தனியன் / Taniyan

பெரிய திருமொழித் தனியன்கள் / Periya Thirumozhi taṉiyaṉkal̤

கலயாமி கலித்வம்ஸம் கவிம் லோக திவாகரம்
யஸ்ய கோபி: ப்ரகாஸாபி: ஆவித்யம் நிஹதம் தம:

kalayāmi kalitvamsam kavim loka tivākaram
yasya kopi: prakāsāpi: āvityam nihatam tama:

திருக்கோட்டியூர் நம்பி

PT.T-1-2

Kalayaami

Word by word meaning

यस्य गोभि: (யஸ்ய கோபி:) — எவருடைய பாசுரங்களின்; प्रकाशाभि: (ப்ரகாஸாபி:) — ஒளியினால்; आविद्यं (ஆவித்யம்) — அஞானமாகிற இருள்; निहतं तम: (நிஹதம் தம்:) — நீக்கப்பட்டதோ அப்படிப்பட்டவர்; लोकदिवाकरम् (லோக திவாகரம்) — உலகத்துக்கே சூரியன் போன்றவரும்; कलिध्वंसं (கலித்வம்ஸம்) — கலியின் கொடுமையைத் தொலைத்தவருமான; कविं (கவிம்) — திருமங்கை ஆழ்வாரை; कलयामि (கலயாமி) — வணங்குகிறேன்

பெரிய திருமொழித் தனியன்கள் / Periya Thirumozhi taṉiyaṉkal̤

வாழி பரகாலன் வாழி கலிகன்றி *
வாழி குறையலூர் வாழ் வேந்தன் - வாழியரோ *
மாயோனை வாள் வலியால் மந்திரங்கொள் *
மங்கையர் கோன் தூயோன் சுடர்மான வேல்

vāḻi parakālaṉ vāḻi kalikaṉṟi *
vāḻi kuṟaiyalūr vāḻ ventaṉ - vāḻiyaro *
māyoṉai vāl̤ valiyāl mantiraṅkŏl̤ *
maṅkaiyar koṉ tūyoṉ cuṭarmāṉa vel

எம்பெருமானார் / ĕmpĕrumāṉār

VaazhiParakalan

Word by word meaning

பரகாலன் — புற மதத்தினருக்கு யமன் போன்ற; வாழி — திருமங்கை ஆழ்வார் வாழ்க; கலிகன்றி — கலியைக் கெடுத்த; வாழி — திருமங்கை ஆழ்வார் வாழ்க; குறையலூர் வாழி — குறையலூர் வாழும்படி; வாழ்வேந்தன் — அதன் அரசனான; வாழியரோ — திருமங்கை ஆழ்வார் வாழ்க; மாயோனை — எம்பெருமானிடத்திலிருந்து; வாள்வலியால் — தமது வாளின் வலிமையால்; மந்திரங்கொள் — திருமந்திரத்தைப் பெற்றவரும்; தூயோன் — அகப்புறத் தூய்மை உடையவருமான; மங்கையர்கோன் — திருமங்கை ஆழ்வாரின்; சுடர்மான — ஒளிமயமான பெருமையை உடைய; வேல்! வாழி — வேல் வாழ்க

பெரிய திருமொழித் தனியன்கள் / Periya Thirumozhi taṉiyaṉkal̤

நெஞ்சுக்கிருள்கடி தீபம் அடங்கா நெடும் பிறவி
நஞ்சுக்கு நல்லவமுதம் *
தமிழ் நன்நூல் துறைகள் அஞ்சுக்கிலக்கியம் ஆரண சாரம் *
பரசமயப் பஞ்சுக்கனலின் பொரி *பரக்காலன் பனுவல்களே

nĕñcukkirul̤kaṭi tīpam aṭaṅkā nĕṭum piṟavi
nañcukku nallavamutam *
tamiḻ naṉnūl tuṟaikal̤ añcukkilakkiyam āraṇa cāram *
paracamayap pañcukkaṉaliṉ pŏri *parakkālaṉ paṉuvalkal̤e

