்ந்ததிருமால் கடல்குடந்தைவேங்கடம்

நேர்ந்தவென்சிந்தை நிறை விசும்பும் * - வாய்ந்த

மறைபாடகமனந்தன் வண்டுழாய்க்கண்ணி *

இறைபாடியாயவிவை.

2619 நின்றுமிருந்தும் கிடந்தும்திரிதந்தும் *

ஒன்றுமோவாற்றான் என்நெஞ்சகலான் * - அன்றங்கை

வன்புடையால்பொன்பெயரோன் வாய்தகர்த்து மார்விடந்தான் *

அன்புடையனன்றேயவன்?

2779 கோட்டியூர் அன்னவுருவினரியை * திருமெய்யத்து

இன்னமுதவெள்ளத்தை இந்தளூரந்தணனை *

மன்னுமதிள்கச்சி வேளுக்கையாளரியை *

மன்னியபாடகத்து எம்மைந்தனை * -