தனியன் / Taniyan

திருச்சந்தவிருத்த தனியன்கள் / Thiruchanda Virutham taṉiyaṉkal̤

தருச்சந்தப் பொழில் தழுவு தாரணியின் துயர்தீர *
திருச்சந்த விருத்தம் செய் திருமழிசைப் பரன்வருமூர் *
கருச்சந்தும் காரகிலும் கமழ் கோங்கும் மணநாறும் *
திருச்சந்தத்துடன் மருவு திருமழிசை வளம்பதியே

taruccanda ppozil tazuvu⋆ tāraṇiyin tuyartīra⋆
tiruccanda viruttam śey ⋆ tirumaziśai pparanvarumūr⋆
karuccandum kāragilum⋆ kamaz kōṅgum maṇanāṟum ⋆
tiruccanda ttuḍanmaruvu ⋆ tirumaziśai vaḻam padiyē

திருக்கச்சி நம்பிகள் / tirukkacci nampikal̤

Word by word meaning

தரு — கற்பக மரம்; சந்தம் — சந்தன மரம் ஆகியவற்றால் நிறைந்த; பொழில் தழுவு — சோலைகளால் சூழ்ந்த; தாரணியின் — உலகிலுள்ளவர்களுடைய; துயர்தீர — துயரம் தீர; திருச்சந்த விருத்தம் — திருச்சந்த விருத்தம் என்னும்; செய் — திவ்யபிரபந்தத்தை அருளிச்செய்த; திருமழிசைப் பரன் — திருமழிசைப் பிரான்; வருமூர் — அவதரித்த ஊர் எது என்றால்; கருச்சந்தும் — சந்தன மரங்களும்; கார் அகிலும் — கருத்த அகிற்கட்டைகளும்; கமழ் கோங்கும் — மணம் கமழும் கோங்குமரங்களும்; மணம் நாறும் — பரிமளம் வீசப்பெற்ற; திருச்சந்தத்துடன் — திருமகள் ஆர்வத்தோடு; மருவு — பொருந்தி வாழும்; திருமழிசை — திருமழிசை என்னும்; வளம் பதியே — செல்வம் மிக்க திருப்பதியேயாகும்

திருச்சந்தவிருத்த தனியன்கள் / Thiruchanda Virutham taṉiyaṉkal̤

உலகும் மழிசையும் உள்ளுணர்ந்து * தம்மில்
புலவர் புகழ்க்கோலால் தூக்க * - உலகுதன்னை
வைத்தெடுத்த பக்கத்தும் * மாநீர் மழிசையே
வைத் தெடுத்த பக்கம் வலிது

ulagum maziśaiyum uḻḻuṇarndu⋆ tammil
pulavar pugazkkōlāl tūkka ⋆ ulagu tannai
vaitteḍutta pakkattum⋆ mānīr maziśaiyē⋆
vaitteḍutta pakkam validu

திருக்கச்சி நம்பிகள் / tirukkacci nampikal̤

Word by word meaning

புலவர் — வேதம் அறிந்த ரிஷிகள்; உலகும் — திருமழிசை தவிர மற்ற எல்லா உலகங்களையும்; மழிசையும் — திருமழிசையையும்; தம்மில் — தனித்தனியே; உள் உணர்ந்து — தம் மனதில் ஆராய்ந்து; புகழ்க்கோலால் — புகழை அளக்கும் துலாக்கோலை; தூக்க — நாட்டி நிறுக்க; உலகு தன்னை — உலகங்களை எல்லாம்; வைத்து எடுத்த — வைத்து நிறுத்தப்பட்ட; பக்கத்தும் — தட்டைக்காட்டிலும்; மாநீர் — சிறந்த நீர்வளம் மிக்க; மழிசையே — திருமழிசையை; வைத்தெடுத்த — வைத்து நிறுத்தப்பட்ட; பக்கம் வலிது — தட்டே வலிமை மிக்கதாய் இருந்தது

TCV 1