ஆழ்வான் / āḻvāṉ

PT.T-3-4

Nenjukku

Word by word meaning

பரகாலன் — திருமங்கை ஆழ்வாரின்; பனுவல்களே — அருளிச்செயல்கள் எப்படி என்றால்; நெஞ்சுக்கு — மனதில் உண்டான; இருள் — இருளை; கடி தீபம் — போக்கக்கூடிய திருவிளக்காம்; அடங்கா — ஒன்றுக்கும் அடங்காத; நெடும் பிறவி — நீண்ட ஸம்ஸாரத் துயறம் போன்ற; நஞ்சுக்கு — விஷத்தை அறுப்பதற்கான; நல்ல அமுதம் — நல்ல அமுதமாம்; தமிழ் — தமிழில்; நன்னூல் — நல்ல நூல்களில் சொல்லப்பட்ட; துறைகள் — எழுத்து, சொல், பொருள், யாப்பு, அணி என்கிற; அஞ்சுக்கு — ஐந்து இலக்கணங்களுக்கும்; இலக்கியம் — இலக்கியமாம் இவை; ஆரண சாரம் — வேதங்களின் ஸரமானவை; பர சமய பஞ்சுக்கு — வேற்று மதங்களாகிய பஞ்சுக்கு; அனலின் பொறி — நெருப்புப் பொறியாம்

பெரிய திருமொழித் தனியன்கள் / Periya Thirumozhi taṉiyaṉkal̤

எங்கள் கதியே! இராமானுச முனியே! *
சங்கை கெடுத்தாண்ட தவராசா! *
பொங்கு புகழ் மங்கையர் கோனீந்த மறையாயிரமனைத்தும் *
தங்கு மனம் நீ யெனக்குத்தா

ĕṅkal̤ katiye! irāmāṉuca muṉiye! *
caṅkai kĕṭuttāṇṭa tavarācā! *
pŏṅku pukaḻ maṅkaiyar koṉīnta maṟaiyāyiramaṉaittum *
taṅku maṉam nī yĕṉakkuttā

எம்பார் / ĕmpār

YengalGadiyeh

Word by word meaning

இராமானுச முனியே! — இராமானுச முனிவரே!; சங்கை — ஸந்தேகங்களை; கெடுத்து ஆண்ட — போக்கி காப்பாற்றிய; தவ ராசா! — மகா தபஸ்வியே!; பொங்கு புகழ் — உலகெங்கும் பரவிய புகழுடையவரான; மங்கையர்கோன் — திருமங்கை ஆழ்வார்; ஈந்த — தந்து அருளின; மறை ஆயிரம் — வேத ரூபமான திருமொழி ஆயிரத்தையும்; அனைத்தும் — மற்றுமுள்ள எல்லா பிரபந்தங்களையும்; தங்கு மனம் — தரிக்கக்கூடிய மனதையும்; நீ எனக்குத் தா — தாங்களெ தந்து அருள வேண்டும்; இராமானுசரிடம் — எம்பாரின் பிரார்த்தனை; எங்கள் கதியே! — எங்களுக்குப் புகலிடம் போன்றவரே!

பெரிய திருமொழித் தனியன்கள் / Periya Thirumozhi taṉiyaṉkal̤

மாலைத் தனியே வழி பறிக்க வேணுமென்று *
கோலிப்பத விருந்த் கொற்றவனே! *
வேலை அணைத்தருளுங்கையாலடியேன் வினையை *
துணித் தருள வேணும் துணிந்து

mālait taṉiye vaḻi paṟikka veṇumĕṉṟu *
kolippata virunt kŏṟṟavaṉe! *
velai aṇaittarul̤uṅkaiyālaṭiyeṉ viṉaiyai *
tuṇit tarul̤a veṇum tuṇintu

எம்பார் / ĕmpār

PT.T-5

Word by word meaning

மாலை — எம்பெருமானை; தனியே — தனி வழியிலே சென்று; வழி பறிக்க — வழி பறிக்க; வேணும் என்று — வேண்டும் என்று; கோலிப்பதி இருந்த — மரத்தடியில் மறைந்திருந்த; கொற்றவனே! — திருமங்கை மன்னனே!; வேலை அணைத்து — வேலை அணைத்து; அருளும் கையால் — அருளும் கையால்; அடியேன் வினையை — அடியேன் பாபங்களை; துணிந்து — துணித்து; அருள வேணும் — அருள வேண்டும்

Decade 1