PTM 17.60 2772 தாமரைமேல் மின் இடையாள் நாயகனை விண் நகருள் பொன் மலையை * பொன்னி மணி கொழிக்கும் பூங் குடந்தைப் போர் விடையை * தென்னன் குறுங்குடியுள் செம் பவளக் குன்றினை * மன்னிய தண் சேறை வள்ளலை 62
PTM 17.61 2773 மா மலர்மேல் அன்னம் துயிலும் அணி நீர் வயல் ஆலி * என்னுடைய இன் அமுதை எவ்வுள் பெரு மலையை * கன்னி மதிள் சூழ் கணமங்கைக் கற்பகத்தை * மின்னை, இரு சுடரை, வெள்ளறையுள் கல் அறைமேல் பொன்னை * மரதகத்தை புட்குழி எம் போர் ஏற்றை * மன்னும் அரங்கத்து எம் மா மணியை * 63
PTM 17.62 2774 வல்லவாழ்ப் பின்னை மணாளனைப் பேரில் பிறப்பிலியை * தொல் நீர்க் கடல் கிடந்த தோளா மணிச் சுடரை * என் மனத்து மாலை இடவெந்தை ஈசனை * மன்னும் கடல்மல்லை மாயவனை * 64
PTM 17.63 2775 வானவர் தம் சென்னி மணிச் சுடரைத் தண்கால் திறல் வலியை * தன்னைப் பிறர் அறியாத் தத்துவத்தை முத்தினை * அன்னத்தை மீனை அரியை அரு மறையை * முன் இவ் உலகு உண்ட மூர்த்தியை * 65
PTM 17.71 2783 கல் நவில் தோள் காளையைக் கண்டு ஆங்குக் கைதொழுது * என் நிலைமை எல்லாம் அறிவித்தால் எம் பெருமான் * தன் அருளும் ஆகமும் தாரானேல் * 73
PTM 17.72 2784 தன்னை நான் மின் இடையார் சேரியிலும் வேதியர்கள் வாழ்விடத்தும் * தன் அடியார் முன்பும் தரணி முழுது ஆளும் * கொல் நவிலும் வேல் வேந்தர் கூட்டத்தும் நாட்டகத்தும் * தன் நிலைமை எல்லாம் அறிவிப்பன் * 74
PTM 17.73 2785 தான் முன நாள் மின் இடை ஆய்ச்சியர் தம் சேரிக் களவின்கண் * துன்னு படல் திறந்து புக்கு * 75
PTM 17.74 2786 தயிர் வெண்ணெய் தன் வயிறு ஆர விழுங்க * கொழுங் கயல் கண் மன்னு மடவோர்கள் பற்றி ஓர் வான் கயிற்றால் * பின்னும் உரலோடு கட்டுண்ட பெற்றிமையும் * அன்னது ஓர் பூதமாய் ஆயர் விழவின்கண் * துன்னு சகடத்தால் புக்க பெருஞ் சோற்றை * முன் இருந்து முற்றத் தான் துற்றிய தெற்றெனவும் * மன்னர் பெருஞ் சவையுள் வாழ் வேந்தர் தூதனாய் * தன்னை இகழ்ந்து உரைப்பத் தான் முன நாள் சென்றதுவும் * மன்னு பறை கறங்க மங்கையர் தம் கண் களிப்ப * கொல் நவிலும் கூத்தனாய்ப் பெயர்த்தும் குடம் ஆடி * என் இவன்? என்னப்படுகின்ற ஈடறவும் * 76
PTM 17.75 2787 தென் இலங்கையாட்டி அரக்கர் குலப் பாவை * மன்னன் இராவணன் தன் நல் தங்கை * வாள் எயிற்றுத் துன்னு சுடு சினத்துச் சூர்ப்பணகா சோர்வு எய்தி * பொன் நிறம் கொண்டு புலர்ந்து எழுந்த காமத்தால் * தன்னை நயந்தாளைத் தான் முனிந்து மூக்கு அரிந்து * மன்னிய திண்ணெனவும் 77
PTM 17.76 2788 வாய்த்த மலை போலும் * தன் நிகர் ஒன்று இல்லாத தாடகையை * மா முனிக்காத் தென் உலகம் ஏற்றுவித்த திண் திறலும் * 78
PTM 17.77 2789 மற்று இவைதான் உன்னி உலவா உலகு அறிய ஊர்வன நான் * 79
PTM 17.78 2790 முன்னி முளைத்து எழுந்து ஓங்கி ஒளி பரந்த * மன்னிய பூம் பெண்ணை மடல் 80